لازم كل المناصب الفيها حركة القروش اليومية تتمسك كلها من الشباب ...
الكيزان 30 سنة تحالفوا مع مليون شخصية من أحزاب أخرى في مضحكة سياسية ... عملوهم وزرا و مستشارين و هلم جر لكن يوم واحد ما سمعنا غير الكيزان الجد ماسكين وكلاء الوزارات و مدراء الوزارات و رؤساء الجمارك و الضرائب و المراجع العام و غيره ...
خلو العساكر فرحانين بي النص الشالوهو و خلو أي (مشتاق) يمسك أي وزارة ... ما يفرق ...
المهم امسكوا انتو المواقع الفيها التواقيع و حركة القروش اليومية ...
07-06-2019, 09:31 AM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
انت عارف يا يحي في ضبابية شديدة في المشهد انا امس في مخاطبة في ميدان الدرايسة طلع غازي الريح واتكلم عن انو الاتفاق دا غير مرضي ومازي الكلام القالوهو والمهنيين حاولوا يغطوا على الكلام دا وانو مافي تنازلات المهم ق ح ت محتاجة تنوير شديد ومحتاجين نبدا عشان نبني البلد في خوف من دقارات من جانب المعجا خزينة خاويةى دولار مرتفع ندرة في الوقود الدقيق واللذي منه المهم نبدا ننظف البلد ونطهرها طهور فرعوني
07-07-2019, 03:54 AM
adil amin adil amin
تاريخ التسجيل: 08-01-2002
مجموع المشاركات: 37022
اها وصلت وين .... عايزين تمشطو الانقاذ بي قملا مش كده بخطة برازيلية 5+1+5 مش كده يا وعي البطة
https://up.top4top.net/ وينو مشروع تفكيك الانقاذ من 30يونيو2019 لي 30 يونيو1989؟؟؟؟ الثورة برنامج وليس اشخاص ومحاصصة برنامج واوضح ما فاضح مؤسس بي دستور ذى برنامج الاسطورة جون قرنق 2005-2010 قالو القصار طالو
كان باريتنا بدل تباري معاوية المدير كان وعيت وعرفت كيف تفكك الانقاذ وتدخلا موتا السريري دون رفس شديد من 2015 وبالدستور الموجود ذى مورتانيا
07-07-2019, 05:07 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: انت عارف يا يحي في ضبابية شديدة في المشهد انا امس في مخاطبة في ميدان الدرايسة طلع غازي الريح واتكلم عن انو الاتفاق دا غير مرضي ومازي الكلام القالوهو والمهنيين حاولوا يغطوا على الكلام دا وانو مافي تنازلات المهم ق ح ت محتاجة تنوير شديد ومحتاجين نبدا عشان نبني البلد في خوف من دقارات من جانب المعجا خزينة خاويةى دولار مرتفع ندرة في الوقود الدقيق واللذي منه المهم نبدا ننظف البلد ونطهرها طهور فرعوني
التركة تقيله يا صادق ...
و اَي طريق ببدا بي خطوة ...
المهم تخت الخطوة في مكانها الصحيح ...
لابد من الطهور على قولتك ...
فرعوني بجراوي المهم ما يخلو فوقهم زول ..،
07-07-2019, 11:50 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: دي ما اسمها قمت جاري ... دي اسمها تجاهلتك لعدم الموضوعية ...
تسقط بس...عدم الموضوعية يا سلام للبيان والتبيين بتاعك ...رايح ليك درب قلت ما عايز ختمية وانصار في السودان رايك شنو في الطريقة العيرية وشيخا الذى غوى الما عنده شيخ الشيطان شيخو وينو معاوية المدير ؟؟؟ البندول كمل ولي شنو
طيب جيب لعمك ليمون يشربو عشان يمشي
07-08-2019, 04:26 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10363
الطلس....الطلس ,,الطلس ما بجيب فوايد والله لي القلبو الرايد يا روحي هاجري وفتشي وهاجري عاد كان تلقي شي *** كيف نطلع جداد الخلا* من الخرطوم ..عشان نخلي قبة ينوم الاجابة العلمية الفدرالية وترجع الاقاليم نقطة سطر جديد
جيب لعمك الليمون ييمشي يحصل اكسبريس حلفا...الخرطوم دي عودنا فيها عود مرة *** ده اسمو بوست الريد بس
07-08-2019, 05:19 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10363
عاش ابوهاشم بالله نخليالقبائل والادارة الاهلية و الختمية والانصار والاقاليم والكسرة والملاح والراتب والمولد لي عقاب شيوعيين وكيزان في المركز ليه شنو ؟؟؟ هسة اتفاقم ده يخص الخرطوم بس ما فيه ولا 1% فدرالية رايك شنو
07-08-2019, 10:04 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: شكراً يا عادل و لما الريد يفوت حدو يبقى مصيرنا في يدو محبتي ابن استاذنا الأمين
حباك الله يا خضر بس جني وجن القي ناس كويسين في منطقة العمليات...كان تفكني لي للزول ده اقعدو في الواطة دي ... شكرا علي الاغنية بتاعة ابراهيم حسين بكن انا مرجعيتي مع بط الخرطوم ده واحدة خوجلي عثمان تقدس سره البفوت ريدتنا يمشي برضو نفرح بي جديدو
07-08-2019, 02:35 PM
adil amin adil amin
تاريخ التسجيل: 08-01-2002
مجموع المشاركات: 37022
والله ما تقول عاش ابو هاشم ما اخليك يا قبة في السودان يا نكون ختمية او انصار او جهوريين او حركة شعبية اي حاجة غير كده نوديكم لي شيخ (العيير ) فكنا من شيوعيين وبعثيين وناصريين وكيزان وسلفية دي هسة تجو بي الصناديق والانتخابات ولي دي فقعصة منكم بس تاني شيخكم شيخ العير وطريقة العيرية الجديدة خصيصا للشيوعيين
07-08-2019, 02:37 PM
adil amin adil amin
تاريخ التسجيل: 08-01-2002
مجموع المشاركات: 37022
تحياتي يحي من أكتر الفيديوهات التي وقفت عندها فيديو الشاب ال شايل طاقية فيها قروش و يصيح عندك خت ما عندك شيل... ده درس في الامانة درس في الاخلاق خاصة للكيزان الكان عندهم و بشيلو من خزينة الدولة بشيلو حق العلاج من المريض و حق الملابس من العرايا و حق التعليم من الابناء. درس بقول دي أخلاقنا يا لصوص. شباب إحتقر الموت و إحتقر المال. و الكلام كتير. فعلا شباب يستحق يمسك مفاصل الدولة
Quote: شوف العنوان طويل كيف والله ينفع مقطع في اغنية ثورية
عادل أمين واضح انك غير مُرَحَب بك في هذا البوست حتي الان ٨ مداخلات منك مقابل ٦ لصاحب البوست دي ما مشاركات ده إسهال عديل ... انصحك بعرض نفسك علي طبيب. الله يكون في عونك يا هندسة
07-08-2019, 11:58 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: تحياتي يحي من أكتر الفيديوهات التي وقفت عندها فيديو الشاب ال شايل طاقية فيها قروش و يصيح عندك خت ما عندك شيل... ده درس في الامانة درس في الاخلاق خاصة للكيزان الكان عندهم و بشيلو من خزينة الدولة بشيلو حق العلاج من المريض و حق الملابس من العرايا و حق التعليم من الابناء. درس بقول دي أخلاقنا يا لصوص. شباب إحتقر الموت و إحتقر المال. و الكلام كتير. فعلا شباب يستحق يمسك مفاصل الدولة
ود الصاوي يا صديقي ... ده السودان البنعرفو ... و عشان يرجع لازم الحرامية البي الملايين يبعدوا من اي موقع ...
07-09-2019, 02:14 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
Quote: عادل أمين واضح انك غير مُرَحَب بك في هذا البوست حتي الان ٨ مداخلات منك مقابل ٦ لصاحب البوست دي ما مشاركات ده إسهال عديل ... انصحك بعرض نفسك علي طبيب. الله يكون في عونك يا هندسة
ده بورد منبر حوار ما مسنجر يا مشاطة . وانت العايز نوديك الشيخ الجعلي .. وانا رجعي بتعالج عند الفقرا ...طبيب دي بتاعة اولاد الخرطوم ناس حسبو سليمان والتجاني الماحي قالو زمان في دكتور من الخرطوم عينو في الفاشر ومشا هناك جا واحد من اهلنا الفور جاب مرتو قال ليه :المرة دي ما بنوم الليل كله سهران والنهار كلو زهجان" ..ولد الخرطوم قال ليه "مرتك دي عندها قلق" الفوروواي اتخلع ونط ذى المجنون وزعل قال ليه "انت قريت طب وين في مرة في الدنيا عنده قلق ؟!! قلق: تجمع قلقات...تعني خصيات بي لغة ناس دار فور وكعل بلغة اهل اليمن العرب القحاح ...وبي الانجليزي tests ****
ويرحب بي ليه دي منطقة عمليات....يجي ذى الرجال في الديوان يجيب لي ليمون قطر حلفا قرب واتخارج من الخرطوم وناسا الشينين .... و حلاة بلدي وحلاة نيلا ...عطبرة نفر
07-09-2019, 03:59 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: بالله دي أمة يرفعوا ليها علم .. التابعين بإحسان جهل مركب
____________ لسان حالهم يقول نموت كي يحيا أبو هاشم ههههههه
علم يا ورل الاتبراوي الحمدالله انا خارج نطاق علم ق ح ت بتاعك ده وهذا العلم هو الافسد هوية الامة ((السودانية )) وعلمي شايفو فايت قد اضانك بي غادي .... وابو هاشم ما عنده مشليات ولا ايدولجية راكبة بالملقوب ذى ذب الجمل..عشان نفرضا بالانقلابات..نحن قوى رجعة مرتبطة بالاستعمار تخت صندوق الانتخابات بس ونجدعك في مذبلة التاريخ نحن ملتزمين برؤية كتشنر تقدس سره يا ود القاضي ... الفتة كان حارة ما بندخل فيها يدينا نموث لي شنو واتعلمنا الديمقراطية والمؤسسات من 1938-1956 **** عاش ابوهاشم والما عنده شيخ ((شيخ العيير )))شيخو
07-09-2019, 04:05 AM
adil amin adil amin
تاريخ التسجيل: 08-01-2002
مجموع المشاركات: 37022
لازم كل المناصب الفيها حركة القروش اليومية تتمسك كلها من الشباب ...
نرجع لقبة.... قروش شنو يقرش كنكوجك...الدولة مؤسسات وقلنا ليكم انتو وناس لالا في ق ح ت او غيرو \ الفيش والتشبيه لي اي مسؤل دستوري تقوم بيه المحكمة الدستورية ما عايزين تفعلو المحكمة الدستورية \ عندكم خيارين تراجي مصطفي= الملف بتاع كل السياسيين عندها او اخر العلاج الكي الطشت... **** ما في انظف من الختمية والجمهوريين والحركة الشعبية جناح تابيتا بطرس
وتاني ما في زول بيرقص ويغطي دقنو يا قبة ....
07-09-2019, 05:03 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
كشفت مصادر عن أسماء مرشحي “قوى الحرية والتغيير” للمجلس السيادي، وقالت المصادر إن قوى الحرية اتفقت على (4) مرشحين للمجلس السيادي وهم فدوى عبد الرحمن علي طه، بابكر فيصل، طه عثمان إسحاق، صديق تاور، وأشارت بحسب صحيفة السوداني، إلى أن المشاورات جارية لاختيار الشخص الخامس.
الخرطوم (كوش نيوز)
==================== الحبيب قباني مودتي .. الظاهر ديل دفعتنا ليت الشباب يعود يوماً ما عدا فدوى عبدالرحمن من إسمها ظاهر أنها من الجيل الشاب
لك التحية حبيبنا قباني ..
07-09-2019, 10:34 AM
adil amin adil amin
تاريخ التسجيل: 08-01-2002
مجموع المشاركات: 37022
تمليز وكلامك لذيذ (دي نكتة من شرق السودان) لو عايز تعرفا قولي يا قبة خالك انصاري لكن سفيه شوية حلاتك وحلاة قصصك دي ده ذاتا بالتخلي الريد يتجلي واجيك حتي لو فاتني اكسبريس حلفا اهم حاجةالغنم شبعت بس القصة دي مقرصنة ما ما كده خليني احصل قطر كريمة وبجيك زمان في اشمال زمن سيدي والبركة يا قبة النخل يشيل تمر لامن يتنفس ذى الشيوعي لمن يخلي الحزب الشيوعي مش يقولو عليه اتفنس والبلد كانت رخا وتخا والاقليم الشمالي كان مذهر وااهلنا بجو الخرطوم يوقلو ماشين الخرطوم نتسافه يعني السفاهة بس تجيبهم الخرطوم وهسة في زمن الكيزان النخل بقى داعشي انتحاري يحرق نفسه عارف ليه شوف كلام ربنا وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ ۖ وَالَّذِي خَبُثَ لَا يَخْرُجُ إِلَّا نَكِدًا ۚ كَذَٰلِكَ نُصَرِّفُ الْآيَاتِ لِقَوْمٍ يَشْكُرُونَ (58) البركة مرقت من البلد ما تباري المسخوت ا ود القاضي ده ...ده حدو قريب ويرجع لابي هاشم زليل صاغر بعد يعرف الشيوعية دي انتهت في السودان موضة قديمة ذى الشارلستون 1970 **** عاش ابو هاشم
استاذنا وعمنا علي عبد الوهاب الاستاذة فدوي عبد الرحمن علي طه هي ابنة المرحوم الاستاذ عبد الرحمن علي طه اول وزير للتربية والتعليم في السودان قبل استقلال السودان وكانت الوزارة تسمى في ذلك الوقت وزارة المعارف ، وهو اول من وضع المناهج التعليمية لمدارس السودان وكان نائبا لعميد بخت الرضا ... ويقول احد خريجي جامعة الخرطوم ان الاستاذة فدوى تخرجت من كلية الاداب جامعة الخرطوم في اواخر السبعينات ... والدها كان حزب امة ....ولا اظن ان اختيارها جاء من كونها تنتني لحزب الامة ...لاننا لم نسمع انها قيادية في حزب الامة ...ولكن فقط يجب على قوى الحرية والتغيير ان يعرفوا السعب السوداني عند اختيارهم لاعصاء المجلس السيادي على اي اساس اختاروهم وان يعرفونا بسيرتهم الذاتية حتى نكون على بينة من الامر ونعرف من هم الذين يمثلون الشعب ... الاستاذ ود قباني .. والله فكرتك ممتازة ان الشباب الوطنيين الغيورين على الوطن يسيطروا على القرارات التي تخص مفاصل الاقتصاد السوداني والشرون المالية حتى نتخلص من اللصوص والحرامية الذين كانوا ينهبون ثروات البلاد دون حسيب ورقيب .... واهم حاجة المراجع العام يكون من الشباب الذين قادوا الثورة حتى ينغص على اللصوص والحرامية معيشتهم ...
07-09-2019, 03:52 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12483
مع التحية للحبيب قباني .. شكراً الابنة امتثال .. تحياتي .. معلومات قيمة .. ابنة عبدالرحمن على طه .. هي من الجيل الوسيط .. حسب نظرتي المتواضعة رئاسة الوزراء لمن لديهم خبرة سياسية لأن هذه المرحلة سوف تكون صعبة في إدارة 200 حزب وأكثر فالأمر يحتاج إلى خبرة ودهاء .. أما الاقتصاد والمال والاعمال يكون لشباب لديهم تخصصات والأفضل من لهم خبرات خارجية في منظمات أو شركات عالمية ..
التحية الابنة امتثال وشكراً على المعلومات عن الاستاذة فدوى
07-09-2019, 09:41 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
Quote: ( ما بدري يا خُــلفا ) عليكم الله قيلو معانا
هههههههاااااااااااااااااااااااااااااااا والله الخُلفا بالغوا برضو سمعت بي قصة عمك المزارع المسكين حلف طلاق وشال ليك الميرغني قطع بيه الحواشة في ضهره لانو قالو ليه سيدي الخليفة ده لو خط رجله في حواشة ولا مزرعة ولا قطعة أرض طوالي بيكون حقه حلاله أقول ليك حاجة ... عاش أبو هاشم
07-09-2019, 09:58 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
قباني وآخرين احترام وتقدير فكرتك بتولى الشباب (منابع) النقد .. دي اول خطوة في عملية البناء والترميم لمفاصل البلد وهي خطوة كبيرة في تدمير الفساد والمفسدين والسودان بلد غني جدا وله موارد مهولة ، لو اتمسكت صاح واتلمت صاح واتصرفت صاح .. دا حيكون السودان الصاح
يحي ود قباني ياخي ما بالغت ...يا دوب قريت حكاية غنم سيدي...اضحك الله سنك ..والله ضحكتنا ونحن في هم وغم الغربة القاسية..لكن الحمد لله حنرجع السودان الخالي من اللصوص والحرامية ....لكن رد صاحب الحواشة للغنم رد أوسكار...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
حامد عبدالله
Hani Arabi Mohamed
adil amin
خضر الطيب
Hamid Elsawi
محمد محمد قاضي
علي عبدالوهاب عثمان
Ahmed Yassin
فيس بوك
تويتر
انستقرام
يوتيوب
بنتيريست