|
|
|
 Re: small talk صناعة حتى شفوت اللغة لا يجيدونها (Re: محمد عبد الله الحسين)
|
اهلا الاخ محمد
الاسمول تولك ده تعبنى تعب شديد لانه محتاج social skills بالإضافة لمعرفة لصغار الشرر من اللغة...
الناس الماعاشو هنا قد يستغربوا من المصطلح نفسه small talk لانه شكله من نوع انجليزي سيغنال تو لكن الحقيقة انه مصطلح متعارف عليه و مفهوم عند كل الناس ...
نضرب تمثال كما نفعل دائمآ ...
نفترض طالع من الشغل فى الأسانسير ..معاك واحد فى الشغل قد يكون مدير ادارة تانية مافى علاقة مباشرة بينكم لكن لديكم دقيقتين او ثلاثة مع بعض ...
لو سكتوا الموقف يكون awkward ....
هنا تظهر مهارة ال small talker ...تبدا بالحوار بسؤال بسيط ، كيف حالك اليوم ؟ او تعلق عن الجو (بارد /ساخن/ ممطر. او اى مواضيع مشابهة
| |
  
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: النصرى أمين)
|
غايتو دا التعريف اللقيتو في قوقل ..
| Quote: Small talk is an informal type of discourse that does not cover any functional topics of conversation or any transactions that need to be addressed. ... The ability to conduct small talk is a social skill; hence, small talk is some type of social communication. |
بالمناسبة مهارات الشغلة دي ضعيفة جدا بيناتنا السودانيين حتى بلغتنا ناهيك من لغة أجنبية ..
وإذا وجدت بتكون في حدود المعارف والأصدقاء لما يتقابلوا في مقابلات خاطفة ..
لاحظ هسه لو الواحد مسافر وجلس جمبو شخص اجنبي ..
الروح المنفتحه والقابلية على الكلام مع أي شخص في أي موقف بتميزوا بيهو المصريين .
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: محمد على طه الملك)
|
اهلا يا مولانا الملك
والله العظيم اول مرة أقرأ التعريف ده عن الاسمول تولك.
و انت محق اننا نحن السودانيين عندنا (بصورة عامة) عجز فى التواصل مع الآخرين .
تعرف ؛ شدة ما بقيت حريف فى الاسمول تولك بقيت اتفنن مرات ؛ يعنى الزول لو غمض عيونه اساله ؟ Long day
قبل أسبوعين ..واحد اتنهد قدامى و كان اليوم جمعة ؛ قلت ليه ؟ Long day
اجاب ضاحكا long week لكن شعرت بيه ريحته فى حنانه لانه وجد من يشتكى له طول الاسبوع
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: النصرى أمين)
|
ميزة الاسمول تولك انه بزيل ال awkwardness من المواقف..
لمن انت تبدا الاسمول تولك بتريح الطرف الاخر لانه برضه بكون شايل هم التلاته دقائق الجايه..
لمن تبدا ، حينبسط جدا و غالبا يساعدك فى قتل الدقائق التلاتة.
تقريبا يوميا بقيت امارس الاسمول تولك ، امس طالع من البيت الفجر ، واحد سكن جديد فى المجمع ؛ بقينا ماشين على موقف العربات ؛ بعد تحية الصباح ؛ قلت ليه المنطقة مضلمة مفروض يكون فى انارة و عيييييييك صاحبك فتح ..ما صدق .
لو ما بديت الاسمول تولك كنا مشينا متحازين لموقف السيارات كل واحد يتظاهر انه مشغول بتجهيز مفتاح السيارة او مراجعة الجوال
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: muntasir)
|
سلام النصرى
الكنديين غايتو عندهم فرمالة واحدة او 99%
Weather
المهم اول امس في القروسرى اشتريت Turkey بمناسبة الـ Thanksgiving
الزولة في الكوانتر ابتسمت و قبل ما تقول اى شئ, قلت ليها
It is a bad WEEKEND for turkeys
و بعداك عاينت لـ برة و كان اليوم (صني) و واصلت
And it is a baaaad day to be inside too
المهم بقي الموضوع حنك دقاك (بالسوداني) لغاية ما الناس الوراى بدأو يتململو.
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: Mahjob Abdalla)
|
غايتو يا محجوب ؛ كراهيتى فى الدنيا الاسمول تولك مع بتاع الكاشير خاصة إذا فى صف طويل
لو وضعت نفسك محل الكاشير حتجد نفسك حتموت من الملل و اى اسمول تولك ما بطال خاصة عند العجائز من الكاشير .
ذكية جدا تعليقاتك بانه اسبوع سيئ للديك الرومى ؛ فى الاول ما فهمت المقصود ؛ لكن بعد إعادة قراءة الجملة فهمت ان قصدك ان الديك الرومى يموت بالالاف خلال ساعات قليلة إذن هو اسبوع قاتل بالنسبة ليهم .....smart
Very smart..
بالنسبة الجو (حالة الطقس) دى للمبتدئين البرالمة ، نحن بقينا نعمل اسمول تولك من وحى اللحظة .
تعرف بتجلى و ببدع متين ؟ لمن الاحظ الزول بتاع رياضة ...هوكى نتكلم ؛ بيسبول نتكلم ؛ سلة شوية شوية ؛ كره قدم نتكلم
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: النصرى أمين)
|
النصري صباح الخير(بتوقيت الخليج)
و سلامي لود المك و محجوب و كل ضيوفك
تعرف أنا امبارح دخلت توووش قبل ما توضح قصدك بالاسمول توك... لأنه خدعنتني عبارة الونسة الدقاقة
المعروفة عندنا...
و هي كما علقت عليها أنا بأنها الونسة الخاصة جدا ..
يا دوب فهمت معنى الاسمول توك العندكم بأنها ليست إلا عبارات مجاملة..(أو فتح خط )، أو كسر الجمود أو إزالة التوتر الناتج من وجود شخصين تلاقيا عفواً في فضاء ما فينشأ بذلك نوع من التوتر
( كما قال سارتر الآخرون هم الجحيم) فيحاول أحدهما تخفيف حدة التوتر الناجم من عدم المعرفة أو الألفة.
معليش أنا طوّلت الموضوع...عكس ال small talk بتاعتكم..
بمناسبة كسر الجمود أو إزالة التوتر أنا دائما أحب أتعرف بالشخص الذي أجده بجانبي في الطيارة أو القطار أو البص السفري أو في انتظار المعاملات....d:
ساكن وين؟ شغال وين؟ نوع عملك شنو؟؟و f`g; بكتسب خبرات و معرفة و بكسر الوقت>>
..لكن في النهاية ممكن يقولوا عليّ ثرثار..أو معاط.....
في النهاية يا النصري لقيت البوست ده بتاع الدياسبورا بتاع أمريكا و أوروبا لكن ما مشكلة قلنا ندخل رأسنا..حرياوووو..
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: Kamal Alalla)
|
عزيزى محمد عبدالله
| Quote: ي النهاية يا النصري لقيت البوست ده بتاع الدياسبورا بتاع أمريكا و أوروبا لكن ما مشكلة قلنا ندخل رأسنا..حرياوووو.. |
ابدا والله الاسمول تولك ما قاصر على أمريكا الشمالية ؛ فى كل المجتمعات تتكرر المواقف التى تستدعى الاسمول تولك بس فى شمال أمريكا الحوجة اكتر لان الناس منعزلين من بعضهم البعض بعنى جارك الحيطة بالحيطة ما بتعرفه و ما بتعرف قصة حياته.
الناس هنا فى الغرب كل زول فى حاله و معظم الناس يتحنب التداخل مع الغرباء ؛ يعنى مثلا فى السودان قد تضعك الظروف امام اسمول تولك سيتويشن مرة فى الشهر ؛ هنا احتمال فى اليوم الواحد عدة مرات .
الحاجة التانية انه الاسمول تولك challenge بالنسبة لينا بسبب اللغة؛ فى النهاية هى ليست لغتنا ؛ يادوب قدرنا نعرفها عشان نمشى امورنا ...
زمان صاحبى مهلب كان شغال فى السعودية إدارى كبير ؛ قال لى لمن الأجانب يجو لموتمرات كنا بنطقطقهم عادى داخل جلسات المؤتمر او الاجتماعات لكن لمن ننفرد بالواحد فيهم تحصل الاصطكاكه.
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: النصرى أمين)
|
اخونا محجوب
زي كلامك الكنديين ما عندهم ونسة غير ال weather ..لكن الامريكان منفتحين شوية ...أما الإنجليز في بلدهم ما عندهم أي ونسة ولا بيحبوا يتكلموا ، مش بس مع الأجانب، حتى مع اقرباؤهم ما بيتكلموا...
.انا في نياجرا فولز ..بالله تزورونا اذا انتو قريبين مننا ...
النصري
كيف حالك وحال الأولاد...
طولنا منكم ...اطلع من البرد الشديد داك وتعال لينا راجع ..
| |
|
|
|
|
|
|
|
|
|
Re: small talk صناعة حتى شفوت اللغة لا يجيدونها (Re: السر عبدالله)
|
اهلا كمال
اسمح لى اتفلسف شوية فى تفسير الفرق بين كسير التلج و الكلام الدقاق (كتبناهم بالعربى عشان فترنا من تغيير الكيبورد بين عربى و انجليزى)
اتخايل لى المصطلحين بتتداخلوا مع بعض و احيانا يتشابهوا عند الاستخدام لكن ، اظن،
ان الفرق ان كسير التلج معناه ان هناك موقف جمعتهم الظروف فى مكان واحد ، و هتاك حاجز من نوع ما بينهما مما يضطر طرف اختراق الحاجز ده .
بينما الكلام الدقاق ، اصلا مافى موضوع بين الطرفين و الشي المتوقع ان يكون الصمت هو السائد (مع افتراض وجود awkwardness فى طيات السكوت ده.
يعنى لو جمعك الاسانسر مع شخص لا تعرف اسمه لكن تراه فى اامبنى كل يوم ؛ ليس هناك ضرورة للحديث و ice breaking لكن small talk ممكن يكون حل توفيقى
والله اعلم
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
محمد عبد الله الحسين
محمد على طه الملك
Mahjob Abdalla
Kamal Alalla
السر عبدالله
فيس بوك
تويتر
انستقرام
يوتيوب
بنتيريست