|
|
|
 Re: تركيا جنة الأرض (Re: منصوري)
|
منصوري
سلام الاخ الفاضل منصوري .
فعلا تركيا من اجمل البلدان.
التي زرتها قاطبة .
لكن الملاحظ ان الشعب التركي .
متمسك بلغته التركية.
فلا بد من وجود المترجم
الشعب التركي شعب راقي .
وهاديء الطباع .
يعني ما nervous
التحااااايا العطرة
***
،،،،
عزالدين عباس الفحل
ابوظبي
| |
  
|
|
|
|
|
|
|
|
Re: تركيا جنة الأرض (Re: منصوري)
|
منصوري
سلام الاخ الفاضل منصوري .
شد ما اعجبني بناء المساجد .
ع طراز واحد فخم .
يعني في انقرا مثلا .
وجدت في احدي المساجد.
خزانات حفظ الاحذية.
تغلف و تفتح بمفاتيح رقمية .
اما الحمامات و مكان الوضو.
الاضاءات الكهربائية .
تعمل بنظام ال Sensor
التحااااايا العطرة
***
،،،،
عزالدين عباس الفحل
ابوظبي
| |
|
|
|
|
|
|
|
|
 Re: تركيا جنة الأرض (Re: منصوري)
|
صديق منصوري
سلام المهندس صديق .
بصراحة بوست فخم .
كامل الدسم .
لكن ذكرت انت .
انك كنت مقيم في الامارات
30 سنة فى ابوظبي.
وعملت كمهندس .
فى هيئة الماء والكهرباء . ابوظبي
سبحان الله .
صدف عجيبة اكيد انا بعرفك
عاااااااطر الاشواق .
***
،،،،
Quote:
انا 30 سنة فى ابوظبي اعمل كمهندس فى هيئة الماء والكهرباء،، ما حصل لاقتنى حكاية ال sensor دى فى اى بناية او ممر .
،،،،،،،،،،،،،،،
[email protected]
........
صديق منصوري
،،،،
|
عزالدين عباس الفحل
ابوظبي
| |
|
|
|
|
|
|
|
|
|
Re: تركيا جنة الأرض (Re: منصوري)
|
كبرياء وعظمة وشموخ وكرامة وعزة نفس وأصالة
حتى فى التجارة الفيها الغش كتير
مثلا
لو واحد فارش ليمون ،، وانت جيت تشتري منو ،، قال ليك مثلا الكيلو 4 ليرات،،
انت خليتو ومشيت تلف فى السوق تفتش سعر ارخص وما لقيت ، بل لقيت سعر 7 ليرات لكيلو الليمون،،
قمت جيتوا راجع عشان تشتري منو ب 4 ليرات،، يستحيل يديك تانى
يقول ليك ( يوك ) يعنى لا ،، يعنى شوف غيرا ويرفض يعطيك وينتصر لكرامته حتى لو اديتو فى الكيلو 10 ليرات،،
من الالف قد تلقى واحد نفسو غلبتو يقبلك بعد ما رجعت ليهو ، لكن يعاين ليك بى ازدراء ووضاعة وذله لشخصك غريبة ،، تتمنى تخسف بيك الارض
،،،،
لا يحبوا المفاصلة فى الاسعار ،، وصادقين فى معظم وضعهم للأسعار
| |
|
|
|
|
|
|
|
|
|
Re: تركيا جنة الأرض (Re: منصوري)
|
صديق منصوري
سلام المهندس صديق .
هل انت كنت شغال .
في المناطق الخارجية ؟؟
في دائرة الماء والكهرباء . ابوظبي .
ام في قسم توزيع المياه ؟؟؟
وهل بتعرف الوكيل سعيد عتيق ؟؟
والوكيل الجوعان ؟؟
الوكيل هو اعلي سلطة في دائرة.
بعد رئيس الدائرة مباشرة
عاااااااطر الاشواق .
***
،،،،
Quote:
ايوة بنتعارف يا عز الدين ،، انا بعرفك ،،اتلاقينا مرة فى مطعم ابو ظريفة ،، عروس الرمال ،، ابو الافوال،، النيلين بريمة
نعم
كذلك عملت فى محطة الماء قرب جريدة الاتحاد 4 سنوات
وعملت فى محطة البطين بالمناصير 6 سنوات
وعملت بمحطة مياه الوثبة 3 سنوات
ومحطة مياه بنى ياس 3 سنوات
ومحطة مياه الشهامة سنة
ودراسة بكلية التقنية العليا فرع ابو ظبي
ومحطة الشهامة الجديدة سنة
و13 سنة بمحطة العجبان
........
صديق منصوري
،،،،
|
عزالدين عباس الفحل
ابوظبي
| |
|
|
|
|
|
|
|
|
|
Re: تركيا جنة الأرض (Re: عزالدين عباس الفحل)
|
عز الدين
نحن في محطات المياه داخل ابوظبي كنا.. سعيد عتيق رئيسنا ..والمهندس الصنعانى رئيس محطاتنا.. وجمعة القبيسى رئيس محطتنا.. وحمد غماد راشد المنصوري صديقي وزرته فى بيته مرارا.. وهو مدير شئون الموظفين للدائرة كلها.. واحمد جميل كاتب قلم الوحدة الاولى .. وخالد عمر عوض سالم الصيعري مدير الوحدة الثانية صديقنا.. وابوحسين المزروعي مدير محطة الشهامة صديقنا.. وجوعان رجل ما ساهل ..عملت معه سنتين وبعدين تحولت من دايرة لى هيئة.. مديرنا برضو فارس ساري المزروعى رجل محب للسودانيين وصديقي الشخصي.. وكمية كمية من الاصدقاء
| |
|
|
|
|
|
|
|
|
|
Re: تركيا جنة الأرض (Re: منصوري)
|
الحبيب منصوري .. تحياتي ..
التركي أمين ومخلص في العمل .. قبل سنوات وقبل نهضة أردوغان
كان للاتراك وجود مكثف في السعودية .. مدير الشركة التي اعمل فيها
كان يوصي بإرساء عقود صيانة المعدات والسيارات على ورش الأتراك
حتى كان يوصينا أن نتعامل مع الورش الاتراك في سياراتنا الخاصة
وكمان المطاعم التركية .. كان يجزم بأن هذا الشعب صادق
وكان لديه أملاك في تركيا ..
نعم تعاملت معهم كمسئول وكفرد .. أكثر الناس أمانة وصدقاً
تحياتي .. منصوري واصل ..
جميل أنت ودكتورة تكملان بعضكما في خواطر عن تركيا
| |
|
|
|
|
|
|
|
|
|
Re: تركيا جنة الأرض (Re: علي عبدالوهاب عثمان)
|
نعم يا علي صادقين ووجهتهم واحدة وعندهم مقدرة عجيبة فى تحمل ضغط العمل ،، هسه ساعات العمل هنا في تركيا 10 ساعات فى الحكومة وتتراوح لين 11 ساعة و12 ساعة فى القطاع الخاص
طبعا باستقراء بسيط بدون كلام كتير منا ،،ممكن تعرف البلد دى سمحة والا لا بالآتى
لما تلقى بلد عدد مغتربينا كتير فى بلاد اخرى ،، تعرف انو البلد دى ما كويسة ،، الهنود والباكستانين والبنغال فى الخليج بالملايين
يايهم المصريين والسودانيين والعراقيين والسوريين
نادر تلقى اتراك
هنا فى تركيا العمالة كلها تركية مافى عمالة اجنبية نادرا ،، نسبة العمالة الاجنبية هنا 3% فقط ،، الاتراك يشتغلوا براهم من الكناس لغاية المدير
عندهم الشغل ما عيب،، لكن يصرفوا على نفوسهم من اطايب الاكل والنزه ما يعجز عنه الآخرين ،، حتى الكناس تلقاهو بالليل فى ارقى المطاعم هو المدير الحجل بالرجل،،
،،
الرواتب بسيطة هنا لان الحياة بسيطة ،، وغير مكلفة ،، والدولة تضع بين يديك امتيازات عمل غير عملك لاتحصى ،عشان ما تبقى للدولة فى رقبتا العلاوة السنوية وين ؟ ترقيتى وين تأخرت
مثلا كل حى كل يوم احد مسموح فى شارع الحى يفرغ شارع ،، تجى انت تخت تربيزة تعرض حاجتك ،، خضار ،، طماطم ،، فواكه ،، هدوم ساعات اكل من الصباح للمساء وترفع تربيزتك وتمشى ،،بسمى البازار ،، وبازار برضو تعنى عندهم باللغة التركية يوم الاحد ،،
تفتح مخبز مافى زول يقول ليك دا مخبز بس ،، رخصتو مخبز
لا
تعمل معاه قهوة
تقرن فيهو دكان ،، تبيع فحم ،، مشروبات باردة ،، طالما عايز تسترزق وجاييك رزق زول بيسألك مافى
طبعا ما عندهم نظام كفيل كما فى الخليج
بمجرد ما وطئت قدماك تركيا بصورة صحيحة ،اصبحت متساويا مع التركى فى كل شى ء، تمسك شغل يوم يومين ،،تطلع منو تمشى للتانى للتالت للرابع اصلو زول بى بسألك مافى
،،،،،،،،
الدكتورة يا استاذ علي ،،، متواضعة جدا ،، قالت لى لو كنت عارفة بوستيك دا ما كان انا طلعت بوست ،، لأنها هى من الاعضاء القدامى هنا ،، وتعرفني
وهى برضو اشتهرت بكتاباتها المليانة والصادقة والأمينة والمخلصة لبنى وطنها
التنوع فى العلم والتعلم والتعليم والمعلومات مطلوب ومهم ،،كل زول عندو فرديتو
وكل هذا بصب فى بوتقة القاريء يقتطف منه ما يشاء مثل الروض النمير المزهر
| |
|
|
|
|
|
|
|
|
|
Re: تركيا جنة الأرض (Re: منصوري)
|
بطاقة مواصلات مخفضة لزول عمرو فوق ال 65 سنة
بطاقة علاج مخفضة لزول عمرو فوق 65 سنة
بطاقة مواصلات مخفضة للطلبة
بطاقة مواصلات مخفضة لأصحاب العاهات ،،
وغيرها الكثير
| |
|
|
|
|
|
|
|
|
|
Re: تركيا جنة الأرض (Re: منصوري)
|
سلام منصوري وضيوفك الكرام، نعم تركيا جميلة وخصوصا اسطنبول التي مكثت فيها نحو عامين، اعجبني سطوة المجلس البلدي في تطبيق القانون والنظافة العامة وفرص الاستثمار كبيرة جدا لكن تحتاج لمستشاريين اتراك في هذا الخصوص.
السالب في تركيا الجريمة المنظمة والعصابات، خصوصا منطقة "تكسيم" حيث يعزمك شخص قريب وبحسن نية علي كوب شاي او قهوة في مقاهي مظلمة وتكون الفاتورة "١٠٠٠دولار" تدفع او تضرب ويتم تشويه الضحية احيانا.
علي كل حال لبدء استثمار في تركيا تحتاج لمبلغ من 100الف دولار اميركي فما فوق، هذا المبلغ لو استثمرته في السودان بتستفيد.
| |
|
|
|
|
|
|
|
|
|
Re: تركيا جنة الأرض (Re: محمود الدقم)
|
صديق منصوري
سلام المهندس صديق .
بصراحة محسوبك اشتغلت مهندس.
في دائرة الماء والكهرباء . ابوظبي سابقا.
مع الوكيل سعيد عتيق
ثم مع الوكيل الجوعان بن فاضل المزورعي.
مسؤلية مباااااااااشرة
وطبعا الوكيل هو اعلي سلطة.
في دائرة الماء والكهرباء .ابوظبي
والسوداني الوحيد كنت مع VIPS.
بدون فخر اشتغلت.
مع الوكيلين مباشرة .
والناس الذكرتهم ديل.
كلهم بعرف حق المعرفة.
نشأت صداقات وعلاقات وطيدة
وحتي الان ولله الحمد.
عاااااااطر الاشواق .
***
،،،،
Quote:
عز الدين
نحن في محطات المياه داخل ابوظبي كنا.. سعيد عتيق رئيسنا ..والمهندس الصنعانى رئيس محطاتنا.. وجمعة القبيسى رئيس محطتنا.. وحمد غماد راشد المنصوري صديقي وزرته فى بيته مرارا.. وهو مدير شئون الموظفين للدائرة كلها.. واحمد جميل كاتب قلم الوحدة الاولى .. وخالد عمر عوض سالم الصيعري مدير الوحدة الثانية صديقنا.. وابوحسين المزروعي مدير محطة الشهامة صديقنا.. وجوعان رجل ما ساهل ..عملت معه سنتين وبعدين تحولت من دايرة لى هيئة.. مديرنا برضو فارس ساري المزروعى رجل محب للسودانيين وصديقي الشخصي.. وكمية كمية من الاصدقاء
........
صديق منصوري
،،،،
|
عزالدين عباس الفحل
ابوظبي
| |
|
|
|
|
|
|
|
|
|
Re: تركيا جنة الأرض (Re: منصوري)
|
شكرا يا المنصورى على التنوير و السرد الجميل
انا وصلت تركيا / انقره قبل اسبوع و خلال الاسبوع دا كل كل يوم بزيد اندهاشى و اعجابى.
عموما بلد معيشه وتكليبه.
الله يوعدنا بنص وطن
| |
|
|
|
|
|
|
|
|
|
Re: تركيا جنة الأرض (Re: خالد عبد الحليم سعيد)
|
التحية لك منصوري و ضيوفك الكرام
عندي صديقي ارسل عائلته للعيش بتركيا
ولنا نوايا مثلها و لكننا متخوفين لعل البوست يرشدنا ويزيل المخاوف
و يا ريت لو اديتنا سرد للمدن السياحية و الاسعار (فنادق - شقق- طيران - اماكن ترفيه )
لكن الود و التقدير
| |
|
|
|
|
|
|
|
|
|
Re: تركيا جنة الأرض (Re: منصوري)
|
نظرية تركية مهمة
،،،
لو طبقناها فى السودان خاصة مع هبة الشباب فى الثورة دى لتصليح اى حاجة وخلق اساليب جديدة لرفع معيشة الناس،،
حقو نحن نرفع واقعنا لمساعدة حكومة الثورة الانتقالية ، وما نرجاها فى نص الطريق بعصا سحرية تغير لينا كل حاجة
لا
،،،،
طيق التغيير لرفع معاش الناس يتطلب تضافر الجميع ، كل يدلى بدلوه
،،،،،،
عادة حسنة فى جميع تركيا
،،،،،
عندك دكان ، عندك شركة ، عندك ورشة ، عندك مخبز ، عندك اى عمل خاص،، تلقى كل افراد العائلة يشتركوا فى العمل دا ، ابدا ما بيجيبوا عمال من برة
الدكان حق ناس البيت ،عماله ناس البيت ، ادارته ناس البيت،،،حتى محلات بنشر السيارات ناس البيت ، اللهم إلا ورشة كبيرة او معمل ملابس كبير محتاج ل300 عامل،، ناس البيت كلهم بشتغلوا فيه ، بعدين يتموه بعمالة خارجية ،،
،،،،،،
عندك مخبز مثلا
تلقى البت الفتاه بنت صاحب الفرن ماسكة العصاية ديك البي يدخلوها فى الفرن ، تدخل الرغيف نى فى الفرن وتطلعو،، تجد مرة الراجل تعجن بالخلاط الكلير في الدقيق،، تجد الولد الكبير يليع للزبائن الرغيف،، تجد الشافعة بنتو عمرها 5 سنوات تفتح فى الأكياس،،،، تجد البنت 10 سنوات جات من المدرسة آخر اليوم فى علاقة فى الحيطة فى المخبز علقت شنطتها بتاعة المدرسة فى العلاقة ودخلت جوه المخبز غيرت هدوم المدرسة ولبست يونيفورم المخبز ومسكت المكنسة تقش فى ارضية المخبز ،، تلقى واحدة من ناس البيت خاته تربيزة بى جوة وتورق فى خدرة عسان يطبخوها لى غداهم يتغدوا كلهم فى الفرن دا ،، مافى زول بى يمشى البيت ،، البيت دا تمشى ليهو الساعة 12 بالليل لما تتعب من العمل خلاااص وتبقا تانى ما قادر تنتج،، الليت بس تجى آخر اليوم تستحما وترقد ،، عشان كدا الاتراك بيوتهم نضيفة جدا جدا ،، تعجبك ،، بالمناسبة معظم الاتراك اللي يجونا ديل فى السودان كثير منهم لا يمثلون اخلاق الشعب هنا ،، قد يكون فيهم الانتهازى البي يجونا ،، او العايز يربح بسرعة ويرجع تركيا وهكذا ،، لان تركيا ما بتتفات ،، كثيرون منهم يذهبوا امريكا ويذهبوا كندا والمانيا يجيبوا قروش ويجوا يفتحوا مساريع هنا،، بلدهم ما بتتفات ،، ويقولوا ليك بلدنا حلوة ما بنفوتا،،
والله انا طيلة فترتى دى هنا لا شفت زول شاغل ليهو زول ولا زول قرن فى زول ،،، بل يستغربوا زول يشاغل ليهو زول،، مع انو الناس ماشة مشلعة فى الشوارع
انت عايز زول تبدا معاهو علاقة وبعدين تعرسو ،، خلاص انتهى كل شىء،،
بلد ما فيها (دار مايقوما ) ابدا ابدا ،، دى موش براها رحمة ونعمة من الله تعالى ،، بدل ما تخلق زول غير سوى فى المجتمع ، ينشأ حاقد على المجتمع
،،،،،،
الوالد مدير الفرن القلناهو ،، ما بيضيع حق زول من ولادو ،، عندو دفتر ،، انت ولدو او بنتو ليك راتب شهري من الفرن ،، طلبو ا منك ناس المدرسة ،، كراس،، قلم ،، لبس مدرسة ،، الابو يشتري ليك ويخصم من راتبك ،، البت الفى الجامعة رسوم دراسة ،، مشروع تخرج يعطيها ويخصم من راتبا ،، آخر الشهر يديها باقى راتبا،،
راتب البت الفى الجامعة من الفرن اكبر وتتوالى المنظومة فى صغر الراتب لغاية ولدهم داك العمرو 5 سنوات يفتح فى الاكياس،،
يوم اجازتهم سبت واحد ،، تلقى الاسرة طالعة تبهرج فى اعظم المنتزهات والمطاعم ،، موش يدفع الأبو لا ،،، كل زول الابو يدفع ويخصم ليهو من راتبو ،،
والفرن ما بيقفلوه يوم الاجازة ، يكون فى عدد من افراد العائلة يفتح الفرن ويمشى العمل ويعطيهم الوالد اوفر تايم على شغلهم يوم راحتهم ،، الاسبوع الجاى كمان الما قعدوا فى وكت راحتهم يجوا يقعدوا،،
الطلبة تلقى اختهم الكبيرة فى الفرن بعد ما تنتهى من لخ عين العيش تغسل يديها وتجى تحل الواجب المدرسي مع اخوها فى تربيزة وكرسيين موضوعات فى ساحة الفرن لحل الواجب المدرسي،،
،،،،،،،
تعال شوف نحن فى السودان
،،،،،
الابو عندو شركة او مصنع ،، هو شغال بى نبارتو براااهو لامن يموت ،، العمال عندو كلهم من برة ،،، المرة يمكن ما نعرف موقع وشارع شركة راجلا،، ولا تعرف عن سير العمل فى الشركة اى شىء،، ولا تعرف ذاتو راجلا شغال فى شنو ،، بس تفلح فى الحنة شالت ،، الحنة ما شالات ،، دخانى ما شال بكرة اطبقو ،، فلانة جارتى ماشى اورق عندها الخدرة ،، واشوف ولدا داك البارح كان يطرش،،، بت خالتى طهرت بتها فى الكلاكلة صنقعت ماشى ابارك ليها ، فاطنة جارتنا المحسية عازماني جبنة ،، ود خالتى فى الروصيرص الليلة اربعينية عرسو مسافرة ماشى ابارك ليهو ،،
الراجل دا لامن يموت يموت واقف،، ولما يموت يشلعوا الشركة لانو مافى زول بى يعرف يشغلها ولا يعرف حتى ما يدور فيها ،، الراجل يقع ناااشف يموت واقف
زى الفاضل سعيد فى مسرحية ( اكل عيش) قال ليهو والله ياصاحبي نحن الاتنين واقعين وجيوبنا مقددة بس انت واقع قدامى على الأرض وانا واقع واقف جنبك،،،
،،،،
البت يصرفوا عليها ما تشوف منها مساعدة فى الزمن الصعب دا ، تصرف عليها عصارة دمك وحصيلة هجرتك او قروش شركتك فى السودان ،،مع مصاريف الجامعات البقت بى ملايين الملايين دى ،، جامعة مامون حميدة وغيرها من المصاريف التى لاحد لها وايجار داخلية ومصاريف مفتوحة لاحصر لها ،، واول ما تتخرج البت طوالى تعرس وتدخل فى حياتها الخاصة وكان ادتك حاجة لاتفى بالتزاماتك كلها،، الولد ذاتو من يلدوه لامن يتخرج ما يعرفك انت قاعد تعمل فى شنو ، والا تتمها كيف ، والا تلتقا كيف؟ وتلقى بت جيرانكم مما هو فى الجامعة عينا عليه ، عشان ابوه عندو شركة او ابوه مغترب،،، وانت ذاتك تعبان فى الغربة تقاوم ظروف صعبة جدا من الكفيل او من اسطاف العمل معك البي يطلعوا على كتفك ويتسلقوا المسؤولين فى الغربة بوسائل تقشعر لها ابدان السودانيين من وسائل فى منتهى القذارة والتسلق حاجات ما يعرفوها السودانيين فى تربيتهم حتى لو أكلوها بى ملاح شعيفة ،، ام رقيقة بيضا بصلتا طافحي طافحة بى فوق،،
جبرتهم الغربة ان يختلطوا مع جنسيات اخلاقها ما انزل الله بها من سلطان ،،
كدى البركة في ثورتنا دى تخلى الشعب السوداني يطور من ادوات سلاحو فى الخدمة المدنية ،، ويكون اهلا للترقي الجديد ،،
،،،،،،،،،
عندى صاحبي تركي عندو مصنع احذية ،، مرة مرة بسوقنى المصنع ،، وعندى صاحبي شديد عندو شركة انشاءات شقق،،
اها مرات اكون انا مثلا مع صاحب المصنع الكبير فيهو 300 عامل ،، اولادو وبناتو شغالين فى المصنع
،،،،
عندهم عادة الاتراك معظم المعامل والشركات تعمل وجبة للعاملين وشاى وقعوة مجان موجودة فى المصنع تكب فى اى وقت،،
اها جات مرة الراجل سايقا عربيتا من البيت وفيها الغداء لكل العمال ،، يجوا يشيلوا منها يختوه على طاولات فى المصنع،، ياكلوا تشيل عدتا يغسلوها ليها ،، وتقعد هى ذاتا تشتغل مع الناس
صاحبي بتاع المصنع قال لى مرتي دى طماعة قلت ليهو كيف؟
قال لى هدت كتفى ،، انا صاحب المصنع لى راتب،،ما بزيد عليهو ،، باقى القروش بوردا فى البنك لعاديات الايام ،، احتياط ،،مكنة اتكسرت،، حصلت حاجة ،،
قلت ليهو ياخى المرة دى كويسة هسه فى الزحمة دى جات شايلة الاكل
قال لى تاخد منى حق الخضار
وتاخد منى حق طهى الخضار
وتاخد منى حق المشوار وبنزين العربية
وتانى تاخد منى راتبا زى العمال ديل واحد
فلت ليهو عفيت منها ،، زوجتك دى شايقية والا شنو ؟
يموت من الضحك ،، قال لى بسمع بى قصص الشوايقة عندكم ،، هو زول منفتح ويحب السودانيين ويعرف عنهم الكتير
| |
|
|
|
|
|
|
|
|
|
Re: تركيا جنة الأرض (Re: منصوري)
|
موضوع شيق يا منصوري
مشيت تركيا مرتين
مرة مع ناس ما بنعرف تركي ومرة مع زول بفهم وبتكلم تركي شوية ومعانا تركي
انطباع مختلف تماماَ في الزيارتين
داير اقول اللغة التركية مهمة او المستضيف التركي يجعل الرحلة في قمة المتعة
واصل يا شفيف
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
منصوري
عزالدين عباس الفحل
علي عبدالوهاب عثمان
محمود الدقم
خالد عبد الحليم سعيد
طارق ابراهيم ابوالفضل
عبدالله عثمان
فيس بوك
تويتر
انستقرام
يوتيوب
بنتيريست