من اخطر المليشيات والناس ما منتبه ليها مليشيات درع الصحراء (الكبابيش).

مرحبا Guest
اخر زيارك لك: 04-26-2024, 04:06 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2019م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-25-2019, 10:31 AM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 8273

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
من اخطر المليشيات والناس ما منتبه ليها مليشيات درع الصحراء (الكبابيش).

    10:31 AM June, 25 2019

    سودانيز اون لاين
    زهير عثمان حمد-السودان الخرطوم
    مكتبتى
    رابط مختصر



    محاضرة لدكتور سلمان بلدو منسقة من منظمة يوكانا (خريجي جامعة الخرطوم بأمريكا الشمالية).. بتاريخ 23 يونيو 2019:

    *من اخطر المليشيا الناس ما منتبه ليها مليشيا درع الصحراء (الكبابيش).
    *قبائل حمر في غرب كردفان بدت تسلح وتدخل في صراع مع المعاليا.
    *جنوب كردفان كل القبائل مسلحة.
    *مليشيا الجنجويد تتطوير لمليشيا الفرسان البدتها الانقاذ.
    *مليشيا التائبين من قاموا بجرائم خطيرة تم تدريبهم مقابل العفو عنهم.
    *نتيجة ضرب المطار في ٢٠٠٣ واعتقال قائد سلاح الطيران تكونت مليشيا الجنجويد كرد فعل على الهجوم على المطار.
    *عمليات مشتركة من سلاح الطيران والجيش مع الجنجويد تم حرق اكتر من 4000 قرية. اطلاق يدهم في الارض. استخدام الاغتصاب كسلاح.
    *في 2006 نتيجة ضغوط احتُوت الجنجويد كوحدات مكونة اثنياً في الجيش تحت مسمى (حرس الحدود) وحافظوا على قيادتهم القبلية. تحت قيادة موسى هلال وحميدتي (الاثنين رزيقات من فروع مختلفة الأبالة المعاليك/المهرية) الفرعين بينهم صدامات وعندهم أفرع في تشاد.
    *موسى هلال في 2012 انشأ مجلس الصحوة السوداني وغاضب الدولة وانشأ 4 مناطق محررة يعين فيها الادارة ويدير المحاكم.
    *في 2012 التعدين الأهلي بدأ واكبر منطقة وقتها كانت (جبل عامر) وكان تحت هيمنة موسى هلال وسيطرتو وحميدتي حاول يجد موطأ قدم فحصل صدام و طُرِد وبعدين قبلو بيهو.
    *2013 كُونت قوات الدعم السريع باستقطاع ابناء المهرية من حرس الحدود لثلاثة اغراض رئيسي اضعاف موسى هلال واضعافو وعسكرياً وتطارد الحركة المسلحة في دارفور. ولأنها مكون قبلي رفضت هيئة الاركان ضمها للقوات المسلحة فأصبحوا تحت قيادة العمليات في جهاز الامن ودائما كان في قائد لواء ثاني من الجيش من اليوم الأول.
    *2013 حميدتي حاول يجي جبل عامر وطُرد في 24 ساعة ولاحقاً ادوهو مصنع صغير بتاع كرتة.
    *الدعم السريع بدون مبالغة دولة موازية اقتصادياً.
    *الغنيمة سبب تبني الجيش للمليشيات لأنها لا تكلف شيئاً غير قياداتها والمليشيات تستخلص رواتبها من نهب الناس.
    في 2013 عبدالرحيم محمد حسين اشتكى للبرلمان ضعف الرواتب وطرح زعيم الاسلاميين اعطاءهم جزء من الغنائم لتحسين مرتباتهم.
    *في بداية التسعينات في معرض في بري الدفاع الشعبي طرح كتاب يحق للمقاتلين نصيب من الغنيمة. وفقه الغنيمة بدأ يطرح كتمويل للعسكر ودولة المليشيات.
    *اعطاء وحدات ومناصب ادارية للقبائل كمكافاءات زي منصب الوالي من الرزيقات في شرق دارفور وقبيلة المعاليا طالبوا ينضموا لولاية تانية.
    *مشو افريقيا الوسطى من جنوب دارفور ونهبوا لحدي ما قامت الحرب هناك. العربات الغير مرخصة من دول الجوار زي تشاد وشمال نيجيريا وليبيا وافريقيا الوسطى ودا كلو برعاية الدولة السودانية لمكافأة المليشيات. وفي عشرات الألاف من التاتشرات.
    *الدوافع الاقتصادية وسرقة العربات موضوع مالي ضخم. من العربات الصغيرة لحدي اللاندكروزر وبتجي وفود معاها كاش تقيل بتشتري العربات في مزادات وبرخصوها في الخرطوم ..دا نهب منظم من دول الجوار وبتضيف لاقتصاد الحرب في دارفور.
    *اي حركة في الطرق القومية خاضعة تقيف كل كم كيلومتر للمليشيات الرسمية. في عمليات اقتصاد مافيوي وتلزم التجار دفع اتاوات للحماية وخطفك او اولادك لو رفضت (راحع اضراب سوق نيالا/اضراب سوق كتم). ودا كلو بعلم الدولة وسماحها.
    *وصلنا العهد الصناعي في اقتصاد المليشيات اللصوصية.
    *جبل عامر كان فيهو اكثر من 75000 معدن اهلي. لكن بعد صراع بين قبائل الأبالة وبني حسين (قبيلة الجبل) اتكونت لجنة ادارية من القبائل (٢٦ قبيلة) محتكرة الخدمات وبتاخد نسبة من كل الدهب البطلع. وكل الكرتك تباع وتخصص لمصنع حميدتي. في لجنة امنية بتحرس المنطقة. الحكومة ما عندها اي دور والمنطقة خارج سيطرتها وتدار من المليشيات وبنك السودان بشتري منهم الذهب. عملية حميدتي بقت عملية ادارية منظمة ما تعدين بس.
    *شركة الجنيد حقت حميدتي بدت من جبل عامر ووصلت من الاقتصاد المنزلي للاقتصاد الصناعي المتقدم بسرعة كبيرة.
    *الغرض من حملة جمع السلاح كان تحييد موسى هلال وتم النجاح وابعادو بخطة مدروسة استخبارياً وتتدرس العملية وللآن تحت الحبس. ما كان عندو جيش وبعتمد على ولاء مطلق من قوات حرس الحدود وبطلبهم وقت الحوجة.
    في 2013 كل القوات كانت في حدود 5000 وكلهم من قبيلة حميدتي تحت قيادة الامن والجيش.
    *في 2015 حصل التعديل الدستوري لتحويل جهاز الامن من قوة تعمل خارج القانون والدستور (جمع المعلومات فقط) واعطى قوات الامن وضع القوات النظامية واتقننت قوات الامن المدربة كقوات خاصة.
    *في 2017 صدر قانون الدعم السريع بضمها للجيش السوداني لكن تُبِعت مباشرة للبشير بقانون صادر من البرلمان.
    *في 2015 تم تدريب 17500 مجند من كل السودان من دارفور وخارجها. ودي الفترة الدخل فيها حرب اليمن ووصل العدد للقوات حدود 30,000 تقريباً.
    *في 2019 قوات الدعم ممكن تكون وصلت 50,000 مقاتل (من معلومات موثوقة).
    *قانون الدعم السريع اعطى قائد الدعم ميزانية لأول مرة في 2017 وصلاحية مطلقة اداريا وماليا لقائدها وللرئيس صلاحية تعيين اي ضابط من كل القوات الاخرى داخلها.
    *في 2018 تم ضم كل ما تبقى من حرس الحدود للدعم السريع.
    *من اول مهامها في 2013 دورهم في قمع انتفاضة سبتمبر. وتم تحقيق وانها قوات في عربات ما بلوحات.
    *2013 كادوا يصلوا كاودا لكن تعرضوا لخسائر كبيرة وكانوا غاضبين لأنهم ما اخذوا مرتباتهم والدولة بدت تعاني منها. فتعرض المواطنين لنهب في الابيض والتجار بعضهم سُرقت بضائعو (امشوا اسألوا علي عثمان محمد طه) واضطر احمد هارون بتهديدهم بالخروج وهارون جاب ليهو 25 مليون دولار للوحدة الفي المدينة بعدين طلعوا.
    *قبل يصلوا نيالا حرقوا 14 قرية واغتصبوا واتوزعوا على جبهات القتال وفي الفترة دي اتحولوا لحراسة الحدود لاتفاقية مع الاتحاد الأوربي.
    *الميزانية الرسمية في 2017 كانت 77 مليار جنيه سوداني والمنصرفات كان 96 مليار جنيه تعادل وقتها 12.5 بليون دولار (بسعر 6 جنيه للدولار) لكن بسعر الدولار التشجيعي (15 جنيه للدولار). قطاع الأمن كان ماخد 30% من الميزانية بدون القطاع السيادي. جهاز الدعم السريع كان ماخد 2.4 مليار وجهاز الامن 4.4 مليار.
    *اكتر من 75% من الميزانيات للأمن نتيجة التغطية المنظمة على الصرف الأمني. ومن أهم الطرق دي هي التجنيب. ما بنعرف منصرفات شراء السلاح للجيش السوداني. عادات الصادر من الاسلحة المصنعة في السودان. هيئة التصنيع الحربي ثالث مصدر للسلاح في افريقيا (دخل ضخم جداً لا يظهر كعائد في الميزانية). ففي ميزانية مجنبة غير مرئية عائدها من الذهب المستخرج من جبل عامر.
    *هذه السطوة الاقتصادية عبارة عن السبب الرئيسي الخلت حميدتي الرجل القوي في المجلس العسكري. وهو لا يريد اي مراجعة للوضعية زلخاصة للدعم السريع وهي لا ترجع إلا لنفسها وهي موازية لكل القوى السودانية ودا العائق الرئيسي لأي اتفاق سياسي.
    *عائلة آل حميدتي هي المسيطرة على الدعم السريع وهم نفسهم في مجالس شركات الجنيد (للنقل/السياحة/التعدين/المقاولات/تأجير العربات/التجارة (مديرها محمد بركة)/الحديد والصلب/الانشاءات وبناء الطرق والكباري). والشركات دي مقفولة ليها عطاءات الحكومة في ولايات دارفور الخمس. وحالياً شغالة بتنفذ طرق. وبدخل ليها دخل كبير.
    *الامبراطورية الاقتصادية دي مستقوي بيها حميدتي على اخوانا في قوى الحرية والتغيير.
    *عندهم موارد من خارج السودان. من مصدرين رئيسين: الذهب وتهريبو خارج القنوات الرسمية (من 2013 ما كان عندهم خبرة يديروا عمليات ضخمة فعملوا شراكات تجارية لاستخلاص الذهب من الكرتك وبيع الذهب في دبي وكانوا enforcer) وجزء من العائد بدخل في تجارة العملة واستيراد الواردات من الخارج وتمويل الدعم السريع (ودا البخلي حميدتي يقول ادينا بنك السودان بليون دولار). المصدر التاني هي حرب اليمن. المجندين برسلوا لليمن ل6 شهور وبتدافعوا عشان القروش. الجندي مرتبو ماشي لأسرتو وهو هناك. اقلا جندي بياخد 480$ ولمن يرجع بياخد 10,000$ قفلة واحدة. قوات السودان المسلحة مشاركتهم ضعيفة. رسلوا 4 طيارات اتنين ما كانوا شغالات وما محتاجنها واصلا محتاجين ليها في المعارك المباشرة في الحدود فهم درع لقوات الامارات ودا بوري عنصرية القوات المسلحة.
    *حميدتي في نهاية 2017 او بداية 2018 ذكر بعض القتلى. تقدير د. بلدو للقتلى في حدود 1000 قتيل.
    *المجندين مضطرين يمشوا عشان الوضع الاقتصادي السئ. ودا المساعد حملات التجنيد الحثيثة المدورة اسي وفي استجابة وتشتري قيادة القبائل بالمال وحتى في ضواحي الخرطوم دا حاصل والدعم بدفع كتير وسريع وما عندو قروش بتتأخر.
    *معظم المجندين اطفال بشهادات ميلاد مزورة.
    *المعوق الرئيسي هو مشروع حميدتي لحماية ثروتو وما عندو اي مشروع سياسي/ايدلوجي. الوضع لا يبشر بخير.

    *مقطع صوتي لحميدتي: أمنا احتياجات الناس من قمح ودواء واحتياجات مطبعة العملة (دفعنا مديونية المطبعة وعملنا خط جديد كمان). دفعنا مليار دولار لبنك السودان والاثباتات موجودة. من وين المبالغ دي؟ من قواتنا البره.. عندنا حاجات خاصة بينها في شراء الذهب ومصانع الذهب والحساب بجمع.

    *في 2017 واردات السودان كان اقل من 5 بليون دولار. وحميدتي بقول دفع بليون دولار. من الفترة دي القرار كان بصدر من البشير مباشرة والوزراء كلهم بسمعوا القرارات في الجرائد واسي الدور دا بقوم بيهو حميدتي.

    *مداخلة: عبدالله محمد الخير:
    يوكانا كمنظمة المشروع العملي الممكن نعملو شنو؟ بدينا مشروع للتوثيق ومعرفة مصادرهم المالية. ودا لازم يبدأ بتوصيفها كمنظمة ارهابية. لازم مشروع تنتقل بيهو من النقطة المظلمة دي.

    ج: فيما يختص توثيق جرائم الدعم السريع في متابعة وتوثيق من المنظمات الدولية (حقوق الانسان/الامم المتحدة). الحاجة الما عليها أدلة كافية وغير معروفة وهي الأصعب تتبعها فهي الجرائم المالية وكيف مرتبطة بجرائم الانتهاكات. الجهد مفترض يتركز على تغطية العمليات المالية وشركات أسرة آل دقلو.

    مداخلة: محمد القاضي:
    في حملة للتنسيق مع الكونغرس وحقوق الانسان الامريكية لاعتبار الجنجويد منظمة ارهابية ومحتاجين لوبي قوي في كل الاولايات ونصل الحتك دي. تغيير الاسماء للقوات دي خطورتها تغيير الاسم ممكن يتم بسرعة لو في حملة لمحاصرتهم.

    ج: الدعم السريع مؤسس بقانون ومن الأسهل يُلاحق لأنو عندو منظومة قانونية مقننة. لكنو مهيمن ومستقل وما بتبع لأي جهة. وما انوقع يغيروا الاسم لأنو دا بعني اعادة هيكلة.

    مداخلة: محمد النعمان:
    في بعد آخر لبناء الدولة الوطنية. العلاقة بين المدينة/الريف، الهامش/المركز وعملية تجييش القبائل قديم قبل الاستقلال. المراحيل بدت في السبعينات. استخدام القبيلة سياسياً/عسكرياً قديم. ليه المركز بضطر لاستخدام مليشيات قبلية رخيصة ولية القبيلة بتستجيب. لو فهمنا الديناميكية دي حنفهم المشكلة. اهمية البعد دا بتيح لينا فهم مشروع الدولة الحديثة ومافي دولة مواطنة والسودانيين بتحركوا كقبائل. حميدتي برشي رؤساء القبائل بعربات وغيرو. في معسكر تقليدي رئيسو حميدتي قصاد قطاع مديني فيهو الشباب وديل بتصارعوا. ازمة السودان ما ازمة كيزان. في تشوهات بنيوية ظالمة بين المركز والهامش والقطاعات الحديثة/التقليدية.

    ج: بتفق مع جوانب كتيرة في المداخلة. استجابة القبائل لجاذبية المال والسلطة والجاه. د. كاشا صرح فخور "عسكرتا قبيلتي". وطموحات بعض الناس مناصب ادارية. ففي تبادل مصالح والنخب متآمرة على تجييش القبائل. مجالس شورى القبائل اكاديميين وضباط سابقين.

    مداخلة: د. سكينة:
    الدعم العالمي من روسيا والصين ومصالحهم في الذهب ومعادن تانية. كيف ممكن نواجه دا والدولتين مؤثرات عالمياً؟

    ج: روسيا مورد رئيسي للسلاح لنظام البشير ومؤسسة التصنيع الحربي.. والبشير توجه ليهم طالب الحماية. شركة واغنر الروسية بتستخدمها روسيا كرأس رمح للتدخل في افريقيا وعندهم مصالح في التعدين.
    الصين عندها ديون كبيرة على السودان ومصلحتهم نظام يسدد ديونهم.

    مداخلة: د. سيف:
    لا يمكن حل المشكلة بالطريقة القبلية. والحصل من نظام البشير أدى للنحنا فيهو. السؤال من هنا ممكن نعمل شنو؟


    مداخلة: د.
    دولة المليشيات العميقة ومافي اي مستقبل بدون حل المشكلة دي وتفكيكها. التعليم ممكن يحل المسألة جذرياً. والمتعلمين بستغلوا غير المتعلمين. ثانياً: حميدتي اشترى كل القيادات العليا في الجيش وضخ اموال ضخمة. المجلس العسكري بدون حول ولا قوة وسكتهم بالمال والأخطر الدعم الخارجي بالذات من السعودية والامارات وديل مصرين حميدتي يحكم السودان ولازم نقيف قدام السفارات حتى يغيروا رأيهم.

    مداخلة: د. بكري
    في فترات الديموقراطية الاخفاقات شنو عشان يقللوا حجم تسليح القبائل وممكن نتجنبها في الديموقراطية الجايه؟

    في 1987 مذكرة وقعوها نخب من قبائل عربية بإسم التجمع العربي للصادق المهدي بطالبوا بتمثيل لعلى لقبائلهم في السلطة المركزية ومهددين بإنفلات الامور من ايدي العقلاء (هم) لأيدي الجهلاء(اهلهم). عقلية استعلائية. المشروع خطير وللأسف الصادق ما كان حاسم معاهم. وحاليا المجموعة دي حول حميدتي وفي بعد عنصري للسيطرة على السلطة. اغراء الثروة والسلطة ودا مشروع بخلي مجموعات اخرى توفر لحميدتي قاعدة. المشروع في اصلو فيهو بعد عنصري وشوفو البنصحوهو منو. الحكايك دي لا اشك انها حتحصل وحيستلموا السلطة وتقديري حيفشلوا في ادارة السودان ولا يمكن بلايين السعودية والامارات تحلها.. محتاجين حزمة مالية من مؤسسات مانحة متعددة ولا يمكن دا يتم لو الأمر في يد جهلة والمجلس العسكري يشكل حكومة تكون تحت يدهم. لكن حيفشل في ادارة الاقتصاد. الغلاء حيستمر والاجواء حتكون مهيئة لانتفاضات اخرى اتكنى تكون ما عفوية وقوى الحرية ترتب نفسها لقيادة هذه الانتتفاضات القادمة.

    مداخلة:
    ممكن المليشيات تحكم في ظل غياب أسي الدولة الحديثة؟ ممكن الحركات المسحلة يكونو ساعين لقبول الوضع لأنو الحركات من دارفور؟

    ج:


    مداخلة: زحل:
    المجتمع الدولي في مؤامرة على السودان لأخذ مواردو وما بتواجدو في مناطق النزاع والمعسكرات وبقدموا خدمات ضئيلة جداً للسودانيين والحاصل اكبر من الجنجويد

    ما جزء من المؤامرة لكن طريقة ادارة الازمات دولياً جزء من الازمة. للآن دارفور يديرها جهاز الأمن. اي منظمة اغاثية لازم تمر بجهاز الأمن عن طريقة واحهات تابعة ليها. وشركات الأمن بتكسب من المنظمات. لكن البعثة الدولية غضت البصر عن فظائع كبيرة وكانت بتزيف تقاريرها زي ما كشفت رئيسة سابقة للبعثة في السودان. الادارة السياسية كانت تخفي التقارير. UNAMID مخترقة تماماً من جهاز الأمن. برغم كل دا النازحين وصلتهم موارد معتبرة من احتياجاتهم الاساسية. حالياً UNAMID في انسحاب وعدد كبير من السودانيين حيكونوا عواطلجية ودا قد يؤدي لمشاكل. والاحباط الدافع الحقيقي للثورة. والاوضاع ما حتكشي وفي دوافع تغيير من الجيل دا.


    مداخلة:
    الحدود وعلاقتها بالسيادة الوطنية. جزء من الجنجويد من قطاع الحزام من النيجر وافريقيا الوسطى. الحاصل دا حيفكك الدولة السودانية؟ وعدم الاستقرار يتجه غرباً تاني.

    ج: ديل سودانيين ولازم السودانيين يعترفوا بالعنف الدموي المصاحب لتاريخهم ويتركوا قصة ديل ما نحنا.
    حميدتي رزيقات(فرع المهرية وخشم بيت اولاد منصور). ونفس التقسيمات دي في تشاد والدافع القبلي والاقتصادي موجود.

    تشاد متخوفة من الحاصل في السودان وانو المقاتلين ممكن يقبلو على خشم بيت البديات الحاكم (ادريس دبي). وادريس دبي فقد الثقة في بيت البديات وبدأ يعتمد على الزغاوة.

    في وفاة ام ادريس دبي مشى وفد ضخم يعزي من الحكومة والحركات (متحدثهم كان موسى هلال الاتزوج دبي بنتو لاحقاً).

    ادريس دبي منزعج افراد منهم يرجعوا والمعارضة ليهو يقودوها ابناء اختو. لا يمكن فصل السودان ودارفور من محيطو ولازم ناخد كل دا في الاعتبار.

    معلومات تجنيد 10,000 الحالية غير حقيقية لكن حصل تجنيد من تشاد.


    مداخلة: حنان حامد عبدالحليم:
    ليه ما بدت مبادرة من وقت أبكر لكشف تفاصيل المليشيا؟ الفي المليشيا ضحايا لعدم التعليم والفقر. العبأ واقع علينا البره السودان اكتر من الجوه السودان وممكن نعمل شنو؟

    مداخلة: حسين حامد:
    وين ذهب قوات الشعب المسلحة؟
    التخبط والارتباك من قحت في التفاوض هو شنو؟
    كيف يمكن للشعب مقاومة حميدتي؟

    ج: الثورة حصلت من القواعد شباب ومرأة. وارادة ثورية حقيقية لكن تغيير لسا مشاكل المحاصصات حاصل من بعض قحت ولازم يفتحوا عينهم ويتعلموا والجاي اكبر من فض الاعتصام وحتحصل مجازر على مستوى القطر نتيجة الفشل الاقتصادي.

    لا توجد اجابة الجيش وين وحميدتي متحكم في المجلس العسكري وهو ما خايف من الجيش ويُقال اشترى القيادات.


    *لازم يكون في حذر في تتبع الجانب المالي للمليشيات حتى لا يقوموا باخفاءها.

    *مشروع الاتحاد الاوربي ما بتجي منو اموال للدعم السريع. البشير قرر القوات دي تقوم بحماية الحدود لغسل سمعة الدعم السريع ويديهم وضع دولي لكن مافي اموال او دعم عيني بصل الدعم السريع. وفي جهات حكومية بتستفيد في شكل تدريب زي ادارات الهجرة في الشرطة. الاتحاد الأوربي حذر فيما يتعلق بالاموال وعليهو ضغوط كبيرة.








                  

06-26-2019, 02:00 AM

Elbagir Osman
<aElbagir Osman
تاريخ التسجيل: 07-22-2003
مجموع المشاركات: 21469

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من اخطر المليشيات والناس ما منتبه ليها مل� (Re: زهير عثمان حمد)

    فوق
                  

06-26-2019, 02:37 AM

AMNA MUKHTAR
<aAMNA MUKHTAR
تاريخ التسجيل: 07-31-2005
مجموع المشاركات: 13702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من اخطر المليشيات والناس ما منتبه ليها مل� (Re: زهير عثمان حمد)

    حوار ناضج جدا .
    وأتفق مع مداخلة محمد النعمان وزحل .

    لابد من دراسة جذور المشكلة.
    التسليح بدأ متين وكيف ؟
    تسليح المراحيل منذ زمن الصادق المهدي..
    تأثير الحرب التشادية على تدفق السلاح في غرب السودان .
    تأثير حروب الجنوب وجبال النوبة وحرب دارفور على مسارات الرحل .
    كذلك تأثير الحرب الليبية خاصة التي حدثت بعد الثورة الليبية على مورد رزق هؤلاء الشباب من الإغتراب في ليبيا .
    عندما غنت أمهاتهن حينها (الغربة إنشاء الله تعقري يا تعدمي الشيك الخدري ..يا الشلتي العيال من بدري ).
    ومع إغلاق الحدود مع ليبيا ..وكذلك الجفاف الذي ضرب في نهاية الثمانينات وأدى إلى هجرة بعض هذه القبائل حتى وصلوا حدود النيجر .

    الفقر ثم الفقر ثم الحرب .
    كلها أسباب لنشوء ظاهرة الجنجاويد...ومؤخرا ظاهرة تصدير الشباب لحروب خارجية سوى كان في أفريقيا الوسطى أو اليمن .
                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de