|
|
|
 Re: عبدالرحمن الخضر بلع جسر الدباسيين وقطارا� (Re: muntasir)
|
يا مونتي قالوا العاجباهو (.....) ببلع اللالوب
دا ما بتكون عاجباهو هي بس بل بحتفي بيها
الشي البخليهو يبلع كبري عديل بحديدو و صباتو الخرصانية و السفلتيو
ذي ما قال حبيبنا ود موسى ,دي بتبقى القرية البعد كوستي في اتجاه تندلتي :)
ديل بلعو كل شئ ربي ينتقم منهم
| |
 
|
|
|
|
|
|
|
|
Re: عبدالرحمن الخضر بلع جسر الدباسيين وقطارا� (Re: خضر الطيب)
|
اخونا خضر سلامات
عمك كان في خط سته . كان خلاص في المعبر علي وشك دخول الاراضي المصرية
لكن ربك لطف .
قاليك كان متخفي وعامل فيها صعيدي ولابس كولا في الرقبة هههههها . مازمان كان عامل فيها
بطل العالم في ( الهفي ويت ) . الليلة بترجف مالك .
سبحان الله كلهم الليلة زي الكتاكيت . مليارات الدولارات حترجع للشعب الصابر .
| |
|
|
|
|
|
|
|
|
Re: عبدالرحمن الخضر بلع جسر الدباسيين وقطارا� (Re: muntasir)
|
اخونا منتصر سلامات
انت ما سمعت الشاعر القال :
اذا ما الشعب اتحمل .
مصايب الدهر والامه ... مع البلاع ده ايه يعمل ؟
هلالي الهل واتكمل .
قرض جسر البلد اول
واتلحس القطار تاني وما طول .
هلالي الهل واتكمل .
تتتتتتا الليل يا ليل ح يتلتل
| |
|
|
|
|
|
|
|
|
|
Re: عبدالرحمن الخضر بلع جسر الدباسيين وقطارا� (Re: قلقو)
|
اخونا قلقو سلامات
في اماكن محظوظة مرقت من الجلبة بي شوية .
زي جامعة الخرطوم و سوق سعد قشرة وميدان عقرب ومطار الخرطوم
وسجن كوبر و مسجد النيلين وقصر،الشباب والاطفال والمسرح القومي امدرمان
وميدان الربيع ومركز شباب السجانة ومقابر حمد النيل .
المكانات دي كلها قالوا كانت في طربيزة الانقاذ علي وشك انها تنجلب خارج
وداخل السودان .
| |
|
|
|
|
|
|
|
|
|
Re: عبدالرحمن الخضر بلع جسر الدباسيين وقطارا� (Re: Osman Musa)
|
الحديث الداير في البلد اليومين دي . انو عبدالرحمن الخضر هو الرجل الاخطر
في تاريخ الانقاذ . الرجل كان مرعوب ومختفي من اول يوم بعد بيان ابونعوف
كان مختفي في بيت في العمارات الخرطوم . حتي يوم هروبو والقبض عليه
في المعبر .
شنو الشي البخلي الخضر يخاف الخوف ده كلو .؟ الناس تكلمت عن كتير من
المسكوت عنو .
الناس بتتكلم عن وجود علاقة بين الخضر وبعض المخالفات الخطيرة في
الجمارك . وعن الحاويات المقبوضة . وعن منو صاحب الحاويات .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
Amira Hussien
منتصر عبد الباسط
خضر الطيب
قلقو
فيس بوك
تويتر
انستقرام
يوتيوب
بنتيريست