|
Re: ليست اسمها andquot;مطاردةandquot; الاحباش والارت (Re: محمد جمال الدين)
|
سلام في بوست في المنبر عن مشاركةمهندس مكي الأحمدي لشركة الكوز علا الدين يوسف... دافع مكي باستماتة عن حقة القانوني وقد اقتنعت بدفاعاته... له الحق..لكنه سقط أخلاقيا بتعامله مع نظام اقل ما يقال عنه انه نظام إبادة وتدمير... لو اتخذ الجميع نفس المنطق لما انزوت الإنقاذ.. عن موضوع الهجرة غير الشرعية عبر السودان اكيد هنامصلحة لا يمكن وصفها... لكن من ناحية أخلاقية اقل ما يقال عنها عدم انسانية بقفل الطريق اما انسان سوريا واثيوبيا واريتريا و... انسان ما بين مقصلة الحرب والأنظمة الاستبدادية.. و الانهيار الاقتصادي ( والمستضعفون من....) لنا الخيار اما مصلحة عليا او سقوط أخلاقي.. أتفهم وجهة نظرك.. لكن أضع نفسي مكان السوري و...
| |
|
|
|
|
|
|
Re: ليست اسمها andquot;مطاردةandquot; الاحباش والارت (Re: محمد جمال الدين)
|
من الواتس
https://up.top4top.net/
Quote: الفريق شرطه الطريفي ادريس وزير الداخليه
شفل الكيزان البتعمل فيهو ده ما بمش تاني
ولا بينفع فاحسن تتعامل بالقانون وروح الدوله الجديده وترببه الكيزان
العشتها دي تربيه فساد فما تحمل الامراض والسرطانات الورثتها دي
وتستمر فيها وعاوز تمارس صلف وغرور البشير وتخرمج من الان
اولا الحمله المفتعله ضد الاثيوبين قول 1
الموضوع بتاع الاجانب الافتعلتوا ودورت في الاثيوبين بالتحديد خمش
وضرب واخراجهم من مساكنهم في دفارات ده شغل وسخان ومكشوف
ما بمثلنا نحن كسودانين ولا بمثل الشعب الثار ده شغل بمثلك انت
والمجلس العسكري الشريك في السلطه الاساليب دي اساليب كيزان
نكون معاك واضحين والكوز عمروا ما بينضف لكن بيفهم بالرجم فما
تخلي الشعب ده يقبل عليك والله تترجم وتتكجم زي الما حصل شي
فريق مين انت كلها تربيه كيزان والعملك فريق وهو مشير نفسه الان
في كوبر وغيرهم من الذين ظنوا انهم اقوي من في ارض السودان
واقوي من الشعب فبطل خرمجه نحن كشعب سوداني تاني بنعرف
نتعامل مع اي طاغيه الا باتجاه الحديده البارزه فقط✋
نرجع لموضوع الاجانب .
تنظيم الاجانب وتوفيق اوضاعهم يتم بصوره قانونيه تحفظ لهم انسانيتهم ويعاملوا وفق القانون .
وهذا متعارف عليه في كل دول العالم يعني انت اصدرت قرار لحصر
او تقنين اقامه الاجانب يبقي الاجراء يتم بنشره في الصحف ودعوه
كل اجنبي الحضور الي مكاتب دائره الاجانب لتوفيق اوضاعه بالحصول
علي اقامه ودفع ما يترتب عليه من ضرائب او رسوم اقامه او الذهاب
لاماكن اقامه الاجانب بصوره حضاريه ومنحههم مهله للقيام بتوفيق
اوضاعهم بعد هذه المده اذا وجد اي اجنبي يقيم بصوره غير شرعيه
يتعامل معه وفق قانون الاجانب سواءكان ترحيله او تغريمه لمخالفته
لوائح الاقامه او كسر اقامته كمثال لذلك دبي مفتوحه لكل مخاليق
الكره الارضيه ولكن يدركون ثمن قضاء يوم بعد انتهاء مده الاقامه
ويتم دفعه بدون مجامله مافي زول بيطاردوه او يقابضوه في بيتو
او في الشارع لانو حيجي براهو مارق ويدفع تكاليفوا لذلك الناس
تدخل بالالاف وتخرج قبل ان تخالف مده الاقامه يبقي العملتوا بدفاراتك ده شغل بتاع عنقاله ورباطه وبلطجيه ليس الا.
والحاجه المغترض تعرفها انو الاثيوبين ديل جيرانا وامس رئيسهم
كان معاك في قاعه واحده لاخراج السودان من ازمه كبيره عشان
يجي واحد زيك كده احمق وسفيه يشوه وجهنا مع دوله جاره زي
اثيوبيا تربطنا معهم القارة الافريقيه والدم بالتزاوج فكم سوداني متزوج باثيوبيه انت لا تدري لجهلك ومعاك العساكر العاملين انفسهم
زي الضرات في الحكومه الانتقاليه وهناك شي اخر يجب عليك ان تعلمه اننا يجب ان نسعي لفتح حدودنا وفق اتفاقيات مع دول الجوار
ليستفيد شعبنا مش جاي انت بتعمل بوصايا الكيزان لتدمير جهود بناء
الوطن الذي من اجله تحامل الشعب علي نفسه وترك امثالك يتوجدون
في المجلس الرئاسي فما تستفزنا اكثر .
ونجي للحاجه التانيه في خرمجتك 2
بالامس القريب تم ضرب الشعب الذي خرج في مليونيه القضاء العادل
كمطلب ثوري تم ضرب الشعب واطلاق الغاز المسيل للدموع عليه
وهو يقوم بكل المطالب والمسيرات بسلميه سلميه سلميه فافهم
كويس معني سلميه يعني مافي تغريب ولا تكسير ولا تعدي علي
ايا كان او مكتسبات الدوله الانت وكميه الفرقاء المالين كتوفكم
دبابير ونجوم ما قدرتوا تحافظوا عليها والبشير كان مشفلكم زي
النعاج وعلمكم الفساد وقله الادب وعدم احترام الشعب فكنتوا مجرد
ضباط وجنرالات فاسدين وصامتين للطاغيه الشعب البتفك فيهو بمبان
ده الحررك وغيرك حتي تدخلوا القصر الجمهوري الان وقبلها ما
كنت تدخل الا لتتلقي اوامر او سادي خدمه في شارع النيل عشان
المخلوق الجاهل الكئيب الاسموا البشير ده يكون عازم ليهو لصوص . ليبيع لهم البلد انتهي✋
تحذير امور الكيزان الوسخه دي ما تستمر فيها جيب ليك طبيب نفسي
يؤهلك لتقبل ان تكون كائن بشري والا المزبله ستضمك قريبا .
وكفي
|
الحرب في اليمن احسن تتطلع عليها يمن اعلام حر
| |
|
|
|
|
|
|
Re: ليست اسمها andquot;مطاردةandquot; الاحباش والارتري (Re: محمد جمال الدين)
|
يعني الطريقة الوقحة دي الما فيها احترام الإنسان دي حا ترضي الإتحاد الأوروبي.؟ بعدين علاقاتك تبداها بحسن الجوار وتنطلق بيها لي قدام ولَّ تبداها مع من هم وراء البحار.؟ الإتحاد الاوروبي نفسو لييه بيدي الإقامة للمهاجر..؟ دي حقوق ناس يا سيد.! وبعدين ليه تقبل وانو الإتحاد الاوروبي داير يظهر بمظهر الإنسانية ويشيطنك انت؟ ومع منو؟ مع جيرانك.! الإتحاد الأوروبي ما يطردهم بعد ما يجوهو هناك..؟ حسي الكلام دا معقول، انو نطارد ليهو في جيرانا ذي الأرانب.. معقول..؟ خلي يقوم يلف الإتحاد الأوروبي لأنو الإنسانية لا تتجزأ.
الكيزان بقيادة البشير كان ببيعوا أيي شيئ ممكن يتباع عشان يرضوا الأقوياء.. ومعاها بيع للضمير وللأرض. فشنو مافي زول حا يبيع شيئ تاني.. العلاقات تتبني فقط على المصالح المشتركة اللي ما بتتعارض مع حقوق الإنسان والسيادة الكاملة. بعدين لييه ما يكون عندنا وجهة نظر مختلفة في قضايانا.؟ ولَّ دي ما قضايانا.. الإتحاد الأوروبي يقول اقفلوا الطريق.. نقول ليهو سهل من منح التأشيرة، مش في النهاية ديل اولادنا القاعدين يموتوا من أجل الحياة في اوروبا. بعدين مهم شديد وإنو اخير نبنيهو من غير ما نعاين للجايينا من برا..
سواء كان الحكومة الجديدة او غيرها بيفتكروا ممكن يضحكوا على الشعب بحكاية تقنين الوجود الأجنبي، اخير ليهم يفهموا انو الناس بعد اليوم واعية شديد، والمتابع ردود الأفعال في السوشيل ميديا يعرف تمام انو الناس فاهمة تفرق بوضوح تام بين حقوق الإنسان وتقنين الوجود الأجنبي.
تحياتي واحترامي.
.
| |
|
|
|
|
|
|
Re: ليست اسمها andquot;مطاردةandquot; الاحباش والارتري (Re: محمد جمال الدين)
|
فاهمك تمامًا يا محمد جمال. الداير اقولو وضع السودان مع دول الجوار وضع معقد جدًا، اضافة لطريقة تعامل الاجهزة الأمنية مع مثل هكذا امور تكون دائمًا بطريقة همجية. اضافة لي دا كلو من المفترض كدولة محترمة يكون عندنا وجهة نظر واضحة، مش نكون دائمًا في وضع المتلقي التعليمات من الخارج. اذا كان في اجراءات أمنية دا من حقنا وأمننا قبل ما يكون أمن الإتحاد الأوروبي والتعامل معاهو مفروض يكون بطريقة حضارية. ثم ما كل الحلول أمنية،،، ممكن نصل لي تفاهمات واتفاق مع الإتحاد الأوروبي مثلًا بفتح باب طلب الهجرة عبر القنوات المعروفة من الاراضي السودانية. بإختصار مفروض نكون في منطقة دافئة بين حق الإنسان في الهجرة وبين ما يريده الإتحاد الأوروبي. لكن موضوع ارهاب وتهريب بشر وغيرو مفروض نكون أكثر دقة موضوع السمبك والأبيض المتوسط دا بمثل احلام لكثير من الشباب تصل لي درجة يبيعوا ممتلكاتهم من أجل ذلك.
.
| |
|
|
|
|
|
|
Re: ليست اسمها andquot;مطاردةandquot; الاحباش والارت (Re: Osman Mahmoud)
|
كمان افهمك جدا ومعاك تماما.. ولكن النقطة دي محتاجة كلام
Quote: لكن موضوع ارهاب وتهريب بشر وغيرو مفروض نكون أكثر دقة موضوع السمبك والأبيض المتوسط دا بمثل احلام لكثير من الشباب تصل لي درجة يبيعوا ممتلكاتهم من أجل ذلك.
|
الحل ليس في الهروب من الأوطان لأسباب إقتصادية.. دا حل ضد نهضة البلدان الاصل دي.. الحل في إصلاح الأحوال الاقتصادية والأمنية والسياسية وهذا تفعله الشعوب دي نفسها كفاحا واصالة لا الهروب إلى الأمام من الواقع.. ذلك ليس الحل الا كل الشعوب دي ترحل إلى عالم اخر
| |
|
|
|
|
|
|
Re: ليست اسمها andquot;مطاردةandquot; الاحباش والارت (Re: Yousuf Taha)
|
سلام يوسف طه
Quote: تصريح غير موفق وتدليس وتغبيش للحقيقة سيفقد المجلس الكثير هناك قنوات للطرف الاخر تنقل الحقائق كاملة فلماذا استصغار عقلية المتلقي .
|
كلنا نعرف أن وجود قوات سودانية في الحلف من مخلفات النظام القديم ومخلفات النظيم القديم كثيرة منها المقاعة الدولية وقائمة الإرهاب والمزيد.. كل تلك قضايا وجب التعامل معها.. ولكن قبل كل ذلك الأولوية الكبرى هي تحقيق أهداف الثورة في تصفية مؤسسات النظام القديم وتحقيق العدالة والسلام داخل الوطن.
تصريح مجلس السيادة بما عني الخطة الجارية والمستقبلية لا الماضي.. لا اعرف على وجه الدقة.
| |
|
|
|
|
|
|
Re: ليست اسمها andquot;مطاردةandquot; الاحباش والارت (Re: Gafar Bashir)
|
عزيزي محمد جمال
رغم طول المدة التي لم ألتقي بك فيها ...لكن هناك كثير من المياه جرت تحت جسر مبادئك لو صح لي التعبير... أذكر أنني تخاشنت معك على صفحة عمر دفع الله على الفيس بوك وعمر هدأ الموقف ( والله لا أذكر الموضوع سواء انه شطحة كهذه الحادثة الآن) اراك تعطي الاتحاد الأوروبي الحق في ان يمنع الفقراء واللاجئين والمضطهدين من فرصة المتاوقة على ما تحتويه " موائدهم" والعذر هو محاربة الهجرة "غير الشرعية" او كما يسمونها... أما دعوى أنهم لاجئون "اقتصاديون " كما يقول الاوربيون وتلمح أنت لذلك ...فمالو السياسة و الغربية بالذات هي التي ساعدت في افقارنا بدعم أنظم دكتاتورية وقمعية ومرتشية تقوم بنهب ثروات المواطنين وتركهم للعوز والفاقة ...اما عن الهجرة سواء كانت شرعية ام غير شرعية فأنت قد حكيت قصة لجوءك لهولندا في هذا المنبر ...فالرجاء إعادتها هنا بطريق مقتضب لنرى ..كيف يتم الحكم على مهاجر ما بانه شرعي ام غير شرعي.... اما كلامك عن أن المجلس العسكري قال أن قواتنا في اليمن لا تحارب ...فتجعلني لا أحترم طرحك لأنك لا تحترم عقول من يقرأ لك
ودالبشرى
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|