|
Re: عودة الي ملف فض الاعتصام (Re: عمر التاج)
|
دا اهم ملف والصبرنا على نواقص الاتفاق و القبول بحاجات مرة لولا الوعد بلجنة التحقيق المستقلة ما كان للحرية و التغيير و الشعب أن يقبل بها لكن يا ود التاج كعادتك داخل بالعرض!! اتهامات وتخوين وتلميحات و حركات انك عارف معلومة وبتاع في حين ياهو الواتساب الاخيدر دا ما حيلتك غيره! القاتل واضح وواحد و نعرفه كلنا و شفناهم في الفيديوهات شايلين العصي و البنادق و يضربون و يذلون المعتصمين حتى تأتي لجنة التحقيق بخبر غير و تقول فلان وعلان كانوا عارفين ووقعوا ومش عارف ايه لا داعي لحركات اللايف بويات دي
| |
|
|
|
|
|
|
Re: عودة الي ملف فض الاعتصام (Re: Asim Ali)
|
يا عاصم الامام الصادق قال الكلام ده واضح مافي اي جهة عندها اي معلومة ع فض اعتصام القيادة وتفكك الخيمة كان في 28 رمضان لانو التراتيل المرتبطة بالمهدي انتهت وما كان في تفكيك فلي للخيمة لكن في انهاء للطقوس المهدوية
ده كلام قالو علي رؤوس الاشهاد وفيديوهات موثقة ممكن افهم اي اتهامات للصادق المهدي لكن لا يمكن ولا يعقل ابدا ان يطل بهذا الكاذيب عيانا بيانااً
لوكان في اي جهة مدنية عندها علم بفض الاعتصام ولله الكضباشي ولا مجلسو زفت الطين يسكت الا ويحملهم المئولية لمن عصرهم وهددهم حميدتي يا تقولوا كلنا ماشركين يا والله اقلب عاليها واطيها عشان كدة طلعوا لينا وقالوا منو كان في الاجتماع
ووالله لو كان حاضر معاهم مدني واحد لشيلوهو كل القباحة
ده كلو كلام فارغ وبعد الوقت ده عايزين يبعدوا العيون عن المجرمين الحقيقيين مافي غيرهم وكلنا عارفينهم اتغشوا لا ما اتغشوا القانون لا يحمي المغفلين بفاوضوا فينا علي شنو ريالتهم السايلة قبح الله وجوههم
| |
|
|
|
|
|
|
Re: عودة الي ملف فض الاعتصام (Re: محمد البشرى الخضر)
|
مرحبا ود البشرى،
Quote: ياهو الواتساب الاخيدر دا ما حيلتك غيره |
بدأت البوست بحديث سمعته مباشرة من صديق قديم، والأمانة هو موظف عادي وليس عسكري، وكان حديثه لي في ثاني أيام العيد، وايام حزني بفقدان قريب لي في المذبحة.. الأخ عاصم تحت أعاد ذكر مقتطف من بوست سابق له يضيف للبوست بعض البيان، الزميل بقال فتح بوست مجاور وقال فيه بصريح العبارة مايلي:
Quote: الأصم يدرك جيدا إن المحاسبة ستطاله هو والدقير ومن معهم الذين وافقوا ووقعوا علي فض الإعتصام وقالوا إن كولمبيا لا تمثلهم ومن قبل حميدتي ذكر في عدة مرات أنه يمتلك تسجيل صوتي وفيديو يؤكد موافقة قادة في الحرية والتغيير علي فض الإعتصام بل وقعوا علي الفض وبهذا هم شركاء في الدم وشركاء في القتل |
يلا.. بعد كده نرجع للواتساب الاخيدر، إذا عندك منه ما يثبت أو ينفي اي معلومة في البوست ارجو عدم البخل بها، فوسائط التواصل الاجتماعي لا يمكن حجزها واعتبارها جزيرة معزولة، وفى النهاية حقك في ابداء الرأي حول اي رسالة أو تغريدة محفوظ. ولعلي ساضيف شيئا لا حقا اذا توفرت المساحة والزمن، ولكن ارجو فقط من الباحثين عن الحقيقة البحث في إحصائيات ضحايا فض الاعتصام وتصنيفاتهم الحزبية، عملية تحليل أحصائي بسيطة لهذه الجزئية ستضع النقاط على الحروف، ودمت يا صاحب.
| |
|
|
|
|
|
|
Re: عودة الي ملف فض الاعتصام (Re: عمر التاج)
|
مرحبا اخ عاصم،
Quote: اذكر حديث عن تفكيك حزب الامه لخيمتو قبل الفض بساعات او يوم |
قرار فض الاعتصام كان متداولا في اوساط مؤسسات الجيش والأمن قبل اسبوع من تنفيذه على الأقل، والإمام الصادق مازال يحتفظ بوالديه في قمة المؤسستين حتى اليوم، لذا لا استبعد ان يكون على علم بالقرار، ولكن لا اظنه قد تملكه بصورة رسمية.
| |
|
|
|
|
|
|
Re: عودة الي ملف فض الاعتصام (Re: عمر التاج)
|
حبابك اخ جعفر،
Quote: ده كلو كلام فارغ وبعد الوقت ده عايزين يبعدوا العيون عن المجرمين الحقيقيين مافي غيرهم وكلنا عارفينهم اتغشوا لا ما اتغشوا القانون لا يحمي المغفلين بفاوضوا فينا علي شنو ريالتهم السايلة قبح الله وجوههم |
الذين فضوا الاعتصام معروفين بالاسم، والشواهد والفيديوهات لا تكذب، وحتي حميدتي لم يستطع الإنكار، ان الخطير في الامر هو موضوع معرفة الآخرين بقرار فض الاعتصام بالقوة قبل وقوعه، ولو قلنا ان معرفتهم بفض الاعتصام كان في حدود منطقة كولمبيا فإن كولمبيا ومنطقة المتاريس كانت جزءا من منطقة الاعتصام، وبالتالي كان من الممكن تقليل الخسائر في حالة رفضهم الصريح المعلن لهذا الفض قبل حدوثه، أو تنبيه المعتصمين لما هو متوقع لهم خلال ساعات لياخذوا حذرهم ويستعدوا لذلك الهول العظيم.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|