|
|
|
 Re: إذن الامام الصادق علي حق بشأن المليونية غ� (Re: Mutasim Idris)
|
لو صح الخبر فعلا بقبول قُحت بوثيقة جديدة لنج ما اعلن عنها قبل كدا (افرواثيوبية) يبقي دا راي قحت فقط وليس الشارع.
مجلس سيادي من سبعة مدنين (قبلنا باننا ما نعرفهم هم منو واختيارهم ح يتم كيف) مع سبعة عسكرين (اكيد عملاء) و خمسطاشراوي (خاطف لونين) دوري!!
مجلس وزراء مهنيين (تكنوقراط) جدا يقوموا بالمشاركة مع المجلس الفوق دا بالتسيير والتشريع لحدي اختيار مجلس تشريعي (دا راي حميدتي) واكيد ح يكون مناصفة.
مجلس تشريعي ح يتم تكوينه واختياره بعد تلاتة شهور.
يعني انتفت صفة (المدنية) عن الحكومة بترأس العسكر للفترة الاولي. وطبعا ح يكون فيها التحقيق في المجزرة وجنودنا في اليمن و تفكيك دولة الكيزان.
بالنسبة لمجلس الوزراء ما اظن يكون هناك سوداني مؤهل علميا وعمليا عاقل يخلي (منصبه الحالي) ويشارك في جريمة تواطؤ وخيانة ضد شعبه ويشتغل تحت عسكري!!!
حتي فرية التحقيق في مجزرة القيادة ودماء الشهداء واجساد الجرحي والمغتصبين ح يفقد صفة الشفافية في ظروف وجو مشحون بالعسكر.
تصريح الاصم ببقاء قواتنا في اليمن أمس والكلام عن فض المؤتمر الصحفي للتجمع من غير بيان عما كان سيعلن عنه في المؤتمر بفتح الباب وااااسع للشكوك.
مسارات المليونية في احياء ضيقة لمنازل الشهداء يزيد من علامات الاستفهام ومن اعلن عنها لم يكن له ظهور سابق في مؤتمرات التجمع او قحت.
اتمني انه الخبر ما يكون صحيح. والقيادي في تصريحه للجزيرة يعكس اهواه وليس موقف قُحت..
الله يلعنك يا الانقاذ في يوم بكرة وزكراه.
الله يكضب الشينة.
| |
 
|
|
|
|
|
|
|
|
Re: إذن الامام الصادق علي حق بشأن المليونية غ� (Re: Mutasim Idris)
|
لما الكباشي قال هنالك وثيقتين اثيوبيه وافريقية ما كان قاعد يكضب.. الاثيوبية كانت معروفة 7+7+1 مجلس تشريعي 67% ومجلس وزراء.
الوثيقة الافرواثوبية 7+7+1 ومجلس وزراء فقط علي ان يتم الاتفاق لاااااحقا علي التشريعي كيفا وكما وشكلا.
العسكر علي الاقل رفضوا اي وثيقة لحدي هسي و قحت قبلت باااااي وثيقة مهما كان محتواها.
شوفوا القال هنالك وثيقة واااااحدة منو وفي النهاية قبل (بالموحدة).
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: محمد البشرى الخضر)
|
محمد كيفك.. طبعا ما قادر اكتب (ي) البشري الا بنقطتين من كمبيوتري معزرة ياااخ.
لا يا ودالبشري انا ما شايف ولا حاجة ايجابية وااااحدة في الوثيقة.
التحقيقات يا محمد ح تم في جو مشحون بالعسكر تحت رئاسة عسكري وفي وجود مليشيات دولة اعمق من العمق زااااتو وفي فترة (التشريع فيها معطل) ويادوووب
بكتبه في حروفه الاولي. الايجابية وين هنا؟ بس المسمي يا محمد؟؟
بعدين كيف الشارع يقدم ليك اقوي واجمل واعتي واسلم ثورة عرفها التاريخ , شارك فيها الحجر والبشر والشجر ومات واغتصب ونفي واتشرد وفصل في سبيل مدنيته
ومستعد يقدم لسه اضعاف ما قدم تجي وبكل تفاهة من حقت تقبل برئاسة عسكري وتلغي تماما التشريعي وتجيب وزراء من الشارع دا لحميدتي والعملاء يبنوا دولتهم؟؟
شاكر علي المرور يا محمد..
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: Mutasim Idris)
|
بالعودة لقرأة الوثيقة تحس بالاصابع الامريكية واااضحة فيها.
تجمع مهنين يحدد ملامح اطاحة بالنظام من غير واجهة معروفة لاي جهة سياسية او عسكرية (فشلت) في توحيد الشارع. وخلق أرضية من الثقة بين الشارع والمهنيين.
مظاهرات احتجاج والتفاف الشارع العام حول شبابه وتفجير طاقات دفينة من اجل التغيير.
اعتصام واضراب سياسي شامل وعصيان مدني عام.
سقوط النظام..
دي الوصفة.. التركيبة والخلطات قد تختلف من بيئه ومجتمع و آخر لكن المحصلة والنتيجة حتمية.
هل ح يسمح العالم بنجاح تجربتنا دي ويخلينا نكملها عشان تبقي قالب ووصفه تطبق في اقليمنا الافرواوسطي؟ الاجابة معروفه.
بس كمان يا قُحت كان تخلوا في الوش شوية موية يااااخ.
قالوا فضوا لينا المؤتمر الصحفي.. المؤمن صديق.
وح تستمر الثورة..
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: اخلاص عبدالرحمن المشرف)
|
| Quote: سرقوا الثورة وطمعانين في السرقة |
اهلا د. إخلاص.
ثورتنا والله من البداية كنا عارفيييين اننا محسودين ومغيورين عليها لانها صحت شعوب وفتحت عيون تانيين . صعب انها تكرر بالجمال دا عند اي شعب تاني رغم خوفهم يحصل,
الطمعانين ديل ما قلنا لا يا دكتورة والله.. ياها كيكة السنوات التلاتة وتاني بح.. بس كمان ما سرقة كحل من العين.
الشهداء ديل المواكب تمشي بيوتهم بكرة لشنو؟ يبلغوهم بيعة قُحت ول فنست التجمع.
الامام الصادق قرأ المشهد ونفسه الكريمة ما سمحت ليه يشارك او يقول لشهدائنا ما قالوا نسيبه لشهدائهم.
الشهيد دا ما مات وروحه هنااك مع بارئها.. لكن الجرحي والمغتصبات ديل حقهم يشيلوا من منو؟
يا د. إخلاص عااارفك عاوزه (الدورون) ليه ههههههههه!! ما بتستاهل..ا وسلميتنا وصلتنا هنا.
الوجع كبيييييييير.
والثورة مستمرة.
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: Mutasim Idris)
|
الوعي الجديد :الثورة عندما تكون في حاجة الي ثورة
دي ما ثورة ولا حاجة الثورة جات 2005-2010 وبي دستور ومحكمة دستورية واجهضا الفاشلين ديل كلهم ويعيدوا تدوير الدولة المركزية والمحاصصة بين جماعة مايو 1969 وبين ايتام الترابي 1989
والثورة الحقيقية تزحنا مشاريع مصر الغبية الاخوان المسلمين والشيوعيين والناصريين والبعثيين والسلفيين و العرب ونموذج الدولة المركزية الي الفدرالية والحكم ااقليمي اللامركزي الرشيد ننتخب حاكم اقليم وبرلمان اقليم والمركز القبيح ده ما يفرض علينا 18 ولاية ووالي عسكري او مدني ويمشط الانقاذ بي قملا 1989-2019
الثورة الحقيقية ترجع دولة جنوب السودان بالحريات الاربعة غير كده اعادة تدوير وشوف الشعار عشان تعرف حدود وعي ناس الديل
ده شعار ق ح ث
https://up.top4top.net/
وده علم السودان الفضل وذى ما قلت الفرز ساهل بالعلم فقط
مشاريع في حدود سودان 1956
الانصار حزب الامة
الختمية حزب الشعب الديمقراطي
الحزب الجمهوري =اسس دستور السودان 1955
الحركة الشعبية شمال نيفاشا ودستور 2005
غيرهم
https://up.top4top.net/
بل عجبت ويسخرون (30) شروط الاستيقاظ
فواسق المستعمر السري هم مجرد حثالات اجتماعية متعلمة ..
الحاكم الفاسد
رجل الدين المزيف
المثقف النرجسي
الاكاديمي المؤدلج
السياسي الانتهازي
ومتمددين من المحيط الي الخليج الا من رحم ربي ...
***
نهضت دول امريكا الجنوبية ودول بريكس بواسطة وعي جبار مناهض للامبرالية الصهيونية العالمية ..
الحاكم الاشتراكي
رجل الدين الاشتراكي
المثقف الاشتراكي
الاكاديمي الاشتراكي
السياسي الاشتراكي
والاشتراكية وعي وسلوك وليس برستيج فارغ ...جات مع الانجليز 1938-1956 والسادة المحترمين السيد علي والسيد عبدالرحمن ورجال الادارة الاهلية وليس مشاريع الصرف الصحي المصرية والانقلابات
عادل الامين
| |
|
|
|
|
|
|
|
|
Re: إذن الامام الصادق علي حق بشأن المليونية غ� (Re: adil amin)
|
كان وقع ليك كلامي ده يا معتصم بن بري مهد الاسود في المركز
من الليلة ارفع علم الاستقلال فقط في بيتكم وبرؤية وراي مشروح في البورد ده كويس ما في داع تصادم النظام بالسلاح الناري بل بي سلاح الوعي ورؤية لن تموت
وتعيد ثورة وقيامة الساحة الخضراء الي مساراها الرشيد 2005-2010
https://up.top4top.net/
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: adil amin)
|
Quote:
كان وقع ليك كلامي ده يا معتصم بن بري مهد الاسود في المركز
من الليلة ارفع علم الاستقلال فقط في بيتكم وبرؤية وراي مشروح في البورد ده كويس ما في داع تصادم النظام بالسلاح الناري بل بي سلاح الوعي ورؤية لن تموت
وتعيد ثورة وقيامة الساحة الخضراء الي مساراها الرشيد 2005-2010 |
استاذ عادل امين سلام وشاكر جدا علي المرور..
العلم والهوية ديل موضوعين مرتبطين بالنسبة لي مع بعض وحسمتهم زمااااان. واضافة النجوم الحمراء دي (عدد الثورات الشعبية ودم الشهداء) فكرة الاستاذ المناضل
المرحوم علي محمود حسنين وقعت لي في جرح. ولو الموضوع دا أنطرح تاكد ح اكون من الداعمين جدا ليه. سلمية الثورة وعي , و سلاح نجاحها الاول , الاهم والافتك.
لا سياسي ولا عندي ميول واتفق بالمناسبة في كتير جدا مما تكتب أنت هنا.
الله يدينا الفي مرادنا..
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: AMNA MUKHTAR)
|
Quote: التحقيقات يا محمد ح تم في جو مشحون بالعسكر تحت رئاسة عسكري وفي وجود مليشيات دولة اعمق من العمق زااااتو وفي فترة (التشريع فيها معطل) ويادوووب
بكتبه في حروفه الاولي. الايجابية وين هنا؟ بس المسمي يا محمد؟؟ |
اقول الايجابية ويت يا معتصم, هذه ليست لجنة تحقيق محلية تتبع للنائب العام او اي من الاجهزة الرسمية الواقعة تحت سلطة المجلس, هذه لجنة تحقيق دولية تتبع لمفوضية حقوق الانسان التابعة للاتحاد الافريقي يعني لا سلطة للمجلس عليها و عدم تعاونه معها له عواقب بالطبع
لذا لا اظن ان المجلس سيقبل و إن فعل فسيكون كتب نهاية عدد من اعضائه بيده
اتوقع تسويف و مماطلة حلو هذا النقطة بالذات وهنا ياتي دور الحرية و التغيير و الوسطاء بالإصرار عليها و تطبيق العقوبات المشار إليها في قرار مجلس السلم و الامن الافريقي على اعضاء المجلس المعرقلين لانتقال السلطة لحكومة مدنية
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: Mutasim Idris)
|
| Quote: لمفوضية حقوق الانسان التابعة للاتحاد الافريقي |
تكون نفس المفوضية اللي زارت مجرمي الإنقاذ في سجن كوبر وقالوا
والله إضمنا عليهم وعلي حقوقهم والمجرمين عايشين في تبات ونبات ونحن
مبسوطين من الأحوال في سجن كوبر.
يعني قدام عينهم عشرات آلاف من الإنتهاكات موثقة بالأدلة الثابتة علي طول
وعرض البلاد والعباد وهم لافين بي آخر موديلات عربات المفوضية والأمم
المتحدة والغير متحدة.
سلام معتصم ومحمد والضيوف
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: محمد محمد قاضي)
|
| Quote: لجنة تحقيق دولية تتبع لمفوضية حقوق الانسان التابعة للاتحاد الافريقي يعني لا سلطة للمجلس عليها |
يا ودالبشري الافارقة ديل ماعندهم ضمانات زي ماقال محمد قاضي. ماعندهم (قشة مٌرة).
Quote:
تكون نفس المفوضية اللي زارت مجرمي الإنقاذ في سجن كوبر وقالوا
والله إضمنا عليهم وعلي حقوقهم والمجرمين عايشين في تبات ونبات ونحن
مبسوطين من الأحوال في سجن كوبر. |
ضمانات مافي يا محمد قاضي.. الافارقة بحبو (المضغ).
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: Mutasim Idris)
|
ديك مفوضية حقوق الانسان السودانية العملها النظام السابق لا علاقة لها بمفوضية حقوق الانسان الافريقية التابعة لمجلس السلم و الامن الفريقي الجمد عضوية السودان بعد فض الاعتصام ويهدد بعقوبات فردية على اعضاء المجلس العسكري الذين يعرقلون انتقال السلطة لحكومة بقيادة مدنية و اعطاهم مهلة حتى 30 يونيو .
و الفرق واضح
| |
|
|
|
|
|
|
|
|
|
Re: إذن الامام الصادق علي حق بشأن المليونية غ� (Re: Mutasim Idris)
|
يا ودالبشري الثقة تماماااا مفقودة.. يااخ العسكر لحدي هسي بتكلموا انه الشارع اجرم في حق نفسه في خروجه , وحماية نفسه عليه.
العسكر ومليشيا القتل السريع ما ح تورط نفسها في المجزرة وح يفضلوا يراوغوا ويضيعوا القضية. يعني حتي التحقيقات لما تتم في وجود العسكر
اكيد ما ح تلقي الطريق معبد وح تصطدم بكل العراقيل.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Mutasim Idris
محمد البشرى الخضر
AMNA MUKHTAR
adil amin
محمد محمد قاضي
فيس بوك
تويتر
انستقرام
يوتيوب
بنتيريست