شوفوا ديل:الحركة الاسلامية إنتماء و وفاء - الإعلام الإلكتروني

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-08-2019, 07:36 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
13-08-2019, 09:33 AM

Hassan Farah
<aHassan Farah
تاريخ التسجيل: 29-08-2016
مجموع المشاركات: 3004

للتواصل معنا

FaceBook
تويتر Twitter
YouTube


شوفوا ديل:الحركة الاسلامية إنتماء و وفاء - الإعلام الإلكتروني

    09:33 AM August, 13 2019

    سودانيز اون لاين
    Hassan Farah-جمهورية استونيا
    مكتبتى
    رابط مختصر



    *مسدار* *عودة* *الكيزان*
    ...
    للشاعر حماد ودشندي
    ....
    إن كانت المسادير رحلة (مسرى) نحو ديار المحبوبة، فإن مسدار الفخار و العودة (عودة الكيزان)، رحلة (عروج) نبيل تلقاء الحق الأبلج، ومحبوبتنا الوطن المفدى، التي أراد اليسار تغيير هويتها ودينها، ولكن هيهات، فالأيام دول، والأرض لله، وغدا لناظره قريب.
    أخوكم/ حماد ودشندي
    الدق الدهب برمندي.
    .....
    كتر التطاول من بني علمان
    وفات الحد صبرنا بيشهد الرحمن
    مابنلقالنا راحة ولا بنضوقو أمان
    إلا ندق نحاسنا ونفرز الكيمان
    andandand
    إتطاول كتير حزب التفاهات فوقنا
    مابلزم حدودو ويتردع غير عوقنا
    كان ماإترص صف تكبيرو يعجب روقنا
    ما بخلوا الوطن، درنا الكتال وآشوقنا
    andandand
    يا حزب الضلال العندك أقبح سيرة
    بينك والخلوق فرقات صعيب تجسيرة
    نقابلك يا المضل روسينا كاشفة حسيرة
    راكزين كالجبال والقاسية بكرة يسيرة
    andandand
    معروف الشيوعي جبان وفيهو صناجة
    ما بلاقي الخيول يوم السيوف ضجاجة
    بلز الغير ويقعد من بعيد فراجة
    لينا معاك تار بنجيبو نار وجاجة
    andandand
    حزبا فوق ضلال بنيانو كيف يتقدم
    مصيرو إلى زوال باكر بشوفو مهدم
    حاوي أصناف فجور مخزن فسادو مردم
    فات درب الرجال قاد المخازي إتقدم
    andandand
    معروف الشيوعي سفيه وماهو مأدب
    ما بعيش في سلام غير يتردع يتأدب
    علمانية مافي وبيها حلمك جدب
    وسخك مابتشرو الفي دواخلك كدب
    andandand
    تواريخكم فجور بي شكرة ما مطرية
    نضالكم كوم وسخ مابتعرفو الحرية
    إيدكم بالدموم يا مفسدين مروية
    في بيت الضيافة وفي الجزيرة طرية
    andandand
    الكوز يا رمم جبار كسور وبسوي
    كفال لي اليتامى قمر عشية مضوي
    ما لحق الشيوعي الزي كليبة تهوي
    قدم جهدو خالص وعزمو دايما قوي
    andandand
    للميل أربعين سيرنا جيش جرار
    فرسان في ثبات حمزة وعلي الكرار
    الحزب الشيوعي كيان ملان أشرار
    لازم ينقهر سودانا ناسو أحرار
    andandand
    حزبا بالضلال معروف وظاهر غيو
    مليان بالحقد خايب مبهل ريو
    ما بيرهنا آلاف العواليق زيو
    دقولنا النحاس شافعنا بخلف كيو
    andandand
    الحزب الحقود جاب الفيالق الحمرا
    تاريخو أب دموم ظاهر عيان كالقمرا
    مابهمو البلد بالشر ضمرلها ضمرا
    ما بعرف سلام غير يتفجخ فوق جمرا
    andandand
    بشوف أعدانا إتلموا الحقد مبداها
    فوق راسن شيوعي خيولنا بتحداها
    كيمان الضلال نحن الدواها وداها
    أقطع إيد عدوك لو بالهظار مداها
    andandand
    ماكم ناس كتال فيكم مجرب سيفنا
    من زمن النميري بعاد كتير من قيفنا
    في الميدان دوام فوقكم نراشي ضعيفنا
    بي الدرتوها مرحب والجهاد تم كيفنا
    andandand
    نحن سكتنا عارفين المقدر حاصل
    حال الدنيا دايما لازمة فيهو فواصل
    ما دام الشيوعي مع أب لباسا ناصل
    دارو كتالنا مرحب واليكون الحاصل
    andandand
    مافينا الإضينة مسقى سيفنا مطرق
    بنو علمان بعرفونا وكتالنا محرق
    شافعنا الصغير يوم البروجي مجرق
    تارنا البينا دم فوق الشيوعي مفرق
    andandand
    سكتنا وطال صبرنا وزدتوا
    فوقنا سفاها
    من بعد السكات عقب الحكاية كفاها
    عهود الشهداء وجب الليلة حق نفداها
    يات من إيد عميل تتمد نتلافاها
    andandand
    ما بننداس وهم كيزان ثبات وبسالة
    بندوس الرجال ضكرة وشموخ ورجالة
    الدرتوها يا شيوعية أبقوا قبالا
    مرحب بالدواس أرجوا الجحيم ملالة
    andandand
    نحن شهب رواجم ماني مأجورين
    جحافل حق رجال حوبات وصبارين
    فوق رأس الشيوعي قعادنا جبارين
    وكان تتمد إيدو علينا بتارين
    andandand
    يا إخوان سلام رصوا الكتائب أعدوا
    واسوه البفوت حدو وحذارى تهدو
    فوق درب القبيل بذلوا الغوالي أجدو
    طاغوت الضلال كضب الخلافنا بهدو
    andandand
    كيزان نفتخر نحن البلد حراسو
    بالأرواح نجود والغيرنا مين تاج راسو
    إن بردت جنودو ويوم تحر فراسو
    يا شيوعي انقرع ماضيك وسخ كراسو
    andandand
    كيزان نفتخر زول السكر مو زولنا
    قدمنا الكتير أخيار وشامخ طولنا
    العز والفخار كاسينا يعجب قولنا
    نقدل فوق عدل كضب البحاول يطولنا
    andandand
    لامتين السكات وأسيافنا ما مسلولة
    زاد الجور كتير وإيدينا ما مشلولة
    إتلمت تهوي جموع ضلال معلولة
    دقولنا النحاس بختانا بن سلولة
    andandand
    موجعنا السكات شاوينا نار قالينا
    خيلنا الجامحة تسأل يومي عن والينا
    عواليق الشيوعي البي المغص مالينا
    أدونا الإذن بنجيبو تار غالينا
    andandand
    حزبا غير يخاف معروف ولا بخلينا
    أدونا الإذن والباقي خلو علينا
    إخوانا الأسود جاهزين و قالوا بلينا
    صبرا فوق عوج عفناهو جد ملينا
    andandand
    إتلموا النجوس شافوا الغايم كتروا
    ساقهم حتفهم الفوق قدرهم عتروا
    ماهم ناس كتال في حارة مابنستروا
    قوموا على الكلاب أسع بشردوا ويختروا
    andandand
    راكزين ما بنلوج كيزان وشامخ راسنا
    ما بننداس وهم كضب البقولك داسنا
    في اليوم العبوس وكتين ندقو نحاسنا
    بعرفنا الشيوعي سناح وقاهر باسنا
    andandand
    ما بتناضامي يا أم روبة و عوافي شبابك
    جنويك رجال يوم القنا المتشابك
    أصوات الفجور يوما التصل عن بابك
    الموت من طرف والدم بسقي ترابك
    andandand
    تيهي بلا خجل حولك فوارس هبو
    حارسين لي حماك وللنداءات لبو
    يات الببقى فيهم داير يقابل ربو
    فوق ضهر أب حجول أقمار ومابتخبو
    andandand
    أبشري بي السلام والعز ونومي هنية
    أقدلي فوق فخار وعفاف وصافية نية
    يابت الرجال البي الفجور معنية
    ما بنديك يمين لي جوغة المدنية.
    ...
    شندي
    الإثنين ثاني أيام عيد الفداء ١٢/ أغسطس/٢٠١٩م.








                  
|Articles |News |مقالات |بيانات

13-08-2019, 01:00 PM

كمال عباس
<aكمال عباس
تاريخ التسجيل: 06-03-2009
مجموع المشاركات: 10793

للتواصل معنا

FaceBook
تويتر Twitter
YouTube


Re: شوفوا ديل:الحركة الاسلامية إنتماء و وفاء (Re: Hassan Farah)

    لا يدافع عن الفاسد إلا فاسد .
    ولا يدافع عن الساقط إلا ساقط .
    ولا يدافع عن الكرامة و الحرية إلا الأحرار .
    وكل شخص فينا يعلم عن ماذا يدافع ...

    #نيلسون_مانديل
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de