حياكم الله جميعا. رجاء خاص تعميم الرساله. دخلنا اليوم السفارة السودانية في مدينة مينسك بدولة بيلاروسيا. اولا نعرفكم بنفسنا،، نحن مواطنين سودانين عددنا لايزيد عن ثمانية أشخاص بكل دولة بيلاروسيا. دولة بيلاروسيا دولة هادئة وصغيرة،، والقانون فيه جدا صارم (بيعرفوا يحسبوا ال ١٠٠ دولار بتمشي وين،، ال ١٠٠ دولار مقصود منه مرتباتهم البيأخدوه من الدولة وبيدفعو منه ضرائب). نحن كسودانين (الثمانيه افراد) كنا نتمني تجينا بعثة دبلوماسية من السودان ولو مرة كل سنتين،، البعثة لايزيد عدد افراده عن ثلاثة أشخاص وتخدمنا بخصوص الجوازات والتجديدات،، وهذه بالغالب كل احتياجاتنا من البعثة الدبلوماسية. الحصل شئ عجيب الكيزان جابوا لينا سفارة،، بس توضيح بسيط للفرق بين بعثة دبلوماسية مكونة من ثلاثة أشخاص وبتجينا مرة كل سنتين وبين سفارة،، نقصد في حجم الصرف من الميزانية العامة ( مرتبات الغلابة في السودان) السفارة البنتكلم عنه وموجودة حاليا في مينسك عاصمة دولة بيلاروسيا حجم منصرفاته السنوية مايقارب المليون دولار (نتمني تجينا لجنة من وزارة الخارجية وتقيم حجم المنصرفات السنوية بالنسبة للسفارة دي بالذات. وربنا يكضب الشينة وماتطلع عشرة مليون دولار). تقيمنا كمواطنين سودانين مقيمين في بيلاروسيا لحجم صرف السفارة من الميزانية بالنظرة: فيلا ثلاثة طوابق مساحته لاتقل عن الالفين متر مربع ايجاره السنوي لايقل عن ١٢٠ الف دولار. ١. الفيلا مفروشة تماما (حتي السلالم مفروشة موكيت) الاثاث والمعدات الكهربائية: (كمبيوترات،، ثلاجات،، طابعات،، مكيفات،، كاميرات مراقبة والخ... وكله ماركات عالمية مثل Apple, Samsung, Hp). ٢. اسطول سيارات يتكون من: اودي Q7 (ستين الف يورو). ميني باص فلوكسواجن (٤٥ الف يورو). مرسيدس لكبار الشخصيات (٥٠ الف يورو). اودي A3 (٢٠ الف يورو). دي العربات الواقفه قدام السفاره وتحمل ارقام دبلوماسية بإسم سفارة السودان. ٣. الموظفين ومرتباتهم: اها قبيل تتذكروا لم قولنا يرسلوا لينا لجنة مكونة من ثلاثة أشخاص مره كل سنتين اها اللجنة دي تكلفته في السنتين تكلفة مرتب الموظفين العراقيين (ايوه عراقيين الجنسية في السفارة السودانية) البفتحوا الباب لسعادة السفير لم يكون طالع لتقضية مشاويرو(بالغالب للجامع،، لان الأخ واضح من علامة الصلاة علي جبهته انو متدين وكثير التردد علي المسجد). نرجع لموضوع المرتبات: حسب كلام مترجم السفارة مرتبات العراقيين في السفارة السودانية،، وهم تقريبا ثلاثة (٢١.٦٠٠ دولار بالسنة مايعادل تقريبا ١.٢٩٦.٠٠٠ بالجنيه السوداني). نبعد عن الموظفين التحت ونجي للمترجم (سوداني) لاحظنا شئ في مقابلاتنا مع موظفي السفارة هو دايما متواجد (في حين نحن وموظفي السفارة سودانيين ونتكلم سوداني،، يعني مترجم مانحتاج،، بس هو اساسي في المواضيع والقنصل يلجاء لاستشارتو). اها دا مرتبه السنوي+تذاكر طيران له ولافراد اسرته+علاوات+بدلات (لبس،، علاج،، سكن،، سيارة) دي تورينا ليه اللجنة المفوضة من وزارة الخارجية وتحديدا من السيدة وزيرة الخارجية. نطلع اعلي شوية ونجي للسفير والقنصل والملحقين (تجاري،، عسكري،، ثقافي والخ...) اها ديل كدا احسبوا انتوا قاصين كم من مرتبات الغلابة في السودان (او مايسمي بالميزانية العامة). عدد الموظفين الشغالين في السفارة مانقدر نديكم عنو معلومة أكيدة،، سودانيين،، عراقيين،، بيلاروسيين رجال ونساء وبنات (بنات حسناوات يقدموا الشاي والقهوة لضيوف السفارة). مرتباتهم السنوية،، تنقلاتهم هم واسرهم داخل بيلاروسيا وسفرياتهم الخارجية،، سكنهم داخل بيلاروسيا،، اكلهم وشرابهم والخ... السؤال البيطرح نفسه: ماعمل السفارة في بيلاروسيا؟ اذا نحن لجأنا ليهم اكتر من مرة في مواضيع بسيطة كتجديد جواز او استخراج جواز جديد وهو عمل السفارة المباشرة دا البنعرفو عن عمل سفارات في الدول التانية بما اننا مقيمين في دولة اجنبية. جواب القنصل علي سؤالنا عمل السفارة شنو،، اذا مابيقدرو يحلو موضوع بسيط كتجديد او استخراج جواز،، اذا السوداني المقيم في بيلاروسيا بينزل السودان بمبلغ لايقل عن الفين دولار ويحل مشاكلو بنفسو. كان رد القنصل قصة كئيبة تدمع له الاعين (انو حلو موضوع طالب جوازو مخلص وادوهو ورقة لمدة شهرين لحدي مايخلص امتحانتو ويرجع السودان). دا الشئ الوحيد الاتكلم عنو بكل فخر(مع العلم ان السفارة اتفتحت ليه تقريبا سنتين).. مانظلمو ونقول بتواجدنا في السفارة جو سودانيين واضح عليهم علامات الصلاة في جباهم واستقبلهم السفير بنفسو وغادرو السفارة بعربات السفارة. كل املنا كسودانيين مقيمين في بيلاروسيا تجينا لجنة عادلة بتمثل ثورة السودان واملنا كبير في رئيس الوزراء ووزيرة الخارجية واي جهة مهتمة بمحاربة الفساد وضميره مؤنبه علي هدر المال العام (مجهود اهلنا الغلابة). اها ياجماعة نحن كسودانين في بيلاروسيا علي استعداد بخدمة السودانين البيقصدو بيلاروسيا مجاني بدون عربات دبلوماسية وفيلل والمنصرفات الموضحة اعلاه. ياريت لو القروش دي تنصرف علي مستشفي،، مدرسة،، طرق،، يستفيدوا منها اهلنا في ولايات السودان الفقيرة الفيها سودانيين بيموتو بالكوليرا ناهيك عن الملاريا وبأشدة حوجة للقروش دي😔. يلا يااخوانا همتكم معانا واعرفو انو دي مارواية من الف ليله وليله لمبالغ خرافية بتتقصي من ميزانية السودان المنهكه لسفارة وجوده ماعندو اي معني ساعدونا نرجع قروش الغلابه اهلنا في السودان المحتاجين فعلاللقروش دي. حافظ قورتي
09-21-2019, 10:23 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10907
يتوجه الرئيس السوداني عمر حسن البشير إلى بيلاروسيا، غدا الأحد 9 ديسمبر / كانون الأول الجاري، في زيارة تشهد توقيع عدد من اتفاقيات التعاون وافتتاح سفارة للسودان في مينسك، بحسب الرئاسة السودانية.
الخرطوم — سبوتنيك. وذكر بيان للرئاسة السودانية، حصلت وكالة "سبوتنيك" على نسخة منه اليوم السبت: "يبدأ السيد رئيس الجمهورية، المشير عمر حسن أحمد البشير، غدا الأحد، زيارة إلى جمهورية بيلاروسيا تستمر ثلاثة أيام، تلبية لدعوة رسمية من الرئيس ألكسندر لوكاشينكو، لبحث سبل تطوير العلاقات السياسية والاقتصادية بين البلدين".
وتابع البيان أن الجانبين سيبحثان "تعزيز التعاون الاقتصادي بين البلدين، خاصة في مجال تصنيع الآليات الزراعية، والتعاون في مجال الثروة الحيوانية".
المنتجات الروسية تدعم قطاع البتروكيماويات في بيلاروسيا وسيوقع الجانبان، وفقا للبيان، عددا من الاتفاقيات ومذكرات التفاهم لتفعيل التعاون الثنائي، وسيفتتح السيد رئيس الجمهورية خلال الزيارة السفارة السودانية في مينسك. ولفت البيان إلى أن البشير سيرافقه خلال الزيارة عدد من الوزراء ورجال الأعمال، وممثلون لاتحاد أصحاب العمل.
وكان رئيس بيلاروس، ألكسندر لوكاشينكو، زار الخرطوم في يناير/كانون الثاني 2017، برفقته وفد وزاري كبير.
ووقع الجانبان السوداني والبيلاروسي، خلال الزيارة، عددا من الاتفاقيات ومذكرات التفاهم في مجالات الطاقة والمعادن والتعليم العالي.
ومطلع مايو/أيار 2017 وقع وفد بيلاروسي زار الخرطوم وقتذاك مع وزراء المعادن والنفط والكهرباء، اتفاقيات للتعاون في مجالات استخدام الأقمار الصناعية، والاستفادة من التجربة البيلاروسية في مجال الفضاء والاستشعار عن بعد.
البشير: السودان يمضي من نجاح إلى نجاح أكبر كما تم الاتفاق على أن يقوم الجانب البيلاروسي بإعداد خرائط للأمطار والمياه الجوفية، ورصد حركة السحب والإنذار المبكر للسيول والفيضانات، والبيانات التي تمكّن من إيجاد الحلول لكل مشكلة. ووفقا لبيان صدر في ختام المباحثات، فإن الوفد البيلاروسي قد تعهد بدعم السودان بخبراء في مجال الرصد، وإعداد الخرائط للمياه الجوفية ومحطات التنقية وحماية مصادر المياه من التلوث ومعالجة مياه الصرف الصحي، إلى جانب إنشاء شبكات المياه ومنظومات الري، وتدريب الكوادر السودانية في كل هذه المجالات.
وفي قطاع التعدين وقّع الوفد البيلاروسي الذي ترأسه، وزير الموارد الطبيعية وحماية البيئة، اتفاقية تعاون وزير المعادن السوداني، تتضمن 5 محاور هي: الاستثمار في قطاع المعادن الصناعية والزراعية والنفيسة والمعادن المصاحبة لها في مربعات بعينها، والقيام بالدراسات البيئية ودراسة التقنيات الحديثة لمعالجة مخلفات التعدين التقليدي وكيفية التخلص منها وإيجاد بدائل لها، فيما شمل المحور الثالث دعم المختبرات وتطويرها وإيجاد وسيلة للاعتماد والتعاون المشترك في جلب التقنيات الحديثة وتدريب الكادر الفني عليها، بينما تضمن المحوران الرابع والخامس التعاون في جلب واستخدام الأقمار الصناعية، والاستفادة من التجربة البيلاروسية في مجال الفضاء والاستشعار عن بعد، والتعاون في السياسات والعمل التشريعي، وكيفية تطويرها لتكون أكثر جاذبية للاستثمار في الموارد الطبيعية خاصة الموارد المعدنية.
وتضمنت الاتفاقية البيلاروسية السودانية، التي شملت كذلك الاستفادة من المعادن الموجودة في ساحل البحر الأحمر خاصة الملح، التعاون في جميع هذه المجالات، وإعداد برنامج عمل مشترك لتنفيذ ما ورد حول الموارد المائية في الاتفاق الإطاري، الذي تم بين رئيسي البلدين.
...... منقول من النت .. التحايا و التقدير استاذة اميرة و الفاضل الحبيب محمد و هذه المعلومات يجب اخذها فى الاعتبار اثناء مراجعة السفارة و الادوار التى كانت تقوم بها و نسال الله التوفيق و السداد لحكومتنا المدنية مودتى و تقديرى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Amina Saeed
محمد عبد الله الحسين
محمد بدرالدين
فيس بوك
تويتر
انستقرام
يوتيوب
بنتيريست