|
Re: كشف حساب؛ الخواض وآخرون (Re: محمد على طه الملك)
|
الغريبة في متابعتي الدقيقة لكتاب المنبر؛ الزول الوحيد الغلبني أثيره وأخرجه عن أطواره هو هذا المجرم المدعو محمد طه الملك لسبب بسيط المجرم دا أكبر كاتب ساخر بالمنبر وقد وعيت جيداً اللا حدود لسخريته، عشان كدا فضلت طريق السلامة معه قد يقول قائل لا، لأنو صاحبك اسفيرياً ومداخلاتو ناعمة معك أبداً أنا ما عندي صاحب
مرات بجيني أحساس انو بعض مداخلاته فاهمها أنا بس
| |
|
|
|
|
|
|
Re: كشف حساب؛ الخواض وآخرون (Re: أبوبكر عباس)
|
توسط لي يا النذير عند بكري أخونا جلادونا وجلال كنت سببته قبل إيقافي مسبة كبيرة وفِي ذلك درس كبير جلال دا بالرغم من انو شايفي، لكنو يمتلك قلب أمة كاملة المهم قبلت الرجوع للكتابة بالرغم من أنني أعرف أن عمري الاسفيري هنا قد انتهى، لكن واحدة من الحاجات النويت أعملها في رحلة العودة دي هي كتابة هذا البوست وزي ما بقولوا أهلنا الموت من الحياة ما معروف
بكرة لو الكريم هوّن بكتب مداخلة في حق دكتور البندول محمد الحسن حيدر المشرف
| |
|
|
|
|
|
|
Re: كشف حساب؛ الخواض وآخرون (Re: Haytham Ghaly)
|
أبوبكر عباس
سلام الاخ الفاضل المستنير ، الخواض قريبي ، و فارس من دار جعل ، عاصرتة في كبوشية دهراً ، يمتلك ملكة قوية من القافية ، والثقافة العالية ، تفوق أدباً وإخلاقاً وسمواً، ورفعةً ، عااااااااطر الأشواق ، ،،،،،
***
،،،،
عزالدين عباس الفحل ابوظبي
| |
|
|
|
|
|
|
Re: كشف حساب؛ الخواض وآخرون (Re: علي دفع الله)
|
. يا بكري ... حمدا لله على السلامة العودة ... غيابك عن المنبر كان في فترة تاريخية هامة ولكن نعمل شنو قدر ما حنسناك عشان تجي ، عملت غمران ... بالنسبة لي انقطاعك عن المنبر وعدم مقدرتك على الابتعاد ذكرني المثل البقول ... مفطوم اللبن ما بسكتو اللولاي :) . . والتحية عبرك لاستاذنا وصديقنا الخواض ... .
| |
|
|
|
|
|
|
Re: كشف حساب؛ الخواض وآخرون (Re: HAIDER ALZAIN)
|
ول أبا المستنير
سلام .. الفيك أتعرفت ..عرفناك زول راكز .. تقدم أعتذار ينم عن رجل يضع لنفسه وقلمه حساب .. لكن أحذرك .. لا تتعدي أعتذارك لأستاذ الخواض شبر .. ولو فعلت .. أخوك يمحوا أثار خالك شيخ الأمين من ديار البقارة .. ودكان الزنكي المصدي الخلاه وراءه وحافظنا عليه كمتحف لعلاقتنا بالشمال.. بعد ما غني .. نحرقوه زت ونجيبوا ليك اللهيب مولع فوقة بالصورة ومن قرب. كيتاً فيك ..
عشان تعرف العبار يوريك ما عنده مهادنة مع العنصريين .. ومن هادنهم فهو معهم.
بريمة
| |
|
|
|
|
|
|
Re: كشف حساب؛ الخواض وآخرون (Re: محمد محمد قاضي)
|
يا بريمة، يا أخي، خليك حِدق، الإعتذار دا للخواض الرجل دا أديب عظيم لو الناس بتعرف قدر أهلها المفروض نعمل ليهو تمثال جنب الطيب صالح في نص الخرطوم.
الآخرون ديل رجرجة ساكت زي كدا، تشاغبنا مع بعض والود قائم. أنا لو مشاغل الدنيا خلتني؛ بصلو في كالفورنيا للإعتذار.
| |
|
|
|
|
|
|
Re: كشف حساب؛ الخواض وآخرون (Re: أبوبكر عباس)
|
بكور سلامات ياخي خت لي اعتذاري دا جمب بتاعك الخواض دا انا خاشنته في البورد كم مرة لكن دا لا ينقص من قدره شئ زميل عزيز
بس انت لمباتك طرشقت واحدة ورا التانية بقيت شغال بي رتينة شاش قديمة وكيروسين
| |
|
|
|
|
|
|
Re: كشف حساب؛ الخواض وآخرون (Re: عبدالعظيم عثمان)
|
Quote: زي واحد مصري قال لي: ساعدني سوداني إنما إيه ؟؟ إبن حلال. |
واحد زميله بتكلم مع شاب قائلا ( أبوك كان راقل كويس لكن انت طلعت ابن ستين كلب)
جلال راجل همام وذو خلق واخلاق واخلاقيات .. وقريبي الخواض أديب فنان موسوعة وابوبكر راجل حكاي ونجيض كان راق .
| |
|
|
|
|
|
|
Re: كشف حساب؛ الخواض وآخرون (Re: أبوبكر عباس)
|
Quote: Quote: جلال دا بالرغم من انو شايفي، لكنو يمتلك قلب أمة كاملة زي واحد مصري قال لي: ساعدني سوداني إنما إيه ؟؟ إبن حلال. |
المصري عايز يشكر لي سوداني واحد .. باقي السودانيين كلهم طلعهم أولاد حرام بي (إنما إيه) سيم سيم بالرغم من انو ... معقولة بس؟
| |
|
|
|
|
|
|
Re: كشف حساب؛ الخواض وآخرون (Re: محمد محمد قاضي)
|
Quote: يا بريمة، يا أخي، خليك حِدق، الإعتذار دا للخواض الرجل دا أديب عظيم لو الناس بتعرف قدر أهلها المفروض نعمل ليهو تمثال جنب الطيب صالح في نص الخرطوم.
الآخرون ديل رجرجة ساكت زي كدا، تشاغبنا مع بعض والود قائم. أنا لو مشاغل الدنيا خلتني؛ بصلو في كالفورنيا للإعتذار. |
بخ بخ .. بالمستنير .. لم أقرأ أجمل مما كتبه الأديب الأريب الأخ عثمان محمد صالح .. عن الخواض في أيام الدراسة ..
الخواض يستحق كل تقدير .. أذكره تماما في البوست المارثوني الذي فتحه دكتور عبد الله عثمان تحت عنوان تقريبا "النور حمد .. الأرتييريين والأحباش وتشاد أقرب إلينا من العرب" ..
---------------------------------- والله قسماً لم أكن جادي أبداً في حكاية دكان شيخ الأمين .. مكاجرة وحب ساكت بعودتكم .. الأن نحن نبحث وبشدة علي عودة أبناء الشمال إلي ولاية جنوب كردفان .. والوقوف علي ممتلكاتهم وإعادة تأهيلها .. المشاركة الفاعلة تنمية الولاية .. أبدا لا ننسي فضلهم.
بريمة
| |
|
|
|
|
|
|
Re: كشف حساب؛ الخواض وآخرون (Re: Biraima M Adam)
|
Quote: أنا لو مشاغل الدنيا خلتني؛ بصلو في كالفورنيا للإعتذار. |
شكلك يا مستنير زي ما قال هيثم غالي إنك ما جادي في إعتذارك، لو كنت جادي كنت إتصلت تلفونيا على أسامة وبتغنيك عن الذهاب لكالفورنيا
| |
|
|
|
|
|
|
Re: كشف حساب؛ الخواض وآخرون (Re: أبوبكر عباس)
|
سلام فوراول
آسف لتأخري في الرد، إذ كنت معتزما الغياب من الاسافير لمدة غير محددة تحت شعار مقاومة الادمان من اي نوع..
لكن الصديق أحمد عيسى نبهني الى البوست ...
أقبل بقلب صافٍ اعتذار الدكتور ابوبكر وايضا عبدالعظيم ...
ويمكننا تبادل الارقام التليفونية حتى نتعرف على بعضنا بشكل أكثر ألفة..
مع تحياتي لكل المتداخلين.
| |
|
|
|
|
|
|
Re: كشف حساب؛ الخواض وآخرون (Re: أبوبكر عباس)
|
سلام وتحايا للجميع
أعتقد يا أبابكر عباس، أن بوستك هذا "يا رييييال" الويحيد الذي أتَى أُكُله بــ"فَركة كعب واحدة"، والمفارَقة أنه قد بدا من إحدى مُداخلاتك لكأنّك قد صبأتَ يا هذا ..!؟ وكانت معظم "جلالاتك" في بوستاتك التي مضتْ ثم انزوت أن أعلو هُبَل
| |
|
|
|
|
|
|
Re: كشف حساب؛ الخواض وآخرون (Re: محمد أبوجودة)
|
Quote: أقبل بقلب صافٍ اعتذار الدكتور ابوبكر وايضا عبدالعظيم ... |
ليه قبلت بالسرعة دي ؟ كان تتاخر شوية يومين تلاتة عشان بكور دا يسترسل .. وكلما يسترسل بتطلع منو حاجات غريبة لو عارفك بتجي طاير بالسرعة دي كان رسلت لى احمد عيسى في الخاص انه ما ينبهك
| |
|
|
|
|
|
|
Re: كشف حساب؛ الخواض وآخرون (Re: Ahmed Yassin)
|
يا عزيزنا أحمد ياسين
إسراعي كان لأنني رغم اختلافي جذرياً في بعض النقاشات الجادة مع ابوبكر،
لكن لي قناعة راسخة وستثبتها الأيام ، أن الاتفاقات بيننا أكبر بكثير من الاختلافات...
ربما طاقة "السخرية" عند ابوبكر هي التي حجبت تلك الاتفاقات الكبرى والأساسية..
| |
|
|
|
|
|
|
Re: كشف حساب؛ الخواض وآخرون (Re: osama elkhawad)
|
الكبير كبير استاذ الخواض بي قبولك لاعتذار ابو بكر وبقلب مفتوح وبمبادرة تبادل التلفونات تاكد لي تماما البون الشاسع في الخلاف ما بين المستنيرين واصحاب الامخاخ المقفولة شكرا للدروس البتقدموها للناس الشايلة بقج غباينها وحايمة بيها من بوست لي بوست شكرا الجميل خواض شكرا المستنير
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|