أخونا الحبيب عثمان عووضة عمل عملية، بس عملآ وين لا تسألوني.
من فوق العنقريب اللبيض عووضة أرسل لينا غنوة القمر بوبا بصوت رخيّم لغناي ما عرفتو، سألت عووضة قال لي دا المرحوم إدريس إبراهيم. في الغنوة الغناي قال، الزِبيّد الفي الحجرة قام يرعي فوقو الوِز والحمام حقيقة لفتت نظري كلمة (الزِبيد) فهرعت لقاموس العامية للمرحوم عون الشريف قاسم لأعرف المعني، فتفاجئت بعدم وجود الكلمة، لجأت لقاموس لسان العرب فوجدت الأتي:
Quote: والزُّبَّاد: نبت معروف. قال ابن سيده: والزُّبَّادُ والزُّبَّادى والزُّباد كله نبات سُهْلي له ورق عراض وسِنْفَة، وقد ينبت في الجَلَدَ يأْكله الناس وهو طيب؛ وقال أَبو حنيفة: له ورق صغير منقبض غُبر مثل ورق المَرْزَنْجُوش تنفرش أَفنانه. قال وقال أَبو زيد: الزّبَّادُ من الأَحرار. وقد زَبَّد القَتادُ وأَزبَد: نَدَرت خُوصتُه واشتدّ عُوده واتصلت بَشَرته وأَثمر. قال أَعرابي: تركت الأَرض مخضرة كأَنها حُوَلاءُ بها فَصِيصَة رَقْطاء وعَرْفَجَة خاصِبة وقَتادة مُزْبِدَة وعوسج كأَنه النعام من سواده، وكل ذلك مفسر في مواضعه. وأَزْبَدَ السِّدرُ أَي نوَّر.
يديك العافية يا عووضة، ونواصل مع الغنوة البروّس...
09-06-2019, 10:07 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
حقيقة فتشت عن المقطع الرسلو عووضة ما لقيتو في اليو تيوب لكن الأبيات الفيهو من الغنوة البروس القمر بوبا بتقول: وآي أنا المملوك بالغرآم الزهور فتّح دآبُو قآم لمناظرك عملو حُكام الزِبيد الفي الحجرة قام يرعى فوقو الوِز والحمام هي قمرة وضاوية الظلآم
البنات المُتبلِمات زي كهارب المينا ضاويات سيدة كان مافي ؤ دابا جات كترولآ من الهتافات سِتِ دآر دنقلآ في البنات بالمُشُط سوياهو موجات السبيب راساهو توكات ما فرز عِلآ العِوِينات الشِلوّخ الستة نازلآت الفُرآق مِنِّك يا حياة شالآ قطر المُشترك فات
خيزران عودك منظم سيلآ كان هاتف مُضمّر البُرتُكان نهدك مُدردم
حقيقة قطر المُشترك دا شال قلبي ؤ شالني أنا زاتي من هِجرتي الكِيّر دي وداني أتبرا وآه من عطبرة، يا حليل مُشترك حلفا ؤ يا حِليل مُشترك كريمة ؤ يا حليلك يا عطبرة كل مُدُن وقري السودان همشوها إلآ إنت الوحيدة الدمروكِ. أوّل مرّة وآخر مرّة شُفت إدريس إبراهيم وأنا سِغيّر في حفلة في بلدية عطبرة زمن البلد بخيرا وما زال شكله عالق في ذهني حتي اليوم فالطمبور يأثرني من زمناً قبيّل...
09-06-2019, 10:15 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
كِدي دوّب جينا شوفولنا خبر بِت الباشا المدير اللآبساهو الزولة دي شِن نفرو ؟. شايف شيخنا محمد جيب الله كدكي مندمج في الفديو، أريتني كان لقيت لي معاهو قعدة نتمقل بالغنوة البروس دي. عموماً سنواصل مع الغنوة إن شاء الله مع تمنياتنا للحبيب عووضة بعاجل الشفاء...
09-06-2019, 10:11 AM
Osman Awoda Osman Awoda
تاريخ التسجيل: 06-19-2017
مجموع المشاركات: 495
معاوية اخوي تسلم والله يا ابو فاطمة النبات دا تسال منه أستاذنا علي عبد الوهاب و مولانا (الملك) محمد علي الملك وزير العدل في حكومة ثورتنا القادمة لانه دي خليتها ليكم
09-06-2019, 10:17 AM
Osman Awoda Osman Awoda
تاريخ التسجيل: 06-19-2017
مجموع المشاركات: 495
معاوية انت عارف زي جوع بطنك انه غضروف فشنو: ما تمشي تعايش و يسرح بيك الخيال وتدي الناس الهنا دا إيحاءات خطأ واخيرا ياخي ابو حنيفة قال ليك نبات له ورق صغير مثل ورق المرزنجوش ،،افتكر واضح
09-06-2019, 10:42 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: أخونا الحبيب عثمان عووضة عمل عملية، بس عملآ وين لا تسألوني.
يا شافي يا شافي يا شافي تشفي اخونا وحبيبنا عووضه ... قريبي كيف حالك واحوالك ... غايتو الله يستر ... اليومين دي قالو في مرض حاييم ... قالو بيمسك العصبه القدام يخليها واقفا قنا ومعاها صداع ابو الشقيق .... علاجو الوحيد ومافي غيرو قالو يدوك بنج كامل تغمر لمدة ساعتين ... بعدها ترتخي هذه العصبة اللعينة بدون بكاء او مخاخيت ... المرض دا لا علاقة له بالرغبات او التفاكير ... غريبه ياخي مرض زي دا يجي للشاب دا ...
09-06-2019, 10:47 AM
Osman Awoda Osman Awoda
تاريخ التسجيل: 06-19-2017
مجموع المشاركات: 495
عبد الله عثمان مالك معاي ياخ انا لي هسي خجلان منك ومن الاستاذة حرمكم،،،جمعتنا لحظات صغيرة ممتعة في حوش السمك وبعدها حرمنا الغضروف اللعين من متعة الوجود معكم امسحها لي اب صلعة دا في وشه ياخ
09-06-2019, 12:03 PM
عمر التاج عمر التاج
تاريخ التسجيل: 02-08-2008
مجموع المشاركات: 3428
عثمان عووضة سلامتك والحكومة الجدية كرامتك غضروف ولا ما غضروف يا زول كفارة وشفاء وحسنة وأجر، وشكرا للمدير الرمى الخبر وكوجنو، وبعد داك سرح مع قش البحر ورغم انو الجروف دي عيشتنا ومحل صبانا، إلا الزبيد ده ما عرفناهو أمكن يكون تصغير زبد أو (شيتن) اكلناه وما عارفين اسمه والله اعلم
09-06-2019, 12:05 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الما عارف يقول غضروف خلاص غضروف غضروف لكن اعمل حسابك من الشطة والبهارات وام فتفت مابتنفع مع الغضروف اجر وعافية الشي دة ما بكتل ليهو زول لكن بعولقك ساي الغضروف دة كان قام كعب
09-06-2019, 03:54 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
شيخى عووضة سلامتك و كل خرفان الزريبة كرامتك _ خالى جا من البلد عيّان بى ألتهاب بروستاتا شاءت الاقدار انو ربنا فى اثناء العملية ياخد امانتو لحدى هنا الامر عادى جدا الما عادى انو خالتى الكبيرة سلمى جات من البلد للبكا بعد ما راقت شوية كده سألت امى انتى قلت لى اخوى مات بى شنو قالتلها بى ألتهاب البوستات ختت وشيها بينات كفّات يديها و قالت : الشى ده لا يبقى عندنا و نحنا ما عارفين __ اها اول مرّه عرف انو الشى الجاك ده بجى للرجال برضو
09-06-2019, 03:54 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: اقسمبلاي غضروف وكمان في الرقبة،،، الصورة قاعدة يمينبلاي،،
الصورة عندي .... و بعدين ما تضايق ... كل الامراض ما عيب الصداع و البروستات و البواسير كلها امراض و بتجي للناس كلها ... بعدين اسأل تيسير كيف ؟؟؟؟ لو كانت غضروف كانت فتحت ليها بوست عشان الناس تكفر ليك و تدعو ليك ... الموضوع فعلا معقد لكن كمان انت ناكرو مالك .. ؟؟؟
ياخ مافيها حاجة و ما تتعقد الناس دي كلها بتمرض و بعملو ليهم اكتر من عملية لي إزالة حاجات كتيرة و مرات بتكون في حتة واحدة و ضيقة لكن الدكاترة الشطار في الحتات الضيقة برضو شاطرين و ببدعو فيها بزيلو كل الزوايد و بسلكوها بي صورة جميلة جدا ... شغل سباكين بس ....
اها الموضوع بقى عادي ما عارفك انت متعقد مالك ؟؟؟
09-06-2019, 04:00 PM
Osman Awoda Osman Awoda
تاريخ التسجيل: 06-19-2017
مجموع المشاركات: 495
كدا نحن ماشين كويس ... نرسل ليك واحد يوريك بداية ضهرك وين و نهايتو وين .....حلو ؟؟ و بالمرة توريه مكان العملية و هو يقول لينا .... افتكر دا حل مقنع للجميع .. 😂😂😂
09-06-2019, 04:18 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
إذا في نزيف يا عثمان الهديه بتنفعك في الحاله دي ... عاين جاي ... بعد العملية بي يومين تلاته ... العضله الضامه من بره مرات بتقفل وتحتاج تمشي مرحلة الخوابير ... نصيحتي ليك تحكي للدكتور نكتة القرد والنبق ... سيبك من الشرامه ديل ... دا أنا صاحبك وقلبي عليك وعايزك تطلع من العملية دي صاغ سليم ....
09-06-2019, 04:34 PM
Osman Awoda Osman Awoda
تاريخ التسجيل: 06-19-2017
مجموع المشاركات: 495
Quote: العضله الضامه من بره مرات بتقفل وتحتاج تمشي مرحلة الخوابير .
عاين دا كمان ... !!!! اصلن بركبو ليه خابور بعد العملية مباشرة ... يعني هو جرب الخابور already done كدي شوف ليه مرحلة القرض و زيت السمسم ... 😂😂 و ل اقول ليك ... شوف ليه سباك شاطر ... 😂😂😂😂
09-06-2019, 04:44 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: إذا في نزيف يا عثمان الهديه بتنفعك في الحاله دي ...
انت كمان ما تبالغ ... دي هدية تقدمها لي راجل ... ؟؟؟ بعدين قدام الناس ... ؟؟؟ كان ترسلها ليه في الخاص ... مهما كان راجل و اهو بي جلابية و عمة كمان تقدم ليه هدية زي دي ؟؟؟
09-06-2019, 04:39 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
اعتذارى الشديد يا شيخ عووووضة على لخبتة الاختثاثات ضربت لى ود عمى دكتور سألتو من عملية الكحت دى قال لى العملية دى برضو بتتعمل للبواسير و الغضروف حتى قدرت اجر نفسى سورى ليك و قالو مية عملية و لا بعبوص واحد
09-06-2019, 05:43 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الجاتك في الاسمو ايه دة سامحتك كفارة ياخ واثقين منك ما تشيل هم تعمل موية دافية بي قرض و ت س ت ح م ا فيها اقصد تستحما بيها 😆😆😆😅 عيب يا جماعة الزول عيان عيا جنس دة ومفروض تساعدوهو
09-06-2019, 06:03 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
حبيبنا عثمان يا اخي الف مليون ترليون سلامة و ما بقول ليك زي ما قال العربي ل ود اب سن في رفاعة 😂😂😂😂 تعرف قال لو شنو 😂😂😂😂 الشباب كتر خيرهم ما قصروابس وصيتي ليك ما تشيل حاجة تقيلة اليومين دي اسمع كلامي انا زول اخوك و ابعد من القبانيت 😂😂😂😂😂
زعلان منكم يا ود المدير يعني انا اعمل عملية وما تفتحوا لي بوست وعم عصمان يعمل (عملية صغيرة 😂😂)وتعملوا ليه بوست دا تهميش وحا اتصل بي ابلة تراجي زعيمة المهمشين شيلوا شيلتكم
09-06-2019, 07:45 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
بالله أنا نسيت إسم المستشفي الجماعة قلبو ظهر المِجن !.
يا علوّب كفارة، حقتك ما ناسينها كِدي خلينا نخلص من حقة عمو عووضة، آخر كلآم الدكتور قال حقتو بِرت من برّا لكن من جوّة الجرح لِسع ني، إنت حقتك شفناها في الصورة ما كبيرة زي حقت عووضة حقت عووضة قدر الليلة ؤ باكر. الله يشفيكم ياخ...
09-06-2019, 08:32 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: زعلان منكم يا ود المدير يعني انا اعمل عملية وما تفتحوا لي بوست وعم عصمان يعمل (عملية صغيرة 😂😂)وتعملوا ليه بوست دا تهميش وحا اتصل بي ابلة تراجي زعيمة المهمشين شيلوا شيلتكم
😂😂😂😂😂😂😂😂😂 لو عايز كل العالم يعرف انو عملو ليك عملية(لوز) كلم تراجي .... بعدين يفتحو ليك للوز و يفتحو ليك بوست .... 😂😂😂😂
المحيرني الأصلع جايب الاغنية ليه .. ؟؟؟ عايز الناس تحتفل بي المناسبة دي ؟؟؟ زول عاملين ليه عملية هو نفسو خجلان منها كمان جايب اغنية عشان ترقص و تهجج بيها ؟؟ الأصلع إتلوم و الله ... دي صحبة شنو دي البتخلي الصاحب يشمت في صاحبو ...
09-07-2019, 09:43 AM
Osman Awoda Osman Awoda
تاريخ التسجيل: 06-19-2017
مجموع المشاركات: 495
اعصابك .... عارف الشغلانية مؤلمة و متعبة نفسيا شديد ... كونو كل الألم يكون في مكان ضيق او واسع ايا كان فيه شي من الالم النفسي اكتر من اي مكان تاني لكن دا ما معناه تقعد تشتم و تسب فينا بالصورة دي ... نحن عايزين مصلحتك و حاسين بي حالتك النفسية السيئة عشان كدا اتجاوزنا كل شتايمك الإتفوه بيها لسانك الزفر دا ... المهم تأكد انو نحن واقفين جنبك حتى تتخطى هذه المرحلة القذرة و المؤلمة من حياتك ...
09-07-2019, 10:38 AM
عمر أبوعاقلة عمر أبوعاقلة
تاريخ التسجيل: 04-11-2016
مجموع المشاركات: 1321
Quote: اصلن بركبو ليه خابور بعد العملية مباشرة ... يعني هو جرب الخابور already done
انتا عرفتا كيف يا ABUHUSSEIN إذا عملت العملية والدكتور ركب ليك الخابور من قولت تيت ... شوف الدكتور دا وين وامشي اديهو بونيه ... #ارفعو أيديكم عن عووضه وخلو البوست يحتل#
09-07-2019, 11:43 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
الضهر دة اهم شئ للرجل اذا كان انثي او ذكر 😆 وبشيل بعض الناس يقول ليك عضم الضهر ف حقو يا عمو تحافظ علي ضهرك جدا وما تلعب بيهو انتو علي دفع الله برضو ضهر ولا شيتا كتر
09-07-2019, 11:45 AM
Osman Awoda Osman Awoda
تاريخ التسجيل: 06-19-2017
مجموع المشاركات: 495
Quote: المحيرني الأصلع جايب الاغنية ليه .. ؟؟؟ عايز الناس تحتفل بي المناسبة دي ؟؟؟ زول عاملين ليه عملية هو نفسو خجلان منها كمان جايب اغنية عشان ترقص و تهجج بيها ؟؟ الأصلع إتلوم و الله ... دي صحبة شنو دي البتخلي الصاحب يشمت في صاحبو ...
يا أبو حسين ما تلخبِت ولا تحتار ؤ تعمل فيها متعاطف مع الفارة دا، هو براهو الجاب الغنوة بمناسبة نجاح العملية التقول نجح لجامعة الخرتوم. ثم يأخي عيب عليكم إنت وصلاح قريبي الراجل دا أنا فتحت البوست عشان الناس يكفروا ليهو تتخاتفو بالطريقة دي ! ؤ تخلو الجكس واقفات بعيد دايرات يكفرن ؤ خجلانات !، في عملية غضروف بتخجل عِلآ إنتو براكم الحولتو المشرط لخابور. حرآم عليكن الزول محتاج لعبارات رقيقة حرمتوهو منها بي لخبتتكم دي...
09-07-2019, 12:42 PM
Osman Awoda Osman Awoda
تاريخ التسجيل: 06-19-2017
مجموع المشاركات: 495
عشان ما نلخبت الاختساسات عم عووضة براه وانا براي يا M untasir انا عملت عملية زايدة بس بناء على ما تقدم من تلميح اظن عم عووضة عمل عملية غضروف😂😂 فشتان ما بين الزايدة والغضروف
لهذا جرى التنوية الباب مفتوح للتكفير والغمت (ما زي غمت عمكم بشة 😃😃)
09-07-2019, 01:30 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
شوف يا على اب شنب زمن الدسدسة و الغتغيت انتهى الاخبار الجاتنا قالوا انت عملت العملية فى حتة و خاتى اللصقة فى حتة تانية فى اكبر عملية انتحال مرضى ود المدير مصدر موثوق فى البكان ده
09-07-2019, 03:21 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
الأصلع شكلو عمل كروت و وزعها على الناس بخصوص عملية عووضة .. غايتو السواها الأصلع مافي زول سبقو عليها ... و الله ما فضل إلا إعمل ليه حنة بي حمادة عباسية ... 😂😂😂😂😂😂😂😂😂
09-07-2019, 03:15 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
اخونا عثمان عوضة يازول سلامتك وليك عاجل الشفاء . يا اخ معاوية كدي فتش للزبيد الفي الحجرة قام ده معاني تانية . اكيد تختلف الكلمة من منطقة لي منطقة . انا بتخيل الزبيد من فصيلة الدونيب . وطبعا دونيب حجرة النيل ولا حجرة الجداول جميل وهو مفرهد وفوق ليه الفراشات والعصافير قدوم احمر .
09-07-2019, 08:42 PM
Osman Awoda Osman Awoda
تاريخ التسجيل: 06-19-2017
مجموع المشاركات: 495
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
Osman Awoda
زهير عثمان حمد
Salah Zubeir
عبدالله عثمان
عمر التاج
Ahmed Yassin
عمر دهب
jini
احمد حمودى
ABUHUSSEIN
اسامه العريفي
يحي قباني
عبدالحفيظ ابوسن
جلالدونا
علي دفع الله
عمر أبوعاقلة
محمد على طه الملك
حامد بدري
Osman Musa
علي عبدالوهاب عثمان
صديق مهدى على
ترهاقا
محمد جبره
فيس بوك
تويتر
انستقرام
يوتيوب
بنتيريست