كتب الكاتب الفاتح جبرا المتوفرة بمعرض الدوحة
|
Re: الشيوعيون...والزغاوة ...استفهامات لا حد له� (Re: محمد نور عودو)
|
المقال ده ذاتو يا محمد نور كُتب من منطلق قبلي وهو يدافع عن قبيلة بعينها رغم محاولة التدثر بدارفور. على العموم حتى نرى ما قاله محمود صالح بالضبط موثقا ارى ان تدفع الحركتان عن نفسيهما تهمة انهما منظمات قبلية تمثل مصالح مجموعة محددة من أهل السودان رغم انه في رايي ليس هناك ما يعيب في ذلك اذا كان هناك اعتراف من جانب الحركتين انهما معنيتان فقط بالقضايا المتعلقة بقبيلة الزغاوة فقط وليس بكل الشأن القومي.
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: سيف النصر محي الدين)
|
وجهة نظر بزاوية مختلفة:
مداخلة طويلة لكنها تستحق المتابعة.
بالجد كده الدوله السودانية الحالية في مإزق وامرها وصل لنقطة خطيرة مالم يتم التصدي له بكل قوة وحسم ليس من قبل الحكومة فحسب بل من قبل كل مواطن سوداني لدرجة ان يكون فرض عين عليه عشان ما ينبذ الجهوية, والمناطقية والقبليه من دماغه!
العنصرية في السودان لن تعالج بإعتذار حزب ما لقبيلة ما, او لاي جهة كانت, بل يجب معالجتها من داخل عقولنا كسودانيين بحيث يكون علاج ناجع وفعال..
اكرر يعني شنو لو الحزب الشيوعيي اعتذر او ما اعتذر لناس دارفور او لقبيلة الزغاوة! الحزب الشيوعي ذات نفسو ضحية لجهلنا كسودانين بابسط حقوقنا وواجباتنا تجاة المواطنه الحقه!! هل تزول عنصرية الحزب الشيوعي او تزول العنصرية في السودان بمجرد اعتذاره؟ العنصرية في السودان الكل مسئول عنها... نعم هي بدات من ناس الوسط والشمال النيلي عندما سلمهم المستعمر ادارة الدولة السودانية ووقتها ماكانوا عندهم التربية الوطنية الكافية الممكن يقودوا بيها مديرية ناهيك من ان يقودوا بيها دولة بحالها... يبقي هم ذاتهم ضحية من ضحايا جهلنا كمكون ثقافي وسإتطرق لهذا لاحقا.يبقي العنصرية بدات بهم ولكن برضها مشكلة حضور بكل الهامش فالهامش ذاتو عنصري ممكن واحد يقول رد فعل للاولي لكن في الحقيقة هي موجودة بجيناتنا كهامش بمثل ما هي موجودة بجينات الوسط والشمال النيلي! خلينا نشوف بعض من عنصرية ناس المركز ونرجع لعنصرية ناس الهامش, علي سبيل المثال لا الحصر:- المؤسسة العسكرية "السودانية" كل الرتب الكبيرة فيها, من لواء وانت ماشي فوق تكاد تكون حصريا لقبائل, الشايقيه والجعلين والدناقله! وكذا البنوك,الوزارات السيادية خاصة وخالصة لهم(لاحظ أثناء الثورة سحنات موظفي المصالح الحكومية بالذات البنوك والشركات الكبيره ومدراء الجامعات) نادر ما تجد فيها ناس الهامش! - المؤسسات التعليمية خالصة لهم ويديروها بكل عنصريه كأنها ملكا لهم او كأنها وقفا من اوقافهم شوف(حادثة ابناء دارفور بجامعة بخت الرضا وحوادث الثورة الاخيرة لطلاب دارفور خلايا عبدالواحد من اسرائيل ) - السلطة ضيعة من ضيعاتهم من الخمسينات, تشريد الجنوبين... وفي زمن مايو السبعينات او حادثة بما يسمونها المرتزقة والكشات للهامش بالعاصمة وكلام البشير "الجعلي" لو ركب الغرابيه وتصريحات علي عثمان Shoot to kill. وكتائبهم رجوعا بالمفاصله 1999 الفيها رفضت الدولة بقيادتهم ان تجعل نائب الرئيس من ناس الهامش وتحديدا من دارفور يعني خسروا الله ووحدة حركتهم الإسلامية بدل ما يشاركو ناس الهامش في السلطة(علي الحاج)... يعني فضلوا السلطة علي مرضاة الله من اجل ان يكنكشوا فيها...... - الثروة: خالصة لهم اقصد الوسط والشمال النيلي لاحظ مسرحية استخراج البترول وقصة ود الهامش جارالنبى في اكتشاف واستخراج البترول معروفة لما تعنصروا عليه وفي النهاية ميزانية البترول بدل ما تدخل خزينة الدولة دخلت في جيوبهم كقبائل وكآيدلوجيات.رفضوا ان يعملوا اي تنمية حقيقية في الهامش بل حولو الحروب هناك وقاعدين يعمروا في مثلث حمدي.. المهم هذا غيض من فيض بالنسبة لعنصريات تلك القبائل النيلية لكن خلينا برضو نشوف بعض من عنصرية ناس الهامش ودا دليل علي ان العنصرية جارية في دمنا كسودانيين. - عنصرية او قبلية الهامش: من زمن المملكات تقلي المسبعات , داجو, الفور وداي كلها كانت تحالفات قبلية عنصرية وليست قومية عادلة... كانت القبائل تغزوا بعضها البعض وعادي الزول ممكن يقتل بحمية قبلية وما ثقافة الجلد والسكين والسيف والحراب الا هي سلوك قبلي وجهوي ممزوج بمعتقد مزيف! من المملكات مرورا بالمهدية نجد فيها ناس الهامش حكموا الخرطوم وامدرمان بقبائل غرب السودان وحدث ماحدث من انتاهاكات وظلم لتلك القبائل النيلية مرورا بما بعد عهد المهدية..... نجد الانجليز لعبوا شديد بالملف القبلي عزلوا قبائل ومناطق بعينها عن باقي السودان بغرض غرس هذه الظاهرة السالبة في العقل الجمعي للمكون الوطني للدوله السودانية وقريبا نجد العسكر برضو لعب بالملف القبلي وكرد فعل طبيعي لكنه وجد وقود القبلية بداخل النفوس علي طول اشتعلت نيران الحركات المسلحة فنجد من 1955 وحتي يومنا هذا:-حركة انانا One وحركة انانا Two هي قبلية وجهوية التركيبة وتكاد تكون خالصه لقبائل بعينها(الدينكا.)! - الحركة الشعبية بتاعت جون قرنق برضو معظم عضويتها الفاعلين هم من قبيلة الدينكا. _ الحركة الشعبية جناح الحلو معظم عضويتها من قبائل النوبة! - الحركة الشعبيه جناح مالك عقار معظم عضويتها من قبائل الانقسنا والنيل الازرق وشوية جلابة! - مجلس الصحوة بتاع موسي هلال معظم عضويته من الرزيقات. - الدعم السريع بتاع حميدتي حمدان دقلو معظم عضويته من الرزيقات. _الاسود الحرة بتاع معروف معظم عضويته من الرشايده - جبهة الشرق بتاعت موسي محمد احمد معظم عضويتها من البجه. -حركة تحرير السودان الام بتاعت عبدالواحد محمد نور معظم عضويتها من الفور! - حركة تحرير السودان جناح مني مناوي معظم عضويتها من الزغاوه. - حركة العدل والمساواة الام بتاعت جبريل ابراهيم معظم عضويتها من الزغاوه. - كتائب علي عثمان معظمها من قبيلة الشوايقة. _حزب الأمة بتاع الصادق المهدي معظم عضويته من الغرب يعني جهوي التركيبة. - الحزب الاتحادي بتاع المرغني معظم عضويته من الشمال والوسط النيلي برضو جهوي. - الحزب الشيوعي بتاع الخطيب معظم عضويته من الوسط والشمال النيلي كذلك حزب تركيبتو جهوية. - حزب المؤتمر الوطني و الجبهة الاسلاميه معظم عضويتهما الفاعله من الاخوان المسلمين و الوسط والشمال النيلي حزب آيديلوجي, مناطقي, قبلي وجهوي. - منظمات المجتمع المدني السودانية معظم عضوياتها الفاعله من الشيوعين والوسط والشمال النيلي يعني تنظيمات جهوية مناطقية وقبلية و آيدلوجية. والمؤسف الان لو عايز تنقد هذا الوضع المزري تقوم في وشك القبائل والجهات والمناطق او الاحزاب لتتصدي لك وان طل هذا انما يدل علي عدم قوميتها! مثلا: لو حاولت تنقد العنصرية والغلط الماشي في المركز تجد الوسط والشمال النيلي واقف ليك بالمرصاد: لو قلت الثلاثي ماسك كل عصب الدوله يقوموا الشوايقه والدناقله والجعلين او قامت عليك جهاتهم ومناطقهم يتصدو ليك وطبعا, كل الوسائل عندهم مشروعه ومتاحه حتي قتلك ذاتو ! كذلك لو قمت ونقدت الهامش برضو القبائل تتصدي ليك وتحاول تكمم صوتك لابعد الحدود علي سبيل المثال لا الحصر: لونقدت الدعم السريع او مجلس الصحوة وقلت معظم عضويتهما من قبيلة الرزيقات يقوموا الرزيقات يتصدوا ليك ويحاربوك بكل ما اوتوا من قوة كانما انت قصدت قبيلة الرزيقات ولو نقدت جبهة الشرق يقوموا يتصدو ليك الشرق بمسمياتهم كانما قصدت الشرق! ولو نقدت حركه تحرير السودان جناح مني او نقدت حركة العدل والمساواة جناح جبريل يقوموا الزغاوة يتصدوا ليك كانما قصدت قبيلة الزغاوة. ولو نقدت حركة تحرير السودان جناح عبدالواحد او حركة العدالة بتاعت تجاني سيسي يقوموا الفور يصدو ليك كانما قصدت قبيلة الفور. ولو نقدت الحركة الشعبيه جناح الحلو وجناح عقار يقومو يتصدو ليك النوبة والانقسنا وكانك قاصد قبائلهم وهكذا... بمعني هذة التنظيمات في تركيبتها في الغالب قبلية وجهوية ولاتتحمل النقد وانما تعتبر نقدها هو قصد واستهداف صريح لقبائلها او لجهاتها ولمناطقها ولآيدليوجياتها ولمعتقداتها! السودان دا امره يحير. يبقي دي ياها مشكلتنا كدولة لابد من ايجاد صيغة فاعلة للخروج من هذه المآزق والمزالق حتي نقدر نعيش داخل وطن واحد و لو بالحد الادني للمواطنة, والا, السودان ده بهذه الصورة والسودان ما ح يصل لاجيالنا كدولة واحدة.. يجب ان نترك تفكيرنا بتاع اسلافنا العقيم هذا جانبا ونفتح نفاج جديد ليدخل منه تفكير مختلف عن تفكير اسلافنا...يكون لزاما علينا كشعب اولا وكحكومة ثانيا ان نحارب الجهوية' المناطقية والقبلية بكل ما اوتينا من قوة ناعمة وخشنة وان نبعد الدين واي أيدولجيات بعيدا عن ادارة شئون الدولة.
يبقي مجرد اعتذار من حزب او من مؤسسة واحدة لقبيلة او لجهة او لمنطقة في مثل هذة الظروف لايجدي كثيرا لان العنصرية نتيجة لمرض عضال جاثم علي صدر الدولة السودانية Chronic لانه داخل في البنية الجينية للهامش وللمركز معا وعليه كل التنظيمات بالدولة في حوجة ماسة لطبيب ماهر. عشان يعالج المرض وليس اعراضه. نعم الحكومة بقيادة القبائل الثلاثة وكل التنظيمات المدنية بالدولة قبلية وجهوية وآيديلوجية وكذا الحركات المسلحة وتنظيمات المجتمع المدني بالهامش هي كذلك قبلية وجهوية. بصريح العبارة مافي خير في عيال ام خير.. اولاد ام قمبرة دكتهم واحدة!
الحل: لابد من تفكير جدبد ينبذ ويتبرء من هذا المرض وان يبدإ باولي خطواته بمحاربة القبيلة لانها سبب كل هذة اللعنات التي عطلت ميلاد دولة سودانية معافية ومحترمة... !محمد ادم سعيد. 4/آغسطس 2019
(عدل بواسطة Mohamed Adam on 08-04-2019, 01:05 AM)
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: Mohamed Adam)
|
Quote: موثقا ارى ان تدفع الحركتان عن نفسيهما تهمة انهما منظمات قبلية تمثل مصالح مجموعة محددة من أهل السودان رغم انه في رايي ليس هناك ما يعيب في ذلك |
ياهو ذاتو المثل البقول "ان طارت برضو عنزة". يا جماعة كيف تكون حركة العدل و المساواة قبلية او حركة تحرير السودان قبلية فقط لان رئيسها من قبيلة معينة. بهذه الطريقة يمكن القول ان الحزب الشيوعي كانت لقبيلة الشايقية و الان لقبيلة الحلفاويين, و كذا عمر البشير كان يحكم دولة الجعليين.
المرحوم دكتور خليل لم يقل يوما بمرجعية قبيلته و لم اسمع عن شقيقة الدكتور جبريل ان قال بقبيلته. كلهم يتحدثون بسودانيتهم و وطنيتهم و رغم انهم تركو الجبهة الاسلامية قبل عشرون عاما و برضو الفرمالة الاخري في احسن الاحوال انهم كيزان.
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: Mahjob Abdalla)
|
الحزب الشيوعي ×العدل والمساواة الرؤية والتكوين خلونا من تشتيت الوعي كلاهما ايدولجيات فوقية وليس جماهيرية اطلاقا ما هي الجبهة الثورية ؟؟ بوتيك اسسه الفاشل ياسر عرمان والكوز جبريل واركي مناوي الارزقي علي حساب الحركة الشعبية شمال ولا ا حلت مشكلة الجنوب الجديد ولا مشكلة دارفور ويتسكعون بين الامارات وقطر ولا تحمل رؤية فدرالية وما عندهم موضوع زيهم زي الحزب الشيوعي رايح ليهم درب و بلم في الشفع لحدي هسة في الخرطوم وينعق في فضائية الجزيرة مباشر لو ناس ق ح ت ديل او نداء السودان او الجبهة الثورية عندهم فعلا رؤية احسن من الحركة الشعبية كانوا يورونا الفدرالية الجديدة تكون كيف؟؟ قبل تسقط بس هسة الناس ديل بي 5+1+5 مجلس سيادي معيين ومركزي حكومة 18 وزير معيين ومركزي برلمان 67% و33% معيين ومركزي .. يعني لحدي هسة عندنا نظام مركزي وفدرالية مشوهة فيها 18 ولاية و18 والي جنرال او مدني معيين من المركز ده الانجاز القدامك لحدي هسة وهايصين بيه في الخرطوم الحركة الشعبية جات 2005-2010 وعملت دستور 2005 والمحكمة الدستورية وانتخابات 2010 و ما قاعدت في راسنا وقالت اني ما اريكم الا ما اري..وضعت 18 مليون سوداني في مواجهة الانتخابات طوالي نكون ختمية نكون انصار نكون كجوريين ما دخل لساتك ا المركز ديل ..البتمسحو بي الكريمات لحدي هسة ولا مقاطيع الهامش مش كل عشرة شالو بندقية بقو حركة لا رؤية و لا اخلاق ويلهثو بين قطر والامارات . بصرف النظر عن وعي الشعب وخياراته الدينية والسياسية ان ذاك والان ...الانتخابات هي الدولة المدنية ومستغرب شيوعيين وبعثيين وناصريين قاعدين فى رسانا لحدي هسة لي شنو ؟؟ انتو الانتخابات ما بتجيبكم مع الفيش والتشبيه من المحكمة الدستورية والاعلام الحر حتي لو بعد 1000 سنة ضوئية الفدرالية هي الحل في السودان لكن مخلفات والبعث والناصرية والشيوعيين والمتحولين سياسيا من ناحية وكيزان الشعبي والعدل والمساواة ديل عايزين يقعدو في راسنا في الخرطوم بنفس النظام المركزي القبيح وبمشطو لينا الانقاذ دي بي قملا في حدود السودان المشوه العروبي مثلث الحمدي وواضح في الشعار وفي علم مايو القبيح علم القوميين العرب ..وامة الامجاد .. ***** نحن قلنا لأهلنا االسودانيين في الاقاليم الخمسة الفضلت دي من 2015 وموثق في الاسافير الحل اذى فيه روح الحركة الشعبية هو حل ديمقراطي فدرالي حقيقي =الشعب اداة التغير بعد الفيش والتشبيه من المحكمة الدستورية 1- تفعل المحكمة الدستورية 2- ترجع الاقاليم وتلغي الولايات 3- يراجع قانون الجنسية والهوية ويتعمد قانون 1957 الجنسية الخضرا والبنية 4- ينتخب حاكم الاقليم+ نائب برلمان الاقاليم طوالي في الستة الشهور الاولي وبكون حاكم الاقليم بدرجة نائب اول ويمثل الاقاليم في المجلس السيادي طوالي للأقاليم في 5+1+5 دي اول خطوة فدرالية حقيقية الحركات المسلحة الحقيقية والفدرالية ما عندها حل اكثر من اذا كانو فعلا سودانيين ويمثلون السودانيين في الاقاليم جبهة الشرق المنطقتين + ابيي حركة تحرير السودان عبدالواحد نور الجبهة لثورية ديل ارزقية متسكعين يهرولون بين قطر والامارات في المشروع الامبريالي الصهيوني لتفكيك ما تبقى من السودان كما حدث لليمن وسوريا وليبيا ولا يراهنون علي الداخل كما هو عبدالواحد نور وعبدالعزيز الحلو وناس جبهة الشرق ... والعدل والمساواة ايتام الترابي وكيزان ويحركهم علي الحاج =حزب المؤتمر الشعبي (امراة لوط) من قطر وشاهد عروض فضائية الجزيرة في المرحلة القادمة *** هل القصة تعمل دستور واتفاقية عشان يتغير السودان وتقعد في راس الناس بالمحاصصة ... والله الدساتير الاتعملت في السودان بعد دستور الاستقلال خلال 63 من كترتا مفروض يدخلوها موسوعة جنيتيس كل يوم يمر يوضح الفرق بين رؤية الحركة الشعبية السودانية الذكية التي تمثل 95% وبين تراهات اقليات المركز المزمنة التي لا تتجاوز 5% من سكان السودان يا حليل جون قرنق والجنوبيين والله ناس ق ح ت ديل سيرتو ذاتا ما جابوها ... والزمن بينا انتهي زمن البوتيكات ونرجسية النخبة السودانية وادمان الفشل التي اعيت من يداويها وكل ما اشوف علم الرجرجة بتاع مايو 1969 ده شايلنو الشفع المسكين.. العن خنازير روية انيمال فارم وانتظر الثورة الثقافية الحقيقية التي يحدث بريقا ضجة الضو في المكان
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: adil amin)
|
Quote: المرحوم دكتور خليل لم يقل يوما بمرجعية قبيلته و لم اسمع عن شقيقة الدكتور جبريل ان قال بقبيلته. كلهم يتحدثون بسودانيتهم و وطنيتهم |
والله أنا مستغرب من كلامك ده، هل كان ممكن يقول غير الكلام ده؟
خليل ابراهيم كان جناح الترابي الكيزاني وأوسخ شكل كيزاني ، واخوهو جبريل نسخة منو الثورة دي قاموا بيها شباب السودان من كل الجهات ، تاني مافي جهات وأقاليم اللي كانو في الشارع كانو من من كل أركان السودان
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: سيف النصر محي الدين)
|
سلامات دكتور سيف النصر ليكن المقال من منطق الدفاع عن القبيلة وين المشكلة طالما المتحدث الاسمو صالح محمود عضو حزب الشيوعي كان حديثو عن القبيلة. من حق الراجل يدافع عن قبيتلوا أو قبيلة أخري الناس تزجو في المواضيع السياسية. عشان م أي واحد يشرب ليهو كباية عرقي ويمسك المايك ويجي يتكلم كلام خارم بارم
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: محمد نور عودو)
|
هناك حركات مسلحة يغلب عليها الطابع القبلي او الانتماء لقبيلة محددة. - الزغاوة جزء من نسبح الوطن ومكون أساسي من مكونات دارفور -لاتتفوق علي غيرها ولاهي دون لغيرها !
الأفضل للحركات المسلحة الانفتاح علي كافة مكونات غرب السودان كما كانت الحركة الشعبية أيام قرنق ! الانتماء الجهوي والإقليمي متقدم وأكثر تطورا من الانغلاق القبلي ! * نعم هناك قضايا ومطالب الهامش وتحديدا دارفور وهناك اختلال يستدعي استعدال وتوزيع عادل للسلطة والثروة والتنمية المتوازية والتمييز الايجابي للمهمشين. ولكن هذه المعالجات يجب أن تتم من. منظور. اقليم دارفور ومن اجله ومن منطلق الجهة لا القبيلة ! لان التمييز والمحاصصة. علي أساس قبلي تجلب عدم رضي مكونات قبلية اخري من نفس الإقليم ! * ومن ناحية اخري لا العدل والمساواة ولا جماعة. مناوي تمثل كل دارفور ولا حتي جماعة عبد الواحد هناك مكونات اخري خارج نطاق هذه الحركات لذا لايجب ان تحتكر حركات مناوي وجبريل تمثيل دارفور
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: محمد نور عودو)
|
هناك حركات مسلحة يغلب عليها الطابع القبلي او الانتماء لقبيلة محددة. - الزغاوة جزء من نسبح الوطن ومكون أساسي من مكونات دارفور -لاتتفوق علي غيرها ولاهي دون لغيرها !
الأفضل للحركات المسلحة الانفتاح علي كافة مكونات غرب السودان كما كانت الحركة الشعبية أيام قرنق ! الانتماء الجهوي والإقليمي متقدم وأكثر تطورا من الانغلاق القبلي ! * نعم هناك قضايا ومطالب الهامش وتحديدا دارفور وهناك اختلال يستدعي استعدال وتوزيع عادل للسلطة والثروة والتنمية المتوازية والتمييز الايجابي للمهمشين. ولكن هذه المعالجات يجب أن تتم من. منظور. اقليم دارفور ومن اجله ومن منطلق الجهة لا القبيلة ! لان التمييز والمحاصصة. علي أساس قبلي تجلب عدم رضي مكونات قبلية اخري من نفس الإقليم ! * ومن ناحية اخري لا العدل والمساواة ولا جماعة. مناوي تمثل كل دارفور ولا حتي جماعة عبد الواحد هناك مكونات اخري خارج نطاق هذه الحركات لذا لايجب ان تحتكر حركات مناوي وجبريل تمثيل دارفور
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: عبداللطيف حسن علي)
|
الحبيب محمد نور تحياتي .. نفس المداخلة في بوست اسماعيل الحبيب ==================
بنظرة إلى مستقبل السودان .. سوف يكون الحكم إبتداءاً من المستقبل المتوسط المدى لأهلنا في دارفور أي كل من ينتمي إلى تلك الاصول .. لأن الرجوع إلى الأصل والجهة أصبحت سياسة سائدة في العالم حتى في الغرب الذي تفوق علينا في مجال حقوق الانسان والديمقراطية بسنوات ضوئية .. فاليمين بدأ في السيطرة على السياسة والتحرك المجتمعي في الغرب متبعاً سياسة الحنين إلى العرق وتخويف الناس من إنقراض الاصل وهيمنة المهاجرين وغيرهم على البلاد خلال السنوات القادمة لأن هذه الطريقة هي أسرع وأسهل الطرق للتحشيد حيث تسقط كل النظريات العلمية والتنظيرات الاقتصادية وغيرها لأن الانسان كما الحيوان جبل على الانتماء إلى أصله أو نوعه .. فإذا جئنا بتعداد السكان في الولايات جميعها نجد أن ولايات غرب السودان هو الاكثر تعداداً وكذلك الوجود الديموغرافي في كثير من مدن السودان حتى في اقاصي الشمال لدينا في التعدين والتجارة وغيرها من النشاطات لأنهم يملكون مؤهلات ومقدرات عالية في إدارة الاسواق وتسويق المنتجات لدى وكلائهم في المدن المختلفة وخاصة العاصمة ..
هذه الديمقراطية وصناديق الانتخابات هي أفضل الوسائل بالنسبة لكل هؤلاء للوصول إلى كراسي الحكم والبرلمان والوظائف الدستورية .. فقط قليل من الصبر والتخطيط ..
وهنا لا يجوز لنا أن ندفن رؤسنا كما النعامة في الرمال .. فبعد حكومة ( ترامب ) اصبح اليمين والتطرف كأنه شيء مقونن لأن أمريكا هي النموذج الذي يحتذى به في العالم ..
وعندما يأتي الحكم عبر صناديق الاقتراع يكون مقنعاً للسواد الاعظم من الشعب
هذه ملاحظاتي وحاولت أن واقعياً أكثر من اللزوم وبعيداً عن ميولي وأحلامي .. وبدل ان نردد تلك القيم ونضلل أنفسنا بالشعارات من الأفضل وضع مثل هذه تصرفات أمامنا ثم نرى الحلول
جاء عهد الديمقراطية لا نخب لا أفضلية كل البشر متساوي الراعي والتربال واستاذ الجامعة لكل منهم صوت واحد ( one man one vote ) وهذا هو الحل الابدي
فالديمقراطية في صالح الاغلبية الاثنية دائماً إلا قبل زمن مضى حيث كانت القيم هل العليا
الحبيب امحمد نور عضوا على الديمقراطية بالنواجز .. فهي المخرج ..
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: علي عبدالوهاب عثمان)
|
Quote: هناك حركات مسلحة يغلب عليها الطابع القبلي او الانتماء لقبيلة محددة. |
Quote: الأفضل للحركات المسلحة الانفتاح علي كافة مكونات غرب السودان |
سلام اخ كمال هل لو قدمت لك الدعوة للانضمام سوف تنضم لهم تنتفي الصفة القبلية لهذه الحركات ام ان المحرك الاساسي في خيار الانضمام او عدمة مبني علي رؤية سياسية؟ و هل من الافضل لهم الانفتاح لكل السودان ام فقط لسكان غرب السودان؟
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: علي عبدالوهاب عثمان)
|
سلامات عمنا الأستاذ علي عبدالوهاب عثمان لك التحية والتقدير وربنا يديك الصحة والعافية كل ما نتمناه هو ان نري السودان دولة رائدة بين الدول ويشعر المواطن السوداني بقيمة بلدو بعيدا عن احتكار فئة او اقليم وا جهة محددة للسلطة والثورة . السودان الان في مرحلة جديدة لابد من جلوس الجميع دون إقصاء أحد في المشورة لبناء الدولة القادمة. تحياتي ودمنا بخير سعدتا بمرورك وتعليقك علي الموضوع استاذي
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: كمال عباس)
|
سلامات الأخ الفاضل كمال عباس يبدو أنك صدقت كلام المدعو صالح محمود القيادي في حزب الشيوعي عندما قال ان حركتي العدل والمساواة وجيش تحرير السودان مناوي أنهما حركتان تمثلان قبيلة الزغاوة. يا اخي دكتور جبريل ابراهيم محمد رئيس حركة العدل والمساواة السودانية صحيح زغاوي لكن الحركة ليست حركة زغاوة كما قلتا انت أو كما قاله المدعو صالح محمود القيادي .. البارز .. في الحزب الشيوعي يا اخي لو تعلم الزغاوة أكثر الناس عداوة لحركة العدل والمساواة السودانية من بقية مكونات القبلية السودانية الاخري فقصة حركة العدل والمساواة السودانية حركة زغاوة دي كذبة مثلها ومثل كذبة دولة الزغاوة الكبري حركة العدل والمساواة السودانية حركة ثورية قومية فيها جميع قبايل السودان من الشرق والشمال والجنوب والغرب والوسط حركة عندها برنامج ثوري وتنادي بدولة العدل والمساواة والحقوق المتساوية لكل السودانيين . نجي لحركة جيش تحرير السودان قيادة القايد مني اركو مناوي ايضا صحيح رئيس الحركة القايد مني اركو مناوي زغاوي لكن برضو حركته لا يمثل الزغاوة مثلها مثل حركة العدل والمساواة السودانية. كدا قرب لهذه الحركات من قرب وشوف عشان تعرف أكثر ما بينهم وبين الزغاوة اكيد تلقي زغاوة لا بعرفو دكتور جبريل ولا حركة العدل والمساواة السودانية ومني اركو مناوي وحركة جيش تحرير السودان. ثم من قال ليك الحركتين ديل المحتكرين التمثيل في قضية دارفور يا اخي في عشرات الحركات في دارفور وحكومة الإنقاذ البايدة وقعت وظلت توقع اتفاقيات مع عدة حركات في دارفور في خلال السنين الفايتة اين الاحتكار لحركتي العدل والمساواة السودانية حركة جيش تحرير السودان مناوي؟ اي ترديد لعبارات ديل حركات قبلية وديل يمثلوا قبيلة وكلام من هذا القبيل لا يخدم حل المشكلة السودانية من الأحسن الناس تناقش جذور المشكلة السودانية واسباب الحروبات وقضايا الحرب السلام وتضمينها في الدستور. نحن لا نريد إعادة تجارب الماضي التي اقعدت السودان في أسفل الدول.
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: محمد نور عودو)
|
سلام محمد نور عودو وشكرا التوضيح وبعد هذا التوضيح أقول فعلا لايمكن القطع بان الحركتين المعنيتين لاتمثلان قبيلة الزغاوة وان انتمت الزعامات لهذه القبيلة ومن البديهي انها لاتمثل كل دارفور -كما قلت أني معالجة الاختلال والتنمية المتوازية والتمييز الايجابي في دارفور وجبال النوبة والنيل الأزرق !
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: محمد نور عودو)
|
Quote: لدارفور خصوصيتها في إطار السودان -وكذلك جبال النوبة والنيل الأزرق |
لا يا كمال ليست هناك خصوصية لاحد. نحن هنا في بداية جديدة لنج و الكل متساوآ. الان كل السودان خارج الخرطوم ليس بها بنية تحتية (مدارس, مستشفيات, الخ). اذا الحوجة لبناء مستشفي تخصصي في دنقلا هي في ذات المستوي لبناء مستشفي تخصصي في الفاشر او كسلا او الرنك و كذلك ايصال كهرباء 24 ساعة يتساوي في كل المدن خارج العاصمة. اذا كلمة خصوصية فقط سوف تؤدي الي مواصلة الوصايا لكي ينتظر بعض السودانيين المن من السوداني الاخر و سوف ينتظرون طويلا.
_______________ دعو الايادي تكون متساوية.
| |
|
|
|
|
|
|
Re: الشيوعيون...والزغاوة ...استفهامات لا حد له� (Re: Mahjob Abdalla)
|
سلام يامحجوب دا موضوع طويل ومعقد وياريت نفتح فيهو نقاش منفصل !
نعم أأنا كما أنت مع المساواة. والعدالة -ولكن مبدأ التمييز الايجابي برز خصوصا لمعالجة الاختلال خد عندك الديموقراطية تقوم علي مبدأ الصوت الواحد للشخص الواحد ولكن في ظروف اجتماعية وتاريخية وثقافية معينة هذا المبدأ لايحقق لا العدالة. ولا المساواة ! فالمرأة مثلا لاتحظي بتمثيل انتخابي كافي وبعض الأقليات في ابهند ظلت مهمشة ولاتخظي بتمثيل لذا خصصت الهند لهم كوتة انتخابية وخصصت في كثير من دول العالم. حصة في البرلمانات!
وفي امريكا خصص نظام الافيرمتيف اكشن حصص للسود في كثير من المؤسسات !
* حينما يعالج الاختلال وتقام التنمية المتوازية ويرتفع الوعي سنعود لمبدأ المساوة المطلقة ،ذلك ان مبدأ المساوة نظري لم يحقق لا عدالة ولا مساواة فعلية!
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|