|
Re: المحاصصة.. والمحاصصة المقنعة (Re: قيقراوي)
|
مقال منطقي يا قيقا. ولكن:Quote: دعوا المكتب التنفيذي (السلطة) للكفاءات. |
ليس شرطا أن تكون هذه الكفاءات من جهة واحدة أو جندر واحد. فقطاعي الهامش والنساء يعجان بالكفاءات النوعية.
| |
|
|
|
|
|
|
Re: المحاصصة.. والمحاصصة المقنعة (Re: AMNA MUKHTAR)
|
Quote: ليس شرطا أن تكون هذه الكفاءات من جهة واحدة أو جندر واحد. فقطاعي الهامش والنساء يعجان بالكفاءات النوعية.
|
كلام جميل عشان كده نحن عايزين "محاصصة مقنعة" مش لعبة كراسي الموازنة التي تراعي التنوع الجغرافي والثقافي مهمة جدا في هذه الفترة ، بعض الناس بقولوا انو حمدوك لا يستحق منصب مهم لانو ما عندو رصيد نضالي ؟ شنو يعني رصيد نضالي وبقيسوهو كيف ؟ لا يوجد مناضل اهم واعظم من الشارع ومن يصلح للنضال ليس بالضرورة ان يصلح للعمل المدني سواء كان سياسي او فني بحت ، كل مرحلة عندها ناسا ، عشان كده قلنا مدنياااااااااااااو . لا يوجد فرق كبير بين العسكري المحترف او العسكري الثائر .. عايزين الاحزاب والحركات المسلحة تقيف بعيد الى نهاية الفترة الانتقالية وتحقيق السلام بعد داك صندوق الاقتراع هو من يسود .
| |
|
|
|
|
|
|
Re: المحاصصة.. والمحاصصة المقنعة (Re: Abdullah Idrees)
|
الاستاذ فتح الرحمن السلام عليكم.. الثورة مستمرة.. اثبت النقطة دي اولا لانها مرجعية بالنسبة لي في تعاملي مع المشهد كامل مستصحب معاي كل الاحداث وكيف وصلنا هنا. تيار عريض في الشارع معارض للاتفاق الوقع باسمه , تم من خلال تفاوض بمشاركة للسلطة فرض عليه ما تسليم كامل طالب بيه. بالعربي الاتفاق دا حق قوي الحرية والتغيير بكل مكونها , والمرحلة الانتقالية هي إختبار لصدق نوايا , وإمتحان لامكانياتهم لادارة بلد وطريقة حكمه من خلال نظرتهم هم للامور. ناتج من خبرة سياسية طويلة وتاريخ نضالي هائل وتجربة حكم مثالية في سيرتهم الذاتية (قالوا) إختاروا أن يكونوا رجال المرحلة دي فبالتالي ليس بمهم عند التيار العريض منو تم إختياروا لمنصب وبأي محاصصة كانت (المحاصصات خشوم بيوت) بقدر أهمية الإنجاز والنتائج.
Quote: دعوا المكتب التنفيذي (السلطة) للكفاءات. ونستطيع كلنا ان نعمل من مواقعنا ومنابرنا المختلفة ونسهم في البناء ولنجعل من نشر الوعي، وملئ الاعلام وتسويد صحائف الصحف واضابير المؤسسات البحثية والعلمية، وتعريف الناس بحقوقهم في الماء النظيف والسكن المناسب وفي الصحة والتعليم وقضايا المساواة بل بحقوقهم الأساسية في الحياة والكرامة والسلامة هي هدفنا الأول، وتقديم البرامج التنموية وميزانياتها والاصلاحات القانونية للجهاز التنفيذي لإعانته بتجرد ونكران ذات وليس طلباً للمحاصصات والمناصب كأنها جوائز مستحقة. |
ليتهم يعقلون يا قيقراوي.. وثورة ماااا حقتك جر فيها محاصصات وحصحاص. المقتبس دا أملته الثورة وظرف الحالة العامة الواقعة بين زردية الدولة الكيزانية وكماشة مؤسستها العسكرية وشواكيش فريق خلا يجهل كتابة اسمه. الحالة السودانية الليلة محتاجة لجراحيين أكفاء يذخر بيهم الوطن من شبابه ضربوا في شعاب الارض وسلحوا أنفسهم بتجربة وخبرة ليوم زي دا ليردوا دين مستحق لوطن مثخن بجراحه وممزقه أعضاءه يتلاعب بيه هلافيت محور كان في يوم ما معلمهم وملهمهم وكمان هاديهم. لكن برضوا من أبناءه من هم قافلين الباب!! التعتيم التام عن كل ما يحاك جوة الاوض المغلقة وإنعدام الشفافية وتمليك الشارع الحقيقة كاملة , مصاحب بسلوك غير متوازن أو منضبط في خيارتهم يجعل من الشراكة دي حقتهم لا شراكة للشارع معاهم. س سؤال: منو رئيس وزراءنا؟ سر مش!! منو في السيادة حقتنا؟ سر برضو صاح!! كيف توزيع نسبهم في التشريعي؟ عاااك عوووك عييييك. قاعدين يعملوا شنو هسي والشارع مليان بثوار(الثورة) مفقودين عبث مجرم بأجسادهم وعقولهم؟! إستمارة مفقود ورقم تلفون للتبليغ!!!!! قبلنا بالاتفاق حقنا لدماء واستراحة لثائر ومحطة (سندة) للتدارك. الخلاصة يا قيقراوي ماعاد يهم كثير اي محاصصة يختاروها حزبية كانت جندر او هامشية طالما مشاركتهم لينا في الشارع ومصارحتهم منعدمة. تحياتي..
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|