اهم حاجة ما جو ناس الامن فرتقو المؤتمرين معنها الامن اتفطم ,,,والتعديلات الاخيرة من البرهان لجهاز الامن سرت فعلا في السودان ويجب ترك ترهات اخراج الناس لي الشوارع والتباعي بالمواكب لحدي يتم فطم الجنجويد كمان واقرار الدستور وتصفيتهم دستوريا والشارع قام بي دورو وفضل والناس عايزة تشوف تغيير حقيقي في الحالة السياسية في السودان وردم الفراغ الدستوري من الاول بعد ده ندوات وتنزير بس في اركان النفاش في الجامعات وفي دور الاحزاب واخر مرحلة اقرار الاعلان الدستوري وترجع الدولة والمؤسسات قبل ننعق بالمحاسبة والويل الثبور وعظائم الامور موقف الشيوعيين من حرب اليمن تارخ شديد ويجب ان يعولمو ويجعلو ايضا راي عام سوداني ويشرحو حرب اليمن دي للشعب السوداني المغيب في المرحلة القادمة يعني بعد ده نخاطب العقول وليس لغرايز ونقطع الطريق امام طيور الظلام ومخلفات المؤتمر لشعبي وكيزان فضائية الجزيرة طال ما في حرية ومؤتمرات صحفية ما عندكم عذر تطلعو مظاهرات وتقولو حق مشروع قبل تثبتو الدستور والمؤسسات
تعرف يا ود البصير ، موقف الشيوعى زى موقف الزول لمن طلبوا منو يمشى مع الجماعة عزاء (فاتحة) وافق يمشى لكن قال ليهم اخو المتوفى انا مشاكله ، بمشى معاكم لكن ما بشيل الفاتحة 😂
دا بورد وليس مسنجر مش كده يا نصري امين انت وعيك ده حقو يخليك تتواضع ما تبقى ذى الزول الطالع في جبل شايف الناس صغار وهم شايفنو سغير ما جدوي تبدو مع ناس المشوار في ق ح ت بن ضهبان وتجو تزغو في نص الدرب والله لو في الشريف حسين الهندي كان قال فيكم الكلام الما انكتب ...انت لو عندك شارع بتزوغ من الانتخابات !!!ليه استقلال السودان كله المرق الانجليز مش كيزان السجم والرماد ديل وثيقة استقلال السودان 1953 والانتخابات 1954 وكان السودانيين اذكياء واميين وطلعو الانجليز(بالانتخابات **** في ناس بتجي تقرا وبتعرف حدود وعيك... انت والمتحولين سياسيا في تجمع المهنيين
Quote: تعرف يا ود البصير ، موقف الشيوعى زى موقف الزول لمن طلبوا منو يمشى مع الجماعة عزاء (فاتحة) وافق يمشى لكن قال ليهم اخو المتوفى انا مشاكله ، بمشى معاكم لكن ما بشيل الفاتحة 😂
وجه ضاحك
07-31-2019, 03:40 PM
adil amin adil amin
تاريخ التسجيل: 08-01-2002
مجموع المشاركات: 36923
Quote: اهلا عادل مامغرور ولا شتين لكن لو داير الصراحة و بدون زعل ؛مداخلاتك مملة و قاعد افطها لى عشرين سنة. مع كامل الاحترام
ده الغرور طبعا والملل انك شيوعي لحدي هسة وانت الملل ذاتو في البورد ده وده منبر حر وانت يا غبي بتطرح قضية عامة وعابز الراي البشبهك والناس البتشبهك موهوم ساكت متضخم و وعيك ما فايت مثلث الحمدي وانت موضيعك غبية ولازم نعري وعيك للناس هنا لو كنت بتقرا المداخلات كنت بقيت حاجة جديدة مفيدة رايح ليك درب ساكت انت عارف الشريف حسين قال شنو للحالة بتاعة الزول الرجلو في ق ح ت وثانية في الشارع مع طيور ظلام المؤتمر الشعبي قال له (انت كالمومس تضاجع رجلا واذنها علي الباب) المعلومة دي مملة ولي كيف
07-31-2019, 03:43 PM
adil amin adil amin
تاريخ التسجيل: 08-01-2002
مجموع المشاركات: 36923
لو كنت بتقرا كان وعيت وتواضعت لكن الوعي يتناسب عكسيا مع الغرور ما علاقة الملل بالحوار في قضايا السودان انا مطرب قعد اغني مثلا انت مسكين بتعري نفسك وتتاذكي بس لانك اصلا ما ذكي ودي مشكلة اهل المساخر ما المشروع المالي بي راسك الفاضي مصري وليس سوداني لازم تعيش وهمة المصريين انهم اذكي من السودانيين ذكرها ابيل الير في كتابه انت قايل نفسك ذكي شديد لانك شيوعي كدي شوف البوستات في المنبر في الصفحة الاولي هل في عنوان تافه او بتكلم عن ثقب الاوزرون انتو والكيزان نشكلو لوحة المشهد السياسي السوداني القبيحة حتي الان وهسة امرقو الشارع انتو ما تمرقو الطلبة ديل ما عندهم دخل بالسياسة يا التخبة السودانية وادمان الفشل اذكى شيوعي فيكم بذكاء د منصور خالد احمق من بعير اقعد في الواطة احسن ليك
07-31-2019, 04:37 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
Quote: تتفق معاى انه قرار الشيوعى بعدم التفاوض مع الانقلابى الجنجويدى مع الاحتفاظ بالشراكة مع قوى اعلان الحربة و التغيير شغل تكتيكى ؟
الكيزان لعبو اللعبه دى مرات عديده بشكل او باخربدايه من مؤتمر شعبى / مؤتمر وطنى لتوزيع الادوار فى مواجهه الحسابات الخارجيه فالداخليه خلال ال30 سنه خليهم يشوفو .بس الخوف خطوه تضعهم لقمه سائغه وذريعه لضرب الحزب وتصفيتو.
ان اقتنع حزب ما بعدم جدوي التفاوض لحيثيات ومعطيات محددة -وان الطرف الآخر في معادلة التفاوض غير جاد وليس له مصداقية وليس أهلا لثقة الخً فان من حقه الانسحاب من التفاوض وهذا حق مشروع !
حتي تجمع المهنيين أعلن صراحة ( قد ضقنا زرعا بالتفاوض) وهدد بخيار الشارع والتصعيد الجماهيري (بل سنواصل كصانعيين للفعل فالشوارع منتصبة والطريق فسيح )
من حقه الانسحاب من التفاوض ولينفاوض من يقتنع بجدوي التفاوض !
+** و جدير بنا في هذا المقام أن نذكر بان هناك قوي سياسية في قوي الحرية والتغيير فعلت ما هو اقبح وقعت علي اتفاق سياسي وانتحلت صفة قوي الحرية والتغيير زورا واختارت الاحادية والانفراد وخرجت عن مقررات قوي الحرية والتغيير القاضية بعدم التوقيع علي اتفاق سياسي قبل حسم الوثيقة الدستورية
Quote: تتفق معاى انه قرار الشيوعى بعدم التفاوض مع الانقلابى الجنجويدى مع الاحتفاظ بالشراكة مع قوى اعلان الحربة و التغيير شغل تكتيكى ؟
أبدا يا نصري ما شايفه كدا! اكتر حاجة كانت بتضعف بيانات الخطيب و تنفسها ان صديق يوسف اساسي في المفاوضات و في الكنبة القدام في التصوير! القرار دا بريحهم من الحتة دي تاني بعد دا يشتغلوا نقة وهري في المفاوضات و سيرها وتخوين ما يخلوا زول !
لكن يبقى موقفهم اشتر من ناحية ان من تفاوض ليست الاحزاب او التجمعات باسمائها بل التفاوض باسم الحرية و التغيير فبقاءك في التحالف يعني ان ما سيجري سيكون باسمك ايضا فا شنو ما فعلوه فقط سحب مندوبهم من الوفد ما اكتر من كدا والا فليكملوا جميلهم و يتخارجوا بي وشهم :)
07-31-2019, 05:02 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7206
الحزب الشيوعي إستبق الزمن بقراره بالإنسحاب من التفاوض أصبح من الواضح جداً لكل قارئ أن المفاوضات لن تأتي بأي ثمرة. وغداً ستصطف بقية الكيانات في قوى الحرية والتغيير مع الحزب الشيوعي في وقف التفاوض بعد أن يعرفوا أن الطريق مسدود.
للحزب الشيوعي كامل الحق في التمسك بإعلان الحرية والتغيير الذي تم التوقيع عليه في يناير 2019 "٤- الإشراف على تدابير الفترة الانتقالية وعملية الانتقال من نظام شمولي يتحكم فيه حزب واحد إلى نظام تعددي يختار فيه الشعب ممثليه، مع إعادة هيكلة الخدمة المدنية والعسكرية (النظامية) بصورة تعكس استقلاليتها وقوميتها وعدالة توزيع الفرص فيها دون المساس بشروط الأهلية والكفاءة." الفقرة أعلاه من أعلان الحرية والتغيير بإعادة هيكلة القوات المسلحة لن تتحقق في ظل الإتفاق الحالي بين المجلس وقحت إذ أن الوثيقة الدستورية المقترحة تجعل للعسكريين اليد العليا في إدارة القوات والمسلحة بعيداً عن أيادي المدنيين. كما أنه من الواضح جداً أن المجلس العسكري يسعى لهيكلة القوات المسلحة بطريقة بعيدة جداً من تلك التي ترجوها قوى الحرية والتغيير في إعلانها.
قبل شوية صوتنا فى تويتر لاستفتاء عملو حزب المؤتمر السودانى حول التفاوض ؛ وافقنا على مضض باستمرار التفاوض التفاوض مع المجلس الانقلابى الجنجويدى . الغريبة ان عدد المصوتين قرابة الالفين و نسبة الذين يوافقون على إستمرار المفاوضات تصل إلى 85%.
فى نفس الوقت ..موقف الشيوعي يلبى رغباتنا فى معاقبة المجلس الانقلابى الجنجويدى بحصاره و عدم التعامل معه..
كده ووووب و كده وووووبين
07-31-2019, 05:48 PM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
Quote: لكن يبقى موقفهم اشتر من ناحية ان من تفاوض ليست الاحزاب او التجمعات باسمائها بل التفاوض باسم الحرية و التغيير فبقاءك في التحالف يعني ان ما سيجري سيكون باسمك ايضا فا شنو ما فعلوه فقط سحب مندوبهم من الوفد ما اكتر من كدا والا فليكملوا جميلهم و يتخارجوا بي وشهم :)
إعلان قوي الحرية والتغيير ومقرراته ومواثيقه سبقت قيام المجلس العسكري والحزب الشيوعي كمؤسس من ضمن آخريين من حقه أن يبقي في الكيان ويتمسك بالوثائق الأساسية للتحالف - ومن حقه أن يحاول وبإستمرار بإقناع بقية مكونات قوي الحرية والتغيير بعدم جدوي التفاوض والمشاركة في كافة الفعاليات الجماهيرية الثورية - غير المرتبطة بالتفاوض ! فالتفاوض مع المجلس العسكري وسيلة - لاهدف - الهدف هو السلطة المدنية علي كافة المستويات وإنجاز مهام الثورة ومطالب الثوار وتحقيق بنود الإعلان الأساسي لقوي الحرية والتغيير ... * من أبجديات العمل التنظيمي - إحتفاظ حق الفرد أو التنظيم في رفض ونقد - إي قرارللكيان الجبهوي لايتماشي مع خطه ! مع بقائه في التحالف - عقلية إما تبصم علي كافة مواقف وقررارات التحالف أو تخرج هذه عقلية شمولية وإقصائية !
الأخطر في العمل التحالفي والجبهوي هو أن توقع مع المجلس العسكري بإسم قوي التغيير زيفا وبهتانا أو تتجاوز خطه ومقرراته - كما حدث في الإتفاق السياسي ! ...... إنتهي
07-31-2019, 05:45 PM
عبدالرازق يوسف الحاج عبدالرازق يوسف الحاج
تاريخ التسجيل: 06-19-2017
مجموع المشاركات: 172
Quote: لتفاوض ؛ وافقنا على مضض باستمرار التفاوض التفاوض مع المجلس الانقلابى الجنجويدى . الغريبة ان عدد المصوتين قرابة الالفين و نسبة الذين يوافقون على إستمرار المفاوضات تصل إلى 85%. فى نفس الوقت ..موقف الشيوعي يلبى رغباتنا فى معاقبة المجلس الانقلابى الجنجويدى بحصاره و عدم التعامل معه..
الموقف الاول ده الامر الواقع فكان تصويتكم بواقعية . . والموقف التاني ده امنيات الجميع حتى الذين صوتو للتفاوض . . ولكن . .
07-31-2019, 07:30 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
الحزب الشيوعي كيان مستقل ومن حقه أن يتخذ ما يشاء من قرارات - من حقه أن ينسحب من التفاوض ويطعن في مصداقية المجلس العسكري - ويفقد الثقة فيه !
وبعيدا عن موقف الحزب الشيوعي أقول: ولمن لازال يراهن علي مجلس - برهان كباشي وحميدتي وبالعكس ويراه شريكا يعول عليهفي إنجاز مهام الثورة وأهدافها - وتصفية مؤسسات دولة الكيزان ! نقول حسنا هذا خيارك !
- عليك أن تنجز أهداف الثورة كاملة غير منقوصة! - وقيام حكم مدني علي كافة المستويات ! وتصفية الدولة الكيزانية - مؤسسات وكوادرا ونهجا وقوانين - - حل جهاز الأمن وحسم ملف الدعم السريع - المحاكمات العدالة -بدءا من إنقلاب الإنقاذ - والفساد والدم والقتل والتشريد - وإحلال السلم ورفع المظالم والتهميش - وصياغة وإجازة قوانين إنتخابات الخ سندعم الإيجابي من خطاكم ومواقفكم ونرفض السلبي وننتقده ! ..........
07-31-2019, 08:08 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
قلت لي يا نصري 85% صوّتوا لاستمرار التفاوض! ولو توسّع الاستفتاء دا وشمل الشارع الثائر بل وأزعم ولو شمل الشهداء أنفسهم لكانت نفس النتيجة, أقل الوسائل كلفة للقصاص للشهداء ومنع استشهاد المزيد هو استلام الحكومة المدنية التنفيذية على الاقل بولايتها على الاجهزة العدلية وهذا للأسف لا طريق له سوى اكمال ما بدأ من تفاوض.
Quote: سندعم الإيجابي من خطاكم ومواقفكم ونرفض السلبي وننتقده
المشكلة فى الجملة الفوق دى يا كمال عباس ؛ انكم (اقصدكم شخصكم و بقية الأحزاب التى تأخذ نفس الموقف ؛ تفكونا عكس الهوا ضد مجلس انقلابى جنجويدى مدعوم بكتائب و ميزانية عميقة لدولة عميقة .. دايرنكم تعافروا معانا ؛ ما تخلونا برانا . موقف المشاهد لاى يخدم القضية بشئ
07-31-2019, 10:51 PM
كمال عباس كمال عباس
تاريخ التسجيل: 03-06-2009
مجموع المشاركات: 17141
سلام اخ النصري امين كلامي دا أنا قلتو عقب المجزرة - حينما قبلت كل قوي الحرية والتغيير التفاوض المشروط !!
لا تخوين ولاتجريم دعم لإيجابي واعتراض علي السلبي. والمطالبة بإنفاذ اهداف الثورة !
* والانً معظم الأحزاب والقوي السياسية مع التفاوض -عدا حزب واحد قرر الانسحاب من مسار التفاوض والبقاء من التحالف في المسارات والخيارات الاخري. ومع التثبيت علي اعلان الحربة والتغير ! * وستجد كل من يقف ضد استمرار. التفاوض مع العسكر بعد المجزرة او لاحقا في مقدمة الصفوف والحراك الجماهيري والضغط -تجاه الفلول والثورة المضادة والمجلس الانقلابي والجنجويد !
*. ولست من أنصار التخوين والتجريم والعداء لقوي ثورية حية كتجمع المهنيين او تجمع القوي المدنية- بل سا اقف سندا لكل مايدعم خط الثورة وينفذ أهدافها ويضرب. القوي المعادية للثورة
07-31-2019, 11:44 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
بعد الضحكة دي أحيي مداخلات الأخ كمال عباس المتزنة.
قصدت الضحكة دي علشان أثبت إنه كلام النسوان في البلد دي ما بتسمع..مش كان تشبكونا كنداكا وفرتاكة.. وكذلك كنوع من الشماتة في الناس الخونوني وهاجموني وتوعدوني بالمحاكمة الثورية هههه كوني قلت منذ البداية إنه التفاوض مع المجلس الإنقلابي خطأ. طالما الشعب إستلم السلطة في وطنه عن جدارة وتضحيات.. وختاها لقحت في يدها.. عندما فوضها بتلك المليونية المشهودة في ميدان القيادة.. عندما تداعى من كل حدب وصوب عشما في إعلان حكومته الإنتقالية المرتجاة.. وقد كتبت في صفحتي في فيسبوك قبل ذلك اليوم.. أنا وتبارك وبعض من عضوية حزب الخضر السوداني.. ناصحين الشعب بأن يبصموا على أي حكومة تعلن عنها قحت.. حتى لو فيها مريم الصادق أو الجن الأحمر.. المهم مدنيييين..
والآن بعد كل الشتائم والتخوين والتهديد الذي واجهته.. يثبت الزمن أن كلامي صح.
وليس هذا من أجل التباهي حاشا.. ولكن، من أجل إثبات أن لكل مواطن أو مواطنة رؤية ينبغي النظر إليها بعين الاعتبار.
وفوق الحلة ديك أنا تاني ما بجي.. الشمار كتير أنا تاني ما بجي.. أو كما تغنت المغنواتية..
08-01-2019, 03:04 AM
elsharief elsharief
تاريخ التسجيل: 02-05-2003
مجموع المشاركات: 6709
طالما الجماهير رافعة شعار إسقاط المجلس العسكري الانقلابي وذلك اولهما ما ارتكب من مجاز منذ انقلابه فى ١١ ابريل وحتى اليوم وثانيا انو المجلس العسكري الانقلابي ماهو الا امتداد لنظام الانقاذ واهمون ممن يقولون ان الشراكة مع المجلس العسكري تؤدي الى تفكيكه ومن ثم الى تحقيق واكتمال الدولة المدنية ولنا معهم تجارب منذ الاعتصام يدخلون فى تفاوض من اجل ترتيب بيتهم الداخلي ومن ثم ممارسة القمع والمجازر والاغتصاب لشعبنا امثله الثامن من رمضان ومجزرة القيادة ٢٩ من رمضان ومجزرة الأبيض ٢٩ يوليو ومن قبل تجاربنا مع الانقاذ وبرغم الاتفاقيات الدولية نيفاشا أبوجا والدوحة خير مثال ، صحيح انو المبادرة الأفريقية ودعمها الدولي تم تأييدها من الجميع وأولويات شروطها تسليم الحكومة للمدنيين وحل المليشيات وتكوين لجنة مستقلة برعاية دولية مايخص مجزرة فض الاعتصام، لكن هنالك أيادي خفية عبثت وتلاعبت بالاتفاقية وأفرغتها من جوهرها ، الذين يقولون لماذا يتمسك الحزب بوثيقة اعلان الحرية والتغيير نقول لهم توافق حولها وبل اجمع عليها كل مكونات الشعب السوداني وأولوياتها تسقط بس وإقامة الدولة المدنية الديمقراطية ، انسحابنا من التفاوض وانحيازنا لجماهير شعبنا ومتطلباته هو التعبير الحقيقي الذي تحالفنا من أجله وفق الوثيقة فبدلا من تصبو هجومكم على ممن انحرف عن الوثيقة وانفرد وتلاعب بها امثله توقيع الاتفاق السياسي واتفاقيات المحاصصة مابين اديس وجوبا وراء ظهر حقت ،مع العلم ان اَي تحالف القرارات تتم فيه بالموافقة والإجماع وفق ما اتفق من وثائق لا بمفهوم الاغلبية والأقلية ، نقول للذين اصحاب المواقف الرمادية والمصابين بلوثة العداء للشيوعية المتجولون من مكان الى اخر قبل وبعد الحراك ،مواقفنا وقراراتنا المستقلة تعبر عن الاغلبية الساحقة من الشعب والفاصل بيننا الحريات ليقيم الشعب ماهو الموقف الصحيح ، نحب نذكر بالأمس خرجت جماهير الأبيض عن بكرة ابيها واستقبالها لقيادة قوى الحرية والتغيير رافعين شعارات تطالب قيادة قحت الالتزام بوثيقة قوى اعلان الحرية والتغيير وايضا نذكر ان هنالك جدول من قحت بخصوص المليونية الاول من اغسطس مجزرة طلاب الأبيض اضف الى خروج الطالبات والطلاب للشوارع فى كل المدن السودانية ،ولماذا الخوف من التصعيد الجماهيري والشوارع الذي اعتمدنا عليها منذ بداية الحراك نريد ان ننجز ثورتنا المدنية الديمقراطية التى رسمت معالمها بدماء شهدائنا ووصاياهم واصلوا المشوار بالسلمية عبر الشوارع التى لاتخون لاكتمال الدولة المدنية كاملة دون اَي شراكة مع نظام الانقاذ تحت واجهته الجديدة المجلس العسكري الانقلابي
08-01-2019, 07:53 AM
Khalid Elsayed Khalid Elsayed
تاريخ التسجيل: 01-25-2017
مجموع المشاركات: 787
مخرجات المؤتمر الصحفي لقوى إعلان الحرية والتغيير اليوم الخميس ١ أغسطس ٢٠١٩》
1- تم الاتفاق على كل هياكل الحكم الثلاثة وصلاحيتها وطريقة تعينها وطرق اقالتها.
2- ٦٧ % من المجلس التشريعي لقوى الحرية والتغيير / ٣٣ % من القوى التي لم توقع على اعلان الحرية والتغيير ولم تشارك في حكم البشير.
3- خلال ال 3 شهور الأولى ستؤول سلطة المجلس التشريعي لمجلس الوزراء ومجلس السيادة.
4- الاتفاق على تشكيل مجلس اعلى للقضاء يختار رئيس القضاء واعضاء المحكمة الدستورية.
5- لا توجد حصانات مطلقة بل اجرائية يمكن ان ترفع في اي حالة قضية جنائية او غير جنائية.
6- تخصيص الستة الأشهر الأولى لإحلال السلام وتضمين اتفاق اديس ابابا في الوثيقة الدستورية. 7- العدالة اولا وتقديم المجرمين للمحاكمات ومسؤولية المجلس العسكري في القتل والعنف ضد المتظاهرين السلميين ولن تسقط اي تهم بالتقادم او الحصانات.
8- تشكيل لجنة تحقيق وطنية مستقلة للتحقيق في جريمة فض الاعتصام.
9- تثمين دور الحزب الشيوعي في الثورة والتضحيات التي قدمها والحفاظ على وحدة قوى الثورة مع التمني بان يراجع موقفه من الانسحاب من التفاوض.
10- ستكون مسيرات اليوم سلمية ونشدد على لجان الأحياء وقادة العمل الميداني بالمحافظة على سلمية الحراك وعدم استعمال أي عنف او الاستجابة لأي استفزازات.
11- الاختلافات والتي ارجأت لاجتماع اليوم هي:
أ/ هيكلة وتبعية القوات النظامية (جيش / دعم سريع)
ب/ مفوضيات الحدود والانتخابات.
12-سيستأنف التفاوض مع المجلس العسكري مساء اليوم الخميس.
08-01-2019, 02:52 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
والله يا ود البشرى وفرت على مجهود كبير. صحيت يادوب من النوم ؛ قلت بدل اعافر فى تويتر و الفيس و الواتس ممكن القى الخلاصة فى المنبر. وفعلا بعد 3 كليكات على الماوس لقيت مداخلتك اعلاه وفيها المقتضب المفيد بخصوص المؤتمر الصحفي لقوى الحرية و التغيير.
نشرب الشاى و بعدها نرجع نعافر للتفاصيل و ردود فعل الاسفيريين.
لكن اعتقد التوصيات اعلاه ترضى الطموحات خاصة خاصة الحضانة و التشريعي. حلوة و معلوبة مغازلة الشيوعي لكن ..شغل رهيب
08-01-2019, 04:35 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الجفلن خلوهن أقرعو الواقفات ! إنسحب الحزب الشيوعي من التفاوض هذا هو خياره وإختارت أغلبية قوي التغيير المواصلة! قوي الحرية والتغيير تقرر مواصلة التفاوض... .. حسنا هذا هو خيارها وتقديراتها - ! فقط عليها أن تقنع "الشريك" العسكري بوقف القتل والعنف المفرط ! نريد هدنة - ولو من باب حسن النية توقف حمامات الدم نحلم بمرور يوم بلا عنف ولا دم! إقنعوا الشريك أن يفعل شئيا يُثبت حُسن النوايا !!
Quote: 11- الاختلافات والتي ارجأت لاجتماع اليوم هي:أ/ هيكلة وتبعية القوات النظامية (جيش / دعم سريع) ب/ مفوضيات الحدود والانتخابات. ج/ التمسك بنسبة ال ٦٧٪ في المجلس التشريعي
الاخيرة (ج) دي لسة موضوع خلاف ما أتحسمت ( تمسك بس).
قرار الحزب الشيوعي الموقف الصحيح من التاريخ ———————————————————— علي قوي الحرية والتغيير اتخاذ قرار وقف التفاوض ————————————————————--
ظلت قضية تقديم الوعي اكبر هم للشيوعيين السودانيين ، منذ بزوق شمس حزبهم العريق في أربعينيات القرن الماضي الي يومنا . شهادة ووصية الزعيم الشيوعي الفذ ( عبد الخالق المحجوب ) قدمنا الوعي اخر ما تفوه به علي ظهر الفانية وبعدها أسكت الموت لسانه للأبد ( كشيوعيين قدمنا الوعي ولا شي سواه). فما انبل ما قدمت يا عبد الخالق ، ومنذ تاريخ ميلاده تنحاز دوما مواقف الحزب الشيوعي تجاه القضايا الوطنية والفكرية انطلاقا من قضيتي الوعي ، والمسؤولية الأخلاقية تجاه الجماهير. تضع حزبهم في الموقع الوطني الصحيح من التاريخ .. قدم الشيوعيون السودانيون أثمان باهظة نتيجة تبني الوعي والمبدئية لمواقف لا تعرف الضبابية ولا تركن لانصاف الحلول ، وكما قال شاعرهم الفذ (محجوب شريف) عود وخاتي الشق ما قال وحاتك طق .. فظل الحزب يدفع فاتورة الانحياز للجماهير ونبضها ومبدئية الموقف ، قتل وسجون وتعذيب وتشريد وملاحقة ، حتي وصم الشيوعي. (بأنيس الزنازين وساكنها ) وبات الاعتقال والتنكيل ماركة مسجلة للشيوعيين . وراجت وسط الشباب معادلة فحواها خطوه نحو الحزب خطوات نحو الاعتقال. والمطاردة . ومقابل تقديم الشيوعيون للوعي ، قدم اعداءهم الدم والموت والتجهيل ، والاغتناء بمال السحت والفساد ، وقدم خصومهم الاخرين انصاف الحلول وسيولة المواقف التي اضرت بنضال الشعب السوداني ، وأخرت عملية التغيير . الموقف السليم الذي اتخذه الحزب الشيوعي بوقف التفاوض مع المجلس العسكري والانحياز لرغبة الشارع ونبض الجماهير ليس غريبا عليه كحزب له تاريخه النضالي الناصع ولا يمثل هذ الموقف قفزة في مواقفه التي تأتي وفق قراءة سليمة للواقع تسنده قراءة للتجربة و للتاريخ علي منهج تحليل علمي ، واحساس بالمسؤولية الأخلاقية تجاه الجماهير والاندماج فيها وضبط البوصلة نحو نبض الشارع الذي لم يخن يوما ولَم يهن لحظة . وهو الذي يحميهم من البطش دوما ويقدر نضالهم ويحتضن كوادرهم .. فرية ان التفاوض الجاري لا يقود لدولة مدنية تحقق السلام والعدالة وتنهي حالة الاحتقان ، لنتفرغ للبناء الوطني ، التفاوض اكذوبة كبري صدقتها بعض القوي المكونة للحرية والتغيير وأحرقت كل سفن عودتها لمرفي الشارع ، واختارت طوعا قارب التفاوض تتقاذفه الامواج وسط لجح المجلس العسكري المرعب ، بالا دفة توجهه ولا مجداف ، يتربص به المجهول .. ظل التفاوض مع المجلس العسكري عملية تنقصها توازن قوي يفضي الي احترام ومصداقية ، مكن العسكر للولوغ من دمنا الطاهر دون كابح او وازع او حرمة ، وسط وحنين وولاء من المجلس العسكري للثورة المضادة التي لم يدر في خلد أعضاءه التخلي عنها بل يتبارون في المحافظة علي دعائمها واساطينها ، وتحين الفرص لإنقاذهم ، هذه المسرحية السمجة تتم بإخراج وسيط دولي فاقد للمصداقية منحاز لمعسكر الشر .ومخلب قط لمحور الإعراب . مدفوع القيمة ليمزق وحدة الثورة واهدافها . اما عن الجانب الاخر من طاولة المفاوضات الفضيحة هناك من باع مواقفه بثمن بخس ( واشتري دحلان بدراهم معدودة ) ومنهم من ينتظر ثمن مواقفه . (وبترودولار الإمارات )ورهط يعتقد فرصة الاستوزاز حان قطافها ، واخرين اعتقدوا ما انجز من حراك كافيا ، ولا ننسي ان قطيعا منهم احتواءه اجتماعيا بعض أعضاء المجلس العسكري بتلك الليالي التي تتداولها مجالس الخرطوم، المدينة التي لا تعرف الأسرار ولا تتعامل معها . هذه التشكيلة الغريبة المتناقضة من مفاوضين لا تنتج بهذه الوساطة والشروط اَي تسوية تفضي لدولة مدنية .. لست شيوعيا ولَم أكون تطابقت مواقفي معهم حينما استفتيت ضميري في متاهة المفاوضات مع المجلس ، ودوما ما اتبع وأبايع ضميري علي فتواه ، قضي الامر. الذي فيه تستفتيان ، ان الحزب الشيوعي اتخذ الموقف التاريخي الصحيح ، هو موقف مؤسس علي قواعد الوعي والمسؤولية واتخاذها يعني أثمان وأهوال لا يوفيها الا الصناديد . الدعوة لكل مكونات قوي الحرية والتغيير لتحذو ما حذاه الحزب الشيوعي من موقف سليم ، فالتاريخ المجيد يصنع في لحظة ، والمجد يظل مشرفا ابد الدهر منتصر عبد الماجد
08-02-2019, 08:22 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: - الاختلافات والتي ارجأت لاجتماع اليوم هي:أ/ هيكلة وتبعية القوات النظامية (جيش / دعم سريع) ب/ مفوضيات الحدود والانتخابات. ج/ التمسك بنسبة ال ٦٧٪ في المجلس التشريعي
الاخيرة (ج) دي لسة موضوع خلاف ما أتحسمت ( تمسك بس).
حقيقة يا معتصم انا من امس محتار انت نقلت المقتبس دا من وين و النقطة ج دي جات في ياتو بيان؟
عموما في المؤتمر الصحفي للتحالف قالها ساطع الحاج بوضوح انها حسمت وكما نشتهي وكذلك في ملخص المؤتمر على صفحة قوى الحرية و التغيير وأخيرا كدي اسمع الدقيقة تلتين لافادة ميرفت ممثلة تجمع المدنيين في وفد التفاوض حين تؤكد حسم هذه النقطة وبشكل نهائي في مجلسة مفاوضات الامس وقول خير ما تبقى لي زي أخوانك ديك
08-02-2019, 08:31 AM
Mutasim Idris Mutasim Idris
تاريخ التسجيل: 04-03-2019
مجموع المشاركات: 2435
ههههههههه كلام ميرفت وااااضح مافيه ااااي شخشخة قالت تم التوافق علي النسب واخدنا حقنا في ال ٦٧٪ كاملة. كدا أنا ما عندي حاجة تاني غير وضعية الجيش والدعم السريع وفك أرتباطهم من السيادي وتتبعيهم للوزراء تحت وزيري الداخلية والدفاع.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
محمد علي البصير
adil amin
Asim Ali
كمال عباس
Hafiz Bashir
Mutasim Idris
عبدالرازق يوسف الحاج
عمر سعيد علي
علاء سيداحمد
elsharief
Khalid Elsayed
فيس بوك
تويتر
انستقرام
يوتيوب
بنتيريست