. . ⛔ لمعلومية الجميع...... 👈 للشكاوي والتبليغ عن التلاعب في المواصلات والخبز يمكنكم الاتصال على الرقم (7991) نرجو النشر على اوسع نطاق لمحاربة الجشع. . 📄 أخبار سمحة: 👈 الرئيس الفرنسي سنقدم مساعدات فورية بقيمة 75 مليون يورو.. 👈 الرئيس الفرنسي سنحشد العالم لدعم السودان.. 👈 الرئيس الفرنسي سنسعى لرفع اسم السودان من قائمة الارهاب.. 👈 الرئيس الفرنسي السودان واثيوبيا هم الشجعان في المنطقة. 📌 وينك يا انشراح تجي تشوفينا وين وصلنا بعد ما كنا ############ان وشذاذ آفاق . . 📄 تاني خبر سمح: 👈 أعلن وزير المالية والتخطيط الاقتصادي د. ابراهيم البدوي أن وزارته أطلقت برنامجا لإصلاح الجانب المالي عن طريق تعبئة الموارد وضبط المصروفات وصولا الي عجز مستهدف قابل للتحكم بالاستدانة من الجهاز المصرفي والوصول الي نسبة تضخم معقولة . وبحث البدوي يوم الاثنين مع مديرة الخزانة بوزارة الاقتصاد والمالية الفرنسية أوديل رونو في باريس سبل تعزيز العلاقات الاقتصادية بين الخرطوم وباريس. وجاء خلال اللقاء الذي جري بينهما بمقر وزارة المالية الفرنسية على هامش زيارة رئيس الوزراء د. عبدالله حمدوك الحالية لفرنسا. وأبلغ البدوي وكالة السودان الرسمية للأنباء "سونا" ان اللقاء تطرق الي افضل السبل في قضية إعفاء ديون السودان الخارجية والخطوات الواجب اتباعها من قبل حكومة السودان خاصة فيما يخص التعامل مع بعثة صندوق النقد الدولي المختصة لجهة الإصلاح النقدي والمالي. وقال البدوي إن اللقاء استعرض آفاق التعاون الاقتصادي بين البلدين ونشاط القطاع الخاص الفرنسي لدعم الاقتصاد السوداني في إطار المنفعة المتبادلة بين الجانبين. 📌 ركزوا على (إطار المنفعة المتبادلة) شوفوا الفرق بينها وبين غمت لي وناس حقنا وين.... روحوا الله لا عادكم ولا حلت بباقيكم بركة.... .ه. .ه. 📰 الوطن: 👈 فرنسا تتبنى مؤتمرا دوليا لجذب الاستثمارات إلى السودان 📌 شوف التبني هنا ، موش زي حوار الوثبة لا عندو ام لا ابو . 📰 الوطن: 👈 وزير سابق يطلب من النائب العام التحقيق معه في قضايا فساد 📌 الزول دا أمسكوا فيه ، بي يكون عندو النجيضة . 📰 الوطن: 👈 إطلاق سراح عدوي والفريق محمد مختار واسامة عبد الله من المعتقل 📌 غايتو أسامه عبدالله دا اطلاق سراحة غلط الباقيين مابعرفهم . 📰 الجريدة: 👈 زيادة تعرفة بصات الوالي 100 % 📌 هي بصات الوالي في؟ . 📰 الجريدة: 👈 الشيوعي يطالب بلجنة تقصي دولية وسحب الجنود من اليمن 📌 دا عاوز يجوطها على رفاقته ، نظام ان لم تصلح فضر . 📰 الجريدة: 👈 بلاغات في مواجهة مسؤولين بمفوضيات دارفور 📌 هسع يتمردوا ويعملوا لهم جبهة . 📰 الجريدة: 👈 الجبهة الثورية: الرئيس القادم للسودان سيكون من الهامش 📌 مبروك مقدما . 📰 الجريدة: 👈 تظاهرات للباعة واعتداء على مكاتب محلية بورتسودان 📌 بورتسودان دي فايرة الله يستر منها . 📰 الجريدة: 👈 (الجريدة) تكشف تفاصيل عقد الايجار بين مالية الخرطوم وعثمان الهادي 📌 وعثمان الهادي للناطقين بغيرها هو الامين العام السابق للحركة الاسلامية . 📰 الجريدة: 👈 جامعة أفريقيا تنفي عدم قبولها طالباً بسبب إعاقته البصرية 📌 نكروهو حطب . 📰 الجريدة: 👈 طالبات النخبة يتضامنّ مع ساريا وفصل المتحرش 📌 كلنا ضد التحرش لكن برضو ضد قلة الأدب . 📰 الجريدة: 👈 أحمد المهدي يأسف للتباينات بين قيادات حزب الأمة 📌 نان هو تباين نصاح ، ديل كانوا الأب وبناته في المعارضة وأولاده الرجال في الحكومة والأمن . 📰 الجريدة: 👈 بلاغات في مواجهة مناهضي شركة التعدين بعبري 📌 والله شركات التعدين بلا سيانيد وزئبق المواطن ما لاقي منهن فايده عشان كدا ليهم حق يناهضوها يناهضوا ميتينها ذاتو . 📰 الجريدة: 👈 اليوم محاكمة فريق إعلام التغيير بالقضارف 📌 غايتو العارفينو انه المحكمة تختص بالنظر في القضايا المدرجة في قانون النظام العام الملغي كدي نشوفها حا تحكم كيف . 📰 لإنتباهة: 👈 ضبط نساء يهربن الذهب في “أرحامهن” 📌 أها هسع زي دا يطلعوهو طبيعي والا بي قيصرية؟ . 📰 لإنتباهة: 👈 (130) شركة حكومية تعمل بالخسارة 📌 الكيزان ربي يخسرهم الدنيا والآخرة . 📰 لإنتباهة: 👈 النيابة تطلب تسليم نظامي دهس شهيد المتاريس “مؤمن” 📌 أضرب بيد من حديد . 📰 لإنتباهة: 👈 السيادي: لن نقدم تنازلات لرفع اسم السودان من قائمة الإرهاب 📌 والله لو كانت التنازلات (الفي بالي) نقدمها ولا يطرف لنا جفن . 📰 لإنتباهة: 👈 وزير المالية: البلاد ستعبر المرحلة الاقتصادية الصعبة خلال 9 أشهر 📌 ربنا ينتعها بالسلامة . 📰 الصيحة: 👈 وزير الدفاع لـ(الصيحة): لا خلاف مع “حميدتي” 📌 نتمنى ذلك ، نحن اتو واتو نحن واتو ونحن نحن واتو . 📰 الصيحة: 👈 (الصيحة) تكشف الشروط الحقيقية لإزالة السودان من قائمة الإرهاب 📌 الحمدلله الشرط الأكبر قاعد في كوبر . 📰 الصيحة: 👈 “ماكرون” يستقبل حمدوك و(60) مليون يورو من باريس للخرطوم 📌 (60) مليون يورو صريحة على عينك ياتاجر لا غمتة لا تحت المخدة . 📰 الصيحة: 👈 “البنى التحتية” تقر بخطأ فني في نفق عفراء وتُقرِّر إغلاقه 📌 أممممك.... دا كلامنا القلناهو قبل تلاتة سنين . 📰 الصيحة: 👈 الصحة: (216) حالة كوليرا وتسجيل إصابة جديدة بسنار الخرطوم 📌 ماشين كويس . 📰 الصيحة: 👈 “نداء السودان” يقبل استقالة المهدي ويُطالب بالانضمام للجنائية 📌 انتو ماصدقتوا ؟ م تحنسوا الراجل شوية . 📰 الصيحة: 👈 “حميدتي” في نيالا: الحكومة الانتقالية مُهتمة بقضايا الصحة والتعليم 📌 وريهم عليك الله ، قول لهم ساعدون بالصبر انتو صبرتوا على المخلوع . 📰 الصيحة: 👈 “حميدتي”: هناك تقصيرٌ كبيرٌ من “يوناميد” في حماية المدنيين بالمعسكرات 📌 يوناميد كانت شغالة مع الجماعة بي نظام شيلني واشيلك . 📰 الصيحة: 👈 أسرة د. كمال عبد القادر تدون بلاغاً ضد مدير سجن كوبر 📌 الموضوع دا خاص ابلمجلس العسكري المنحل نحن ما عندنا بيه علاقة . 📰 الصيحة: 👈 تراجع أسعار مواد البناء بسوق السجانة 📌 أسكتوا علي كرتي ما يسمعكم . 📰 السوداني: 👈 رفضَا الإدلاء بأي أقوال التحرش.. تفاصيل ما حدث بين المعلم وتلميذته 📌 مافي دخان بلا نار . 📰 السوداني: 👈 بدء اجتماعات سد النهضة بالخرطوم 📌 والله عاد نحن آبي أحمد دا عزيز علينا شديد ، أخير تبقوا عارفين من هسع يا اولاد هناية . 📰 السوداني: 👈 دراغون أويل الإماراتية ترغب في الاستثمار النفطي بالسودان 📌 دراغون عديييل كدا؟ . 📰 السوداني: 👈 وزير الطاقة: مَساعٍ مع المركزي لتشجيع مُنتجي الذهب 📌 الذهب عاوز جاز . 📰 السوداني: 👈 لجنة عليا لإيقاف مُزاولة الأجانب للتجارة بالبلاد 📌 لو عاوزين الحق المفروض تعملوا لجنة عليا لايقاف السماسرة أول حاجة . 📰 السوداني: 👈 مواطنو البادوبة يعيشون أوضاعاً مأساوية لإزالة مساكنهم 📌 أها دي عينة من فساد الكيزان أكلوا قروش الجماعة من سنة 2001 وجوا في 2018 كسروا لهم بيوتهم . 📰 السوداني: 👈 ضوابط وإجراءات جديدة لتنظيم الاستيراد 📌 والله ضوابط ما ضوابط لو ما وقفتوا ظاهرة تأجير السجلات التجارية دي عمرنا ما تقوم لنا قائمة . 📰 آخر لحظة: 👈 تطور مفاجيء في موقف السودان من حرب اليمن 📌 الحوثيين ديل عاصرين رفاقتهم عصارة جمل بس ، أمرقونا منهم . 📰 آخر لحظة: 👈 وزير الأوقاف لـ(آخر لحظة): لن نفصل الدين عن الدولة 📌 هو ذاتهم هسع في السجن الناس الكانوا بي يفصلوا الدين والكهرباء والسيولة من البنوك . 📰 آخر لحظة: 👈 باريس تحتضن مؤتمراً لدعم السودان 📌 أحيييي أنا من حضن باريس . 📰 آخر لحظة: 👈 الفكي لـ(آخر لحظة): إعلان رئيس القضاء والنائب العام غداً 📌 قول والله . 📰 آخر لحظة: 👈 وزير الصحة: مجلس الصيدلة قام بتأجير مقره لأحد دعاة الإسلام... 📌 هو مين مأجر من مين؟ الشيخ مأجر للمجلس والا مأجر من المجلس . ...... 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست