|
|
|
 Re: معادلة التعيينات بتساوي لكل اقاليم السود� (Re: Gafar Bashir)
|
سلام عليكم
تركيبه الحكم لا اظنها بهذا التعقيد لو تم التركيز على ترشيح متعدد للكفاءات فى كل مجال - حتى يسهل الاختيار حسب التوازنات الجهويه - وفى مشكله اهم انو الناس مكزه على الاداره المركزيه وتوارت قضيه اداره الاقاليم/الولايات وهى بذات اهميه الاداره المركزيه ومالم تكون هناك كفاءات ايضا عليها اداره المعركه ميدانيا بخلاف المركز ولا اظن انو حيكون فى كفاءات تقدر على هذه المهمه الا ابناءالاقليم فهم اعلم بقضايا اقاليمهم ولكن الخوف ان نجد اداره الاقاليم فى يد السياسيين من دون كفاءه مهنيه وعلميه وتختل معادله اداره البلاد للخلل فى المستويات الدنيا لاداره البلد.
| |
 
|
|
|
|
|
|
|
 Re: معادلة التعيينات بتساوي لكل اقاليم السود� (Re: Mahjob Abdalla)
|
Quote: شكرا اخ جعفر لو اتفقت معي في هذه الجزئية و هو رأي يحتمل الخطأ و الصواب.
|
هو يحتمل الخطأ في حالة واحدة بس
لو تم التركيز على المحاصصة بدون موازنة مع الكفاءة ، نظريا اي اقليم فيهو كفاءات مستقلة متميزة
بعد داك بجي دور الحرية والتغيير في انهم يوسعوا دائرة اختياراتهم لكل الوزارات والمناصب الهامة في انها
تمثل الجميع.
ما اخشاه هو ان تعود نغمة الوزارات المهمشة والوزارات الايرادية والوزرارت السيادية وتطفو الى
السطح مدفوعة بضغط الثورة المضادة وعبدة المناصب وهذه النغمة من افرازات السودان القديم ،
في اي حكومة رشيدة اي وزارة لا تقل اهميتها عن اي وزارةاخرى ، في العصر البائد وزارات زي
التعليم والصحة بدوها للترضية والمحاصصة في حين انها اساس اي نهضة للمفارقة !
| |
|
|
|
|
|
|
|
|
|
Re: معادلة التعيينات بتساوي لكل اقاليم السود� (Re: Abdullah Idrees)
|
Quote: لو تم التركيز على المحاصصة بدون موازنة مع الكفاءة ، نظريا اي اقليم فيهو كفاءات مستقلة متميزة
بعد داك بجي دور الحرية والتغيير في انهم يوسعوا دائرة اختياراتهم لكل الوزارات والمناصب الهامة في انها تمثل الجميع |
سلام عبدالله
طبعا ده برضو بعتمد علي مدي هشاشة او تماسك تفكير قحت او المنضوين تحت منظومته.
يعني لو في insiders and outsiders
و بعد ما خلصو من ناس الانسايد بعد رجعو يفتشو (ممثلين) الاوتسايد, فـ النتيجة حتكون ياها.
______________
الجلوس في كراسي متساوية مهم
| |
|
|
|
|
|
|
|
|
|
Re: معادلة التعيينات بتساوي لكل اقاليم السود� (Re: علاء سيداحمد)
|
| Quote: معادلة التعيينات بتساوي لكل اقاليم السودان من المجمتع المدني. |
جعفر والضيوف سلام..
يمكن اكون مغرد برة السرب هنا.
قاعدة انطلاقي في اي نقاش قائمة علي انه الشارع في ثورة.
ربط الخيار دا علي الاقل بالانتقالية هسي في شارع الثورة وقبل
قيام اي اجسام سياسية تسمح بالاختيار يعتبر وصايا. الشارع
حسم مشاكل كثيرة جدا جوة مكونه العريض واصطدم تاني بالنخب.
المقتبس دا فيه تلاتة اسئلة محتاجة اجابات:
ياتو اقاليم اولا (جهات وعدد) ومنو البحددها او حددها والاسس شنو؟
هل دا حل مدروس ومخطط ام برضو تجربة زي غيره؟
وهل ح يتم (فوقي) ام من داخل مؤسسات (مدنية) للشارع قول فيها؟
Quote:
وما عداه ليس سوي وعود خبرناها جيدا خلال تاريخنا
اذا لم تعكس الحكومة الانتقالية هذا الشرط
لا اظن انن هنالك امل كبير في التغيير |
اذن لقوي الاعلان المسيطرة علي قرارات الانتقالية الحق في اختيار
التجربة دي وبالتالي فشلها او نجاحها مربوط بيهم.
افتكر من مهام رئيس الوزراء في الاتفاقية اختيار
نوع الحكم للاقاليم (سموها علي اي اساس ماعارف) ويمكن يكون
دا نواة او اساس لتجربة بعدين.
| |
|
|
|
|
|
|
|
|
|
Re: معادلة التعيينات بتساوي لكل اقاليم السود� (Re: Mutasim Idris)
|
سلام يا صديقي معتصم
Quote: افتكر من مهام رئيس الوزراء في الاتفاقية اختيار
نوع الحكم للاقاليم (سموها علي اي اساس ماعارف) ويمكن يكون
دا نواة او اساس لتجربة بعدين. |
لما الواحد فنح مليون بوست برشح فيها الدقير الكلام ده ما كان من فراغ ....
لانه ببساطة عارف طريقة ونمط تفكيره واللي هي منظومة حزب المؤتمر السوداني اللي اتربينا عليها خلال تلاتين عام و اللي شكلت برضو طريقة تفكيري في هذا الطرح
وعليه يا سيدي اقول ليك:
لا اعرف ان كانت الفكرة ناجحة او طبقت قبل الان لكنها بكل تأكيد جاية من ايمان عميق بالحقوق المتساوية لابناء الوطن وهي نقطة متقدمة جدا في بناء الثقة المفقودة علي طول وعرض السودان
لا اظن ان نجاح او فشل هذه المسالة هو أكثر اهمية من الفكرة نفسها وانا علي يقين بان كل اقاليم السودان بها كفاءات تحجب ضوءالشمس
يبقي سواء في الحكومة المركزية او حكومات الاقاليم يجب ان تعكس هذا التنوع حتي لو فشل في بعض الاقاليم لا زال هناك حرية المحاكمة والتقييم والتغيير
كلام زي ده يا معتصم لازم يتم من خلال مؤسسات ... ما مجرد وعود او عينات في مناصب تافهة
يعني ببساطة المؤسسات الحكومية الموجودة في الرهد لازم يكون كل الكفاءات البتشغلعا هم من ابناء الرهد في التعليم والصحة والقضاء
ده الشرط الوحيد وفقط الشرط الذي يمكن من خلاله تنمية منطقة الرهد
خلونا نشوف السيد حمدوك برنامجو شنو
وفهمو شنو
نحن فهمنا ياهو ده
نعم الحكومة المركزية من مهام رئيس الوزراء
| |
|
|
|
|
|
|
|
|
Re: معادلة التعيينات بتساوي لكل اقاليم السود� (Re: علاء سيداحمد)
|
| Quote: اتفق معك تماما فى هذه الجزئية مع الاعتبار فى الكفاءات |
تحياتي
نعم يا علاء
الكفاءات يقيني بانها متوفرة في كل اقليم وايضا من ابناء الاقاليم في المركز بالنسبة للحكومة المركزية الانتقالية
حتي لو كان هنالك فشل جزئي سيتم تصحيحه من خلال الرقابة
فالمسالة هي وجود مؤسسات مدنية يمكنها ان تحكم وتراقب اداء بعضها البعض لتقليل مساحة الفشل وتقويم التجربة
| |
|
|
|
|
|
|
|
|
|
Re: معادلة التعيينات بتساوي لكل اقاليم السود� (Re: Abdullah Idrees)
|
| Quote: لو تم التركيز على المحاصصة بدون موازنة مع الكفاءة ، |
تحياتي عبدالله ادريس
وشكرا لدعم الفكرة
المحاصصة ليست كلها شر
المحاصصة السليمة علي اساس جغرافي وقبلي يمكنها ان تكون نواة لسودان جديد
مثلا دعنا نتحدث عن جميع المؤسسات الحكومية في مدينة الجنينة غرب دارفور
اذا تم وضع قوانين بان يتم استيعاب ابناء من طقة اجنينة بنسبة 80 % في جميع الوظاف الحكومية في القضاء والصحة والتعليم مقابل 20% من بقية الاقاليم ككفاءات عليا
هل تعتقد ان امكانية النجاح مهمة بقدر ايتعادة الثقة في الدولة ومؤسساتها
| |
|
|
|
|
|
|
|
|
|
Re: معادلة التعيينات بتساوي لكل اقاليم السود� (Re: Asim Ali)
|
سلام يا عاصم
| Quote: ولا اظن انو حيكون فى كفاءات تقدر على هذه المهمه الا ابناءالاقليم |
ولا يجب يا عاصم ان يكون هنالك شكوك في هذا الامر مهما كانت مستوي الكفاءات بالاقاليم
اية كفاءات تم تعيينها او انتخابها
سيظل رقيبا ًعليها القانون والاعلام والمواطن
لكن قبل الاقاليم دعنا نتحدث عن المركز وتركيبته
هل تعتقد ان هنالك اقليم في السودان لا يوجد فيه من يمكن ترشيحه لتولي وزارة الصحة او وزارة الزراعة او غيره من الوزارات؟
انا لا اعتقد بذلك
فالاقليم يعني ملايين السودانيين في كافة المجالات
| |
|
|
|
|
|
|
|
|
|
Re: معادلة التعيينات بتساوي لكل اقاليم السود� (Re: Gafar Bashir)
|
فى البدايه انا ذكرت
| Quote: تركيبه الحكم لا اظنها بهذا التعقيد لو تم التركيز على ترشيح متعدد للكفاءات فى كل مجال - حتى يسهل الاختيار حسب التوازنات الجهويه - |
يعنى فى ترشيح الكفاءات للوزارات قول خمسه لكل وزاره بدل تلاته مع مراعاه انو مايكون اتنين من اقليم واحد يعنى ترشيح 100 ل 20 وزاره على انو يراعى الاختيار تمثيل الواقليم ال 18 بشكل متوازن ياخى طريق ومعطيات زى دى برنامج كمبيوتر يحلها فى خمس دقائق .
لكن المشكله بعد دا كلو يقولليك الاتنين الفوق ال18 داير يكونو من اقليمو القصه ما قصه عداله توزيع مع مراعاه الاولويه للكفاءه والخبره وانمما وضع العقده فى المنشار .
اما التنبيه لقصه اداره الاقليم فدى الناس البتكلمو عن التهميش باسم اقاليم حيكونو ابعد ناس من اقاليمهم متمترسين خلف العمل فى الاداره والحكم فى المركز . ببساطه ناس دايره امتيازات وحياه فى المركز باسم شعوب الهامش من غير مايقدمو لى شعوبهم شىء على مستوى تفعيل القوى البشريه المنتميه لحركاتهم بالعمل فى الاقاليم واظن دا كان واضح من المجموعات الاتصالحت مع نظام البشير هل حاولت تحشد قواها البشريه فى الاقاليم لتنميتها وتعميرها ؟؟؟ لو كانت جاده فى كلامها عن التهميش فى الوقت داك .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Abdullah Idrees
Asim Ali
Mahjob Abdalla
علاء سيداحمد
Mutasim Idris
فيس بوك
تويتر
انستقرام
يوتيوب
بنتيريست