أنا بقترح إنو نحذف الـ30 سنه الحكمونا فيها كلاب الإنقاذ من التقويم ومن الذاكرة السودانية . ونحذف باقي شهور 1989 كلها برضو عشان فيها ريحة نجاسة الكيزان . يعني نحن اليوم ح نكون بتقويم الثورة الجديد في تاريخ ( 1990/5/1 )ويبدأ حساب السنه الجديدة من تاريخ سقوط البشير 4/11 والبصادف يوم 1990/1/1م .
لأننا نحن ما بنشبه الناس في ثورتنا الجميلة ، خلونا نخالف العالم في تقويمنا برضو عشان العالم يعرف إنو الحياة الحقيقية بدأت بعد سقوط النظام السابق . زي ما أثيوبيا عندها توقيت براها ، نحن برضو نسوي تقويمنا برانا . مع العلم إنو أثيوبيا اليوم في تاريخ 2011م . وكدى نكون أضفنا تقويم جديد للبشرية نسميهو (تقويم الثورة السودانية) زي مافي تقويم هولوسين وتقويم غريغوري وتقويم يولياني . وبرضو في تقويم الثورة النيوليثية أو التقويم الإنساني .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة