"الرايقة هوي" إحدي درر التراث الشايقي و تعد من أطول قصائد الشمال..!!

مرحبا Guest
اخر زيارك لك: 09-19-2019, 01:00 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-09-2019, 07:45 PM

سيف اليزل برعي البدوي
<aسيف اليزل برعي البدوي
تاريخ التسجيل: 04-30-2009
مجموع المشاركات: 18005

للتواصل معنا

FaceBook
تويتر Twitter
YouTube


"الرايقة هوي" إحدي درر التراث الشايقي و تعد من أطول قصائد الشمال..!!

    07:45 PM September, 09 2019

    سودانيز اون لاين
    سيف اليزل برعي البدوي-
    مكتبتى
    رابط مختصر




    "الرايقة هوي"
    إحدي درر التراث الشايقي و تعد
    من أطول قصائد الشمال..!!

    **************************

    أغنية الرايقة هوي كانت وحتي الآن صديقة الكل ومنذ تأليفها قبل أكثر من قرن كانت صديقة كل المزارعين وكل الرواويس والجلابة والقفازين والعرب الرحل وكل صمد ساقي وكل معلم واحياناً صديقة الطلبة ..
    شارك في تأليفها عدد من الشعراء فكل شاعر وكل رواسي وكل صمد ساقية وكل مزارع كتب ابياتو فيها وماشاء الله كبرت وكبرت مكانتها في نفوسنا "ويبقالي لي يوم الليلة ماعندها زمان معين لانها لامه كل زمن جواها وماعندها مكان معين لانها قصيدة كل مكان وان ما ابالغ اقول في البكيات ممكن تتقال" وحتي في منتدي التوثيق ماعندها مكتبة معينة لانو صدح بيها 50% من فناني الطنبور ومنهم علي سبيل المثال الفنان بلاص ومحمد كرم الله ومحمد جبارة واليمني وصالح حسين ويسن عبدالعظيم وعثمان عبدالعظيم وميرغني النجار وعمر النافعاب وياسر الحجير وعبود تبوري والطيب وداعة وخليفة التلب بالاضافة الي عدد كبير جدا من رواويس المراكب ولم يكن من الغريب ان يرددها هذا الكم الهائل من المؤدين او الفنانين فهي قصيدة كما اسلفت تحمل العديد من الابيات وفي الغالب ردد كل فنان مقاطع مختلفة ومن النادر ان يردد اكثر من فنان نفس الابيات , وتختلف ايضاً هذه القصيدة في القافية وتتغير في المضمون احياناً .

    النص :---

    اللبيب وَلـّـف جاب فنون
    جاب كلاما يمشي موزون
    لي ام ضميرا ليني عرجون
    هي الدباسة الفوق الغصون
    وهي الضهب في البنك مخزون
    سمحي هَـبَـلت ابان دقون
    الجسيم ما طلعو صابون
    بالزباد والمسك مدهون
    زي الحرير الاصلي في اللون
    تشبه الجدي ... ود اللبون
    الرايقة هووي

    داير اكاسر الهبرة العصير
    فوق محارب تيلات صقير
    إن غفلت وكان لاحلك الدير
    سوي فر القمري في الطير
    خضرتها المزروع في القرير
    مانجض لليلي خدير
    مانقر بالسوس تمرو خير
    يا اله الكون مو كتير
    سوي دارة الحلقة ام فقير
    الرايقة هووي

    الله ياجرك ياعمتي
    فاطني في الحامداب ماها في
    فاطني راحت في ذمتي
    كاتلة اب نشيان عسكري
    في العساكر ود كدكي
    والقصير حُمد علي
    الرايقة هووي

    اماني يالقيقر مالقيت
    يا الاخدت ولاد فرد بيت
    يالبديوي الدابك حليت
    يالبشير للموت مابقيت
    الرايقة هووي

    تبكي بت نعمان الفتاه
    تلي قرنك واملي واطه
    زي ابوك ماولدتو مره
    هد كبد القيقر رمه
    الرايقة هووي

    ابقى زرزور ابرا التمر
    انقد القنديل الحلو ومر
    السلام لي ست الامر
    الرايقة هووي

    يا لبينة الصيف الحليب
    المنضفة من السبيب
    المعلقة في الهنبريب
    كان شربتك خاطري بيطيب
    الرايقة هووي

    العريبي الجالب الملح
    مابيجيب مهرك يا ام شلخ
    الا زولاً سايق القمح
    و تورو تحت الارقوق ينح
    الرايقة هووي

    يا صحابا لى زولي راح
    لاغرق لاشالو تمساح
    شالو قطراً قام الصباح
    الرايقة هووي

    الكريم يا الله سيدي
    ألقى تلبا عاتي وهدي
    الشوتال كاربو بطني
    والربيتون في صفحتي
    الرايقة هووي

    في ضليل الشتلة انتكيت
    شفتها وشافتني وبكيت
    قالت لي اتفضل علي البيت
    نفسي صغرت ودرت المبيت
    قت شكراً كشكر مشيت
    الرايقة هووي

    يافريع السلم الرقيق
    مابيشيل قمريتين طبيق
    واي انا الواقع لي في ضيق
    وحارة نار الغي يارفيق
    الرايقة هووي

    يامسيكة الضربو ابنعوف
    ضربو بالمارتينة ام ضلوف
    ضربو منظوم بين الكتوف
    ضربو لامن حتحت الصوف
    أمن الحامداب من الخوف
    يامكاضبني ارحكا شوف
    الرايقة هووي

    داير أنط الحوش بردلب
    داير أضوق التين والعنب
    داير اشوف ام عكشاً دهب
    العكاكيز فيني رب رب
    ما بخليكـ إلا انضرب
    إلا سيفاً يآخدني تب
    داير أضوق سجنكـ يا صنب
    الرايقة هووي

    يا مهيرة فارس اللعوب
    تلى ايدك ورفرفى التوب
    لقى شلاخك للهبوب
    وكان لقيتك مانى مغلوب
    الرايقة هووي

    يا دباسة راس الفروع
    مالقيت لي دربك طلوع
    ابكي شن حيلتي بلا الدموع
    وسديني ايدك ورا الكوع
    والعذر ما بينفعو الجوع
    الرايقة هووي

    ست حلقة تورها أرقوق
    وست جناينا تحجا وتسوق
    منطرد ليمونها روق روق
    مركبك فاجي الموج تتوق
    الرايقة هووي

    ياقميرية برسلك
    سابقي الطيار والسبك
    روحي للفوق الجيل ملك
    دا الابوك رباك بالضحك
    عمرو مانهرك وزعلك
    الرايقة هووي

    المراكب ياخواني جن
    فيهن القاعدات يضفرن
    فيهن امات حجلن يرن
    المرض يا اخواني هين
    خايفو سببك يبقالي جن
    الرايقة هووي

    للرزينة الساكني في البار
    الفراق ياخواني جد حار
    ان لقيتك ماني محتار
    الرايقة هووي

    المراكب ياخواني جن
    فيهن القاعدات يضفرن
    فيهن امات حجلن يرن
    المرض يا اخواني هين
    خايفو سببك يبقالي جن
    الرايقة هووي

    للدقون جات طامحي من فوق
    وبيتها يرفي الجضمه مطفوق
    ما تخلو اللت يا دلدلوق
    قرو للباشا الرخى السوق
    الرايقة هووي

    مرة جيت انا بالحسيناب
    لقيتا قوسيب القمح كاب
    دابو زارق البوص للشراب
    سيدو زارعو وساعي الكلاب
    الرايقة هووي

    ابقي شحاد انا لي جبب
    اشحد اسلق القط الحب
    العصير عن بيتها قنب
    قت سلام قالتلي مرحب
    اديني موية آجاهله اشرب
    مابيقولو الشحاد خب
    قلبي طاهر خاتي الريب
    الرايقة هووي

    الجواب المكتوب صعب
    ودو لي بت ديسة منكب
    يامهيرة عيسي الاكلو حب
    العمرو في فاشر ما اتغلب
    الرايقة هووي

    يالدويحية الفي الكرو
    يابا ودحاج الفي علو
    الظريف سفرو تبطلو
    وينك آ الدفيق الحلو
    ناس ملفس مابشترو
    الرايقة هووي

    الظريف مسواك الاراك
    داير اقيف اتحدث معاك
    ماب يطيقلي المجلس بلاك
    ربي عالم ريدي تالاك
    الرايقة هووي

    الدويسة الحاجرا الضيب
    العلي انا دربك صعيب
    وليها زيف النيل همبريب
    واي انا الجنيت مستطيب
    الرايقة هووي

    ياشتيل الكوع متردم
    سيدو فلسان رامي الهدم
    في وقاف الضل يحرم
    سوا في اكل الزرزور نضم
    الرايقة هووي

    الفقير جاب لوحو وكتب
    قتلو اقيف ياشيخ العرب
    انت اصلك جاهل السبب
    الحسار وين شفتو ينطب
    الرايقة هووي

    في قنتي غشيت اقيل
    يالصباحي الطابق النفل
    سيد جزايراً مجري البحر
    عندو كم حلقات في المتر
    هن تمنتاشـــــــر بالاقل
    الرايقة هووي

    ريحتك الصندل مو خشب
    ريقك العسل الفي القرب
    نفسك العنبر في العلب
    لحمي بي ريدك انسلب
    وعقلي في دربك انجزب
    جات قميرية قوز رجب
    جات تدودر ونتقد الحب
    وتاكل الرزق المن الرب
    الرايقة هووي

    بنده الله وبقرا ياسين
    وبنده الفقرا الصالحين
    يارجال الله البينين
    تجمعوني انا و الوزيزين
    الرايقة هووي

    من كريمة ركبت القطار
    فكري تايه وعقلي محتار
    مابنوم الليل والنهار
    كلو جور الناس الكبار
    الرايقة هووي

    ياقشيش هبج العيتنوب
    من دقاق ضارباهو الهبوب
    كل مرة اقول دار اتوب
    علا اموت واتوسد الطوب
    الرايقة هووي

    دي الحلا التدخل في النفس
    وقلبي بي آلامو يركز
    نحن في ريدك ندسدس
    جيتي طريتيني العرس
    الرايقة هووي

    الشتيلة الفوق الجرف
    سيدا فلسان قاطع الطرف
    في جريدة المسواك رجف
    وبالحجر صاقع الكرجة كف
    الرايقة هووي

    نركب اكسبريس قطرنا
    والخدر راجاتننا
    في سلامن كبسننا
    ان شاءالله طوكر تشربلنا
    نحن والحبان كلنا
    والجنيه يرقد عندنا
    العزب نملاهو حنة
    والمعرس يلد الجنا
    الرايقة هووي

    الشتيل القايم جديد
    دابو فادع وتاكى الجريد
    لا اتلمس لا دخلتو الليد
    سيدو حارسو يشوف البعيد
    وفوق سبيقو مسوى الحديد
    (ورايقة هوى ليلى انا)

    الشتيل الفوق للفريق
    دابو بقّع وماهو دفيق
    سيدو زاربو معلى السبيق
    وما يعشم فكة الريق
    الرايقة هووي

    الجنينة الفوق البحر
    البرتكان في فرعو صفر
    فيهو ماوكدت النظر
    شفت سيدو انا حالي سدر
    الرايقة هووي

    خدرة المزروع في الترى
    دابو فسخ وكابسو الشرا
    سيدو حالف زول مايرى
    عِلى لامن ينجض برا
    الرايقة هووي

    مرة غفّل شفت الحبيب
    ديسو نازل وهادلو السبيب
    بى صراح كان مشهد مهيب
    ومنو راس الولدان تشيب
    (ورايقة هوى ليلى انا )

    في وداعة التور كنج مر
    ستي ميس تبراني بالبر
    انتق اشرب من الجر
    الرايقة هووي

    احمدالله انا ماني صياد
    وماني حوات في التريعات
    اضرب الفي ضنبو عاجات
    ومسكو يتفاشرنبو البنات
    الرايقة هووي

    الصويدق جدي الكلس
    حاشا لا انتر ولا اتفنس
    في الجزاير زارع العدس
    حاشا ماقال ضربو الفلس
    الرايقة هووي

    ياقميرية برســــــــــلك
    سابقي الطيار والسلك
    قولي للفوق الجيل ملك
    الابوك رباك بالضحك
    عمرو مانهرك وزعلك
    الرايقة هووي

    مره بكسح ومره بنجر
    وماني مركب دايرالا جر
    القى بابور حكم البحر
    ياخي دولابو اليقول فر
    الرايقة هووي

    مشيت للجبنه الضحى
    لقيتو حوشا متربسا
    شاهد الله قليبي انكفى
    الرايقة هووي

    شتيلة المشرق العلولوا سامو
    وقبال ينجض السبابة حاموا
    في الدنيا الزول يعيش قدر أيامو
    وعليك يا الله مو عارف القدامو
    الرايقة هووي

    شتيلة المشرق العلولوا زربو
    بشيل واحدي واتنين ماب أخربو
    الانا دايرو عارفو وقافلي دربو
    يشهد الله ريدك ماب أفشربو
    الرايقة هووي

    الشتيلة الفــــــــــــوق اللبيق
    سيدو حارسو معلي السبيق
    والله كان يرضي وكان يضيق
    جمبو مابنقعد في الفريق
    الرايقة هووي

    الشتيلة الفوق جدولا
    دا الحراريز قالو لي لأ
    داير امد ايدي اتناولا
    تتقطعلك من مفصلا
    الرايقة هووي

    يالبحر تيبس وتبقى سُوح
    وتبقى اقل من دهن المسوح
    وتنقطع من قبل الشيوخ
    داير ازور الرايقة أم شلوخ
    الرايقة هووي

    دا العجو البيشيل متردم
    سيدو فلسان رامي الهدم
    في وقاف الضل محرم
    سوا متل الزرزور نضم
    الرايقة هووي

    يا البقاقيش البي الغــــرب
    لاني دجال لازول كِضـــب
    ياني انا الشاطرابي التِلب
    نومي يا بت البار سِــــلب
    الرايقة هووي

    قلت بسم الله وبديت
    وبي محمد سيدي تنيت
    ياحرير الشل مو تبيت
    سيدو قال بالامتار ابيت
    الرايقة هووى

    انا داير اسافر يوم الخميس
    داير اصاحب الربالو ريش
    يبقو جيراني الرواويس
    ينقطع شيال الحديث
    الرايقة هووي

    بالشرق يحي ود شبو
    بالغرب محي الدين وابو
    الصديق ان جني فكو
    حوطولو المي اليشربو
    الرايقة هووي

    شِتيلْةَ الـمِشْرِقْ الورْزِينَــا كَاكَايْ
    الوَسْطَ البَحَرْ .. لُـو غَادِي لُـو جَــايْ
    الرِّيلَه تَرْجَاكَ بْتَهِبْ في مُنْقَدَ الشَّايْ
    (أَحَّيْ) مُـو نافْعِي .. اللَّقُولْ (وَايْ)
    ليلي انا .. الله الليل
    الليل والليل
    يا الرايقة هووي
    منقول...








                  
|Articles |News |مقالات |بيانات

09-09-2019, 11:30 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 9487

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشايق� (Re: سيف اليزل برعي البدوي)

    سلامات يا سيف ..
    الأغنية فعلا كما تفضلت تراثية ..
    والأبيات الأصلية قيلت في واحدة من حبوباتنا ..
    ونقلوها الروايسية لبلاد الشايقية وزادوا عليها هناك ..
    اسمع الابيات الأصلية من عبد الرحيم البركل ..
    ومن الأسماء والمعالم بتعرف المنطقة..
    مودتي
                  
|Articles |News |مقالات |بيانات

09-09-2019, 11:45 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 11036

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: محمد على طه الملك)

    نعم يامحمد علي طه الملكً
    سمعتها اي
    الأغنية بنص يوكد روايتك
    يامهيرة حمد الملك
    يال ابوك رباك بالضحك
    وعمرو ما ضربك زعلك !

    والقصيدة طويلة حصلت بها إضافات. في ازمنة مختلفة وأماكن مختلفة - والذي سهل الإضافات هو سهولة وسلاسةً القصيدة وبساطة وزنها !
    مع تحياتي اخ سيف ،
                  
|Articles |News |مقالات |بيانات

09-10-2019, 00:09 AM

النذير حجازي
<aالنذير حجازي
تاريخ التسجيل: 05-10-2006
مجموع المشاركات: 6141

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: كمال عباس)

    سلام يا شباب،
    شكرا الملك على المعلومة الضافية، ودي ميزة المنتديات تأخذ المعلومة من منبعها، اعذر جهلي الدرايسة ديل منو؟! على ما أعتقد هم عمال السكك الحديدية صوبني إن كنت مخطئا
    وبرضو مهيرة حمد الملك من ياتو منطقة من السودان؟!
    تحياتي للجميع
                  
|Articles |News |مقالات |بيانات

09-10-2019, 00:37 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 11036

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: النذير حجازي)


    مهيرةً حمد الملكً دي منو ؟
    الإجابة في مداخلة. محمد علي طه الملك فوق ..
    مرات بتتغني
    يامهيرة بت حمد الملك. ،،
                  
|Articles |News |مقالات |بيانات

09-10-2019, 00:43 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 9487

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: النذير حجازي)

    شكرا أستاذ كمال على التعضيد..
    سلامات يا النذير ..
    حمد الملك هو جدي الثالث ..
    والقصديدة بها اسماء شيوخ من المنطقة مثل الشيخ زمراوي الولي وأحفاده أعضاء معنا في البورد منهم مولانا الشاعر المجيد زمراوي..
    والشسخ علي منور حفيدته ايضا بوردابية معانا هنا.
                  
|Articles |News |مقالات |بيانات

09-10-2019, 01:47 AM

النذير حجازي
<aالنذير حجازي
تاريخ التسجيل: 05-10-2006
مجموع المشاركات: 6141

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: محمد على طه الملك)

    شكرا يا كمال والملك، معليش سؤالي من ياتو منطقة في السودان علشان التوثيق لأصل الأغنية، أعتقد زميلنا عبد الإله زمراوي من مناطق المحس او دنقلا، واسم زمراوي والملك برضو كتير في مناطق الرباطاب، علشان كدا ضعت في أصل الأغنية.
                  
|Articles |News |مقالات |بيانات

09-10-2019, 01:53 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 11036

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: النذير حجازي)


    بالنذير
    الأغنية دي زي مدحة تمساح حاج الماحي اللي
    غطت منطقة الشايقيةً شرق وغرب !
    ولكن الأغنية غطت المنطقة من مشارف بلاد المحس وحتي مناطقك اهلك المناصبر. شرق وغرب !
                  
|Articles |News |مقالات |بيانات

09-10-2019, 02:17 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 11036

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: النذير حجازي)


    بالنذير
    الأغنية دي زي مدحة تمساح حاج الماحي اللي
    غطت منطقة الشايقيةً شرق وغرب !
    ولكن الأغنية غطت المنطقة من مشارف بلاد المحس وحتي مناطقك اهلك المناصبر. شرق وغرب !
                  
|Articles |News |مقالات |بيانات

09-10-2019, 12:31 PM

جمال المنصوري
<aجمال المنصوري
تاريخ التسجيل: 04-02-2009
مجموع المشاركات: 137

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: كمال عباس)

    الإخوة / سيف اليزل
    محمد طه الملك
    كمال عباس
    النذير
    تحية طيبة
    من الممكن انو تكون في قصيدة اتقالت في حبوبة الملك
    لكن الإغنية دي تراثية تمشتركة بين المنطقة من الشلال الى دنقلا..
    بس ما متأكد هل الدناقلة بينهو اغانيهم بي ( يالله هوووي ليلي انا ) ولا لا..
    اغاني الشايقية والمناصير القديمة كلها تنتهي بي يا الله هووي سواء كانوا رووايس ولا ناس البلد زاتهم..
    الوصف هنا عام وافتكر انو اشترك فيها اكتر من شاعر محلي تنافسو في الوصف..
    مهيرة حمد الملك ليس اسم بت ، وانما صفة للفرس الكان بيركبها الملك نفسو..
    ومشى شعراء في هذا الطريق في الوصف، كثلا عندكالمقطع:
    الله ياجرك ياعمتي
    فاطني في الحامداب ماها في
    فاطني راحت في ذمتي
    كاتلة اب نشيان عسكري
    في العساكر ود كدكي
    والقصير حُمد علي
    الرايقة هووي

    هل تفتكر ده بخص بت من بنات الملك.. ؟
    كا أظن..
    قصة فاطني في الحمداب ما ها في، في تراثنا قصة ليها شنة ورنة..
    ابنوعوف ده كان صائد تماسيح مشهور في منطقة الحمداب والشايقي والمناصير، انا شخصيا شفتو وانا صغير، راجل نشينجي خلاص،عندو بندق بسموه ابعشرة بيخت الطلقة للتمساح وسط راسو بين العينين بالضبط، ، مرة جابوه عندنا في البلد عشان في تمساح جنن الناس في بهايمهم وحجرهم الحجرة، المهم شفناهو قاعد بين (كير الدونكي) و (حجر الجاسراب) فاكي البندق وينضف فيهو، الواطة عصير، انا ماشفتو لمن ضرب التمساح لكن البعرفو انو تاني التمساح ده تبني لبني ما سمعنا بخبرو..
    والمقطع ده عندو قصة مشهورة في التراث:
    قالو يا سيد عمك فيصفيراء (انثي التمساح) جننت ناس امري والحمداب جن شديد ، ما خلت غنم خرفان بطان، رجال ولا نساء ما هاجمتهم
    اها يا سيد عمك قام ابنعوف قرضها من اول الشوتي، القصة بتقول انو الصفيراء دي هي في الأصل سحارية من ناوا، واسمها فاطنة، اها مرة ابنعوف ده نادوه في دنقلا عشان يكتل ليه تمساح، اها بعد المأمورية ولا قبلا جاء ماري بي ناوا، اها لأقتو ام البنية وسألتو عنها، اها المقطع ده كان اجابة ابنعوف..
    تانيا:
    المقطعين ديل:
    اماني يالقيقر مالقيت
    يا الاخدت ولاد فرد بيت
    يالبديوي الدابك حليت
    يالبشير للموت مابقيت
    الرايقة هووي

    تبكي بت نعمان الفتاه
    تلي قرنك واملي واطه
    زي ابوك ماولدتو مره
    هد كبد القيقر رمه

    دي قصتها معروفة، وهي تحكي عن معركة القيقر بين الشايقية والمناصير من جهة والترك من الجهة الأخرى، اها الترك كانو متحصنين في (القيقر) ونعمان المذكور هني، هو نعمان ودقمر، القام بمهاجمة الحصن وهدكبد القيقر رماه، والكبد هو الباب المصنوع من شقايق الدوم، وعندو كيلون خشبي، مسنن زي زي سنون الترس، تركركوا رك رك حتى يفتح ليك، اها الشعر هني بيواسي بت نعمان بيقول ليها ( زي ابوك ماولدتو مرة)
    والقصة دي خلدها شاعر شايقي تاني قال فيها:
    اماني يا النعمان ماك ولد

    هد كبد القيقر ورقد

    قالو ملك العامراب شرد

    و ود كنيش جدع المفضد

    وخت سوطين في (اب غرد)

    والهدي في كورتي انسند

    الشاهد انو القصيدة دي اشترك فيها الرواويس، وديل برضو اسمهم الطوافة، عشان كانوا بيمشو يشتغلوا في الطين كدي علا الصعيد، ولمن تجي الدميري، كانو بيعملوا ليهم طوف من جزوع الدوم ويجوا حادرين بيهو مع التيار، اها في الطريق بيشاغلوا بعض، كل زول يجيب ليهو جدعة من منطقتو عشان كده القصيدة ما مترابطة كل مقطع مقطعين بيشكلوا قصة قايمة بي زاتها.
    التراث مليان حاجات كتيرة جميلة بس الزمن ما بساعد عشان تتحكي.
    مودتي

                  
|Articles |News |مقالات |بيانات

09-10-2019, 02:30 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 9487

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: جمال المنصوري)

    سلامات أخونا جمال المنصوري ..
    ةالله إضافتك جميلة وياريت تزيدنا ..
    نعم الاشياء التراثية مشتركة ومتنقلة ..
    طبعا مناطقكم متخصصه في أيقاع الدليب ..
    واعتقد الاغنية جابودي وهو الإيقاع الغالب في مناطقنا ..
    عموما أنا ما اختصاصي ممكن قريبنا احمد يسن يفند الحتة دي بحكم الخصص ..
    الأسر التي تحمل اسم الملك كثيرة في جهات السودان المختلفة ..
    بل اسم حمد الملك موجود عندنا في القولد وفي كجبي وبين العمراب في أمري وفي الحلفاية ..
    بس بتاعين الحلفاية ومروي وكجبي أهل أخونا تاج السر الملك بينا تداخلات ونسب من قديم ..
    محمود بن الملك جاويش المنسوب ليهو نسب اسر الحلفاية امه شقيقة جدنا حمد الملك المذكور ..
    وحصلت زيجات لاحقة من آبانا في الحلفاية وأهلها يعرفون العلاقة ..
    ابنعوف صياد ماهر نسجت حوله العديد من الحكاوى ..
    وقيلت فيه ابيات شعرية عديدة أحفظ منها :
    ابن عوف ولا ما بخاف
    كتف التمساح بالخلاف
    جابو في مركب ما هو طوف
    المكضب قوم امشي شوف.
    برضو ايقاع الغنية مطابق ..
    بالنسبة لمقطع ألله هوي ..
    أظنا افتتاحية عامة انتقلت حتى لأغاني الحقيبة فيما أظن ..



                  
|Articles |News |مقالات |بيانات

09-10-2019, 03:04 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 9487

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: محمد على طه الملك)

    الأغنية دي برضو صاحبها روايسي يا المنصوري ..
    لأنو بعد يوصف مسكة ويشبها بالكربشين المصري أرقى الاقمشة في زمنه ..
    وببالغ في وصف جمالها إلى الحد البقول فيهو البشوفا مرة بيعمى تاني ما بشوف ..
    والبلمسها إنشاء الله للسنة الجاية ينشف ويبقة زي قشر البصلة ..
    بعد داك يرجع يشكر مركبة ويبدع في وصف قدرتها على الابحار حتى لو قماش الساري ملفوف ..
    ثم يعود لييصف مهارته في قيادتها .
                  
|Articles |News |مقالات |بيانات

09-10-2019, 10:43 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 3880

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الشا� (Re: محمد على طه الملك)

    الملك الحبيب .. مثل هذه الاغاني لرواويس
    واكثر تواجد الرواويس كان بين دنقلا وكريمة
    بالاصح إلى كرمة النزل لأن شلال كجبار عندنا
    وشلال السبلوقة كان عائق جنوبا وشمالا
    الرواويس كان بعض غناء عندهم بالعربية
    مثل :
    احمد الله أنا ماني ندمان
    احمد الله أنا صرمان
    الدهب راقد لي كيمان

    الضهر في كرمة صليت
    العصر في كريمة صليت
    ابوحمد قبل النوم مشيت

    اشهر من كان يجيد اغاني الرواويس شرق كان عمنا إدريس طمبراوي
    من منطقة ارقو أبوحجار منطقة ناس ادريس ابراهيم
    القصيدة طويلة بس الذاكرة



    يد
                  
|Articles |News |مقالات |بيانات

09-11-2019, 00:14 AM

كمال عباس
<aكمال عباس
تاريخ التسجيل: 03-06-2009
مجموع المشاركات: 11036

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: علي عبدالوهاب عثمان)


    نقطةً خلاف بسيطة مع الأخ المنصوري

    مهيرة حمد الملك. ليس صفة للفرس او المهرة والدليل
    والدبل ان الأغنية تمضي لتقول

    يامهيرة حمد الملك يا "الأبوك " رباك بالضحك الخ
    ابوها رباها بالضحك ولم ينهرها يوما !
    المقطع دا ممكن يكون كاتبه شاعر شايقي متغرلا في احدي بنات حمد الملك !
    *
    المهم هنا ان هذا العمل الأدبي والتراثي - ليس قصيدة.واحدة لشاعر واحد !وانما هو عدة. مقاطع كتبت في ازمنة وأمكنة مختلفة بواسطة عدة شعراء -ولكن بنفس الوزن واللحن والسلاسة !
    وربما. كتب النص الأول في العهد التركي - مرورا بزمن وابور البحر والقطار العادي والاكسبرس !


                  
|Articles |News |مقالات |بيانات

09-11-2019, 00:35 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 9487

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: علي عبدالوهاب عثمان)

    علي أمس اروى نسي ..
    أضافتك صحيحة كانت في أغاني بالعامية المحلية وبعضها بالنوبية ..
    والملاحة كانت بين كرمة وكريمة زيما تفضلت ..
    وكان ليها دور كبير في الربط الاقتصادي والثقافي والاجتماعي بين هذه المناطق ..
    واستمرت بعد ظهور البواخر النيلية التي حلت محل المراكب الشراعية ..
    ويقال أن السلطات اخدت شباب الرواويس ودربواهم على قيادة البواخر لأنهم كانوا الأكثر معرفة بمناطق الملاحة الجيدة على طول المجري من كرمة الي كريمة ..
    طبعا سبب شهرة الرواويس في الغناء واجادة عزف آلة الطمبور ..
    لكونهم كانوا بستغرقوا اسابيع وشهور داخل الماء بعيدين عن أهاليهم ..
    كانت تسليتهم وانسهم الوحيد مع طنابيرهم ..
    وربما ظاهرة الحان الحنين الدافقة التي طغت على الحان هذه المناطق يرجع لذلك الإرث.
                  
|Articles |News |مقالات |بيانات

09-11-2019, 01:51 AM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 3000

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: محمد على طه الملك)

    Quote: مهيرة حمد الملك. ليس صفة للفرس او المهرة والدليل

    الارجح انه شبهها بــ"مهرة" حمد الملك ، الاعيان قديما كانوا بهتموا بدابة الركوب اهتمام شديد وهي جزء اساسي من
    الimage بتاعتهم ، وعادة يكون حمار او حصان او مهرة احدهم هو الافضل والاجمل زينة والناس بعرفوهو من بعيد
    وحتى بعرفو صوتو قبل ما يشوفوهو.
    الاغنية الشايقية الكلاسيكية جميلة جدا ومعبرة رغم رتابة الحانها او تكرار ايقاعاتها ، لكن جمال الكلمة والرقص بتاع الكورس
    بيغطي على عيوب الالحان.
                  
|Articles |News |مقالات |بيانات

09-11-2019, 02:26 AM

جلالدونا

تاريخ التسجيل: 04-26-2014
مجموع المشاركات: 7162

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: Abdullah Idrees)

    سلام للكرام الهنا
    قى بوست ود المدير عن غضروف عووضة كتب
    ___
    الزِبيّد الفي الحجرة قام
    يرعي فوقو الوِز والحمام
    _____
    و هنا وردت كلمة الزباد فى المقطع ده فى قولهم
    بالزباد والمسك مدهون
    تصدقوا الزباد الهنا طلع كديس و فى وصفه انه قصير الارجل عن الهرة العادية و لكنه يفوقها بطول الوش و الضهر
    بنى اللون مع خطوط او نقاط سوداء ,و على بطنه ... ذكر كان و انثى ... تنمو غدد يستخلص منها هذا العطر بعد ... كحتها ...
    اها اجيكم لى واحدة قطعتها من راسى وهى الزبود قوقلتها أكان القاها ليكم ما ساهلة
    هى اسم منطقة فى اليمن اسمها كدمة الزبود و كذلك فى الاردن
    و اسم لى رقصة شعبية رقصة الزبود
    و الزبود ما اختلط بالزبادى من طعام اخر فهو مزبود
    اهلنا ديل تاريهم ما كانوا هينين

    (عدل بواسطة جلالدونا on 09-11-2019, 02:31 AM)

                  
|Articles |News |مقالات |بيانات

09-11-2019, 03:49 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 13211

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: جلالدونا)

    ود البرعي وضيوفه الكرام،
    لكم مني السلآم.

    هذا الضرب من الغُنا أنا مسميه الغُنا البروس بأعتبار إنو ما عندو
    سِيّد، وكأنه قايم بروس، ويوجد كثير في غُنانا خاصةً علي ضفاف
    النيل حيث الرواويس والترابلة، وهذا الضرب من الغُنا كان يقصّر
    لهم طول الليل ويأنسهم في وحدتهم وهم يرعون خدآرهم ويقدفون
    مراكبهم ويتمدد هذا الضرب من الغُنا وتتعدد مواضيعه من مكان
    إلي آخر.
    أهديكم الرآبط أدناه عله يضيف إلي حديثكم الشيّق:
    Re: يا رايد الْجمال حوِّد على الخرتوم، إهداء لمولانا محمد المرتضى حامدRe: يا رايد الْجمال حوِّد على الخرتوم، إهداء لمولانا محمد المرتضى حامد
                  
|Articles |News |مقالات |بيانات

09-11-2019, 05:23 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 4908

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: معاوية المدير)

    الوصف لمهرة الزبير حمد الملك وبيتهيأ لي هذه المهرة الأصيلة تم جلبها ..
    لمنطقة الشايقية من دنقلا بواسطة خواجة أتى حاكما للمنطقة جاء أليها مستقرا من دنقلا ..
    وقد تم ارجاعها لوفاءها لمالكها الزبير حمد الملك الذي أتى زائرا فحنت إليه ..
    وصهلت معلنة علمها بقدومه بعد ردح طويل من الزمن والمفروض إنها تكون نسته ..
    لطول المدة لكنها لم تنساه فكأني قرأت حاجة بالشكل ده هنا في سودانيز أون لاين ..
    في إحدى صولات وجولات عمدتنا محمد علي حمد الملك الباذخة والماتعة في آن ..
    فيا مهيرة حمد الملك أتت كوصف للمحبوبة وتشبيهها بمهرة حمد الملك ..
    ثم قال الشاعر يا الأبوك رباك بالضحك بعدم اغضابها وضربها ونهرها تدليلا ..
    وأتى هذا المقطع كمقطع منفصل يختص بوصف آخر المحبوبة وطريقة تربيتها ..
    أي ليس وصف لمهرة الزبير حمد الملك الذي كان يهوالآخر تشبيها للمحبوبة .. ..

    رغم اعتقادي بأن هذه الأغنية منشأها منطقة المناصير ..
    لكن ايقاع الجابودي بتاع الدناقلة يجهجه باكات الزول ..
    لان المنطقة التي تلي مناطقنا ومابعدها وانت متوغل جنوبا ..
    لا تستخدم ايقاع الجابودي بل تستخدم إيقاع الدليب ..
    وكثيرة ما اعتبر شخصيا هذا الايقاع حد فاصل غير مرئي للمنطقة ..
    من تلقى الناس بتطرب للجابودي وبتستخدمه وتعرض عليهو ..
    اعرف إنك دخلت مناطق دنقلا تمام مثل كردون اللغة النوبية ..
    من تدقش اضانك اللغة الدنقلاوية أكيد أنك استشرفت مناطق الدناقلة ..
    فالأمر ده بيحدد ليك بداية ونهاية الحد الفاصل بين القبائل والمناطق بلا أي غبش ..
    وبيشكّل حد فاصل بين مناطق دنقلا ومايليها مباشرة من مناطق البديرية ..
    رغم التداخل القوي والمتين والتحالف القديم بين الدناقلة والبديرية تاريخيا
    ..
    ده بوست محفّز على الاندياح وأكثر من جميل ..
    واصلوا وامتعونا ..
                  
|Articles |News |مقالات |بيانات

09-11-2019, 05:27 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 4908

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: جمال ود القوز)

    بالمناسبة كتصحيح لمعلومة وردت في مداخلة أخونا المنصوري الفخيمة ..
    أبن عوف صائد التماسيح المشهور من عندنا ( منطقة سوري جنوب دنقلا .)

                  
|Articles |News |مقالات |بيانات

09-11-2019, 06:14 AM

محمد عبد الله الحسين
<aمحمد عبد الله الحسين
تاريخ التسجيل: 01-02-2013
مجموع المشاركات: 5557

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: جمال ود القوز)

    تحياتي الأخ سيف اليزل و الإخوة المتداخلين: ‏
    شكرا على هذه الاتكاءة التراثية الثقافية و التاريخية..التي تحكي عن حياة الناس في ‏زمن ما و عن ابداعهم و تعاملهم مع الحياة بكل مفرداتها الجمالية و المهنية و ‏الاجتماعية..‏
    القصيدة تتيح الفرصة لنا لكي نطلق عليها اسم (معلقة) تماثل شعر المعلقات من ‏حيث الوصف الدقيق و تسجيل لحظات الحياة و تجاوب الناس مع البيئة و ‏البشر.. ...
    هي بالحق كنوز..كنوز ثمينة و نادرة..‏
    و الله منتهى الإبداع..‏

    علي عبدالوهاب تحياتي يا حبيبنا و أنت في خلفية الموضوع فأنت أشعلت في دواخلنا نشر ‏التراث و حبه..‏

    تحياتي للجميع..‏بعد صاحب البوست الرقيق

    و واصلوا يا حلوين..
    خلونا نعيش تلك الأيام الجميلة زمن التفاعل الاجتماعي بلا ‏حدود و زمن البراءة...و ارتباط البشر على امتداد الجغرافيا...‏

                  
|Articles |News |مقالات |بيانات

09-11-2019, 06:22 AM

جمال المنصوري
<aجمال المنصوري
تاريخ التسجيل: 04-02-2009
مجموع المشاركات: 137

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: محمد عبد الله الحسين)

    استاذ/ محمد عبدالله الحسين
    مرحب بيك في نادي التراث.
    وحرم ما بترجع فاضي، لازما نرجعك للزمن الجميل
    هاك الأغنية دي


    محبتي
                  
|Articles |News |مقالات |بيانات

09-11-2019, 06:23 AM

Haytham Ghaly

تاريخ التسجيل: 01-20-2013
مجموع المشاركات: 4053

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: جمال ود القوز)


    سلام للجميع هنا

    بوست جميل ويفتح الروح ضلفتين فيهو توثيق جميل لهذه المجادعات البديعة


    Quote: داير أضوق سجنكـ يا صنب


    للما بعرف صنب هي مدينة مروي فقد كانوا قديماً يطلقون عليها اسم صنب
                  
|Articles |News |مقالات |بيانات

09-11-2019, 06:08 AM

جمال المنصوري
<aجمال المنصوري
تاريخ التسجيل: 04-02-2009
مجموع المشاركات: 137

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: معاوية المدير)

    Quote: بل اسم حمد الملك موجود عندنا في القولد وفي كجبي وبين العمراب في أمري وفي الحلفاية ..

    تعرف يالملك انت لفت نظري لحاجة مهمة جدا..
    منطقة المناصير والشايقية منطقة تداخل قبلي شديد الإزدحام، لو عددت ليك القبائل والأعراق الفيها ح تاخد مننا وكت طويل..
    بس خليني في حتت كجبي دي..
    في جنس مشترك بين الشايقية والمناصير اسمهم (الكجباب) في خلاف شديد في تسميتهم البعض نسبهم لكجب بن منصو، انا دائما كان رأي انهم نوبة لا علاقة لهم بما يسمي (كجب بن منصور) دلوكت لا حظت ورود اسم (كجبي) عليك الله كان عندك معلومة عن الموضوع ده، او اي واحد تاني ادونا ليها سريع...

    نجي لكلام جلالدونا (الزبيد) و (الزباد)
    طبعا اتفق معاك في انو الزباد نوع من القطط اكبر حجما حتى من الضربان، وضنبو ليهو هرش كتير،
    اما الزبيد الفي الحجرة قام
    يرعى فيهو الوز والحمام

    معروف انو في نوعين بس من النبات بيقوم بروس عند حجرة البحر (الكردي) والتاني نبات كدي يشبه الرجلة بنسميهو (الجبركولا) باقي النباتات مزروعة(سلوكة بس) غالبا المقصود هو الجبركولا..
    بالنسبة لود المدير
    كلامك صاح طبعا زمان الناس كانوا ناس شغل جماعي وشراب جماعي ، ودايما شغلهم اكترو فزع، وبعد سداد البوغة ولا بنيان طين، ولا قلع (اقنيق) ساقية،دائما بعقبها طشمة مريسي، ودي ما كانت بتحلو بدون شعر وشعراء (زي نظام القعدات حاليا) اها في عز الطشمة ديك بتبدا المجادعة بالشعر (دوبيت) أو رباعيات، يقوم واحد يجيب القافية، وبعد داك تبدأ التمومة بتولي الشعرا الباقين بالزيادي على الوزن نفسو، وتبقى اغنية، متعددة الرؤس.. وبعد داك تبدأ المجاراة، يجي شاعرا فحل كدي يعملو قصيدي على نفس النغمة والمنوال، وتشتهر الأخيري، ويختفي التراث، زي اغنية القمر بوبا، حقت شاعرنا الكبير / اسماعيل حسن، هي مبنية على نسق اغنية تراثية قديمة إن ربنا مد في الأعمار بجيبها ليكم..
    عندك كمان الأغنية بتاعت الكابلي (مروي) تم تحريف المقطع بتاع ناس القوز علينا ظلم، في المناصير لي:
    يا ناس الكاب كشفنا الدور
    لقينا تلاتة عبدو التور
    سليم وسعيد وعلي منصور..
    نجي لحبيبنا علي عبد الوهاب: يا على مناطق الشايقية والمناصير في الصل هي اراضي دناقلة، عندك نحن في الكاب المعروف بصورة مؤكدة أنو الكاب ده صاحبو الأصلي دنقلاوي اسمه (حسن بليغ) حتي انو اسمو تحت تحت كدي (كاب بليغ) أو (كاب حسن بليغ) وبعض القري فيها احتفظت بالأسم النوبي الأصلي زي (برتي) و (أوس) و (بوني) و (شري) (شرري) وهكذا..
    اخونا كمال عباس:
    الإمكانية موجودة عشان نقول انو المقصود بيها بت الزعيم الكبير / حمد الملك، لكن...
    لو تتبعت سيرة حمد الملك وقوة شخصيته، وفراسته، واثرو في تاريخ المنطقة، تجد من الصعوبة بمكان أن يتجرأ شاعر للتغزل ببنت من بناتو، مما يحكي في التراث، أو ممكن يربطك بحبل من ورق البصل ويرميك في الشمس و يا ويلك إن جاء لقي الحبل مقطوع، علما بأنو حبل البصل بمجرد ما ينشف بتقطع براهو، يعني كدي كدي مويلك مويلك.
    وحدة تراث المنطقة:
    وحدة الأغاني التراثية وطريقة غناها المتشابهة باقي لي جايي من طبيعة المنطقة، المنطقة دي ضيقي شديد ومضغوطة في اتجاه قيف البحر بصورة خلت الاراضي الصالحة للزراعة ممطوطة طوليا ومحصورة بين الجبل والصحراء، الحاجة دي قربت المسافات بين القري والمدن المنتشرة على ضفاف النيل لحدت حلفا، عشان كده بتلقى الناس دي بتعرف بعض بصورة كبيرة، والحصر ده ادى لأنتشار صلة النسب بين الأعراق دي، فحتما ولا زما تلقى ليك منصوري امه أو حبوبتو شايقية ، أو شايقي امو ولا حبوبتو منصورية، وكذلك الأمر بالنسبة للرباطاب والدناقلة.. الملاحظ في المنطقة دي انو نفوذ النساء قوي شديد، اجتماعيا في اعتراف كبير في ادخال نسبها في البطون والأفخاذ والقبائل معترف بيهو، فتلقي صلة اولاد الحبوبات ولا الخالات ولا العمات واضحه وواجبة الوصول بقوة..

    زمان ما كان في زول بقدر يصرح بصورة مباشرة بأسم الحبيب أو الإشارة للمرأة بصورة فاضحة، عشان كده نشأ الترميز فالشاعر لمن ينشد قصيده في المعشوقة، كان بيرمز ليها بحاجة مشهورة و عندها اثر أو طعم مشهود ومعروف:
    زي:
    الدهب..
    ازيك واعلك عافي يا دهب الجنيه الصافي.
    أو التفاح:
    ماسك لي تفاحة في راس بوني
    اكل فيها ما شافوني..
    وهكذا ..
    فالأمثلة لا استطيع حصرها الأن نسبة للغربة ومشاغلها، لكن كدي خلونا
    ليكم جميعا محبتي
                  
|Articles |News |مقالات |بيانات

09-11-2019, 06:40 AM

جمال المنصوري
<aجمال المنصوري
تاريخ التسجيل: 04-02-2009
مجموع المشاركات: 137

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: جمال المنصوري)

    Quote: يالبحر تيبس وتبقى سُوح
    وتبقى اقل من دهن المسوح
    وتنقطع من قبل الشيوخ
    داير ازور الرايقة أم شلوخ

    يا هيثم
    كيف حالك
    عليك الله عاين للسناحي دي..
    الزول ده عاوز ينشف البحر لمن يبقى قدر دهن المسوح يني الزويتي ولا الوديكي ديك البدوك ليها في بطن ايدك عشان تمسح بيها جسمك كان من برد كان من غباش، كان زيني للمرة.. ده كلو عشان يمشي بي كرعينو يزور ام شلوخ.. لا داير يركب مركب، لا بنطون، لا رالو كبري ولو في الحلم.. يعني الناس تموت عطش ، عشان حضرتو يشوف حبيبتو ام شلوخ..
    يا كافي البلا من الدعوة دي..
    مودتي
                  
|Articles |News |مقالات |بيانات

09-11-2019, 06:46 AM

جمال المنصوري
<aجمال المنصوري
تاريخ التسجيل: 04-02-2009
مجموع المشاركات: 137

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: جمال المنصوري)

    Quote: رغم اعتقادي بأن هذه الأغنية منشأها منطقة المناصير ..
    لكن ايقاع الجابودي بتاع الدناقلة يجهجه باكات الزول ..

    سمي / جمال ود القوز
    ليك التحية والسلام يا جميل..
    هي مشتركة
    زمان كان الطيانة البشتغلوا في بنيان الطين، معظمهم شايقية ومناصير، ورا بقت شغلة المناصير بس..
    اها زمان كانوا لمن يجوا صادين من قبايل الصعيد، بجوا مشحونين في طوف، معيشتهم مع بعض في الغربة، وسفرهم مع بعض في الطوف، بيخليهو تراث مشترك ..
    عشان كدي الرواويس، لهم طعم ولون ورائحة، ووطن حدادي مدادي.
    مودتي
                  
|Articles |News |مقالات |بيانات

09-11-2019, 07:01 AM

Haytham Ghaly

تاريخ التسجيل: 01-20-2013
مجموع المشاركات: 4053

للتواصل معنا

FaceBook
تويتر Twitter
YouTube


Re: andquot;الرايقة هوياandquot; إحدي درر التراث الش� (Re: جمال المنصوري)

    Quote: يا هيثم
    كيف حالك
    عليك الله عاين للسناحي دي..



    هههههههههههه

    عليك الله يا جمال شوف كمية الشوق المبهول في الابيات دي

    والله الميديا والتلفونات والوسائط خربت علينا الاشواق وما يترتب عليها من اعمال ادبية

    اسع شوف جنس الجرسة دي ههههه

    في ضليل الشتلة انتكيت
    شفتها وشافتني وبكيت
    قالت لي اتفضل علي البيت
    نفسي صغرت ودرت المبيت
    قت شكراً كشكر مشيت
    الرايقة هووي
                  
|Articles |News |مقالات |بيانات

09-11-2019, 05:45 PM

الكيك
<aالكيك
تاريخ التسجيل: 11-26-2002
مجموع المشاركات: 20874

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشايق� (Re: سيف اليزل برعي البدوي)

    الرايقة هوى والريلة والقمر بوبا هى اغانى الفنان ودصليليح وهو اول من تغنى بالة الطمبور بشكلها الحالى ومن ثم قلده فنانون كثر اشهرهم النعام ادم .
    والفنان ودصليليح اشتهر فى الثلاثينات والاربعينات فى القرن الماضى وهو اصلا من كبابيش العفاض وله علاقات اسرية فى منطقة لتى ولا تزال اسرته متواجدة فى العفاض وانا اعرف احد ابنائه واحفاده وابناء حفيده عثمان متواجدون بالعفاض وله ابناء اخرين فى منطقة لتى
    وسبب عدم معرفة الناس به وباغانيه لان هناك قطيعة تمت حول تاريخه والوحيد الذى كان يعيد اليه الفضل فى تطور اغنية الطمبور هو اسماعيل حسن وحكى اسماعيل حسن كثيرا عنه واهدى محمد وردى اغنية الريلة بعد ان عدل فيها بعض الابيات
    اما اغنية الله هوى ليلى انا فيهاكثير من اسماء الجميلات فى منطقة العفاض نعرف منهم الكثير
    ودصليليح اشتهر فى منطقة دنقلا القديمة ومعظم اغانية تغنى بها الرواويس وكانوا هم من اشاع تلك الاغانى فى منطقة شمال السودان
    تحياتى لكاتب البوست وامل ان اكون افدت بمعلومة يتجاهلها ويجهلها كثيرون
                  
|Articles |News |مقالات |بيانات

09-11-2019, 06:08 PM

الكيك
<aالكيك
تاريخ التسجيل: 11-26-2002
مجموع المشاركات: 20874

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: الكيك)

    عندما تولى بابكر على يعقوب المشهور بود الرواسى امر نادى الطمبور بعد انجياز عثمان اليمنى لاهل الانقاذ طلبت منه ان يوثق لاغانى الرواويس وكنت ارمى لاعطاء الفنان ودصليليح حقه المهضوم وعدنى بابكر وقال لى انت اكتبلى المقدمة وانا بتم الباقى وشاءت الاقدار ان اغادر السودان فى عام 1996 وظل ود الواسى يصارع فى نادى الطمبور الى ان غادر الحياة وانتقل الى رحمة الله وفقدنا كنزا من تاريخ الاغانى وتاريخ الرواويس ..
    اشتهر على يعقوب والد بابكر بالتجارة ما بين كريمة ودنقلا وكان بابكر ومنذ طفولته نراه مع والده فى المركب الذى كان متجرا متجولا على ضفتى النيل وكل منطقة من مناطق شمال السودان كانت تعرف على يعقوب وبابكر ابنه واشتهر بابكر فى اوساط ابناء الشمال بود الرواسى يحفظ ويغنى واحيانا يؤلف والتصق بالفنان عثمان اليمنى الى قيام الانقاذ عندما تمت القطيعة للفنان اليمنى اثر انحيازه لاهل الانقاذ وكان بابكر متطرفا فى مقاطعته وفى موقفه من اهل الانقاذ لما حدث للضابط ود بلول وهو احد اهم اصدقاء فنانىالطمبور وكان صديقا لعثمان اليمنى واعدمه الاخوان مع ضباط 28 رمضان وكان ود الرواسى دائما يردد ان الوفاء لود بلول احد اهم مقاطتنا لعثمان اليمنى والى ان غادر الحياة كان وفيا فى مقاطعته لعثمان اليمنى .. رحمهما الله
                  
|Articles |News |مقالات |بيانات

09-11-2019, 06:17 PM

الكيك
<aالكيك
تاريخ التسجيل: 11-26-2002
مجموع المشاركات: 20874

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: الكيك)

    القمر بوبا/
    من كلمات والحان الفنان ودصليليح واداء الفنان الراحل ادريس ابراهيم



    الصغيرة شجيرة الأراك
    ياقمر عشرة الفي سماك
    شاغلة روحي وقلبي المعاك
    وين لقيتك لامن آباك
    القمر بوبا عليك تقيل

    العيون الما بدمعن
    نامن أو صاحيات يبرقن
    لا بصيدن لا بعشقن
    سرهن في الجوف يحرقن
    كشفن رموشن أو غمضن
    كلو موت ماتقول برحمن
    القمر بوبا عليك تقيل

    الصغيرون الما كبير
    الرقيبة قزازة عصير
    السنون براقن يشيل
    العيون متل الفناجيل
    مابتحش قش التناقير
    مابتشيل جردل على البير
    الزراق فوقا تقول حرير
    شتتي الشبال يام ضمير
    خلي قلوب الصبيان تطير
    انتي ريحتك دمور فرير
    ولا بت السودان اصيل
    القمر بوبا عليك تقيل

    الجزيرى ام بحرا حما
    فيك روحي وحبي النما
    مابسيبا ان بقا في السما
    ما بخلي الناس تظلما
    روحي في دربك سايما
    يا غرق يا جيت حازما
    القمر بوبا عليك تقيل

    القديما قديم الحمام
    الوزيزين في موجو عام
    ياما رايقة قليلة الكلام
    وا حلاتا تقول السلام
    القمر بوبا عليك تقيل

    الغزال الفوق في السلم
    المحبة تزيد الألم
    كل يوم اصبح لي في هم
    سيسبان عودك منظم
    شمعدان نفسك يام ختم
    البرتكان نهدك مدردم
    القمر بوبا عليك تقيل

    الصغيرونة ام الجنا
    ياكريم ربي تسلما
    تبعد الشر من حلتا
    جنة للأم الولدتا
    الفي جبل عرفات وضعتا
    تسلم البطن الجابتا
    دي ترباية حبوبتا
    التميرة الفي سبيطتا
    الصفار صابغ خضرتا
    ومعذورة امها كان دستا
    وا هلاكي الناس شافتا
    معذباني ... ود حلتا
    القمر بوبا عليك تقيل

    الدفيفيق الدابو ني
    البسيمتو بتكويني كي
    اهلو ضنو عليها وعلي
    حبها النساني والدي
    ما بخليك ان بقيت حي
    يا قصيبة السكر الني
    نهدك الما رضع جني
    ووب على امك ووبين علي
    القمر بوبا عليك تقيل

    الديوان الديمة مقشوش
    بالزهور والورد معروش
    بالحرير الأصلي مفروش
    ريحتو مايقوما بلا رتوش
    كان دا وصفو ماهو مغشوش
    قدروا الساكنينو في الحوش
    القمر بوبا عليك تقيل

    بحر الدميرى العبّا ونزل
    مرة يسقي الفل والنخل
    فيهو عام وزينا وقدل
    ياحنينة البيك عقلي انشغل
    بعت روحي عشان ليك اصل
    وانت ابعد لي من زحل
    يا قمر بوبا عليك تقيل

    المبارك شيخ الظهر
    العليك ساسقت وفتر
    قلي جنيت ولا دستر
    واي أنا المرضان مكنتر
    جابو لي حكيم خير وشر
    قالي يا زول مرضك كتر
    سببك ام شلاخا خضر
    القمر بوبا عليك تقيل
                  
|Articles |News |مقالات |بيانات

09-11-2019, 06:18 PM

الكيك
<aالكيك
تاريخ التسجيل: 11-26-2002
مجموع المشاركات: 20874

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: الكيك)
                  
|Articles |News |مقالات |بيانات

09-11-2019, 06:18 PM

الكيك
<aالكيك
تاريخ التسجيل: 11-26-2002
مجموع المشاركات: 20874

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: الكيك)
                  
|Articles |News |مقالات |بيانات

09-11-2019, 10:08 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 9487

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: الكيك)

    Quote: للما بعرف صنب هي مدينة مروي فقد كانوا قديماً يطلقون عليها اسم صنب

    سلامات يا هيثمنا ..
    أعتقد في تحريف في النطق ..
    والمقصود ( صلب ) ..
    تقع علي الضفة الغربية للنيل شمال الشلال الثالث على بعد 40كلم جنوب مدينة عبري في الولاية الشمالية من السودان. وهي قرية تاريخية بها آثار جمة..
    يعنى صلب من أرقو مقر حمد الملك لا تتعدي عشرين كيلومتر شمالا..
    سلامات يا الكيك ..
    زي ما قالوا الإخوة الأغنية أضيفت ليها من منطقة لأخرى وفي فترات زمنية مختلفة وربما إلى زمنا الحالي ..
    لكن الاغنية من التركية السابقة .
                  
|Articles |News |مقالات |بيانات

09-12-2019, 07:48 AM

Haytham Ghaly

تاريخ التسجيل: 01-20-2013
مجموع المشاركات: 4053

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: محمد على طه الملك)

    Quote: سلامات يا هيثمنا ..
    أعتقد في تحريف في النطق ..
    والمقصود ( صلب ) ..
    تقع علي الضفة الغربية للنيل شمال الشلال الثالث على بعد 40كلم جنوب مدينة عبري في الولاية الشمالية من السودان. وهي قرية تاريخية بها آثار جمة..
    يعنى صلب من أرقو مقر حمد الملك لا تتعدي عشرين كيلومتر شمالا..


    مرحبتين حباب مولانا ود المك

    طبعاً بعد تعليقك دا رجعت وسألت عن الاسم

    فعلاً الاسمين متقاربين جداً في الحروف ولكن متباعدين في المكان

    فمدينة مروي كانت تسمى كما وردت في القصيدة بـ صنب بالنون

    واظن ان القرية التي تقصدها انت هي صلب وما اظن انها المقصودة في ابيات القصيدة

    لانو المقطع يقول ( داير اضوق سجنك يا صنب) في اشارة لسجن مروي الكبير والشهير في تلك النواحي

    ودي فرصة الواحد يفتش عن قرية صلب ذات الاثار الكثيرة التي اشرت اليها ويسأل منها

    ولو عندك معلومات عنها ارجو الافادة بها


    تحياتي يا ملك
                  
|Articles |News |مقالات |بيانات

09-12-2019, 08:00 AM

Haytham Ghaly

تاريخ التسجيل: 01-20-2013
مجموع المشاركات: 4053

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: Haytham Ghaly)

    Quote: قلنا في الحلقة الثانية من هذه السلسلة (أسمار) إن لله في علاقات الناس بربهم شؤون. انظر إلي شاعر الشايقية وقد حبسه المفتش الإنقليزي جاكسون باشا في زجاجة عرق (عرقي):
    يا الوراريق أهل القبب
    ويا رجال الله تقولوا كب
    تقلعوا الميجر من صنب
    أصلو أحمانى الخمرة تب
    !! لأنو ن…. وابن كلب

    فالرجل يريد من أولئك الصالحين أن ينصروه هو المسلم المحرم عليه معاقرة الخمر على المفتش الإنقليزى غير المسلم الذى تبيح عقيدته الشراب, بنقل المفتش من مروى(صنب أى صنم حيث كان يقف شامخاً تمثال ترهاقا قبل نقله إلى المتحف القومى) أو يقتلعه حتى بالموت حتى يستمتع صاحبنا بشرب العرق!
    ومثله الذي استنصر بصالحين أخر لينقذوه من ضرب العكاكيز عندما يتسور مغامراً بيت الحسناء ليمتع ناظريه بالنظر إليها:
    يابا شيخ زمراوى الولى …. الله هوى
    شيخ منور ولدك على….. الله هوى
    إلى أن يقول:
    داير أنط الحوش دردرب … الله هوى
    داير أشوف من عكشن دهب (أقراط كبيرة من الذهب الخالص كانت تعلق فى الأذنين).
    العكاكيز فوقى رب.. رب.. عِلى سيفكن يرفعن كب!
    فتأمل كيف ينتظر هذا المتسور على بيوت الناس ليستمتع بالنظر إلى أعراضهم الحرام، دعوات أهل الدين حتى يوفق في مسعاه وينال مراده!
    هؤلاء أهل فنون وفى الفنون بعض جنون وتمرد ومفارقة لبعض ما ألف الناس ويعذرهم عند الناس هذا الهذيان الذي يسببه العشق فنسميه آهات العاشقين!


    منقول من موقع مقامات للاستاذ الخضر هارون (الحلقة الثانية من أسمار)

    الملاحظ هنا بعض الاختلافات في الابيات مثل

    هناك بقول : الا سيفاً ياخدني تب

    وعند الاستاذ الخضر هارون : الا سيفكن يرفعني كب

    وانا ارجح الاولى هي المتسقة مع سياق الابيات

    حيث ان القائل مصر على شوفة المحبوبة ولن يتنازل الا اذا قتل بالسيف
                  
|Articles |News |مقالات |بيانات

09-12-2019, 10:14 AM

جمال المنصوري
<aجمال المنصوري
تاريخ التسجيل: 04-02-2009
مجموع المشاركات: 137

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: Haytham Ghaly)
                  
|Articles |News |مقالات |بيانات

09-12-2019, 10:16 AM

جمال المنصوري
<aجمال المنصوري
تاريخ التسجيل: 04-02-2009
مجموع المشاركات: 137

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: جمال المنصوري)

    Quote: الرايقة هوى والريلة والقمر بوبا هى اغانى الفنان ودصليليح وهو اول من تغنى بالة الطمبور بشكلها الحالى ومن ثم قلده فنانون كثر اشهرهم النعام ادم .
    والفنان ودصليليح اشتهر فى الثلاثينات والاربعينات فى القرن الماضى وهو اصلا من كبابيش العفاض وله علاقات اسرية فى منطقة لتى ولا تزال اسرته متواجدة فى العفاض وانا اعرف احد ابنائه واحفاده وابناء حفيده عثمان متواجدون بالعفاض وله ابناء اخرين فى منطقة لتى
    وسبب عدم معرفة الناس به وباغانيه لان هناك قطيعة تمت حول تاريخه والوحيد الذى كان يعيد اليه الفضل فى تطور اغنية الطمبور هو اسماعيل حسن وحكى اسماعيل حسن كثيرا عنه واهدى محمد وردى اغنية الريلة بعد ان عدل فيها بعض الابيات


    الأستاذ/ معالى ابوشريف (الكيك) المحترم
    تحياتي ليك وانت توثق لهذا اتراث الجميل (تراث منحنى النيل) هذا التراث ليس تراثا شايقيا صرفا، وإن كان للمجموعات القبلية الكثيرة التي تقطن المنطقة تحت مسمى (الشايقية) الفضل في نشره على مستوى القطر.
    من الممكن أن يكون أول فنان استخدم الطمبور في غناء الدليب بشكله الحالي هو الفنان ودصليليح ، لكن الشيء المؤكد أن الطمبور كألة عزف مصاحب للغناء معروف في هذه المنطقة منذ مدة طويلة، على ايقاع الجابودي فهناك بعض المعزوفات التراثية المغناة على ايقاع الجابودي القديمة عرفت في المنطقة في ازمان ابعد عن زمن ود صليليح علي سبيل المثال لا الحصر :
    - حمدابية.(نسبة للحمداب)
    - القرجميي.
    هاتين المقطوعتين كانت تصاحبهم رقصات معروفة وهي اقرب الى محاكاة رقص الحمام، من حيث حركة الرقبة في الرقص وهو النمط السائد حتى الآن في المنطقة (ديار المناصير و ديار الشايقية) البعض عزى طريقة الرقص هذه الى عهد السبايا، وهو قول شايه، المعروف عن مناطق السودان المختلفة أن رقص المجموعات العرقية والقبلية مرتبط بشدة بنوع الحيوان أو الطائر الأكثر التصاقا بالبيئة المحيطة بهم، زي محاكاة النعام، والثيران، والأبل .. الخ في رقصات بعض شعوب السودان.
    في حاجات كثيرة ح نحاول نلفت النظر اليها في قادم الأيام إن شاء ربك، مثل المنطقة التي تحرك فيها ود صليليح، وذكره للمناطق خارجها، هل هي مجرد اقتباس؟
    - امتداد لحركته.
    - ام اضافات من شعراء اخرين,
    لك مني خالص الود
                  
|Articles |News |مقالات |بيانات

09-12-2019, 12:10 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 9487

للتواصل معنا

FaceBook
تويتر Twitter
YouTube


Re: andquot;الرايقة هويandquot; إحدي درر التراث الشا� (Re: جمال المنصوري)

    شكرا هيثمنا على التعقيب ..
    لا أعلم اسم مروى انتقل لصنب في التركية السابقة أم في الحكم الثنائي ..
    لكن المتأكد منه ممالك أرقو والدفار وكجبي والحنكاب والعدلاناب والعمراب قائمة من قبل التركية السابقة وبعضها من قبل السلطنة الزرقاء نفسها..
    بعبارة أخرى من قبل تاخذ مروي اسم مروي ..
    قد يكون اسم المنطقة التي اقيمت فيها مدينة مروي لاحقا هي صنب ..
    واستخدام الشاعر ليها تم في عهد كانت فيه مروي مركز قائم والغالب عندي في الحكم الثنائي لانو وقتها فعلا مروي كانت المركز تحت حاكمها الشهير جاكسون..
    أما قبل التركية لا أعتقد أن صنب كانت مركزا أو لها موقع رسمي أو حتى مقر لأي من الممالك المذكورة..
    والمعلومة التى عندي أرجو تصحيحي إن كانت خاطئة وهي أن قلعة ملك العدلاناب في موقع شرق مدينة مروي الحالية..
    لو بعرف انزل الصور كنت نزلت ليكم صورة القلعة التي تمنى الشاعر تسلقها حتى لو قطعوا راسه..
    الصورة من سنة 1833م أي في عهد الملك حمد خليفة الملك طمبل رسمها الرحالة الانجليزي هوسكنز..
    بعدين أنا عرضت ليكم دلالتين غير الدلالات المباشرة ..
    وهما أولا : ايقاع الجابودي وهو السائد في مناطقنا ..
    والمثال الثاني : أغنية مسكة التى رفعتها لكم والمقصود منها بجانب ايقاع الجابودي أن ثقافة التغني سواء بالاسم المباشر أو الرمزي فهي كانت ممارسة شائعة ومتداولة الي عصرنا مثل اغنية السباتة ( المهيرة عقد الجلاد).
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de