|
Re: العالم حزين علي موت الملاكم الروسي مكسيم � (Re: يحي قباني)
|
عثمان الحبيب .. تحياتي .. عندما يكون وزن الشخص خفيف يكون مسالم جداً أنا جربت لأنني إلى اليوم حوالي 60 كجم ومنذ صغري مسالم جداً ما حصل اشتباك جسدي ممكن لفظي ولكن ساعة الذروة الانسحاب التكتيكي زول مرسال بس .. حتى في الزراعة الوالد الله يرحمه كان يقول لي إنت مرسال بس لعدم البنية الجسدية .. لا أعرف لماذا أعتبر اي ملاكم مصارع ، كمال أجسام ، الفتوة كل هؤلاء أعتبرهم اغبياء
أميل قليلاً لراي قباني ..
يا جماعة لو سمحتو الفيديو ..
| |
|
|
|
|
|
|
Re: العالم حزين علي موت الملاكم الروسي مكسيم � (Re: معاوية المدير)
|
الاخوان الاحباب يا جماعة والله الملاكمة من احب اللعبات الشعبية للسعب الامريكي . وابطال الملاكمة الامريكان زي كلاي وجو فريزر ومايك تايسون وهوركين ولاري هولمز وهولفيلد من المحبوبين للامة الامريكية . ياريت يا قباني لو كان ربنا حضرك في الميدسون اسكوير نزال من نزالات تايسون . كان يكفيك الاحتفالات والهيصة البتحصل خارج الميدسون . سوق رهانات طويل عريض خارج الميدسون وسوق بيع الاشياء التذكارية الخاصة بي النزالات . لعبة الملاكمة ثقافة شمال وسنترال اميركا وهي اللعبة الوحيدة الممكن تكتل فيها الخصم وتاخد فلوسك. كاملة . لا يسجنوك لا يتلتلوك . قباني عليك الله خت الفيديو. بلاش حركات .
| |
|
|
|
|
|
|
Re: العالم حزين علي موت الملاكم الروسي مكسيم � (Re: Osman Musa)
|
Quote: يا جماعة لو سمحتو الفيديو .. |
أُستاذي علي أنا كنت عايز أجيب الفديو لكن تركتو لرغبة قباني، موماً المدرب سحب الملاكم قبل الضربة القاضية والراجل مات في المستشفى ولم يموت في الحلبة. أنا حا أرفد البوست بفيديو لشاب من أوكرنيا يوضح مستوى الفن الرفيع والجميل في اللعبة. عموماً لعبة الملاكمة من اللعبات التي تتطلب تمارين عنيفة جداً إضافة لمهارة عالية ومرونة في الجسم، إضافة لقوة التحمُل...
| |
|
|
|
|
|
|
Re: العالم حزين علي موت الملاكم الروسي مكسيم � (Re: معاوية المدير)
|
Quote: انا محارب شرس لوقف الملاكمه |
يا أستاذنا قباني ضمني معاك لكتيبة المحاربين
يشهد الله لو أدوني قروش عشان أشاهد مباراة في الملاكمة أو المصارعة لما وافقت
هذه الرياضات إضافة لمصارعة الثيران تخالف الفطرة الأنسانية المحبة للخير الكارهة للعنف وأراقة الدماء
| |
|
|
|
|
|
|
Re: العالم حزين علي موت الملاكم الروسي مكسيم � (Re: Osman Musa)
|
عليك الله يا عثمان من جميلات التنس وملكات الجمال تقلب لي الدم والدموم والعوارة دي أنا ضد العنف بشكل مطلق ولو كان في الرياضة وأقول ليك أنا مع قبة وبوستك دا لا عزاء له عندي
بالمناسبة: أمس في قناة روسيا اليوم شاهدت انهياره في الحلبة ولم أستطع إكمال باقي الفيديو .. تصدق !!!
| |
|
|
|
|
|
|
Re: العالم حزين علي موت الملاكم الروسي مكسيم � (Re: عمر أبوعاقلة)
|
Quote: الاخ معاوية والله حزنا لموت مكسيم قبل فتح الجمجمة لوقف زيادة النزيف داخلها . |
يا عثمان ...
ربنا قال " لقد خلقنا الإنسان في احسن تقويم"
بعني الاعجاز الرباني في خلق الانسان .. و في دقة خلق المخ و ما داخل الجمجمة ... نعرضه لهمجية كلها ضرب في الدماغ ؟
الدماغ الاخترع الكهرباء و المصباح الكهربائي و التلفون و الطيارات و وووووو و كل اعجازات البشرية ...
نجي نهينه بالشكل ده ؟
ياخي و الله البهايم ما بتعمل لي بعضها نزيف في المخ مع سبق الاصرار و الترصد !!!
ود البصير و ابو عاقلة و عمنا علي ...
مرحب بيكم في تيم الانسانية ...
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|