يحدث لأول مرة .. كتب محمود محمد طه في معرض الخرطوم الدولي للكتاب خصص معرض الخرطوم الدولي للكتاب في أرض المعارض ببري مساحة كبيرة لعرض كتب مؤسس الحزب الجمهوري السوداني محمود محمد طه. وكشفت جولة لـ (الانتباهة أون لاين) داخل المعرض الخميس عن توفير كمية كبيرة من مؤلفات محمود مع إبراز صورة ضخمة له في المكان المخصص. وتدافع زوار المعرض لمطالعة مؤلفات الراحل التي ظهرت لأول مرة منذ قيام المعرض. منقول
عاصم سلام الاستاذ المهندس محمود محمد طه مفكر لا يختلف فى ذلك اثنان رحمه لذا لازم تعرض كتبه لانه عالم علامه قتله الترابى لكى تخلو له الشاعة للاسف الازهر حكم زورا وبهتانا على الاستاذ المهندس المرحوم محمود طه لان كتبه ليست للعامة بل للخاصة وقبل كدى فى استاذ مصرى يدرس بالازهر وهو صوفى الف كتابا عندما قراه زملايه فى الازهر اجتمعوا بشيخ الازهر وقالوا له هذا الاستاذ الف كتابا مخالفا للشرع فتدخل استاذ زميلهم وقرا الكتاب فقال لاساتذة الازهر هذا الرجل لم يكتب هذا الكتاب للعامة بل كتبه للخاصة من الصوفية فاوقفوا حملتهم ضد الر جل وشنوا هجومهم على الاستاذ محمود محمد طه رحمه مع ان كتبه للخاصة وليست للعامة يا سبحان مالهم كيف يحكمون
10-18-2019, 07:16 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51133
Quote: مجمع الفقه الإسلامي يحظر نشر وتوزيع كتب محمود محمد طه
الخرطوم: الصيحة الآن
أصدر مجمع الفقه الإسلامي بالسودان قراراً حصلت (الصيحة الآن) عليه، بحظر نشر وتوزيع كتب محمود محمد طه.
وكان الأمين العام لمجلس حقوق المؤلف والحقوق المجاورة ، خاطب مجمع الفقه رسمياً لأخذ المشورة بخصوص تداول تسعة من الكتب المحظورة، فجاء الرد واضحاً بالأسانيد الشرعية التي تحظر تداول وطباعة هذه الكتب.
هذا وتم عرض كتب محمود محمد طه، في معرض الخرطوم الدولي للكتاب الذي افتتح أمس.
10-18-2019, 09:56 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5890
انا اشتريت كتاب سيد محمود القمني لاول مرة سنة 1992 من معرض الكتاب بمدني وكانت فعلية يقودها الكيزان
الكتاب يتحدث عن تاريخية الدين المحمدي وسرقته من تراث المنطقة والعصر وانه نتاج طبيعي لتطور الدولة بسبب الصراع بين عبدمناف والمطلب وعلاقة ذلك بالديانات السابقة وخاصة المسيحية النصرانية
لماذا الضجة إذا .....
كتاب محمود ظل علي الدوام موجود في معظم المكتبات المنزلية
وقد يكون موجودا في مكتبات رسمية كما وجد كتاب الحزب الهاشمي الاخطر منه بمراحل
فقط الضجة هي سمتنا معشر الجهلاء !
10-18-2019, 10:31 PM
Asim Ali Asim Ali
تاريخ التسجيل: 01-25-2017
مجموع المشاركات: 13500
سلام عليكم اخ عبداللطيف بالمناسبه فى عهد الكيزان نعم قد توجد كتب كهذه او بشكل عام ممنوعه حسب وعقليتهم لكن لانهم مامنتبهين ليها.ممكن يعرفو اذا عندهم حمله او جاتهم معلومه .لكن هم ماناس وطبعا كادر الامن مازول قرايه عشان يكون متابع فى 95 او 96 سنه التخرج قبل مناشقه مشروع التخرج كنت اعمل فى بيع الكتب المستعمله فى بضاعه زميل هو برضو طالب وتركنى لوحدى فتره الامتحانات بتاعتو .المهم فى واحد بتاع امن من الصباح لافى على فريشه الكتب يقلب فى الكتب وشكلو عندهم معلومه .المهم جانى وانا يادوب بفرش الكتب ومسك كتيب عن الحركه الشعبيه بالانجليزى -يسجل احاديث لضباط منشقين من الحركه والكتيب مطبوع فى دار طباعه حقت كيزان ومعروفه- وبدا يسال الكتيب دا جبتو من وين ؟ ووالبوزعو منو ؟ اسئله بصلف وتعالى (والكتاب ما اظن لفت نظرو الا ب بحروف SPLA و SPLM ).المهم شرحت ليهو بهدوء ان البضاعه لشخص اخر غير موجود وهو عندو كل تفصيل عن اسئلتو والكتيب يباع من فتره ولم يحدث موقف زى دا عن الكتيب.بعد الفطور خليت البضاعه لجارى ومشيت اشوف طباعه مشروع التخرج وصلت وين واشتريت كتب (اذكر كتب المقررات السعوديه من الخرطوم غرب ) وبمجرد وصولى ظهر نفس الشخص ومعاهو واجد تانى عرفنى انو من الجهاز وبسال عن الكتيب وهل فى نسخ ليهو وفى نفس الوقت واحد واقف بعيد شويه معاهم .المهم قلت ليهو مافى غير النسخه دى . بعدعا اخد النسخه منى وطلب منى امشى معاهم وصاحبنا الاول سلم وعليهو وفات .مشيت معاهم مكتب الجهاز بتاع بحرى جنب السوق وخلونى قاعد فى الحوش وكل مره واحديجى يسال .دخلت الحركه متين ؟ واتدربت وين ؟ والعمليات الشاكت فيها ؟ومره سؤال عن معنى كلمه من كلمات الكتيب الانجليزيه . حوالى تلاته ساعات وانا بتوضا لصلاه العصر جانى واحد فى الموضا الظاهر انو متعلم شويه عنهم وعاقل وسالنى تانى كم سؤال.شويه بعد ماصليت سمعتو بيقول ياجماعه الزول دا اخدو بياناتو وخلو يمشى . بعدها بدقائق جا واحد اخد بياناتى ومسك بطاقتى الشخصيه وطلب منى اجى تانى الصباح مع صاحب البضاعه . رجعت للبضاعه وواصلت شغل بعد المغرب جانى الزول السالنى وانا بتوضا وقال لى انا قريت الكتيب وما فيهو شى ودى بطاقتك استلمها دى تجربه لطريقه تعاملهم مع الكتب بالسمع والعناوين بس من غير يعرفو فيها شنو
10-19-2019, 02:33 AM
صلاح أبو زيد صلاح أبو زيد
تاريخ التسجيل: 01-29-2011
مجموع المشاركات: 1434
ويا ريت الشباب من زوار المعرض ايضا يفتشو الكتاب بتاع مذكرات محمد نجيب ده يقرو عشان اليقظة الفكرية التي ستحققها رؤية الاستاذ محمود محمد طه تحتاج الي يقظة سياسية تحررنا من اصر التبعية لمصر وهي من قتلت اعلام الفكر السوداني كلهم بطريقة غير مباشرة وبادواتها الرخيصة المشوهة في االسودان رد الاعتبار لمحمد نجيب ايضا هزيمة للمشروع الامبريلي الشيطاني العطل السودان 60 سنة بعد الاستقلال https://up.top4top.net/
والاستاذ محمود ايضا كان له راي في عبدالناصر والناصرية
وللاسف لمعارض بتاعة الكتب تصحبها فعاليات متنوعة وضيوف من العيار الثقيل ونحن لازلنا نقدم معارض كتب بطريقة 1964 كتب بس كان ممكن تكريم دكتور منصور خالد في فعالية هذا المعرض
10-21-2019, 08:19 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51133
Quote: الجمهوريون ومتلازمة القهر - د. النور حمد - دائرة الحدث - قناة S24 1.494 Aufrufe •20.10.2019 19 8 Teilen Speichern Alfikra 4240 Abonnenten الجمهوريون ومتلازمة القهر د. النور حمد برنامج دائرة الحدث قناة S24 السبت 19 أكتوبر 2019
10-21-2019, 08:27 AM
Deng Deng
تاريخ التسجيل: 11-28-2002
مجموع المشاركات: 52742
فوجئت وأنا أقرأ في الوثيقة الدستورية التي تم التوقيع عليها أن ما سمي بعقوبات الحدود لا يزال موجودا. أرجو قراءة المادة 53 "تقييد عقوبة الإعدام" وهذا يناقض المادة 55 من نفس الوثيقة التي تنص على حرية الاعتقاد، كما أن هناك مادة إسمها "الردة" في القانون الجنائي السوداني لعام 1991 هي المادة 126
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Asim Ali
صديق مهدى على
Yasir Elsharif
adil amin
صلاح أبو زيد
عبدالله عثمان
osama elkhawad
عبداللطيف حسن علي
Deng
فيس بوك
تويتر
انستقرام
يوتيوب
بنتيريست