سقوط شنو يا جماعه خليكم واقعين ما بنقول انها سقطت الا يتحل جهاز الأمن يتحل الدعم السريع معلومتنا بتقول انو تلاتين فى الميه من جنودو غير ش سودانيين تتنضف كل الوزارات من عفن الكيزان يتحل التصنيع الحربى ويتنضف تتنضف جياد تتنضف البلد من الحراميه والفساد يعنى مثلا خريج سنة ألفين وسبعه لما يمتلك عمارة تلاته طوابق ويكون راكب لاندكروزر وحايمبها فى البلد وبقضى أسبوع فى الشهر فى دبى ول كوالالمبور مافى زول يقول الناس تفتح بلاغات لأنو دى ملوطة مثقفاتيه لأنو قبيل لما اولاد الحرام ديل نخشو المال العام دا ما جوا بالباب عشان كدا الدهنين مابتنفع معاهم مع العلم انهم معروفين بالفرد والأدهى والأمر انهم لسه على راس العمل مش كدا وبس بنهبو فى نهبهم ومش كدا وبس فى ناس منهم مابجو الشغل جاتم مرتباتهم فى بيوتم واحد جابولو خمسين مليون فى البيت قبل تلاته يوم من عيد الضحيه فى بيتو قالو ليهو دى مرتبات شهرين وحوافز عيد قاليهم المرتبات مش بتنزل فى الحساب ضحكو عليهو ومشو دا كلامو من خشمو شركة جياد لمن لايعلم بتملك فى الكيزان عربات موديل السنه دى بمقدم أربعين لى تمانين الف حسب نوع العربيه ولو كتبت للصباح ما يخلص البراهين البتوريك انو الناس ديل لابتين ياخى اقرب حاجه التطبيقات بتاعت البنوك والايتى الحاسمه دى كلها حقتم ياخى لسه اعفاءاتهم الجمركيه شغاله وكوتاتم الدولاريه شغاله بى السعر الرسمي للبنك بشيلوها يومي وبنشر سفكوها بى سبعه وستين وتقولى بالقانون قانون يطلع يدين اهلكم ياخى
09-15-2019, 10:15 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
واصل حديثك التاس ماقادره تتصور المقلب قدر شنو ولو ما الناس اتكربت جد وكملت ثورتها صف الكيزان التالت والرابع حيركب فوق ضهر البلد دى 300 مش 20 . والمشكله الاكبر الناس معشوشه بمظاهر وناس كنكل يوم تظهر حقائق عبر المواقف حتى قرارات التطهير من الدوله العميقه بضغج المجلس العسكرى حتطلع قرارات (تامينها مويه) ولاقوه لها تحياتى
09-16-2019, 00:01 AM
WAD ELGAALI#4
WAD ELGAALI#4
تاريخ التسجيل: 07-11-2002
مجموع المشاركات: 2036
والله ياعاصم زى ماقلت مسالة زمن لو ما الناس اتصرفت بسرعه المرحله ما دايره مثاليه وقانون لأنو حلها الوحيد بلطجه وبعد ننضف نجى نعتزر للشعب وللبلد والله العظيم الشعب دا من صغيرو لى اجعص زول دايرين الناس تنتقملهم من الكيزان ياخى ديل ماخلو حلة بدون غبينه هسى انا شايف الحكومه دى ماشه فى خدمتم للان لأنو لليوم مافى زول هبشم دى ورطة شنو دى وتفتكر هم هسى ساكتين أكيد بظبطولنا فى خاذوق والناس ماعندها عمر لى خاذوق تانى الا هل بلغت اللهم فاشهد
09-16-2019, 02:19 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3469
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة