|
|
|
 Re: احزاب المركز اتهموا الجبهة الثورية بالمح� (Re: Idris Logma)
|
Quote: هل يريدون ابعاد الجبهة الثورية والركون الى السودان القديم
ام ما زالوا يريدون اكمال مشروع الحرب الممتد منذ قبل الستقلال ما داموا رافضين لبرنامج السلام |
سلام ادريس
هو حقا الركون الي السودان القديم
و ايضا اصرار علي مشروع الحرب. يعني لو عاوز تجي بشروطنا او ما عايز تجي امشي حارب.
و فكرة المحاصصة الظلننا نقولها من اول يوم بعد سقوط البشير ما وقعت ليهم الا بعد المفاصلة مع الجبهة الثورية و كان التخبط و بدأو يفتشون لأي زول يملا ليهم الخانة و طبعا اى زول واعي من دارفور ما حيدخل في لعبة الابلاى بيزنز.
مثلا الدكتور موسي عبدالجليل و الدكتور محمود داؤؤد.
نفس الشئ حصل ليهم بخصوص محاصصة كردفان فأتو بالكباشي و صديق تاور و رفضو بالتعايشي و حميدتي بسبب انهم من اثنية واحدة.
الغريبة في بقية الولايات لم يتبعو ذات المنهج اطلاقا.
| |
 
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Mahjob Abdalla)
|
Quote: نفس الشئ حصل ليهم بخصوص محاصصة كردفان فأتو بالكباشي و صديق تاور و رفضو بالتعايشي و حميدتي بسبب انهم من اثنية واحدة.
الغريبة في بقية الولايات لم يتبعو ذات المنهج اطلاقا.
|
السبب واضح يا محجوب
اسي لو اختاروهم كلهم من القبائل العربية حتشوف المنبر ده والانترنت كلو عجاجتو واقفة في السما والعكس ..
اصلا البوستات الاستباقية للموضوع ده بالذات في المنبر ما وقفت كلو كلو
في بقية الاقاليم درجة الحساسية اقل بكتير عدا مناطق الحرب وهو شيء مفهوم كون الحرب نتجت بالاساس عن ظلامات من هذا النوع
فكيف تقوم ثورة وفي اول الطريق تغلط نفس الغلط الوقعو فيهو الناس القبلها؟
الجبهة الثورية والحركات المسلحة موضوعهم مختلف تماما من الاحزاب المدنية ، مفروض هدفهم الاول حاليا يكون ايقاف الحرب
وحل مشاكل النازحين وتفكيك المعسكرات وفق حلول معقولة ومنطقية تراعي جميع الاطراف ، بعد داك يلتفتوا لممارسة السياسة
طالما في ناس من مناطقهم او مجتمعاتهم ممثلين تمثيل عادل في الحكومة ، اي انتفاء التهميش السياسي وهو احد انماط التهميش
وليس كلها ، بعدداك يقعدوا مع الحكومة ويشوفو يزيلو بقية الانماط والظلامات المتراكمة دي كيف وكيف تكون الترتيبات الامنية
ووضع المليشيات والتمييز الايجابي وكل ما من شأنه ازالة اثار الماضي.
بالطريقة دي الحركات ليست معترفة بأي شخص من مناطقها سوى نافذيها فقط هم من يجب ان يشاركوا وده الشي السيء
الخلا الناس تقيف ضدها.
ما ممكن تكون عسكري ومدني في نفس الوقت !
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Abdullah Idrees)
|
| Quote: اسي لو اختاروهم كلهم من القبائل العربية حتشوف المنبر ده والانترنت كلو عجاجتو واقفة في السما والعكس .. |
استاذ عبدالله
في حاجة اسمها منهج.
بدون منهج ما ممكن تعمل حاجة صاح واي محاولة لعمل حالات خاصة او exceptions
انت في غني عنها.
تقول معقد لكل اقليم و تجي تعمل غير كدا و بعدها تبرر انو حساسيتهم اقل (يعني متحضرين و عشان كدا هم اللي ليهم اليد العليا و هم اللي يفهموك تعمل كدا و هم و اليصنفو الناس ديل متخلفين و ديل و ديل...).
يا عزيزي انت في غني تجي عايز تفسر الماء بالماء.
من قال لك انو ناس دارفور عندهم حساسية ضد بعض و بحتاجو محاصصة خاصة بيهم من اصلو.
هم وقت اتفاوضو علي المحاصصة مع العساكر علي 5+5 كان في بالهم شنو؟
كدا انت ذاتك وضح لي رأيك شنو في مبدأ المحاصصة مع العسكر القعدو ليها اربع شهور؟
يا اخ عبدالله, الكلام هنا في المبدأ و ليس في اسلوب الترقيع البعملو فيهو ده.
و المبدأ انك تاسس عملية سليمة و ينطبق علي كل الناس.
اوكي قلنا خلاص عملو محاصصة لدارفور, ما لهم ما اداركو الشئ ده من الاول الا بعد ما رشحو التعايشي؟ من اسمو بقول انو تعايشي. يعني ما عرفو انو بنتمي لقبيلة عربية في الا بعد ترشيحو و بعداك انتبهو انو من اثنية حميدتي؟
مبدأ الديمقراطية اصلا مبني علي التمثيل النسبي و لازم تبدأ البداية الصحيحة من الاول افضل بكثير من انك تمشي نصف المسافة و بعداك تقول نرقع هنا و هناك.
ليست مهمة الجبهة الثورية انهاء الحروب في منطقة ما او اعادة النازحين و تفكيك المعسكرات (وفق حلول معقولة ومنطقية تراعي جميع الاطراف).
ده كلام ده؟
الجبهة الثورية لا يختلفون عن اي حزب سياسي اخر و عندما وقعو المواثيق مع الاحزاب الاخرى كان بمبدأ واحد و ليس استثناء و كجزء من الحل الشامل و ليس حلول القطاعي.
الان انت بتفرض عليهم مسئولية تفكيك المعسكرات. لو ده رأيك او رأي قوي الحرية و التغيير فهو في تقديرى من اسوأ و اخبث الاراء التي سمعتها في سودانيز اونلاين و يفتقد الي الحساسية من كل النواحي.
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Mahjob Abdalla)
|
Quote: تقول معقد لكل اقليم و تجي تعمل غير كدا و بعدها تبرر انو حساسيتهم اقل (يعني متحضرين و عشان كدا هم اللي ليهم اليد العليا و هم اللي يفهموك تعمل كدا و هم و اليصنفو الناس ديل متخلفين و ديل و ديل...).
|
مافي زول جاب سيرة التحضر ، قلنا مناطق حروب ، فبالله عليك اسألني لو ما فهمتني
الحساسية اقل يعني مافي نزاعات اثنية او نزاعات فيها جانب اثني
يا سيدي في حرب في دافور طرف منها بين عنصر عربي وعنصر افريقي ، وطرف تاني بين عنصر افريقي وجيش ومليشيا حكومية
في دعاوى ضد عنصر عربي من نفس القبائل الافريقية بانو استولى على اراضيهم وارتكب الكثير من الجرائم
فما تدفن راسك في الرمل وتجي تقول ناس دافور ما بتهمهم الحاجات دي وممكن يتجاوزوها ، اذا كان الحركات المسلحة ذاتا
ما قدرت تتجاوز خلافاتا وكل منها يعمل لوحده رغم ان المشكلة واحدة والشعارات واحدة
في مشكلة حقيقية بعض جوانبها اثنية ، ده شي لازم تعترف بيهو
السلام ذاتو الناس تصل ليهو كيف اذا حكومة الثورة واصلت التهميش ؟
موضوع الuniform process ده عادي الناس بتتجاوزا في المرحلة الثورية عشان تقدر ترسخ ليهو بعدين بعد نجي للدستور والانتخابات
المنطقي الان اشراك دافور في مستويات الحكم باختيار كفاءات دارفورية وهم كثر يبقى لييه نتجاوزهم ؟
ما ممكن تصمم process ترضي بيها 50 حركة مسلحة والاف الناشطين السياسيين ، ده مستحيل عديل كده
العمل على السلام هو اهم شيء واكبر مشكلة بتواجهنا واول خطوة فيهو العمل على ازالة اسباب الحرب
يعني يا محجوب اختيار وزراء واعضاء سيادة من قبائل عربية ممكن يدي اقل امل لاحداث سلام ؟ طيب الحرب دي كلها سببا شنو؟
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Abdullah Idrees)
|
Quote: الان انت بتفرض عليهم مسئولية تفكيك المعسكرات. لو ده رأيك او رأي قوي الحرية و التغيير فهو في تقديرى من اسوأ و اخبث الاراء التي سمعتها في سودانيز اونلاين و يفتقد الي الحساسية من كل النواحي.
|
محجوب رجاء
لو التبست عليك حاجة اسأل واتأكد
كيف تفكيك المعسكرات يكون مسئولية الحركات ؟
تفكيك المعسكرات نتيجة منطقية للوصول لحل مرضي لمشكلة ضحايا الحرب ، مافي زول حيقعد في معسكر لو مشكلتو اتحلت ، براها بتتفكك مجرد التوصل لاتفاق والبدء في تنفيذه
لكن ده ما ممكن يحصل لو لم يضع الجميع السلام كاولوية قصوي وكلهم يقعدوا مع بعض بـ good faith وبكل تجرد وينسوا خالص موضوع المناصب ده ، الانتخابات جاية
او حتى لو تسويات السلام ، اذا تم التوصل اليه خلال الفترة الانتقالية ، فرضت منح مقاعد في اي من مستويات الحكم للجبهة الثورية والحركات ، اوكي برضو .
ما في داعي للتوجس ده اي حاجة تفسرا بالسلبية دي
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Abdullah Idrees)
|
الاساتذة محجوب عبد الله وعبدالله ادريس
عيال الترابي دييل شغالين بجهد شديد اليومين دييل ، كل معلوماتهم بعيدة عن الواقع
ودورهم في الوقت الحاصل إشعال الفتن ، اطمئنوا ، الثوار ما زال في يدهم الزمام
لا المهنيين ولا التجمع ، ولو في خلافات حسع فهي خلافات صحية جدا
خلوهم يرغوا ويزبدوا ، عهدهم انتهى
| |
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: ترهاقا)
|
Quote: الاساتذة محجوب عبد الله وعبدالله ادريس
عيال الترابي دييل شغالين بجهد شديد اليومين دييل ، كل معلوماتهم بعيدة عن الواقع
ودورهم في الوقت الحاصل إشعال الفتن ، اطمئنوا ، الثوار ما زال في يدهم الزمام
لا المهنيين ولا التجمع ، ولو في خلافات حسع فهي خلافات صحية جدا
خلوهم يرغوا ويزبدوا ، عهدهم انتهى |
سلام ترهاقا
الواقع بقول انو في تخبط شديد و كلام الاخ ادريس لم يخرج من هذا الاطار في هذا البوست و اسئلته مشروعة
Quote: هل يريدون ابعاد الجبهة الثورية والركون الى السودان القديم
ام ما زالوا يريدون اكمال مشروع الحرب الممتد منذ قبل الستقلال ما داموا رافضين لبرنامج السلام |
يعني الحصل مع الجبهة الثورية كاحد مكونات قوى الحرية لا يسنده عقل و نحن او السودان في مرحلة تتطلب التوافق علي الحد الادني و ليس في حاجة لاستعراض العضلات.
الموضوع يفهم كالاتي:
1. عدم ترشيح اي شخصية او اعضاء التجمعات التي وقعت علي ميثاق الحرية لاى منصب.
2. لكل اعضاء التجمعات داخل الحرية و التغيير الحق في ترشيح شخصيات مستقلة.
دا ما عايز درس عصر.
بقي في فقرات الدستور: ما الفائدة من دستور لا يتضمن ابسط اراء مكونات بعض اعضاءه او التنصل منها بعد التوقيع؟
ده عدم منهجية في تناول الاشياء و بدونها ما ممكن تعمل حاجة صاح.
نحن في لحظة تاريخية زي ده ما ممكن نسكن علي الشئ الغلط. لازم نسمي الاشياء بمسمياتها (ده غلط و ده صاح).
و اخيرا يا اخي كلام الاصم في خطابو اللي ممكن نقول انو لامس مقام مانديلا, هل ممكن يدينا امل انو نقول الاخ ادريس هنا يتحدث بصفته الشخصية و لا يتحدث باسم الترابي.
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: ترهاقا)
|
سلام اخ عبدالله
| Quote: يا سيدي في حرب في دافور طرف منها بين عنصر عربي وعنصر افريقي ، وطرف تاني بين عنصر افريقي وجيش ومليشيا حكومية |
من اين لك بهذا ان الحرب في دارفور بين العنصر العربي و العنصر الافريقي.
الحرب قامت و حتي سقوط البشير كانت بين حكومة السودان اجسام معارضة لا تصنف ذاتها علي انها تمثل اثنيات معينة.
اذا حكومة البشير استخدمت بعض المغفلين ليحاربو نيابة عنها, هذا لا يمكن ان تصنفه كحرب بين عنصرين افريقي و عربي و بعد شوية بين الشماليين و الدارفوريين.
اذا لست انا الذي ادفن رأسي في الرمال يا عبدالله.
Quote: المنطقي الان اشراك دافور في مستويات الحكم باختيار كفاءات دارفورية وهم كثر يبقى لييه نتجاوزهم ؟
ما ممكن تصمم process ترضي بيها 50 حركة مسلحة والاف الناشطين السياسيين ، ده مستحيل عديل كده |
مرة اخرى الموضوع ليس في تصميم عملية ترضي بيها 50 حركة. انت عندك اعضاء موقعين معاك في ميثاق, و فجأة تقول ليهم انتو برة الموضوع. الامر في مرحلة التنسيق بين مكونات التجمع (كلهم في مستوى واحد) و ليس بين حكومة و متمرد علي الدولة و اشراك ناس في دارفور لا يتطلب بعض اعضاء التجمع.
دورهم فقط مثل غيرهم يكون لهم الحق في المشاركة في ترشيح الشخصيات المستقلة و اللي عملوهو ناس قوى الحرية و التغيير و زايدا عليه رشحو بعض اعضاءهم و كذلك شخصيات سياسية.
| Quote: يعني يا محجوب اختيار وزراء واعضاء سيادة من قبائل عربية ممكن يدي اقل امل لاحداث سلام ؟ طيب الحرب دي كلها سببا شنو؟ |
ما دام مصر تسألني السؤال ده, الحرب ما قامت بين العرب و غير العرب في دارفور.
اول معركة كانت في مطار الفاشر و تم تدمير 6 طائرات حربية كانت بتشن حرب باسم حكومة السودان علي سكان دارفور.
ثانيا ما محتاج تلوح بكرت زى من الاساس لانو الزول الاخذ علي عاتقو مهمة توزيع الفرص بكون عمل الهومورك بتاعو و اخذ الحسابات دى في الاعتبار بدون ما يسبب احراج لاى زول.
و نجي لكلامك الاول انو ناسكم ما عندهم حساسية في تعيين اي شخص:
يا اخ عبدالله, ما الغرض من تعيين رئيس او رؤساء في الاساس؟
لما نقول انو شخص لكل منطقة ليس بسبب الحساسية و لكن لاهمية ايصال صوت سكان المنطقة في مركز القرار. فمثلا اذا ارادات الاخ فريدة محجوب من اقصي شمال وداى حلفا ايصال صوتها, لمن ستتحدث؟
و بما انها غير حساسة افتراض, من ستفاضل للذهاب بشكواها من بين الخمس او الـ 11 ديل؟ و علي اي اساس ستفاضل؟
لما تقول احنا ما حساسيين, مش ياهو بسببو عمر البشير عمل حوش بانقا في الخرطوم و جاب اهلو بس و بقية الناس همشوهم؟
لما بنقول منهجية بنعني شيئين اساسيين:
1. التمثيل العادل
2. وجود الية لايصال صوت كل السودانيين في مركز القرار
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Mahjob Abdalla)
|
شكرا للاخ محجوب ووضع النقاط على الحروف
وشكرا لبقية الاخوة
الاخ عبدالله ادريس
كلامك دا الا تبلوا وتشرب مويته الان
Quote: السبب واضح يا محجوب
اسي لو اختاروهم كلهم من القبائل العربية حتشوف المنبر ده والانترنت كلو عجاجتو واقفة في السما والعكس ..
اصلا البوستات الاستباقية للموضوع ده بالذات في المنبر ما وقفت كلو كلو
في بقية الاقاليم درجة الحساسية اقل بكتير عدا مناطق الحرب وهو شيء مفهوم كون الحرب نتجت بالاساس عن ظلامات من هذا النوع
فكيف تقوم ثورة وفي اول الطريق تغلط نفس الغلط الوقعو فيهو الناس القبلها؟
الجبهة الثورية والحركات المسلحة موضوعهم مختلف تماما من الاحزاب المدنية ، مفروض هدفهم الاول حاليا يكون ايقاف الحرب
وحل مشاكل النازحين وتفكيك المعسكرات وفق حلول معقولة ومنطقية تراعي جميع الاطراف ، بعد داك يلتفتوا لممارسة السياسة
طالما في ناس من مناطقهم او مجتمعاتهم ممثلين تمثيل عادل في الحكومة ، اي انتفاء التهميش السياسي وهو احد انماط التهميش
وليس كلها ، بعدداك يقعدوا مع الحكومة ويشوفو يزيلو بقية الانماط والظلامات المتراكمة دي كيف وكيف تكون الترتيبات الامنية
ووضع المليشيات والتمييز الايجابي وكل ما من شأنه ازالة اثار الماضي.
بالطريقة دي الحركات ليست معترفة بأي شخص من مناطقها سوى نافذيها فقط هم من يجب ان يشاركوا وده الشي السيء
الخلا الناس تقيف ضدها.
ما ممكن تكون عسكري ومدني في نفس الوقت ! |
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Idris Logma)
|
ما يزال سؤولنا قائم
بقايا الحاضنة الاجتماعية للانطمة الفاسدة التى مرت على حكم البلاد الان يرفضون السلام اذن ما فى جعبتهم
من يريدون ان يستخدموه كراس حربة فى قتالهم الهامش هذه المرة
هل يأولون على حميدتى والدعم والسريع لمحاربة الهامش ويحركونهم بالرموت وينامون فى بيتوتهم كما ذكره البعثى والقيادى فى قحت الريح السنهورى
نحن عايزين رؤية هولاء بدلا من الكلام لغة المؤتمر الشعبى والوطنى وغيرها
فليعلم هؤلاء المعركة القادمة سوف يكون فى قلب الخرطوم لا فى اقاصى كردفان ودارفور
نحن حربنا الممتد لاكثر من نصف قرن من المركز وليس لحكومة بعينها
لذا ارحموا انفسكم من وصفنا باتباع اى حزبى مركزى ، جميعهم شي واحد عندنا لا فرق بين المؤتمر الوطنى والبعث العربى والناصرى وغيرهم
| |
|
|
|
|
|
|
|
|
|
Re: احزاب المركز اتهموا الجبهة الثورية بالمح� (Re: Idris Logma)
|
Quote: لما بنقول منهجية بنعني شيئين اساسيين:
1. التمثيل العادل
2. وجود الية لايصال صوت كل السودانيين في مركز القرار
|
مرحبا ادريس ومحجوب
انا من بداية البوست مركز على التمثيل العادل وازالة التهميش السياسي كاحد انماط التهميش
يبقى الخلاف وين عشان اقوم "ابلو واشرب مويتو" ، هل في تفشي القبلية ، من ينكر هذا الشيء
يجب ان يبرز بطاقة هوية صادرة من المريخ ..
اما الحكاية بتاعة ايصال صوت السودانيين ، فهذه تضمنها فاعلية المؤسسات والسياسات وليس التمثيل
لماذا لم يوصل حسبو وموسى هلال وكاشا وابوقردة وغيرهم اصواتكم للمركز ؟ لأنهم غير معنيين بذلك
هذه مهمة البرلمان وليس الجهاز التنفيذي والبرلمان نفسه لن يؤدي دوره جيدا الا في ظل سياسات قومية محددة
وفاعلة ومؤسسات قوية لا ترتبط ايما ارتباط باسماء شاغليها وانما باهدافها ولوائحها .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Idris Logma
Mahjob Abdalla
Abdullah Idrees
ترهاقا
فيس بوك
تويتر
انستقرام
يوتيوب
بنتيريست