جميلات الحكومة السودانية (صور)

مرحبا Guest
اخر زيارك لك: 09-15-2019, 07:00 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-07-2019, 05:56 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


جميلات الحكومة السودانية (صور)

    حقو نكون واضحين من البداية،
    عشان ما في زول يقول لي كفاءات وبتاع
    أو يجيب سيرة مؤهلات او شهادات او دين وجغرافيا..
    البوست ده بتحدث عن معيار الجمال،
    والجمال فقط كهبة ربانية منحها الله
    بعض الوزيرات والقيادات و(السياسيات)
    والشخصيات العامة من فصيل المرأة السودانية
    وحا نعمل مقارنات بسيطة (صورة وصوت)
    بين العهود السابقة والوسطى والحالية..
    بالتركيز على وزيرات فترتي: الإنقاذ والحكومة الانتقالية..
    وكقراءة أولية كده،
    ممكن اقول انه الكوزات حايخرتن حكومة حمدوك..
    ما تقولوا لي فلاتة وفلانة العاملات ضجة في الواتساب الايام دي..
    لما تكون زاوية الشوف محايدة حانكتشف انو عيوننا هي الكانت مغبشة
    والحرية والراي والانبراشة لنا ولسوانا..

    (عدل بواسطة عمر التاج on 09-07-2019, 06:13 PM)









                  
|Articles |News |مقالات |بيانات

09-07-2019, 06:03 PM

محمد نور عودو

تاريخ التسجيل: 01-08-2013
مجموع المشاركات: 5605

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    ما سر الترويج الزايد للسودانيين والسودانيات لجمال بعض الشخصيات السودانية وترشيحهم لتقليد مناصب في الحكومة الانتقالية عشان جمالهم .

    ثم يا اخي هل الجمال وكفاءة؟

    احكي ليكم قصة قريبي الشين الذي غير سلوك واحدة سمحة في نظر الجماعة البشوفوها سمحة.
    عندي قريبي شين شنا مبالغة اشني مني وغادي خريج تربية واستاذ رياضيات شاطر جدا قدم لعدة وظايف في عدة وزارات وشركات قطاع عام وقطاع خاص لكن للاسف ما اتوظف عشان شكلو شين.
    عندو زميلو زميل دراسة شغال استاذ في مدرسة بنات في احدي مدارس الخرطوم ولقي فرصة عمل في الخليج وقرر يترك التدريس في السودان ويسافر الي الخليج وكلم مدير المدرسة. مدير المدرسة طلب منو لو بيعرف استاذ كويس يجيبو ليهو قبل ما يسافر.الاستاذ ما لقي زول كويس وشاطر الا قريبي الشين دا .فا قام مشي ليهو وكلمو عشان يمشي يشتغل تدريس في مدرسة البنات قريبي وافق والاستاذ مشي للمدير وكلمو بانو لقي ليهم استاذ شاطر جدا لكن بس شكلو ما وجيه المدير وافق .بعد كم يوم قريبي مشي المدرسة وقابل المدير وبقية الاساتذة واليوم التاني باشر شغلو اول ما دخل الفصل زول قصير عيونو حمر ال تقول بتكحل بالشطة والنخرة ماشاءالله زي عادم الفيراري والراس زي مكنة التلاجة والكرش ابو زنقلة بس وشعرو قرقدي كل تلاتة عاملين كوم وفوق لي دا عندو صلعة بجلي الفرملة . وقال السلام عليكم الفصل كلو اتخلع دا شنو دا الجابو لينا؟ لا في طالبة قامت احتراما له ولا في طالبة ردت السلام ما اشتغل بيهم الشغلة مسك الطبشيرة وبداء في الحصة هو بدي في الحصة والبنات في الفصل ونسة ضحك وقرقرة المهم تم الحصة ومشي للمدير وقال ليهو لو دايريني نشتغل معاكم بكرة انا بطبق صرامتي في الفصل لو ماعايزين كلمني من هسي عشان بكرة ما اجي.
    المدير قالو ليهو اعمل الانت الدايرو .
    قريبي يوم تاني دخل الفصل ما في طالبة قامت .قبل ما يبدا الحصة قال ليهم شوفو ياطالبات انا هنا استاذكم ما صديقكم ولا خدامكم وبكرة لو دخلت الفصل ما قمتو عندي معاكم كلام . وبداء في تدريس الحصة بعد شوية بسمع صوت دلوكة في الفصل ويسمع طنطنة نحن في غابة ولا حديقة الحيوانات يا دنيا يا فيكي ناس شينين لكن انت اشني من شوفناهو في الدنيا وقرقرة للنهاية.
    قريبي دا زعل ومشي وقف قدام البنت البدق الدلوكة وقال ليها يابت بنهرة البت اتخلعت ونطت من الشباك وجري وصراخ بالله قال ليك الفصل سكت سكوت الليل وواصل في الحصة بعد شوية البنات اندجمن مع اسلوب الاستاذ وبقن يتابعن الحصة بشغف الحصة انتهت بسرعة عجيبة.
    ولامن يوم التالت جاء ودخل الفصل البنات قامن بكل احترام وردن السلام وانكبن في الحصة بعد اسبوع قريبي بقي نجم المدرسة في التدريس وحصتو زي خطبة الجمعة واصبح من المحبوبين في المدرسة رغم شناتو.
    وبعد كم البت الصرخت ونطت من شباك جات مع ابوها وابوها ضابط كبير اول دخل المدرسة مع بنتو وهو زعلان بسال وين الحيوان الطرد بتي من المدرسة وين الحمار دا. وقريبي صادف هو المدير قاعدين سوا وبسمع في كلام الضابط ابو البنية وقال لي اصلو اليوم دا اخر يوم في حياتي خلي الزول البنبز فيني يجي يا خلصتا منو يا خلص مني ونويت للشر.لكن مدير مدرسة كان شخص حكيم جدا وعرف غضبي ف قال اول وصل الينا ابو البنية وقال وين الحيوان الطرد بتي دا. قال لحظة عايز ارد علي ابو البنية تدخل المدير. وقال لابو البنية احترم نفسك ياسيد انت داخل مؤسسة تعليمية ونخن نربي اجيال هنا اتفضل اطلع برة شوف حديقة الحيوانات البفتش عنها وقال لي شوف شغلك يااستاذ .ابو النية وقف وقال
    كيف يتم طرد بتي من المدرسة ؟
    المدير قال ليهو بتك ما مؤدبة ومتربية وما بتحترم الاساتذة ولا زميلاتها و لم تتطرد كما تقول هي براها نطت الشباك وغابت كم يوم امشي ربي بتك كويس .
    ابو البت معليش انا كنت فاهم الموضوع غلط لو كدا نخلي البت تواصل دراستها وتاني الكلام دا ما يتكرر منها.
    المدير قال ليهو لايا سيد في الاول امشي اعتذر للاستاذ النعتو بالحيوان والحمار وبعد داك نشوف.
    الراجل مشي اعتذر للاستاذ والاستاذ قبل الاعتذار ورجع للمدير.
    المدير قال ليهوبعد دا خلي بتك تمشي تعتذر للاستاذ وبكرة تجي المدرسة قامت البت مشت اعتذرت للاستاذ ويوم التاني جات المدرسة بكل ادب واحترام وواصلت دراستها.
    ف قريبي الشين دا غير سلوك البنية 360 درجة حتي في المنزل مع والديها واخوانها لدرجة ابوها طلب كم مرة من قريبي الشين عشان يمشي يتغدا معاهم وقريبي كان برفض عشان يمشي يتغدا لغاية ما جا ابو البنية وساقو البيت واتغدو ونشاء بينهم علاقة تقدر تقول اكثر من اخوية وفصل قريبي الشين دا طالباتو جابن في احسن نسبة الامتحانات.

    فاياخي كدا نحن الشينن ديل برضو ادونا فرصة في الوظايف لنظهر في الاعلام ونوري الوجه التاني من الوجوه المتعددة في السودان التي لا تظهر الا في مخيمات النزوح وكراكير الجبال ووسط الغابات ورمال الصحراء عند الكوارث ولبضعة ثواني كخبر عابر.
    محمد نور عودو
                  
|Articles |News |مقالات |بيانات

09-07-2019, 06:08 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: محمد نور عودو)

    نبدأ من فوق...
    على مستوى الرئاسة ورئاسة مجلس الوزراء..
    لم تنجب السياسة أجمل من السيدة الأولى الأسبق.
    السيدة وداد بابكر حرم الرئيس المخلوع السابق..

    في رأي مضاد؟
    لأ ..
    طيب نمشي لي قدام..
                  
|Articles |News |مقالات |بيانات

09-07-2019, 06:07 PM

Abureesh

تاريخ التسجيل: 09-22-2003
مجموع المشاركات: 20361

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    هلا عمر

    فى الحركة الوطنية الخطباء فى الليالى السياسية يتحدثون عن الاستعمار و الكفاح من اجل الإستقلال.. الفقهاء فى اخر المقاعد.. ينتقدون لغة المتحدث:
    هاى عاين صاحبك نصب الفاعل.. هاى رفع المضاف اليه.
                  
|Articles |News |مقالات |بيانات

09-07-2019, 06:16 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 3657

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: Abureesh)




    سلام يا عمر التاج

    ياخي إنت في العادة بتفتح بوستات بمواضيع بتستحق النقاش
    صحي تناولك بيكون سطحي وأنا بقرأ بوستاتك بالنخرة وببستفك على الماشي كدا
    لكن يظل إختيارك للمواضيع ما بطال

    هسه قدر ما حنست النخرة تقرأ البوست دا أبت
    وإعتبرتها إهانة


                  
|Articles |News |مقالات |بيانات

09-07-2019, 06:28 PM

Abureesh

تاريخ التسجيل: 09-22-2003
مجموع المشاركات: 20361

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: Hafiz Bashir)

    محمد نور عودو سلامات..

    ياخ تخلى البطل يموت فى نهاية الفلم ياخ.. كنت متوقع الأستاذ يتزوج البنية ويعيشان فى سعادة و حبور الى الأبد.
                  
|Articles |News |مقالات |بيانات

09-07-2019, 11:21 PM

محمد نور عودو

تاريخ التسجيل: 01-08-2013
مجموع المشاركات: 5605

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: Abureesh)

    سلامات يا ابو الريش
    (ياخ تخلى البطل يموت فى نهاية الفلم ياخ.. كنت متوقع الأستاذ يتزوج البنية ويعيشان فى سعادة و حبور الى الأبد. )
    يازول انت عندك خلفية عن قصة قريبي دا ولا شنو؟
    لانو الحكاية قرررررربت لكلامك دا لكن ....
    تحياتي ليك ولعمر التاج وضيوف البوست
                  
|Articles |News |مقالات |بيانات

09-07-2019, 06:33 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: Hafiz Bashir)

    طبعا في الشنا الكوزات ربنا حباهن بنصيب وافر على مستوى الوزيرات،
    لكن في الحقيقة الكيزان كانوا عزالين على مستوى السكرتيرات ومديرات المكاتب
    برضو على مستوى الوزيرات في وزيرات كوزات ممكن ينافسن الجيل الحالي :
    ..
    حسناوات حمدوك ما حا ننساهن يا جماعة، بس بالدور، خاصة انهن وجدن حظا وافرا من المقارنات في الفيس والواتس هذه الأيام،
    ناس اخونا عادل وعلي عبد الوهاب ممكن يساعدونا بصور الماضي الجميل، اتخيل لي السيدة بثينة والمناضلة فاطمة احمد ابراهيم كانتا مميزات على مستوى الجمال في وقت شبابهن.
                  
|Articles |News |مقالات |بيانات

09-07-2019, 06:56 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    سلامات محمد نور؛
    السياسة السودانية - خاصة- مليانة بالشينين والشينات
    ودونك رجال الحكومة الإنتقالية الحالية وحكومة الإنقاذ..
    حكومات زمان كان في اعتبار للوجاهة،
    ولكن الله ابتلانا بثلة من الوزراء يلبسون ( السفاري) ..
    ويزررون زراير بدلهم بالمقلوب..
    كدي اتأمل ده، بالله دا رئيس؟

    .
    .
    اخونا ابو الريش:
    فترة الكفاح مرت أمامنا والحمد لله، نحن الآن في مرحلة الانتظار
    فقلنا نملأ ساعات الانتظار بالتسلية.. واهو كله سياسة وعلم اجتماع؛
    .
    .
    .
    اخونا حافظ:
    ماكل المواضيع عندنا سياسة واقتصاد
    ومقدمة البوست عملناها مخصوص لفئتين:
    المولانات، والقارئين بنخريهم
    فارجو ان تعيد الكرة إليها لانك لو تابعت البوست من هنا ورايح حاتدخل النار..
                  
|Articles |News |مقالات |بيانات

09-07-2019, 07:07 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    الصورة الفوق ديك مجرد عينة من مرحلة المواجهات المباشرة،
    ولكن قبل ما ندخل في دوري المجموعات حقو نبدأ بحساب النقاط:
    ريسنا حمدوك رفع راسنا بهذه (الروبية) .. ووضع اول ثلاثة نقاط في رصيده:

    وطبعا لن ننسى تعليق احد ظرفاء الفيس عليها بقوله:
    Quote: الله يجازيك يا ابو ركبة.. 30 سنة داسي مننا الكفاءات دي .. والله انا قايل الوفد الألماني نساها هنا
                  
|Articles |News |مقالات |بيانات

09-07-2019, 07:15 PM

ترهاقا
<aترهاقا
تاريخ التسجيل: 07-04-2003
مجموع المشاركات: 5844

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)


    البرهان شكله لو شات بلنتي وفي مرمر فاضي حيجليهو
                  
|Articles |News |مقالات |بيانات

09-07-2019, 07:33 PM

قسم الفضيل مضوي محمد
<aقسم الفضيل مضوي محمد
تاريخ التسجيل: 01-08-2013
مجموع المشاركات: 2163

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: ترهاقا)

    .

    Quote: الله يجازيك يا ابو ركبة.. 30 سنة داسي مننا الكفاءات دي .. والله انا قايل الوفد الألماني نساها هنا

    .
    .
                  
|Articles |News |مقالات |بيانات

09-07-2019, 07:17 PM

Abureesh

تاريخ التسجيل: 09-22-2003
مجموع المشاركات: 20361

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    "فترة الكفاح مرت أمامنا والحمد لله، نحن الآن في مرحلة الانتظار
    فقلنا نملأ ساعات الانتظار بالتسلية.. واهو كله سياسة وعلم اجتماع؛"

    Take it easy and look busy
    مزحة
                  
|Articles |News |مقالات |بيانات

09-07-2019, 08:28 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: Abureesh)

    خلونا على مستوى الرئاسة شوية، وما ننسي صور محاسن زوجة ابنعوف التي انتشرت ايام الانقلاب، إلا اننا لانعتد بها في المنافسة، ولا حتى زوجة فضيل الفوق ده، .. ونذهب مباشرة لحمدوك
                  
|Articles |News |مقالات |بيانات

09-07-2019, 11:57 PM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 2995

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    لمن نقول فلانة وفلانة وفلانة جميلات يبقا فلانة وفلانة وفلانة شينات ..
    بصراحة بوست ما بناسب اعمار وعقول الناس الفي المنبر
    واسف جدا لابداء رأيي ..
                  
|Articles |News |مقالات |بيانات

09-08-2019, 06:55 AM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 3657

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: Abdullah Idrees)



    Quote: ومقدمة البوست عملناها مخصوص لفئتين:
    المولانات، والقارئين بنخريهم


    يا عمر التاج
    وضوح المقدمة ليست مبرر لكتابة بوست يفتقر للذوق والحساسية

                  
|Articles |News |مقالات |بيانات

09-08-2019, 08:32 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: Hafiz Bashir)

    ده ذوقك انت واحساسك يا مولانا المفتقر للإحساس بالجمال،
    صحيح البوست هدفه بعيد من الرسميات زي ما ذكرنا في المقدمة
    الا انه البورد ده ما اتعمل على ذوق جماعة معينة ولا عمر محدد
    ودي هي ثمرة وضريبة الحرية المنتظرنها في المرحلة الجديدة
    وبعدين ماتعمل لي فيها رسمي ومولانا ووصي على أذواق الكتاب والفقراء...
    المنبر ده اتفتحت فيه بوستات معنونة للكبار فقط ما في مولانا قال بغن
    وفي بوستات قالت الله مافي ومافي شيخ احتج..
    خلاص بقى على حظر الحديث عن الحسن والجمال؟
    بربكم تأملوا هذا البوست البصنف جميلات السودان كلهم
    من شارك فيه ومن قرأه بكل ذوق، وماهي ردة فعل الناس المامولانات
    أجمل مائة سودانية في التاريخ
    اقرأ وقارن وتامل وانطم.
                  
|Articles |News |مقالات |بيانات

09-08-2019, 09:52 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    Quote:
    لمن نقول فلانة وفلانة وفلانة جميلات يبقا فلانة وفلانة وفلانة شينات ..

    ماشرط يا عبد الله
    الجمال نسبي، وكل يرى من زاوية تذوقه للجمال
    ايه مولانا داك بكون شايف زهرة الضريسة زي زهرة النرجس في الجمال
    وده ما بنقول خطأ، ولكنه اختلاف التذوق ههه.
    اسه في البوست ده الوزيرة الما بنقول عليها جميلة ما بنقدر نقول عليها شينة
    لانه في ناس غيرنا شايفنها جميلة أو مليحة أو رشيقة أو متوسطة الجمال أو عندها فلجة أو..
    شفت التصنيفات دي كيف بتتري؟
    طبعا موضوع البوست ده مثار في الفيس بشده، بس بطريقة مغايرة..
    ودي واحدة من اول الصور التي تم تداولها على نطاق واسع
    بس انا بديت من الاخر عشان عارف في ناس حايجيبوا آخرهم..

                  
|Articles |News |مقالات |بيانات

09-08-2019, 11:22 AM

عبداللطيف حسن علي
<aعبداللطيف حسن علي
تاريخ التسجيل: 04-21-2008
مجموع المشاركات: 8205

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    شخصيا اميل الي المرأة صارمة القسمات وحية الشعور
    لايوجد انثي غير جميلة ، كل النساء جميلات ...
    ومن يري الجمال هو من يبحث عن الاستايل داخله منذ زمن
    وكل زول عندو استايل معين يبحث عنه ، ليس جسد فقط
    وانما ملامح وقسمات ونبرات صوت وطريقة حياة وطريقة مشي
    وهناك اشياء خارجة عن امكانيات التوصيف تعبر خلالك دون انتباه
    او يحكمها لاشعورك وماضيك وطفولتك ومعاناتك او يمنع فهمها
    انها لايمكن فهمها ولاتقال ابدا لان مايقال ليس من ضمنها
                  
|Articles |News |مقالات |بيانات

09-08-2019, 11:36 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عبداللطيف حسن علي)

    شخصيا يا عبد اللطيف بعتبر
    الجمال أداة من أدوات الكازيما
    ود الخلى رئيسة كرواتيا أشهر عند السودانيين
    من المستشارة الألمانية رغم فارق الامكانيات..
    الجمال والوسامة السياسية والأناقة العامة هبة من الله
    وعامل مرجح في القبول اذا تساوت معايير اخري
    ودي الحاجة الخلت منبرشات أشهر موقع نسائي سوداني على الفيس..

                  
|Articles |News |مقالات |بيانات

09-08-2019, 06:57 PM

عبداللطيف حسن علي
<aعبداللطيف حسن علي
تاريخ التسجيل: 04-21-2008
مجموع المشاركات: 8205

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    ذهب الظمأ وابتلت العروق وثبت الاجر ان شاء الله !!
    ــــــــــــــــــــ
    افتكر السودانيون لايقصدون سوي الكتابة المجانية
    علي خلفية (صور جميلة )!

    رئيسة كرواتيا كان موضوع متشابك وعطش لرئيس محترم
    وحريص علي وطنه وكان موضوع الجمال ثانوي (مجاني برضو)
                  
|Articles |News |مقالات |بيانات

09-08-2019, 07:45 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 11022

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عبداللطيف حسن علي)

    حينما تطالعني. صورة. عائشة السعيد عضو مجلس السيادة (وجها من الناحية. الشكلية وهو وجه عادي التقاطيع) اري الأمومة الحقة والمرأة السودانية الحقة احس بالفخار والعزة -احس بانها تنتمي إلينا وننتمي نحن لها -وأحس بانها وهي من شارفت علي العقد التاسع او تخطته انه صوت وامل الحيل الجديد والمرأة الجديدة ومعول هدم للقديم المتكلس والقوانين المقيدة للحريات. والحاطة من قدر المرأة وانها حلفة الوصل مابين جيل اكتوبر وجيل العقد الثاني. في الألفية الثالثة -انها رمزللتقدم والعصر ! أني اري فيها الإنسان السوي والمتصالح مع ذاته ومجتمعه ووطنه!
    أما حينما يطالعني وجه سعاد الفاتح -(علي الرغم من وجهها بالمعيار الشكلي ) عادي آلا أني أراها تجسيدا للقبح والتخلف أراها معول هدم وفرملة في وجه التقدم وفي وجه حقوق المرأة والإنسان ! انها رمز لعهدالفساد والاستبداد والقمع وقهر المرأة !* المقارنات والمقاربات التي تعقد حاليا -مابين كادر الإنقاذ ومابين كادر الثورة. في ناحية الشكل والتقاطيع وملامح الوجوه !بعض باتي مزاحا وهزر ونقاش غير جاد وبعضه مبعثه هنا هو الدلالة الرمزية العهد بائد ومتحجر وعهد جديدومشرق ومفعم بالأمل !* فهل مظهر وملامح تقاطيع وداد بابكر وماتمثله من فساد وبهرج هل يجعلها لها ميزة او تميز علي اي ثورية مغبرة بالعرق والتراب ومختنقة بالبمبان وهي تقود المظاهرة وتلهب الثوار ؟

    (عدل بواسطة كمال عباس on 09-08-2019, 07:47 PM)

                  
|Articles |News |مقالات |بيانات

09-08-2019, 08:22 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 22996

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عبداللطيف حسن علي)

    كتبت الزميلة (الواعية) عزاز شامي في صفحتها :
    Quote: في اشكاليات عميقة جداً في حكاية السخرية من أشكال منسوبي النظام السابق ومقارنتها مع الحاليين، متفهمة شعور الغبن من الظلم بس اخشى انو الطريقة دي بتكرس لمظالم وعنصرية متخفية.. أولاً، نحن شعب متنوع الأعراق والملامح والخلفيات، المؤتمر الوطني ما وزع وشوش للعضوية، عضويته سودانية مية مية، وملامحها سودانية، فما تكونوا كارهي ذاتكم وتسخروا من ملامحكم واسماء قبائلكم؛ ثانياً، احنا مشكلتنا مع النظام السابق ومنسوبيه هي الظلم والفساد والمحسوبية، والحساب فيه دم.. لم نختلف معهم في معايير الاناقة او الجمال؛ ثالثاً، الحكومة الحالية ليست ممثلة لقطاعات الشعب كلها والاحتفاء المبالغ فيه يثبت صفويتها ويكرس لهوية سودانية محدودة نخبوية جداً. نحن مقبلون على بناء دولة لا رسبشيون منتجع صحي. نركز في نقاط الاختلاف ونراعي لتنوعنا واختلافنا ونكون شرفاء عند الخصومة ده أفيد لينا ولاحقاق الحق.
                  
|Articles |News |مقالات |بيانات

09-08-2019, 08:52 PM

خضر الطيب
<aخضر الطيب
تاريخ التسجيل: 06-24-2004
مجموع المشاركات: 7891

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: محمد البشرى الخضر)

    Quote: في رأي مضاد؟
    لأ ..
    طيب نمشي لي قدام..

    ياخ موووبالغة يا عمر التاج هههههه
    انت تسأل و تجاوب ؟ و ين الرأي الآخر
    في اعتقادي الراسخ انو مافي زول شين
    المسألة تقديرية و بإعتبار ان لكل فولة كيال
    ربنا خلق البشر بمختلف سحناتهم و اشكالهم من طول او قصر
    المهم عندي فاعليتهم و انسانيتهم و ماذا يقدمون للبشرية
    القبح عندي هو قبح الاخلاق و سوء التربية و تربة المنبت
    لكن الكوزات اخوات (نصيبة) ديل شينات الدواخل انعكست على وجوهههن الغبرة التي ترهقها قترة
    دا كلام ربنا انا ما جبتا حاجة من عندي, و دونك للأسف زميلة المنبر ميادة كمال
    اسم ميادة ذاتو ما خايل عليها دي مفروض يكون اسمها البعشومة ابنة كمال , اها دي الفولة الماليها اي كيال :)
                  
|Articles |News |مقالات |بيانات

09-08-2019, 08:54 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 11022

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: محمد البشرى الخضر)


    انقل هنا ما كتب زميل المنبر دكتور مجدي اسحق في موقع اخر
    (المقارنه بين كوادر الثوره النسويه وكوادر الإنقاذ من ناحية المظهر والشكل..رده فكريه وإبتذال لقيمة المرأه لايمثل الثوره ولا يمثلني..)
    ودا كان تعقيبي عليه
    كلام سليم
    يامجدي
    وبعيدا عن مسالة. الجمال. الجسدي. والشكلي -ودي اتفق معك فيها تماما !
    ولكن ومن دون حساسيات
    وكمان. مع الإقرار بحق. التزي. بلبس معين او. حق عدم التزي به
    -ما يسمي بالحجاب والنقاب مثلا -
    نجي لنقطة. مهمة. وهي. المقارنة
    بين. المرأة السودانية عقب ثورة اكتوبر ومابعد قوانين سبتمبر وعصور التيه والظلام والنظام العام والقوانين المقيدة للحريات والهوس -
    حينما تتأمل في صور المرأة في ثورة اكتوبر -التوب السوداني الأنيق -الطرحة السودانية القديمة -الموضة -الثقة بالنفس وعدم الخوف من. جلاد وسوط وهوس ومحاكم تفتيش -اعقد مقارنة يامجدي لتري بنفسك. حجم الردة والتخلف -
    ٢-
    عد للمظاهرات والمواكب منذ ديسمبر الماضي
    وشوف تقدم المرأة للصفوف وقيادة المظاهرات -والإصرار والتحدي -بل والغبن ستجد ان المرأة. كانت تحس بغبن ومرارة مزدوجة وان المسالة كانت عندها موت او حياة !
    -
    *كل هذا يكشف ان القضية اكبر من شكلية سماحة. الفتاة الثورية وقبح الكورة !
    -القضية قدح وسخرية من "الشنا"
    الكيزانية مظهريا وإنما في الدلالة الرمزية. -للكورة. الانتهازية السمجة. بمظهرها. المصنوع ولغتها السمجة ومابين. المرأة -الجديدة والثورة الأنثي-
    انها مقارنة مابين عهد وعهد ورمز. بائس ومنغلق وآخر متفتح ومتفائل !
                  
|Articles |News |مقالات |بيانات

09-08-2019, 09:31 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: كمال عباس)

    يا جماعة عشان نكون صادقين اكتر،
    الموضوع عبارة عن لعبة شريفة زي كرة القدم..
    كرة القدم دي مش لعب.. لكن ممكن تنقلب عادي لجد
    أها موضوع المقارنة ده دور في المساطب الشعبية.. يعني بعيد من الناس الجادين والرسميين
    والبداية كانت من هنا..


    الحكاية دورت على الكيزان اكتر مع بداية التعيين الوزاري وظهور اسماء الاء وندى وإيمان الطوخي وتمت المقارنة على مستوى الاسماء مع بت ابو كشوه وتور الدبة وعلم جرا.. ثم انتقلت المنافسة على مستوى الشكل الخارجي وكانت هذه الصور..


    الموضوع سخن اكتر والتطور ووصل لمرحلة الحكومة الشاملة وظهرت صور من شاكلة..


    أها الكيزان ألموضوع سخن عليهم وطلعوا من جعبتهم صور من شاكلة صدر البوست
    كل الحصل بعد داك انه تم نقل المباراة مباشرة على سودانيز الرياضية
    والقناة طلعوا مشاهدنها من النوع الرانكر، لابعرفوا لعبة حلوة ولا تمرين..
    اللعبة مسخنة وما اظن تنتهي قريب ونحن بنحاول نعلق بحياد..
    ونشجع اللعبة الحلوة، لأنه الجمال صبغة ربانية غرسها الله في قلوب الشعب السوداني؛
    ورب الأرواح لو ترشحت لوشي في الانتخابات القادمة في مواجهة حمدوك والصادق المهدي والحلو وعرمان..
    لفازت لوشي بفارق كبير، ولكنت اول من يعطيها صوته..
    تقولوا لي ابو كشوة..
                  
|Articles |News |مقالات |بيانات

09-08-2019, 10:10 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 8749

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    مدو رجولكم يا كيزان
    وافتحوا بوستات انصرافية
    نحن أغبياء كمعارضة سابقة لنظامكم السابق
    أهلكم غباؤنا لحكم نظامكم 30 سنة عجاف
    وأرجو أن لا يؤهلكم غباؤنا المفرط كما يبدو
    لإفساد حمكوماتنا التي تتحدث يا صاحب البوست
    عن لون وتقاسيم وجوه بعض وزرائها!!!!
    بدلا عن الكلام عن مهمة هؤلاء الوزراء وما ينتظرهم
    من عمل بثقل الجبال!!!!
                  
|Articles |News |مقالات |بيانات

09-08-2019, 10:20 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 8749

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: منتصر عبد الباسط)

    عشان ما تغالطني في أنك كوز
    أنك كان لك بوستات تحرض فيها وتروج فيها لموضوع تبديل العملة
    لتهيئة نهب الكيزان لأرصدة عدد أكبر من المودعين
    علما بأنه كان هناك نهب منظم لأرصدة المودعين خلال أكثر من عام
    إلى أن سقط النظام .
    ولا يغرنك حمق اليسار وتماهييهم في مواجهة الكيزان كما يجب
                  
|Articles |News |مقالات |بيانات

09-08-2019, 10:21 PM

عبد الصمد محمد
<aعبد الصمد محمد
تاريخ التسجيل: 12-12-2004
مجموع المشاركات: 715

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: منتصر عبد الباسط)

    بوست جميل ومتنوع ويثري البورد
    جهد مقدر يا أخ عمر التاج
    أخ منتصر
    انت من الكتاب المفيدين جداً في المنبر
    وأنا شخصياً أستفيد من كتاباتك
    لكن هون عليك يا أخي
    هذا الفضاء يحتاج منا لكثير من التسامح وتبييض النوايا
                  
|Articles |News |مقالات |بيانات

09-09-2019, 07:22 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عبد الصمد محمد)

    Quote: عشان ما تغالطني في أنك كوز
    أنك كان لك بوستات تحرض فيها وتروج فيها لموضوع تبديل العملة
    لتهيئة نهب الكيزان لأرصدة عدد أكبر من المودعين
    علما بأنه كان هناك نهب منظم لأرصدة المودعين خلال أكثر من عام
    إلى أن سقط النظام .
    ولا يغرنك حمق اليسار وتماهييهم في مواجهة الكيزان كما يجب

    شيخ منتصر حبابك، إلا ضليت طريقك للبوست ده، لأنه فوق مستوى الشيوخ..
    ده بوست فلسفي (عميغ) لايواكبه من كان يعتبر الفن بدعة والأفلام حرام وعروض الجمال انحراف عن الفطرة..
    وبعدين يا اخي حقو تخرج من كهفك شوية وتعرف انه مرحلة ود الباوقة الكان بفتح فيها البوستات الانصرافية انتهت، اليوم ناس قحت هم من يفتحون البوستات التي تلهي الناس عن اداء النظام، اصحى يا بريش..
    موضوع استبدال العملة ماعارف دخله بالبوست شنو لو ماكان هو الانصرافية تمشي على قدمين، وما عارف علاقته بالكيزان شنو؟ ده موضوع اقتصادي بحت وقلنا انه كان المخرج الوحيد للحكومة الفائتة لفك ضائقة السيولة، وسيظل حلا لحمدوك ان عجزت أدواته في اقناع التجار لتوريد فائض أموالهم للبنوك، الموضوع ماعنده علاقه بالحلال والحرام والنظام الكيزاني والنظام الاشتراكي، ده نظام براغماتي بحت (وجه باسم)، وبعدين يا اخ انت ماقدر تفرق بين النقود والأموال حاتفرق بين المعاملات النقدية الحلال من الحرام كيفن، وحاتفرق لينا في البوست ده بين زهرة البنفسج وزهرة الضريسة كيفن؟
    عبد الباسط مرحب بيك،
    وجيد انك طرقت موضوع التنوع والتسامح..
    الموضوع من مقدمته كان واضح الأسلوب، والاسلوب الساحر ده واحد من أهم أدواتي في الكتابة ان لم يكن في هذا المنبر ففي منابر أخرى، في الجامعة كانت عندي صحيفة حائطية ساخرة لم يطلع عدد منها الجامعة كلها بتقيف على فد كراع، وهذا الاسلوب يعتبر مدرسة متخصصة ومش شغل جربندية ساكت، والمنبر محتاج التنوع ده لانه ما كله مولانات وشيوخ، في ناس عاملين فيها حمدوك زاتو الا واقفين على الهبشة ويجيبوا آخرهم..
    الموضوع من ناحية جدية متداول على نطاق واسع، وفرع قياس الجمال أصبح فنا و علما تخصص له المدارس والمناهج لتدريسه وتعليمه وتوفر له ميزانيات ضخمة للتمويل، شركات الانتاج العالمي أصبحت تتنافس بشدة لإعداد مواسم الموضات و مهرجانات ملكات الجمال، واصبحت هناك لجان مختصة ومعاهد متخصصة ومجلات عالمية تتفرغ لتصنيف الجمال الانثوي، يعني الموضوع مابدعة عشان نعتز بكلام عزاز شامي ولا أفلاطون، وزيراتنا شخصيات عامة وكل واحد من حقه ينظر ليهم النظره البتعجبه، وده جانب من الحرية الناضلنا من أجلها.. ولو تعدينا على احد فالقانون أمامكم لم يعد غانون حميدتي، بل قانون حمدوك والثورة التي اجمعنا عليها.. فلستوب
                  
|Articles |News |مقالات |بيانات

09-09-2019, 08:03 AM

عمر سعيد علي
<aعمر سعيد علي
تاريخ التسجيل: 08-20-2015
مجموع المشاركات: 527

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    يا عمر التاج ما بعيد عن موضوع البوست وهي المظهر العام للمسؤلين وخاصة مع البدلة. .
    ليه نحن بنحب لون الكرفتة يكون احمر (مع كامل حبنا للاحمر الوهاج) . .
    لاحظ لصورة الوزراء الجماعية تلقى الغالب كرفتة حمرا . .
    اظن انو البدلة عبارة عن طقم يشمل الجكت والقميص والكرفتة والجزمة اي واحده منهم مشاترة بتخرب الرصة . .
    والنصيحة اعضاء مجلس السيادة انيقين اكتر من الوزراء . .
                  
|Articles |News |مقالات |بيانات

09-09-2019, 08:14 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 22996

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر سعيد علي)

    Quote: وده جانب من الحرية الناضلنا من أجلها.. ولو تعدينا على احد فالقانون أمامكم لم يعد غانون حميدتي، بل قانون حمدوك والثورة التي اجمعنا عليها.. فلستوب
    يبدو انه في سوء فهم هنا لمسالة الحرية و الحقوق وكدا يا ود التاج
    نعم انت حر ومن حقك تنقل من الواتساب التعليقات على جمال و شناة الشخصيات العامة كما من حقك ايضا ان تزرط في مكان عام عادي
    لكن الفعلين يخلوان من الحساسية و الذوق و يعربان عن وعي متدني رغم انهما من حقك تماما ولا أحد يستطيع مقاضاتك بأي قانون كان
                  
|Articles |News |مقالات |بيانات

09-09-2019, 09:27 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 8562

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: محمد البشرى الخضر)

    Quote: والنصيحة اعضاء مجلس السيادة انيقين اكتر من الوزراء . .

    الوجاهه برضو عنصر مهم في قبول الشخصية العامة، ولا تقصدها كخلقة ربانية ولكنها كقيمة مظهرية خارجية تعززها الأناقة والاختيار الجيد للملابس، والوجاهة مكملة لمظهر الرجل والمرأة ولها مدعمات خارجية معروفة.
    ..
    الكلام ده كان تقولو يا ود البشرى لمن تم تصنيفك من وجهاء البورد.. ولا الوكت داك ما كان ذوقك متدني؟
                  
|Articles |News |مقالات |بيانات

09-10-2019, 01:01 PM

منتصر عبد الباسط
<aمنتصر عبد الباسط
تاريخ التسجيل: 06-24-2011
مجموع المشاركات: 8749

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: عمر التاج)

    Quote: لايواكبه من كان يعتبر الفن بدعة والأفلام حرام وعروض الجمال انحراف عن الفطرة.
    أنا لست ضد فكرة فتح بوست عن الجمال والجميلات
    أو حتى فتح بوست عن علم الجمال
    وأنا المفروض أن تخصصي موضوعه الأساس الجمال وقد درست شيئا من فلسفة علم الجمال
    بدواعي التخصص.
    لكن حينما تقوم ثورة تستغرق عشرة أشهر ويستشهد لأجلها عشرات الأنفس الطاهرة من الشباب
    والشابات والكهول والسيدات ويفقد البعض بعض اطرافه وآخرون يسجنون ويعذبون فيها
    ثم بعد مخاض عسير تتولد أول سلطة وحكومة لتحقيق مقتضيات ومطالب تلك الثورة
    ثم يكون أول بوست يقابل هذا الحدث الجليل بالكلام عن الجمال الخارجي
    لوجوه أو سن الوزيرات في تلك الحكومة الممهورة بالدماء الطاهرة !!!!
    مهملين الكلام عن الدور والمهمة التي عينَّ لأجلها تلكم الوزيرات ومعهن الوزراء
    أليس هذا موقف منك وممن أيدك وعضد مسعاك يحير الألباب؟!!!!
    ويزعج النفوس من أن يكون هناك فشل في مواجهة موجات بعضها ظاهر
    وآخر خفي يحتمل أن تناهض هذه الموجات القوية أي نجاح لهذه المرحلة
    لو لم نحتشد كلنا للنصح لهذه الحكومة ومد
    عقولنا مخلصين لتكون بين يديها و لها بالقول السديد الرشيد و العمل الجاد..

    (عدل بواسطة منتصر عبد الباسط on 09-10-2019, 01:07 PM)
    (عدل بواسطة منتصر عبد الباسط on 09-10-2019, 01:19 PM)

                  
|Articles |News |مقالات |بيانات

09-10-2019, 02:25 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 3657

للتواصل معنا

FaceBook
تويتر Twitter
YouTube


Re: جميلات الحكومة السودانية (صور) (Re: منتصر عبد الباسط)



    Quote: وزيراتنا شخصيات عامة وكل واحد من حقه ينظر ليهم النظره البتعجبه


    وزيراتنا بيننا وبينهم غقد على أداء مهام معينة خلال فترة معينة
    من حقك أن تنتقدهم كما تشاء في ما يتعلق بأداءهم للمهام التي كلفوا بها
    من حقك تعلق على مظهر الوزير او الوزيرة ولبسه وهندامه لأن ذلك يدخل ضمن العقد بينه والدولة ويأخذ مقابل ذلك بدل لبس وبدل تمثيل
    ولكن التعليق على اشكالهم سواء في الخاص او العام ليس من حقك ما لم يسمح الشخص المعني بذلك.


                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de