|
|
|
 Re: أعقرت نساء اقصي الشمال عن ان تلد الكفاءات (Re: Farida Mahgoub)
|
سلامات فريدة
عساك بخير يا سيدتي ...
لو كل قبيلة لم يختار منها شخص سواء رجل او امرأة غضبت
إذا مسالة القبلية ما زالت متأصلة فينا و لو لم نخرج منها و ننظر للسودان الميسر
سنعيش عصر إنقاذي جديد ...
صبرا جميلا ... بعد ٣٠ سنة من الإقصاء لابد من زمن للإصلاح و استيعاب الكفاءات
مهما كانت جهتهم ...
الجهوية ضيعتنا كما ضيعنا التهميش يا فريدة ...
تحياتي لك ...
| |
  
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: يحي قباني)
|
أهلا عزيزنا قباني...
مرحبتين حبابك عشرة بلا كشرة في بوستيك....
ابدا يا قباني ....عدد الكراسي كان حيرضي الكل لو تم التوزيع بالعدل....لكن ...
وبعدين نحن ما قبيلة ...نحن اقليم كامل بالاضافة لحلفا الجديدة....
وبعدين حمدوك مصر علي تمثيل كل الاقاليم الا الشمالي....مش حاجة تحير!!!
بالجنبة....
قريت موضوعك بتاع الكلب ....الظاهر كنا في فترة واحدة في مدني....
ابوي الله يرحمه كان نائب الناظر لمدني العليا بنات في بداية الستينات ...وحصلت لينا قصة مشابهة لقصتك ....الكلب بتاعنا لاكي كان جاري وراء العربية لغاية السكة حديد الي ان ركبنا القطار....
منظر لا انساه ابدا....
يا زول الله كريم
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: يحي قباني)
|
نحن ما عايزين نجي بالمحاصصة دول الحكومة الانقالية بس ترجع الاقليم ما قبل الانقاذ باسس جديدة
وننتخب حاكم الاقليم وبرلمان الاقليم في اقرب فرصة و عليهم فقط ان يحددو كيفية الانتخابات وزمنا ونوعا
ولا توجد في الاقليم الشمالي تداعيات امنية تعيق اي انتخابات وتفكيك الدولة الكيزانية
عايز
1- محكمة دستورية فاعلة
2- اعلام حر وواضح يحترم وعي اشعب
قلنا ليكم من الاول يا ناس الاقليم
رؤية ق ح ت دي اعادة لندوير المركز وارتباطاته الخارجية واالاقليمية التي تهب اراضي الناس في استمثارات متبتزلة وحرق نخيل وتهجير وسدود غير علمية
القضية قضية اقليم كامل
رؤية ق ح ت ليس قران منزل ...لابد من تحول ديمقراطي فدرالي واضح
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: Ahmed Yassin)
|
أستاذتنا الحبيبة فريدة
سلامات .. والله وجودك بيننا مفخرة لنا جميعاً ..
أنت براك شايفاني زمان واقف "نار منقد" أم لهيب مع أهلنا .. لكن هل سمعت لي صوت بالمطالبة بحصة لأهلنا البقارة .. وأنا معكي أول من رفض توزيع الحقائب السيادية علماً أن حمدوك مسقط رأسه فركة كعب من قريتنا .. 4 في السيادي لكردفان!!
والله قال في محكم تنزيله (لَوْ كَانَ فِيهِمَا آَلِهَةٌ إِلَّا اللَّهُ لَفَسَدَتَا فَسُبْحَانَ اللَّهِ رَبِّ الْعَرْشِ عَمَّا يَصِفُونَ (22)الأنبياء) .. 4 في السيادي ويعتبر كل واحد فيهم مقددها .. أنا قلت ما عايزين أكثر من نفرين فقط لكردفان .. واحد لشمال كردفان ودكتور صديق تاور لجنوب كردفان ..
ثانياً إذا المحاصصة بتعداد الموت .. هناك 5 قبائل ماتت موت مهول .. النوبة في الجبال، الزغاوة في دارفور .. وقبائل جنوب النيل الأزرق (طبعاً السودانين لا يعرفون حتى أسماءها .. مثل المابان، البرون والأودوك) .. ثم أكبر القبائل التي تم تهجيرها من ديارها مثل اهلكم الحلفاوين زمان .. هم الفور والمساليت بغرب دارفور ,,
وإذا جئنا لأكثر القبائل التي ماتت منقسمة ما بين المجموعتين المتحاربتين: الحكومة وخصومها .. هم نحن القبائل العربية بغرب السودان .. (منطقة جبل عامر وحدها مات ما بين المحاميد وبني حسين .. وهم أبناء عمومة أكثر من ألف رجل .. الأعلام لم يجب لهم خبر، مات ما بين الرزيقات والمعاليا أكثر من 500 رجل في معركة وحدة، كم مات ما بين الحمر والكبابيش أكثر من 30 في لحظة واحدة .. وما بين بطون المسيرية أكثر 150 في معركة واحدة) .. والله في الغرب وصلنا مرحلة أن نهتم بمحاولة أنقاذ الحي .. ثم نأتي لإكرام الميت منا ..
أنا هنا رفعت ثلاثة نداءات .. أنقاذ أبناء النوبة في معسكر إييدا ما بين الشمال والجنوب مفقودي الوالدين 18 ألف طفل، رفعت نداء أنقاذ قبائل الشوابنة في جنوب كردفان .. (وهم خليط سكاني ومكون عريق من سكان ممكلة الفونج والعرب والنوبا) يعيشيون في منطقة جبال شيبون .. أستهدفتهم الحركة بصورة ممنهجة .. فهم وقعوا ضحايا لأنقسام هويتهم ما العروبة والزنوجة .. وكل طرف يعتبرهم .. طابور خامس ..ورفعت نداء أنقاذ تقلي رشاد (وهى مناطق شرق جنوب كردفان .. أنتم تتذكرون منها أبو كرشولة) .. وأبو كرشولة فيها زميل في منبرنا هنا دحس والده بالدبابة وشتت شمل أسرتهم.. وهو في تجمع المهنين وفي قوي الحرية .. لم يقل بغم أن أهله مزقوا شر ممزق .. أنا بريمة القدامك دا فقدنا أكثر من 250 في معركة واحدة .. وحوالي 60 رجل من داخل اسرتنا .. وأعمامي فقدوا أكثر من عشرة ألاف راس من البقر .. بعد أن كانوا أغنياء .. اليوم فقراء يعيشون علي الكفاف ..
وأنا الزول الوحيد الذي جمع أي صورة لأنسان مات مجهول وظهر في الميديا .. وتحققت من مكان قتله .. وما هي الجهات التي كانت متحاربة .. وسوفي يأتي اليوم الذي نذهب فيه ألي أمكنتهم التي ماتوا فيها ونفحص ال DNA بتاعهم .. حتى نعلم أمهاتهم ونساءهم وأولادهم المكلومين وحتي اليوم ..
وما تنسي أنا أنزلت 60 قرية من قري دنقلا والنوبة .. أننا نراقبها تجاه أي تحرك للحركات المسلحة نحوها .. وأنا أعتبر الشمال طوق نجاة بالنسبة لنا .. إذا ما ظل أمناً نحن أمنون ..
وفي كل ذلك لم نطالب بحقوق .. ولا عايزين نكون واقفين فوق أبناءنا الذين وقفوا بصدور عارية أمام القيادة حينما فاض بهم الكيل مما يجري في الوطن ..
------------------------
ونديك سر، من الشمالية .. وفي حلتنا هنا .. وصل نداء من السودان بعودة أحد أبناء الشمال .. ولكن لظروف أسرته ووقفته الطويلة من أجل الوطن لم يستطع ويريد أن يعطي الأسرة حقها .. ونحن الأن ندعم في عودته .. شوفي تجلي الروح الأبية التي تقول لقد تم أنجاز مهمة أسقاط النظام .. ما تستعجلوا النتائج ..
والله يكون في عوننا جميعاً ..
بريمة
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: Biraima M Adam)
|
سلام قريبتى فريدة
فكرة المحاصصة القبلية والجهوية بتعمل تفرقة
اذا كان هناك منطق لاهل المناطق المهمشة بالتميز الايجابى نسبة للتهميش والمظالم التاريخية
فنحن فى الشمال تعانى مناطقنا من ضعف الخدمات الحكومية ولكن تمثيل اقصى الشمال فى السلطة المركزية مستمر فى كل الحكومات
تخريمة
يقال ان وزير الصحة د اكرم على التوم من صاى اقصى الشمال وسكوت كمان
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: Biraima M Adam)
|
نولول ونابا الحل قدامنا والله يرحم جون قرنق ماتو 2000000 جنوبي بجهاد الفطاس وماذون الحور العين ومن 1955 بسبب عدم ((الفدرالية ))وبعد داك مسك الناس الدرب بي اتفاقية نيفاشا ودستور 2005 والمحكمة الدستورية
كل اشكال المركز الغبية زاغت منو ووقف حمار الشيخ في العقبة وقعدنا نولول عينو دي وخلو ده والفرق شنو بين المحاصصة والانقلاب ؟؟
Quote: وأنا الزول الوحيد الذي جمع أي صورة لأنسان مات مجهول وظهر في الميديا .. وتحققت من مكان قتله .. وما هي الجهات التي كانت متحاربة .. وسوفي يأتي اليوم الذي نذهب فيه ألي أمكنتهم التي ماتوا فيها ونفحص ال DNA بتاعهم .. حتى نعلم أمهاتهم ونساءهم وأولادهم المكلومين وحتي اليوم ..
وما تنسي أنا أنزلت 60 قرية من قري دنقلا والنوبة .. أننا نراقبها تجاه أي تحرك للحركات المسلحة نحوها .. وأنا أعتبر الشمال طوق نجاة بالنسبة لنا .. إذا ما ظل أمناً نحن أمنون .. |
العايز يولول يولول والعايز الحل الحل في انتخابات ودولة حقيقية يمسك درب جون قرنق ويفكنا من ساطع الحاج والسنهوري وصديق يوسف بعاعيت مايو 1969 وعلم بابكر عوض الله
الحل قدامك وخلونا من القبائل هسة
ترجع الاقاليم اول حاجة والليلة قبل بكره وتغلي ال18 ولاية دي نهائي ...عشان نقول الانقاذ القبيحة دي انتهت
https://up.top4top.net/
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: adil amin)
|
الكوكلان كلكس عادل،
أنت خلي حكاية الجنسية البنية والخضراء .. وأبقي رجل قدر التحدي .. قول أنا تنازلت من الطرح داك أثناء الحرب .. والله يا عادل وعد نقيف معاك وقفة رجل في مسألة إعادة الأقاليم .. لعهدها السابق ..
ونزيدك كيل بعير .. نسقط عنك "أسم الكوكلكس كلان" ونغيروا بأسم "ول أبا عادل" ..
يا أخوانا في تنازل أكتر من كده ..
بريمة
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: adil amin)
|
بصراحة شديدة
شنو يعني وزير من حلفا او السكوت او المحس او حلفا الجديدة ؟
ظلت حكومات ما بعد الثورات والانتفاضات مزينة بسياسيين من اندنا من عينة الدكتور محمد احمد على ، الى صالح محمود اسماعيل في اكتوبر(يرحمهم الله ) الى ابراهيم طه ايوب (مد الله في عمره بالصحة )في ابريل وتوفيق(يرحمه الله) ورفاقه في حكومات مابعد الانتفاضه
اما الانقاذ فمتعديش ع قولة اولاد بمبة
يا ست فريدة الوزارة جملة كراسيها لا تتعدى ال 20 كرسي وليس في الامكان ارضاء الجميع والكفاءات مليانة عندنا وعند غيرنا
فلننتظر الانتخابات (رغم انها لن تأتي الا بثلاثة اعضاء على الاكثر )والحشاشا يملا شبكته
المهم ان تنتهي الفترة الانتقالية بتحقيق حكومتها حلم الجماهير بالتأسيس لديمقراطية مستدامة ولا يهمنا من اين اتى وزراءها
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: Biraima M Adam)
|
الجميل بريمة انقا مسكاقمي
بالمناسبة يا عزيزنا انا من متابعي كتاباتك خاصة التي تتحدث فيها عن بيئة وعادات وتقاليد البقارة واجدك تجيدها وتكتب عنها بإسلوب شيق وجميل
واحسدك (بس عيني ما حارة) علي كل هذا النعيم الذي انتم فيه ونحن فقدنا الوطن وتقطعت اوصال العلاقات واواصر القربي والتسلسل الطبيعي بين الاجيال ولم تعد لنا بيئة ولا عادات ولا تقاليد لنوصفها او نتحدث عنها....
يا سيدي عندما اشرت انا للشهداء اشرت اليهم كدليل علي مشاركتنا في هذه الثورة مثلنا مثل غيرنا.....إذن وطالما اصبح الموضوع محاصصات فلماذا لم نأخذ نصيبنا ؟ هل لقلة الكفاءات ام لماذا ؟ الي الآن لم نفهم المعايير التي تم
علي اساسها المحاصصة وتقسيم الكراسي....وطالما عدد الكراسي كافي لماذا لا تأخذو انتم ونأخذ نحن ويأخذ الشرق وهكذا.....الا تتفق معي ان هناك ظلما لحق ببعضنا؟ ليه كردفان 4 كراسي..لأن حمدوك من كردفان...أليس كذلك!!؟
بالجنبة
اي عمل اجتماعي يهدف لرفع الغبن عن اهلنا في جهة من جهات السودان عايز تشتغل فيهو بالله تشركني معاك...
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: Biraima M Adam)
|
| Quote: شوفي تجلي الروح الأبية التي تقول لقد تم أنجاز مهمة أسقاط النظام |
طبعا روح طيبة وجميلة ...وجزاهو الله خير علي ما قدم.... بس نحن يا بريمة ما مستعجلين النتائج .....نحن ننادي بالعدل والانصاف....
قالوا كفاءات ...عندنا الكفاءات ....قالوا محاصصة ...عندنا الاقليم....بس يبعدوا من التهميش...
وزي ما قلت الله يكون في عوننا جميعا
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: adil amin)
|
عادل امين انقا مسكاقمي....
اولا صورة البروفايل بتاعتك عبرت عني تماما .....شكرا ليك
ثانيا يا ريت يرجعوا الاقاليم زي ما كانت وننسي حكاية الولايات الكثيرة دي...اتفق معك في هذه النقطة تماما...
كمان التوزيع العادل وكت بقت محاصصات....ولا ايه؟؟
| |
|
|
|
|
|
|
|
|
|
Re: أعقرت نساء اقصي الشمال عن ان تلد الكفاءات (Re: Farida Mahgoub)
|
وااا .. فريد .. واا انسي .. مسكاقمي ...
وكل سنة انتي واسرتك بخير وعافية ..
الملاحظ اغلبية الحكومة ( المجلس السيادي والتنفيذي ) من الغرب
وكأن المهمشين هم فقط من اهل الغرب ... ( والحكاية جاطت )
لما جون قرنق زار الشمالية ولقى البؤس الشديد في المنطقة
قال ليهم انتو ليه ما دخلتوا الغابة ؟؟؟( بمعني التمرد ) ..
نتمنى من حمدوك ان يختار كنداكة من الشمالية لتولى احدى الوزارات الشاغرة ..
تحياتي ,,
عاالم بطاالــــــــــــــــــــــــة ,,,
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Farida Mahgoub
يحي قباني
adil amin
Ahmed Yassin
Biraima M Adam
mohmmed said ahmed
Al Sunda
ولياب
محمد مجيدو
فيس بوك
تويتر
انستقرام
يوتيوب
بنتيريست