روسيا حاليا فيها كارثة، يمكن تكون مسمعتش عن الخبر ده عشان العيد وكدة لكن لك ان تتخيل ان العالم كله مقلوب حاليا بسبب الكارثة دي،
يوم 5 أغسطس اللي فات الروس اللي عايشين في شمال روسيا صحيوا علي صوت انفجار رهيب جي من ناحية مخزن سلاح كبير في أكينسك، بيبصوا كدة لقوا ان فيه انفجار فعلا، بس اللي يخض انه مش انفجار كدة عادي لا دا واخد شكل الفطر او المشروم بتاع الانفجار النووي زي ما حصل في هيروشيما كدة، وطبعا صوروه هتلاقوه هنا : https://youtu.be/7mwjAsBhucchttps://youtu.be/7mwjAsBhucc وهنا : https://youtu.be/tUoi1cdXUuYhttps://youtu.be/tUoi1cdXUuY
ساعتها السلطات في روسيا طلعت وقالت انه انفجار في تجربة صاروخ بس انفجار عادي مفيهوش ضحايا صباح الفل يعني، مش نووي ولا حاجة اتطمنوا عادي مجرد اصابات عادية مفيش ضحايا، الا ان الاجواء مكانتش تطمن خالص،
كنا احنا وقتها بقا في الشرق الاوسط، مشغولين بأيه؟ ايوة بالظبط، الغروب الدامي، او النور الاحمر اللي ظهر بعد الغروب في السما وكلنا قلنا دا طلوع الشمس من مغربها وبتاع، وسبحان الله الهيئة السعودية تربط بينها وبين ما اسمته "حرائق في شمال روسيا" في نفس اليوم اللي هوا ٥ اغسطس ومكنش حد عارف ايه هوا السبب الحقيقي : http://www.alraeesnews.com/32722http://www.alraeesnews.com/32722
نرجع لروسيا بقا، بعد الانفجار بكام ساعة، صفارات الانذار كلها في مقاطعة أكينسك والمدن والقرى حواليها صفرت، عشان بعدها الحكومة الروسية تؤمر بأن اكتر من ١٠٠ الف من السكان في المناطق المحيطة يقعدوا ميخرجوش من بيوتهم، وقامت موزعة عليهم بوتاسيوم ويود، والمعروف ان الحاجات دي مبتتوزعش الا في الكوارث النووية، لان وقتها الناس بتتعرض ليود مشع 131 عن طريق الغدة الدرقية فا لما بياخدوا iodine فا الجسم بيستكفي ومبيمتصش اليود المشع : https://www.washingtonexaminer.com/…/watch-explosions-at-ru…https://www.washingtonexaminer.com/…/watch-explosions-at-ru…
كدة لا خلاف علي اننا قدام كارثة نووية فعلا، الا ان الحكومة استمرت في الانكار، علي الرغم من انتشار الصور والفيديوهات عن الانفجار ده وكمان صور لقرى اتدمرت حرفيا، الموضوع مكنش باين انه بسيط لكن الاعلام بيخبّي، عشان الناس بردو تتفاجئ ان روسيا بعتت مركبة Uran-6 واللي معدة للتعامل مع حالات التسرب الاشعاعي.
الموضوع يخلص؟ لا يا سيدي، الخطر الحقيقي بقا في التسرب الاشعاعي، لما يطلع علماء من كل حتة في العالم يقولولك انه حصل تزايد في معدل الruthinium 106 في الغلاف الجوي وفيه كلام عن Radioactive leak هيبدأ يأثر علي العالم كله : https://www.express.co.uk/…/russia-news-nuclear-explosion-r…https://www.express.co.uk/…/russia-news-nuclear-explosion-r…
الكلام ده حصل يوم 9 أغسطس بالليل، ظهر ارتفاع غريب في مستوى الإشعاع في مدينة اسمها أرخانجيلسك في روسيا و عملوا صفارات انذار و وزعوا يود و بوتاسيوم على الناس بردو أمروهم يقعدوا في البيت، بس مع فرق واحد، إن المدينة دي على بعد 2500 كيلو متر من أكينسك، يعني الموضوع فعلا بينتشر : https://gizmodo.com/russian-nuclear-agency-rosatom-confirms…https://gizmodo.com/russian-nuclear-agency-rosatom-confirms…
واخيرا، اعترف فلاديمير وحكومته بالانفجار النووي ده، واعترفوا بسقوط ٥ قتلى في الانفجار ووصفهم بالابطال، اعتراف جزئي كدة لان الاخبار انتشرت فعلا في العالم وفيه مخاوف من كوارث مشعة في اغلب دول العالم، ويا اخي دا بالمعدل ده فيه مخاوف عن انتقال المواد المشعة في الهوا وهتوصل للشرق الاوسط وغرب اوروبا، https://time.com/5649826/russia-nuclear-accident/https://time.com/5649826/russia-nuclear-accident/
روسيا للاسف مش اول مرة تخبي اخبار مهمة زي دي، في حادثة تشيرنوبل بردو منعت النشر لمدة طويلة لحد ما اعترفت بالكارثة، عشان بس شكلهم ميكونش وحش، لدرجة انه ظهرت اخبار عن انهم رموا جثث العلماء اللي ماتوا في البحر عشان محدش يكشفهم، وطبعا رقم زي ٥ قتلى ده ميتصدقش : https://www.express.co.uk/…/russia-news-nuclear-explosion-r…https://www.express.co.uk/…/russia-news-nuclear-explosion-r…
الموضوع مؤثر فعلا وواضح اننا داخلين علي كارثة نووية وسرطانات وتغيير مناخ وبتاع، وده مش في يوم وليلة يعني بس فيه مخاوف عالمية من الحوار ده، وطبعا الشرق الاوسط هيتأثر جدا، وممكن اكون ببالغ العلم عند الله، تفاصيل اكتر هتلاقيها هنا : https://www.themoscowtimes.com/…/russia-has-failed-another-…https://www.themoscowtimes.com/…/russia-has-failed-another-…
مش اول مرة تحصل كارثة نووية في روسيا او علي ايد روس، واضح انهم فاشلين في الحكاية دي ولا متهورين معرفش، بس احب ابشركوا ان اول الشهر صرح مسؤولين روس ان العمل علي مفاعل الضبعة المصري هيكون قريبا، بالتعاون مع روسيا يعني : https://arabic.cnn.com/…/russia-nuclear-power-nuclear-stati…
نصيحة ملهاش اي لازمة : الحقوا اتجوزوا وعيشوا حياتكوا عشان اللي جي مبقاش ليه ملامح والله، احنا حاليا في الامان دلوقتي والخطر بعيد عشان محدش يقول اني ببالغ او بخوف الناس والدنيا جميلة وممكن نأجر عجل ونجري ورا بعض في وسط البلد،
لكن كمان كام سنة محدش عارف ممكن توصل لايه، فا كأجراء احترازي يعني، اللي عنده ملجأ تحت الارض يبدأ يخزّن بذور وحبوب من دلوقتي عشان الsurvive، واللي معندوش يدوّر، بطانة رصاص بقا ويود ونفق مسدود من الجنبين تحت الارض وخطة حكم وسيطرة بعد البقاء مش هوصيكوا، وخلي بالكوا اللي بيعيش بس هوا اللي بيخطط للخطر قبل وقوعه.
شكرا.
ملحوظة : الصور دي حقيقية من الانفجار، لاحظ حجم الكارثة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف اليزل برعي البدوي
فيس بوك
تويتر
انستقرام
يوتيوب
بنتيريست