أستمع للأخ ذو النون وابحث عن لايفاته ويعجبني منطقه وأفكاره المرتبة بغض النظر عن اختلافي أو اتفاقي معه واستمعت لآخر لايف له اعترف خلاله عن أخطاء إرتكبها واعتذر عنها وأكثر من ذلك أعلن عن وقوفه مع الوطن والثورة حتى تعود لها قوتها . ذو النون غلط وقوى الحرية والتغيير غلطوا وثوار كثر غلطوا والانسان يغلط يوميا مع ربه سبحانه وتعالي .. ولو ما كان هناك غلط لما شرع العقاب والثواب ولما خلق الخالق آدم وبنيه . الاعتراف بالغط نبل والاعتذار عنه شهامه ولذلك يستجق ذو النون الاشادة والوقوف إلى جانبه من أجل الوطن والا أصبح الاختلاف معه مسألة شخصية .وبما أنني لا أنتمي لأي حزب أو جهة ولا أصاحب أو أحارب إلا وفق قناعتي فعليه أعلن نيابة عن نفسي قبول اعتذاره وأثمن اعترافه به وأقف إلى جانبه وأمشى في أي طريق يختاره طالما كان لصالح السودان البنحلم بيهو يوماتي .. ............. لو غلطت صححوني يا أخوان فربما حجب عني حسن النية ما لا أعرفه ولن تعوزني الشجاعة للتراجع عاجلا أو آجلا متى ما تأكدت من خطل الاعلان عاليه .
06-16-2019, 04:43 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
في حاجة اسمها غلط وحاجة اسمها سوء نوايا والفرق كبير هو ما غلط .. هو كان عارف بعمل شنو مع سبق الاصرار والترصد ويتعامل مع النس باعتبارهم مغفلين والطبع يغلب التطبع عاجلا او اجلا حايخذلك
06-16-2019, 05:01 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
والله يا جعفر أنا ما شايف في فرق بين الغلط وسوء النية طالما كان هناك اعتراف واعتذار وتوبة ووعد بالوقوف مع صف الثورة طبعا أنا متوقع أي حاجة ممكن يخزلني وممكن يكون على قدر الثقة فيهو لكن دا ما بمنع انو نقدم حسن النية ونوصل الحرامي لغاية باب البيت ودا أحسن من أن نحاكموا بالنوايا وعلى غلط ارتكبه وأعلن اعتذاره عنه .. وفي النهاية يا جعفر لو أحسنا الظن في ذو النون وطلع عكس ذلك فدا ما بضير الثورة في حاجة ولا يشكل عليها أدنى خطر .. في النهاية مجرد زول خان كما خان غيره والثورة ماضية .. أنا غايتو بقول الكلام دا لأنو من وجهة نظري الثورة في الوقت دا محتاجة للجميع حتى لو كان كوز تائب أعلن وقوفه مع الوطن واللا شنو ؟؟؟؟؟
06-16-2019, 05:17 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
أقول قولي هذا وأسأل الله القدير أن لا يخزلني لأنو زي ما قال صديقي حامد بدري البلع مرتين صعب خخخخخخ اللهم جنبني شماتة الحاقدين أما انتصاري عليهم فلا يهمني فهو أمر عادي جدا ظللت أحققه عليهم كثيرا جدا والمنبر دا شاهد .. خخخخخخخ برضو
06-16-2019, 05:35 PM
Elhadi Elhadi
تاريخ التسجيل: 01-06-2003
مجموع المشاركات: 9958
ذو النون ما كوز ولا هم يحزنون رغم إصرار البعض على كوزنته، وكان يمكن احتواء الخلاف مع ذو النون قبل أن يستفحل، واحتواء ذو النون نفسه في إطار الثورة وخطها
لكن الحملة عليه كانت شديدة وشاء البعض وقرر أن يدفعه خارج الحراك (عن عمد).. وساعدهم ذو النون نفسه بالكثير من الأخطاء
06-16-2019, 05:46 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
أكرمك الله يا الهادي ذو النون كان مؤتمر شعبي وأعلن انسلاخه عنه في أكثر من مناسبة .. بالنسبة لأخطائه فلا يمكن تصنيفها بمعزل عن ثوريته التي عرفناها في بداية الحراك وهي أخطاء يمكن تكون بحسن نية أو بسوء نية لكنها تظل أخطاء قابلة للتصحيح فهو بشر ومن الظلم أن لانقبل اعتذاره عنها ونقبلها من قوى الحرية والتغيير مثلا .. اجدد تأكيدي أن الثورة في هذا الوقت الحساس يجب ان تحتوى الجميع حتى الذين عليهم علامة استفهام.
06-16-2019, 06:07 PM
عمر سعيد علي عمر سعيد علي
تاريخ التسجيل: 08-20-2015
مجموع المشاركات: 885
طلحة عبد الله سلام . . بعد الشفناهو من ناس المجلس العسكري غايتو البشير نفسو كان قال مع الثورة ضمو للحرية والتغيير . . يا راجل في شهرين بس شوف الكوارس العملوها . . ناس ما عارفين يفرزو بين وظيفة وزير العدل والنائب العام ورئيس القضاء. . !!! اعوذ بالله . .
06-16-2019, 07:15 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: ذو النون غلط وقوى الحرية والتغيير غلطوا وثوار كثر غلطوا والانسان يغلط يوميا مع ربه سبحانه وتعالي .. ولو ما كان هناك غلط لما شرع العقاب والثواب ولما خلق الخالق آدم وبنيه . الاعتراف بالغط نبل والاعتذار عنه شهامه ولذلك يستجق ذو النون الاشادة والوقوف إلى جانبه من أجل الوطن والا أصبح الاختلاف معه مسألة شخصية .وبما أنني لا أنتمي لأي حزب أو جهة ولا أصاحب أو أحارب إلا وفق قناعتي فعليه أعلن نيابة عن نفسي قبول اعتذاره وأثمن اعترافه به وأقف إلى جانبه .
شكراً طلحة يا صديقى على هذا البوست المعبر عن المواقف الواجب اتخاذها من الجميع فى هذا الوقت العصيب من عمر سوداننا الحبيب ويشهد الله على اننى ايضا لا حزبى ولا انتمى لاى مجموعة فكرية او حزبية .. واتمنى واحلم واسأل الله العظيم ان يجنب بلادنا الفتن و سفك مزيد من الدماء وان يفصل بيننا وبين المجلس العسكرى بالحق وهو خير الفاصلين
واتمنى صادقا من الجميع وعلى رأسهم تجمع المهنيين وقوى الحرية والتغيير اعطاء عثمان ذوالنون وكل الشباب الاخرين اولاد الضى وبقية الناشطين الفرصة كاملة وغير منقوصة ليعبروا عن آرائهم بكل حرية ودون وصاية من احد وان يتكاتف الجميع للعودة مرة اخرى وانتشال السودان من هذه الوهدة والقاع العميق التى اوقعتنا فيها العسكر .
شكرا يا طلحة فقد عبرت عنى تماما .
06-16-2019, 07:39 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
الله يكرمك يا صديقي علاء والله هم الوطن ونجاح ثورتو يغلب على أية حاجة تانية الناس دي لو ختت الرحمان في قلبا صدقني ما بتقدروا وح ينجزوا أهداف ثورتم دي في لمح البصر وبعد الفترة الانتقالية الفرصة متاحة للجميع ليؤكد جدارته والحشاش يملأ شبكتو ..
06-16-2019, 08:43 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
شوتايم آخر خبر عنه بالصورة موجود في أثيوبيا أو أريتريا .. من الصورة يبدو أنو مضروب قرب عينه لكنه بصحة جيدة الهجمة على النشطاء منهم وفيهم كل واحد يخون في التاني وعامل معاهو شمطة خلوا الثورة كلو كلو وبقوا شغالين رش في بعضم دا حمق ما بعده حمق الله المستعان
06-16-2019, 10:18 PM
امير بوب امير بوب
تاريخ التسجيل: 01-02-2013
مجموع المشاركات: 1552
سلام يا (يا تلحة) 😂 و ضيوفك فيما يخص ذو النون ، سبق و ان كتبت مقال طويل في صفحتي على الفيسبوك وفي بعض قروبات الواتساب و قد إختلف معي الكثيرون و إندهش البعض الآخر ! رغم اختلافاتي مع ذو النون في الكثير من النقاط و لكن ، انا من المتابعين له من زمااااان ( من زمن حركة وعي) و على معرفة بالعديد من التفاصيل و منها ملابسات إنضمامه للمؤتمر الشعبي في فترة من حياته وإعترافه بذلك و ملابسات خروجه عن الشعبي بعد ان ضاقت به مواعين الحزب و رغم ما قيل و يقال عن تاريخ الرجل و محاولة شيطنته و تنفير الناس من حوله ، إلا انني اعتقد ذو النون ما كوز و لا خائن و لا يعمل على شق الصف كما يروٌج البعض و ينساق البعض الآخر وراء عمليات تشويه متعمٌده تقف وراءها جهات ذات اجندات و غرض ! الراجل عنده طموح ما عادي و عقليته منفتحة و سياسي محنٌك و قادر على قراية الواقع بشكل منهجي و تحليلي و يقدٌم رؤيته التي لا تعجب الكثيرين ! طبعاً دا بالإضافة لقوة الشخصية و الكاريزما و روح القيادة التي يتمتع بها هو من النوع الما بجامل و بقول للأعور انت اعور في عينك و المراقب للمشهد من قريب سيكتشف انه كان صادقاً في الكثير مما ذهب اليه و رغم الهجوم الكاسح و حملات الإستهداف المنظمة و محاولات إغتيال الشخصية التي مورست عليه لكن في النهاية الناس مشت و جات لكلامه و حدثت الكثير من المحاذير التي أشار اليها ! عثمان واحد من اكثر الشباب وعي و موضوعية في الطرح و ممكن يكون مشروع سياسي ما ساهل ! طالته يد الإستهداف و التخوين و الإقصاء الغير مبرر و نُصبت له الكثير من الفخاخ بشكل ممنهج !!
اغلب الذين يهاجمون ذو النون يا إما انهم اصحاب غرض و لهم أجنداتهم و تاراتهم الخاصة و إما من المنساقين وراء حملات التخوين و نظرية المؤامرة ! و الكثيرون يحكمون عليه من خلال معلومة انه كان شعبي او بناءً على ما يتم تداوله في الأسافير ! ... أعيب على ذو النون حدة الخطاب احيانا و لغة التصعيد و التحدي و الإستفزاز لخصومه من السياسيين المحزٌبين و هو كذلك لا يخلو من بعض النرجسية و ربما هي ثقة ذائدة بالنفس !!
عموما ، صعب جدا الإتفاق او الإختلاف مع ذو النون و لكن تبقى الحقيقة هي انه شخصية مؤثرة و خسرانه و معاداته ليس من الحكمة في شيء خاصة في مثل هذا الظرف الحرج !!
و حرص البعض على تغييبه عن المشهد كان خطأ تكتيكي كبير و لو كان الناس عملت على إحتواءه و توظيف طاقاته في هذه المرحلة لما آلت الأمور لهذا الحد ! ....
تحياتي
06-16-2019, 10:32 PM
طلعت الطيب طلعت الطيب
تاريخ التسجيل: 12-22-2005
مجموع المشاركات: 5845
لم يظلم الّا نفسه وأحيلكم الى التسجيل الأخير والذى يحرض فيه بعض الشباب لإفتعال مخاطبات فى مقر إعتصام القيادة للتشكيك فى تجمع المهنيين وقوى الحرية والتغيير
06-17-2019, 08:22 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22730
Quote: لم يظلم الّا نفسه وأحيلكم الى التسجيل الأخير والذى يحرض فيه بعض الشباب لإفتعال مخاطبات فى مقر إعتصام القيادة للتشكيك فى تجمع المهنيين وقوى الحرية والتغيير
ما يقال عليه تسريب أخير و عرض تكتيكات المخاطبات اتضح انو دا كان جزء من ورشة عمل تدريبية لبعض الشباب و بحضور ناشطين من حركة قرفنا عن كيفية حماية المخاطبات وسط حشود ضخمة و بوسائل سلمية شخصياً كنت شايف و ما زلت اعتقد انو محتوى التسريب ما فيه حاجة و دي تكاتيك معروفة لكل الكوادر و النشطاء و كنا بنعملها زمان و بدرٌسونا ليها في مدرسة الكادر لحماية الأركان !! لكن تم استغلال التسجيل بشكل خاطئ و الترويج له بصورة منافية للواقع و اعتقد بعد إكتشاف انو السرٌب التسجيل دا زول اسمه عبد الكريم كان مزروع من ضمن الحضور و إعترافه بذلك في العلن و بذلك تكون قد قطعت جهيزة قول كل خطيب !
....
ليس دفاعاً عن ذو النون فهو قادر على ذلك بنفسه و لكن من باب الإنصاف و شرف الخصومة و إعطاء كل ذي حق حقه إنسياق الناس لما يتم ترديده و تبنٌي تلك الآراء و ترويجها دون إعمال للعقل فيه إجحاف كثير الموضوعية مطلوبة ممكن نختلف مع أعداءنا و لكنا نحترم البعض منهم !!
....
تحياتي
06-17-2019, 09:28 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
عليك السلام ورحمة الله أمير بوب حتى الانفعال وحدة اللهجة لا أعيبها على ذو النون بل تظل من أسباب اقتناعي بصدقه خصوصا وأنه لا ينفعل إلا لحظة يسترجع بعض نصائحه التي أهملوها وتسبب ذلك في خسائر للثورة، ثم لا يلبث أن يعود هادئا ومبتسما عندما يتحدث عن الظلم الذي حاق به ومحاولات الإقصاء التي تحاصره .. ودا أكبر دليل على حماسه الثوري وخوفه على ضباع الثورة والوطن .. ذو النون ان عمل خيرا أو شرا كسائر البشر لكنه يظل أحد أكبر الداعمين للحراك إن لم يكن من مؤسسيه وأعتقد أن الثورة تخسر كثيرا إن لم يكن من ضمن الذين يجلسون على قمة هرمها . رفضوا نصائحه وكانت النتائج غير طيبة وآن الأوان لمنحه الفرصة والعمل بنصائحه ولا داعي للمكابرة . بعض الذين يناصبونه العداء كما قلت يا بوب ماشين مع الركب والبعض الآخر طنقعة ساي منهم .. لكن المستغرب ليهو انو بعض آخرين يتحججون بكونه يعمل من أجل مصالحه وهو ما لم يتوافر له أي دليل لا مادي ولا حسي بل ان الرجل كرر كثيرا أنه لا يريد منصبا في الفترة الانتقالية وسينتظر الانتخابات إن أراد ذلك .. مع التأكيد على أن تطلعه لشغل منصب سواء في الانتقالية أو الانتخابات حق مشروع له تماما كما هو مشروع لقوى الحرية والتغيير ..
06-17-2019, 09:32 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
نعم ظلموه يا طلعت لكن الفرصة لا زالت مواتية للعودة إلى جادة الحق بعيدا عن المكابرة وركوب الرأس ستضيع الثورة وتضيع معها دماء الشهداء هدرا إن ظلت نار الخلافات المختلقة مشتعلة وسط النشطاء خصوصا المؤثرين .
06-17-2019, 09:39 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
با وليد محمود أضيف لكلام بوب في ردو عليك عاليه انو فعلا زي ما قال ذو النون الجماعة وقعوا في الكمين بالتفاعل السلبي جدا مع التسريب وتوظيفه لتجريمه ما يؤكد أن البعض يتربص به كيدا ولأجندة ومواجد شخصية ذو النون حتى الآن متقدم بنتيجة كبيرة على مخالفيه أيا كانوا . الحق أولى أن يتبع .
06-17-2019, 09:47 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
Quote: لو بلعت المرة دي كمان برشك مع الوهم عادي زي ما بعرفك :)
حيدروف يا صلد مشكور جدا على الثقة يا صديقي العزيز وتأكد أنني لن أبلع حتى ولو من باب المكابرة والغلاط ساي كدا خخخخخخخخ وليخسأ المنتظرون على رصيف الشماتة
يا طلحة هناك فرق كبير في التعاطي مع ظاهرة ذو النون و التقييم يختلف ما بين ناس السياسة و عقلية الثورجي الفلوتر و رجل الشارع العادي !
ناس السياسة عارفين حجم و إمكانيات ذو النون و حقيقة انو بلعب بولتيكا صاح ، شئنا أم أبينا !! و لذلك يستشعرون بخطورته و يعمل البعض على إبعاده عن المشهد
بالمناسبة ، لا يفات ذو النون تتم متابعتها من قبل العديد من السياسيين و قادة الأحزاب يحرص الكثير منهم على الإستماع لكل كلمة يقولها و يحاولون الإستفادة منها تظل هذه حقيقة رغم المكابرة ! و يكفي إعتراف البعض منهم بذلك في مجالسهم الخاصة و يكفى كلام عمر الدقير كمثال !!
.... ما زلت اعتقد ان محاولات الإقصاء و التشويه المتعمدة أضرٌت كثيراً بالثورة و مافي مخرج غير انو الناس تعمل على إحتواء الشباب ديل على إختلاف مشاربهم و توحٌد الصفوف على الأقل كتكتيك مرحلي
لكن التعامل بإنطباعية مع كل من اختلف مع التجمع بعدائية و تشكيك و إقصاء و بسذاجة مفرطة يدل على عدم النضح السياسي و عدم تقدير لخطورة المرحلة
الحماس و الوطنية تلبٌس روح الثورة وحدها لا تكفي و كذلك التعامل بروح القطيع و مباراة العقل الجمعي و الإنجرار وراء العواطف و التقديرات الشخصية
الظرف يحتاج للكثير من التنازلات و تنقصه القيادة الحكيمة و القادرة على إدارة الأزمة نعم الثورة يصنعها الثوار و لكن في مرحلة ما تحتاج لقيادة رشيدة و إلا تحولت لفوضى عارمة
06-17-2019, 11:51 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
المفارقة يا بوب انو ذو النون جلس مع المجلس العسكري قبل فض الاعتصام وعاد ليعتذر عن جلسته بعد الفض وأكد أنو مع الثورة حتى لو حارب لوحده ووصف المجلس بالمجرمين في حين أنشق آخرين أمثال مصعب بشارة بعد فض الاعتصام ومشوا تلفزيون المجلس وأعلنوا أن قوى الحرية والتغيير لا تمثلهم .. قالوا ما خلونا طلعنا المسرح هه ذو النون بقرارو الأخير أكد حقيقة انو فعلا عايز مصلحة الثورة بجلوسه مع المجلس وانفضاضه منه بعد ذلك ومع ذلك لا يزال الرجل يواجه حملات الاقصاء وإن خفت نوعا ما بعد أن تأكد للكثيرين صدق نواياه خصوصا من الناس الما عندهم شغلة بالسياسة ودا يؤكد أن الذين قادوا الحملة ضد ذو النون هم سياسيون أزعجهم ذكاء الرجل وإلتفاف الناس حوله .
06-17-2019, 12:58 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا حافظ التجريم بدون أدلة دا محاولة للإقصاء الهجوم عليه من طرف بحجج مضحكة ( عايز ليهو منصب) دا محاولة للإقصاء .. كونو قال ما عايز ينتمى لقوى الحرية والتغيير هو حر طالما انو في النهاية مع الثورة لكن الكلام دا ما عجب بعضهم واعتبروا قرارو دا فوقية وتكبر على الثورة وهاجموه في محاولة لاغتيال شخصيته واقصائه من المشهد .. لغاية الآن الحاجة الوحيدة العملا غلط هو جلوسو مع العسكر واعترف بغلطو واعتذر عنه مباشرة بعد فض الاعتصام . تاني كل أفكارو ولايفاتو فاعلة وداعمة جدا للثورة وأكتر من بعض قوى الحرية والتغيير . بصراحة يا حافظ بدأ يساورني شك انو المسألة كلها مرتبطة باجندة سياسية لا علاقة لها بمصلحة الثورة . .
06-17-2019, 03:43 PM
امير بوب امير بوب
تاريخ التسجيل: 01-02-2013
مجموع المشاركات: 1552
Quote: لغاية الآن الحاجة الوحيدة العملا غلط هو جلوسو مع العسكر واعترف بغلطو واعتذر عنه مباشرة بعد فض الاعتصام
يا طلحة حتي حلوسه مع حميدتي و المجلس العسكري انا لا اقرأه منفصلاً عن إجتماعه مع حمدوك في اديس قبل وصوله الخرطوم و كذلك لقاءه مع قادة الحركات المسلحة في اديس
ربما كانت له تقديراته للحل و محاولة تقريب وجهات النظر خاصة إذا ربطنا ذلك بقناعته انه لابد من ضم الحركات المسلحة لأي طاولة حوار و الناس مفروض تبدأ بحسم ملف الحركات و الملف الأمني عامة لانه لا يمكن حدوث استقرار ما لم الناس تضمن الحركات !!
....
يا حافظ بشير ، إذا قدرت تفك الإشتباك بين عقلية الثائر و تقديراته للأمور و بين عقلية السياسي ، ربما وقع ليك كلامي ! الحصل كتير و كان في لعب قذر و ضرب تحت الحزام و حملات منظمة تقف وراءها جهات معينة و وصل الأمر مرحلة تكسير العضم !! و انا شايف انو الخاسر الأكبر هو الحراك !!
06-17-2019, 04:09 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
يا بوب اعتذارو ما عشان الجلوس في حد ذاته كما فهمت أنا .. بل لأنو اتعامل بحسن نية مع المجلس وما قرأهو صاح لغاية ما غدر بالثورة والثوار وفض الاعتصام بمجزرة تاريخية وطبعا زول محنك زيو كان يفترض يدرس خطواتو جيد ويكون أكثر فطنة قبل ما يقدم على أية حطوة زي دي .. عشان كدا اعتذر دا فهمي لاعتذارو غايتو . .
من جهة أخرى أنا زيك ما شايف جلوسو مع أي طرف حتى لو كان المجلس العسكري خيانة تستوجب الاعدام خصوصا وانو ما في زول عرف ما دار من حديث بينه واعضاء المجلس فربما كان لصالح الثورة لكن قلت غلط بناء على قوله هو للتأكيد على انو حتى الاعتبروا الناس الهاجموه غلط اعتذر عنه. . المهم واضح جدا عين السخط القاعدة تنظر للراجل وواضح أكتر النية المبيتة ضدو.
06-17-2019, 04:24 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
يا جرجير الجماعة قالم هو لكن ما ذكر أسماء أنا الفهمتو انو الجماعة هم الذين هاجموه و أوعزو للهجوم عليه ومحاولة إقصائه كما هو منتشر في الميديا حاليا .. المهم فعلا هجوم الناس زاد عليهو بناء على التسجيل المسرب واللي وضح حقيقتو بوب فوق . ............... طبعا أنا من الناس الصدقوا التسريب وبناء عليه امتعضت منه لكن بعد المستجدات الأخيرة راجعت نفسي وعندي الشجاعة لاعترف بتسرعي في الحكم عليه .. ودا كلو قبل كلام بوب عن التسريب كما هو واضح من البوست دا واللي سبق بالتأكيد توضيح بوب. كدا أفتكر جاوبتك على سؤالك الخبيث دا يا حذلقة باشا خخخخخخخ
06-17-2019, 04:39 PM
امير بوب امير بوب
تاريخ التسجيل: 01-02-2013
مجموع المشاركات: 1552
Quote: فهمونا ذو النون دا الأقصاهو منو وأقصاهو من وين وكيف؟
يا حافظ استغلال موضوع التسريبات دا و توجيه الرأي العام لشيء معين رغم انو الراجل طلع لايف بعد التسجيل الأول ، لم ينكر محتوى التسريب و لكن وضٌح ملابساته و الدواعي التي خلفه في ذلك التوقيت ! و لكن تم تدوير الأمر بصورة ممنهجة ! ما يقال عنه التسريب التاني ، حتى اللحظة لا ارى فيه شيء و هو الحديث عن تكتيكات خطابة و حماية المتحدث و دا شيء معروف لأي زول سياسي و خريج مدرسة كادر و رغم كدا ، اعتقد انو وضٌح انه التسريب دا كان جزء من ورشة عمل لبعض الشباب حول التكتيكات دي
المؤسف و المقلق بالنسبة لي اكتر هو وجود جهة تتربص و تحاول الإصطياد في المياه العكرة حتى لو وصل بها الحال لشراء ذمم بعض الشباب المحيطين به و تدفع لهم مقابل مادي لإخراج مثل هذه الأشياء بغرض الإيقاع به و من ثم استغلال ذلك لتحريك الرأي العام ضده و للتنفير منه
و اعتقد انو كشف موضوع التسريب التاني دا كان فضيحة اخلاقية لبعض الجهات اكثر من ما هو دليل ادانة !! خاصة بعد الوصول للشخص الذي قام بالتسريب و إعترافه بذلك و حول الجهة التي دفعته لهذا الأمر !
موضوع القيادة و ما حدث في المنصة كذلك اعتقد فيه الكثير من الإستهداف و هناك جهات عملت للوقيعة بينه و بين الثوار منذ بداية وصوله القيادة و ذلك بالترويج لإشاعة انه رفض التفتيش !! و هذا غير صحيح !! بل بالعكس تماما و كمان الترويج لحكاية انه تعمٌد إقتحام عرض مسرحية أولاد دارفور !!
انا واحد من الناس كنت متابع الأمر دا من الميدان و عارف انو الحصل غير كدا و ما بالشكل الذي يتم به تناول و ترويج الأمر لأغراض خاصة رغم إعتذاره عن الملابسات الحصلت و الإعتذار لشباب دارفور
التناول السيء لجزئية لقاءه مع حميدتي و الترويج لحكاية تجهيز المسرح بواسطة قوات الدعم السريع ! و غيرها ثم حشد بعض كوادر الأحزاب اثناء المخاطبة و العمل على تشتيت الكورة و التجريم الكثير مما حدث تم بشكل منظم و تقف خلفه جهات ذات اجندات مختلفة !! طبعا بالإضافة للعزف على وتر انه كان مؤتمر شعبي و توصيفه بشق الصف و العمل على اجهاض الثورة !! لا لشيء و لكن لأنه اختلف معهم في بعض التفاصيل !! رغم اننا كلنا بنشهد ليه بلعب دور أساسي و مهم في إنجاح الحراك ! و دي حقيقة لا ينكرها إلا مكابر .
.... دي ممكن تكون نماذج لمحاولات الإقصاء يا حافظ
و الناس لو التزمت الحياد و الموضوعية و إبتعدت عن الإنطباعية و التأثٌر بما يتم ترويجه و إنساقت وراء العواطف الثورية الجياشة و رضخت لنظرية المؤامرة ، فربما تستطيع قراءة المشهد بشكل مختلف و تكون أكثر إنصافاً .... استغرب جداً لما يجيك واحد و يقول ليك الزول دا كوز او أمنجي و بالتالي يبني على ذلك موقف و يستميت في الدفاع عنه و كل حصيلته هو ما يتلقٌفه في الأسافير او يقول ليك لأنو كان مؤتمر شعبي في يوم من الأيام !! يكون لا بعرفو معرفة شخصية لا متابع كلامه لا تاريخه لا زامله في مرحلة دراسية و لا حتي أطل على صفحته الشخصية في الفيسبوك منذ ٢٠١١ و التي تحوي الكثير عن مساره و تطوره ! بل و لا يمنح نفسه الفرصة للمتابعة و المراقبة و التحليل لمعرفة الحقيقة ! نفس العقلية القياسية التي ودتنا التوج ! .... نتفق او نختلف لا يهم و لكن تبقي الحقيقة حقيقة مهما كانت مرارتها !
...
اليوم استمعت لتسجيل منسوب لأبي احمد ( لم أتأكد من صحته) يحكي فيه انطباعه بعد مقابلته لوفد الحرية و التغيير قال فيما معناه ديل ناشطين و ليسوا سياسيين !!
...
تحياتي
06-17-2019, 05:04 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
ترلة او قطار الثورة دي كانت ممكن تسع الجميع و ما تخلي زول وراء ما عدا علي عثمان و عمر البشير و نافع و صلاح قوش و حفنة منهم لانو كل ما تخلفو واحد وراء بربط حبلو في القطار و بفزر لوراء و لما يزيد عدد المتخلفين او الذين رمتهم الثورة و كلهم رابطين حبالهم بتبقي حركة الثورة بطيئة و تصل الي الصفر.
06-17-2019, 07:45 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8024
في خيط دقيق فاصل بين اتفاق الآراء ضد جماعة سياسية وبين الإقصاء السياسي. الخلط بين الحاجتين ديل فيهو تهجم على حرية الرأي، عشان كدا لازم يكون عندنا تعريف دقيق للإقصاء ومعايير نستند عليها في حكمنا على أي فعل ما بأنه اقصاء او لا. أنا ممكن أعرف الاقصاء السياسي بأنه محاولة عزل فرد او جماعة ذات رابط سياسي من في فضاء سياسي شامل لهم بطريقة ممنهجة وبإسلوب غير المتعارف عليه أخلاقياً او قانونياً بقصد مصادرة او تقليل فرصتهم في ممارسة حقوقهم السياسية وبالتالي الإقصاء عندو عناصر هي: فضاء سياسي يشمل عدة اطراف، طرف مسيطر على الفضاء، طرف او أقلية سياسية مقصية، فعل ممنهج لهضم حقوق الأقلية او الطرف المقصى.
لو متفق معاي في تعريفي للإقصاء السياسي ياريت تورينا وين تم إقصاء ذوالنون مع تحديد الفضاء السياسي التم فيهو الإقصاء والطرف المسيطر والفعل الممنهج. إذا إعتبرنا الثورة فضاء سياسي، أنا شايف إنو في آراء لأفراد كتيرين مع ذوالنون وأخرى وقفت ضد ذوالنون ودا حقهم بغض النظر عن صحة آرائهم او عدمها ولا يمكن تسمية ذلك بالإقصاء طالما أن ذلك لم يصادر حق ذوالنون في ممارسة نشاطه السياسي في الفضاء الواسع المتاح.
06-17-2019, 08:10 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8024
Quote: الحصل كتير و كان في لعب قذر و ضرب تحت الحزام و حملات منظمة تقف وراءها جهات معينة
الجهات المنظمة دي البتضرب تحت الحزام دي منو والدليل على أفعالها دي شنو؟ عشان ندينها ونطلع دينها
بنفس منطقك البتقول بيهو إنو في جهات بتحاول تقصي ذوالنون من خلال فبركة إتهامات، أنا برضو ممكن أقول إنك بتتهم جهات تانية من أجل إقصائها من المشهد السياسي.
06-17-2019, 08:14 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
با حافظ قلنا محاولات اقصاء وليس اقصاء .. محاولات الاقصاء تتمثل في تجريمه وتخوينه وشتمه والتفلت في الرد عليه والتخاطب معه بعيدا عن المنطق الذي ظل يستخدمه، فضلا عن انكار ما قدمه للثورة والذي يفوق كثيرا ما قدمه عدد من الأحزاب المنضوية تحت لواء الحرية والتغيير والاصرار على أن ما يفعله هو لخدمة مصالحه الخاصة وبحثا عن مناصب رغم تأكيداته المستمرة أنه لن يقبل بأي منصب في الفترة الانتقالية . اذا كان هناك اختلاف مع الرجل بغض النظر عن منطقيته أو عدمها فليس من النبل أن نجرده من مجهوداته الحثيثة في الدعم الذي ظل يقدمه للحراك منذ البداية وحتى اللحظة مع الضرب المستمر على وتر انه باحث عن مناصب واضح انو المسألة هي محاولة لاقصائه من المشهد الثوري واغتيال شخصيته لاعتبارات وأجندة لا علاقة لها بمصلحة الثورة .
06-17-2019, 08:14 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا سللام على مولانا لمّا يبطل الغلاط و يقوم على تقعيد الكلام وضبط المصطلح!
Quote: كدا أفتكر جاوبتك على سؤالك الخبيث دا يا حذلقة باشا خخخخخخخ
ايوة يا تنظير جاوبت تماما على سؤالي الخبيث ههههه
أميرنا يا بوب سؤال يا حبيب: رايك شنو في الوثيقة السربت ونسبت لمحمد يوسف وعرفته بأنه رئيس تجمع المهنيين تخاطب السفارة السعودية وتطلب عونا ماديا مليون دولار؟
06-17-2019, 08:19 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18426
بعيداً عن المصطلحات و التعاريف اتفق معك في مفهومك للإقصاء السياسي و لكني لا اتحدٌث هنا عن ذلك المقصود هو الإقصاء الإجتماعي !
و هذا ما تم بالفعل مع محاولات شيطنة و تخوين و إغتيال شخصية
الجهات دي منو ؟ ممكن بكل سهولة معرفتها لو راجعت طرح ذو النون و كلامه و تشوف كلامه و مشروعه التوعوي دا بصطدم مع منو و بهدد ياتو جهات !! ....
الملاحظ انو غالبية أنصار ذو النون و الملتفٌين حوله من الشباب و بعض المستنيرين و اعتقد السر يكمن في طرحه القوي الذي يخاطب عقولهم و بموضوعية شديدة و قد وجد فيه الكثيرون ضالتهم !
06-17-2019, 08:52 PM
امير بوب امير بوب
تاريخ التسجيل: 01-02-2013
مجموع المشاركات: 1552
لا لا يا أميرنا ما تاكلني حنك جاوب لي على سؤالي الخبيث دا زي ما تنظير جاوب ههههه اديني رايك في الوثيقة تحديدا!!
تنظير, كدي هاك اسمع آخر لايف لذو النون القال في القبلو انو وقف تاني من اللايفات و السياسة وكدا و ح يمشي الخلا يمكن تغير رايك للمرة الرابعة ولا الخامسة ولا الكم هي! الحساب راح لي :)
وشوف الزول دا خاتي راسو بي راس كللللل تحالف التغيير بي احزابه التسعين وعضويتهم بالآلاف!! وموهوم بي انهم هم من هاجموه واقصوه و شتموه!! السمع الكلامه يقول نص بيانات ياو ياو كانت عنه!! ياخي يوم واحد ما حصل جات سيرته ولو بالغلط, كأنو الفلقوه وسكوه ديل ناس الأصم و مدني!
06-17-2019, 09:16 PM
امير بوب امير بوب
تاريخ التسجيل: 01-02-2013
مجموع المشاركات: 1552
زمان لما كان داير يترشح لإنتخابات 2020 بدأ في طرح ملامح برنامجه الإنتخابي و رؤيته للخروج بالسودان لبر الأمان تابعت برنامجه و إستراتيجياته فيما يخص ملف الإقتصاد و الصحة و التعليم و مشاكل البطالة و العلاقات الخارجية و مشاكل ألهوية و غيرها و بالفعل كشفت عن فهم عميق و رؤية متماسكة و قوية و انه مشروع سياسي محنٌك يعرف و يمتلك أدواته و عارف بعمل في شنو ! المتابع للمشهد السياسي اليومين دي و المراقب لتحركات ذو النون بعد ان تم إقصاءه اجتماعياً ، يراه قد تراجع عن المشهد السياسي قليلا و إتجه نحو العمل الإجتماعي في مناطق الهامش و التفرغ لمتابعة أسر الشهداء و التكثيف من الزيارات الميدانية للأقاليم البعيدة و مخاطبة إنسانها ( إفطارات ،إقحام نفسه في حلحلة مشاكل جهوية و عنصرية ، ، الحرص على الإنتشار خارج حدود العاصمة و الميديا و يعمل على إكتساب تواجد في المناطق المهمشة بشكل او بآخر ) يدير كل ذلك بحنكة شديدة و واضح انو يعمل على تأسيس عمل مستقبلي بخطوات مدروسة و يخطط لبعيد و على اقل من مهله و يحاول الإستفادة من أخطاء معظم التنظيمات و الأحزاب السياسية !
06-17-2019, 09:00 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8405
سلامات طلحة وضيوفك يا بوب ذو النون صعب يكون جزء من قيادة الحرية والتغيير لأسباب كثيرة اولا الزول كووووز وسلوكه في الجامعة معروف لكل الذين زاملوه عشان كدا صعب الوثوق به دا تاريخ حيلاحق ذو النون أينما حل وصاحبك دا يا بوب حظه زي وشه الشباب الكانوا شغالين في المعارضة الطلابية وقته الكان هو كووز هم جزء من قيادة الحرية والتغيير (يعني القصة مقفلة في وشه)
نقطة ثانية إجرائية التحالف بتاع الحرية والتغيير دا تحالف كتل سياسية (الكتل الأربعة +منظمات المجتمع المدني) الحتة الوحيدة الممكن يخش منها ذو النون التحالف دا هي تجمع المهنيين يمشي يشوف هو شغال شنو ويترمي علي نقابته ويشتغل عبرها لكن يقعد يكورك في النت ويقول يا جماعة انا بتاع اللايفات الجادع دخلوني التحالف (معقولة في اي تحالف ممكن يدخلوه بالطريقة دي)
06-17-2019, 09:35 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8024
Quote: الجهات دي منو ؟ ممكن بكل سهولة معرفتها لو راجعت طرح ذو النون و كلامه و تشوف كلامه و مشروعه التوعوي دا بصطدم مع منو و بهدد ياتو جهات !!
يا بوب المشهد السياسي ما فيهو جهات كتيرة الىن عشان الواحد يجتهد ويعرفك قاصد منو لكن أديناك البينيفت اوف داوت عشان ما تخش في حتات ضيقة المجلس العسكري هو اول من حاول الترويج لقصة الإقصاء دي على لسان حميدتي الذي أتهم قوى الحرية والتغيير بإقصاء ذوالنون.
قوى الحرية والتغيير ليست مطالبة بالتأكيد بفتح منابرها لمن لا ينتمي لها وبالتأكيد ليست مطالبة بتوفير منابر لمن لا ينتمي لها كما أنها ليست مطالبة بتكميم أفواه منتسبيها ومؤيديها عن إبداء رأيهم في طرح ذوالنون. إلا أنه يجب الإنتباه إلى أن قوى الحرية والتغيير او أيٍ من الكيانات المكونة لها لم تصدر بياناً او خطاباً رسمياً يسعى لتقليل فرصة ذو النون في ممارسة نشاطه الثوري خارج منابرها.
هنالك آراء كثير ة مخالفة لما يطرحه ذوالنون وتتهمه بمحاولات شق الصف او بمحاولات الصعود على أكتاف الثوار وفي المقابل هنالك آراء تؤيد ذوالنون وترى أنه سياسي ومفكر فذ لا مثيل له جميع هذه الآراء مشروعة وجميعها قابلة للنقاش وللأخذ والرد ومثل ما أن مشروع ذوالنون التوعوي بصطدم مع جهات فمن حق منتسبي ومؤيدي هذه الجهات الرد على طرح ذوالنون وتفكيك خطابه والسعي للبحث وراء خطابه وتاريخه ومصداقيته هذه الأهداف مبدأً مشروعة وبعد ذلك نحكم على الوسائل المتبعة لتنفيذها ولكن في النهاية يكون حكمنا على سلوك افراد وليس على جهات.
06-17-2019, 09:42 PM
امير بوب امير بوب
تاريخ التسجيل: 01-02-2013
مجموع المشاركات: 1552
Quote: يا بوب ذو النون صعب يكون جزء من قيادة الحرية والتغيير لأسباب كثيرة اولا الزول كووووز وسلوكه في الجامعة معروف لكل الذين زاملوه عشان كدا صعب الوثوق به دا تاريخ حيلاحق ذو النون أينما حل وصاحبك دا يا بوب حظه زي وشه الشباب الكانوا شغالين في المعارضة الطلابية وقته الكان هو كووز
سلام يا عظمة
بالعكس انا شايف انو ذو النون ما ساعي لأنو يكون في قيادة الحرية و التغيير لأنو حسب نرجسيته دي ، عندو رأي في التجمع كلو و ما مالي عينه !
ذو النون قفلتو ما على قيادة التجمع و لا على تقلٌد اي منصب خلال الفترة الإنتقالية الزول دا قافل على رئاسة الجمهورية عديل في اول إنتخابات جاية و قاعد يهيئ للحاجة دي.
....
بعدين يا عظمة قولك بكوزنة ذو النون ما دقيقة برضو مفروض نضبط المصطلح زي ما قال ود البشرى 😂
قد يقول قائل انو مافي فرق عملي بين المؤتمر الشعبي و الكيزان لكن و للأمانة ، في فترة انضمام ذو النون للشعبي كان زمن الكوماج بينهم و كان الشعبيين في قمة عداءهم للكيزان و اعتقد ألد أعداء ذو النون في تلك الفترة كانوا من الكيزان و دا ممكن يفسٌر حملات الإعتقالات و التعذيب المتكررة التي تعرض لها و فصله من اكثر من جامعة ! .... اعرف الكثيرين ممن عاصروه في الجامعات و قد اجمع الكثيرون على إتجاهه للعنف اللفظي و البدني احيانا و لكن معظم العنف الذي مارسه كان ضد طلاب المؤتمر الوطني !! .... فكرتي كانت و ما تزال انو الظرف ما مناسب لفقدان اي شخص داعم للثورة و كان لازم الحرص على الإجماع لأنو الحصة وطن ، كل على علاته إلى حين و بعدين الحساب ولد !
...
يا ود البشرى ما أكلتك حنك 😂 بجيك راجع ..... تحياتي للجميع
06-17-2019, 09:18 PM
كمال عباس كمال عباس
تاريخ التسجيل: 03-06-2009
مجموع المشاركات: 17934
الثورة السودانية. هذه ضمت أناس من مواقع اجتماعية وفكرية وثقافية. متعددة. -، هناك أهداف عامة وعريضة جمعت ألوان الطيف هذه ،،وفي هذا السياق من الطبيعي ان تجد أفراد جماعات لها تصوراتها. ورواها ومطامحها الخاصة في القيادة. وصياغة الأحداث وهذا. امر مشروع !!
انطلاقا من. هذا من الطبيعي والمنطقي ان تحدث عمليات فرز. سياسي وتنافس وتكتلات إلخ هذا امر طبيعي ومتوقع الحدوث !!
** كل هذا أمر عادي ولكن غير المقبول هو - ان تختار اللحظة الخطأ والمكان الخطأ لإعلان موقفك وفرز عيشك فالثورة لازالت مشتعلة ولم تحقق أهدافها والأعداء والثورة المضادة متربصة بالجميع وهادفة وساعية لتصفية. الثورة !!
*^ ومع هذا ان أردت ووفق تقديراتك ان تفرز عيشك وتستقل بمنصتك فافعل !! ولكن !
+* بجب الا تستقوي باعداء الثورة وفلول النظام القديم ولاتسمح لهم بالاستفتواء بك واتخاذك مطية لتنفيذ اغراضهم وسلاحا لضرب القوي الثورية الآخري
** ويحب وبنفس القدر الاتسمح للنسخة الجديدة للإنقاذ بان تستدرجك لاحابيلها وشاراكها -حميدتي ومجموعته نموذجا !!
** وكذلك عليك الحذر من شركاء النظام السابق ممن ناصبوا الثورة العداء كالمؤتمر الشعبي !! مفهوم جدا ان تكون ممن يحملون ذات افكار المؤتمر الشعبي من موقعك المستقل ولكن عليك ان تعي ان هذا الحزب سيسعي لاجتذابك وتوظيفك لخدمة اجندته وهذا قد يقود لحرقك سياسيا !!
** فزاعة الإقصاء ان كنت مبدئيا ومتسقا مع ذاتك الثورية فلن يستطيع احد ممارسة الإقصاء عليك ! عليك أنت الاتقصي نفسك وتعزلها بالارتماء المعادي للثورة او بخدمة الثورة المضادة !!
نعم لإمكان لاعداء الثورة في قيادة الثورة فمن لايومن بالثورة لأيمكن ان ينجز أهدافها - لا مكان للشعبي والفلول وأحزاب الفكة لان هذه القوي هي التي اختارت معاداة الثورة والانعزال عن مجري الجماهير !!
عليك ان تتحسس رأسك وضميرك ان -
فتحت لك السلطة الجديدة القنوات القضائية ومنابر سونا ونصب لك حميدتي منصة وتداول إعلام السلطة الانقلابيةً اخبارك وضخموا من دورك في وقت تتلطخ اياديهم بدماء الشهداء وتتعفر السنتهنم بالإساءة للمعتصمين والثوار وفي وقت يهمشون فيه دور القوي المدنية ويعلون فيه من شان العسكر!!
06-17-2019, 09:56 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 8024
Quote: زمان لما كان داير يترشح لإنتخابات 2020 بدأ في طرح ملامح برنامجه الإنتخابي و رؤيته للخروج بالسودان لبر الأمان تابعت برنامجه و إستراتيجياته فيما يخص ملف الإقتصاد و الصحة و التعليم و مشاكل البطالة و العلاقات الخارجية و مشاكل ألهوية و غيرها و بالفعل كشفت عن فهم عميق و رؤية متماسكة و قوية و انه مشروع سياسي محنٌك يعرف و يمتلك أدواته و عارف بعمل في شنو !
واضح يا بوب إنك متابع ذوالنون شديد أنا مستحيل أضييع دقيقة من عمري في قراية برنامج سياسي كاتبو زول واحد منفرد. لأنو الف باء تاء ثاء السياسة إنها عمل جماعي والف باء تاء ثاء صناعة البرامج السياسية بتبدأ بإشراك فريق العمل الحينفذ البرنامج من البداية في دراسة تحليل إحتياجات المجتمع وتحديد الرؤية والرسالة والأهداف ثم المعالجات.
واضح يا بوب إنو فكرتك عن السياسة تعبانة😜
06-17-2019, 10:01 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8405
غايتو يا بوب كلامك عن ذو النون الا يكون من باب رفع الكثافة الحيرة حتزيد اذا كنت حقا تقصد الكلام الكتبته عن زولك دا!! الزول دا تعبان تعب الموت كادر حشد خطابي يعني زول عيان بالكلام والمنضمة زيو وزيو اي كادر خطابي لغلاغ أدمن قصة المخاطبات دي لا مفكر ولا سياسي ولا في زول جربه عشان تأكد وتبصم عليه بالعشرة غايتو وإنت بتتكلم عنه إتخيلتك بتتكلم عن مارتن لوثر كينج ما الزوول الموهم دا
06-17-2019, 10:03 PM
امير بوب امير بوب
تاريخ التسجيل: 01-02-2013
مجموع المشاركات: 1552
يا محمد البشرى اقدر أقول ليك اني شايف الوثيقة دي مضروبة و دا البأكٌد ليك كلامي عن الخبث القاعد يتمارس بدون ضوابط اخلاقية
لو إستمعت لمخاطبة محمد يوسف لأنصاره في قوى السودان الجديد و هجومه على قوى الحرية و التغيير و وصفه لبعض التنظيمات بالإنتهازيين و المتكالبين و حديثه عن تغليب بعض الأحزاب في قوى الحرية و التغيير للخاص على العام ! مما دفع البعض للقول بانو محمد يوسف يهاجم ق ح ت و عايز يشق الصف !!
واضح تماما انو هناك اختلافات كبيرة داخل التجمع نفسه و زي ما قلت ليك ضرب تحت الحزام لا يخلو من خبث و خساسة و تصفية حسابات و تسريب الوثيقة اعتقد جاء في هذا الإطار !
06-17-2019, 10:14 PM
امير بوب امير بوب
تاريخ التسجيل: 01-02-2013
مجموع المشاركات: 1552
أها بمناسبة مارتن لوثر كنج دي إستمعت قبل فترة لدكتور أمريكي بتكلم عن ذو النون الواحد دا قال ترجموا ليه كلامه و يتابع لايفاته و وصفه بمارتن لوثر السودان !!
تصدق و تآمن بالله 😂
... حافظ بشير لو ما عاجبو الكلام دا يرفع إيدو لاكين و الله العيٌنو ما يرفعا !
06-18-2019, 07:25 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22730
Quote: اقدر أقول ليك اني شايف الوثيقة دي مضروبة و دا البأكٌد ليك كلامي عن الخبث القاعد يتمارس بدون ضوابط اخلاقية
ما عايزة ليها درس عصر يا امير كونها مضروبة واضحة جدا, يلاّ لمّا يقوم ذو النون يشير ليها مرة واتنين تلاتة ويصر على تكرار الاشارة ليها تسميه شنو! حتى في مخاطبة المنصة التمت مهاجمته فيها وبعد الكثير من الاسئلة الحرجة الكان اولى يجاوب عليها ترك كل شي ورجع للتشكيك في الحرية و التغيير و اشار لمسالة الذهاب للسفارة السعودية وطلب الدعم وطبعا كونها مفبركة لا تفوت على زول بشفتنة و ذكاء ذو النون لكن تكراره ليها لانها تخدم غرضه او غرض الجهة التي تماهى معها في ذلك الوقت وساعدته بتوفير منصة!! دي مشكلتي مع ذو النون ليس طموحه ولا اختلاف موقفه فكل هذا حقه لكن اعيب عليه ممارسة السياسة بقذارة و العمل على مهاجمة التحالف بالباطل, حتى نقده لهم الحقيقي لا ارى فيه مشكلة فهذا حقه لكن ترويج الاكاذيب هو ما آخذه عليه دا ير اكثر من كذبة أخرى زي مسالة خروجه عن طريق اثيوبيا بالبر التي ذكرها وحده دون حتى ان يجبره عليها أحد التحالف دي مثلا مشاكله كتيرة لا تخفى على احد لكن ليس من ضمنها تضليل الجماهير او ممارسة الكذب ودي احد المسائل التي تجمع الناس حوله
06-18-2019, 11:32 AM
امير بوب امير بوب
تاريخ التسجيل: 01-02-2013
مجموع المشاركات: 1552
سلام ود البشرى اتفهم وجهة نظرك و انا فاهم مرمى سؤالك من الأول رغم انو اعتقد والله اعلم انو إشارات ذو النون لتواطؤ ناس من التحمع و إنبراشهم لم تكن تتعلٌق حول هذا الأمر و موضوع الوثيقة المضروبة دي ! لأنو زي ما انت قلت انو موضوع ساذج و ما بفوت على فطنة اي زول و انا فهمت انو بيتكلٌم عن ملفات تانية و هو يحاول ان يرسل إشارات لناس و جهات معينة من خلال مخاطبته للعامة ....
حكاية انو في ناس في التجمع بتلعب لصالح ورقها و أجنداتها الخاصة دي ما دايرة ليها كلام و محمد يوسف نفسه جاب من الآخر و قالها صراحة
هناك بكل اسف الكثير من المسكوت عنه مما يجري تحت الطاولة و ناس كتار عارفين الحاجة دي و كل زول ماسك على التاني حاجة
ذو النون كذلك لا يخلو من خبث السياسة و اكيد عنده معلومات و ملفات لكن ما يحسب له حتى الآن هو سكوته عن بعضها رغم الإستفزازات و عدم شخصنة الأمور و الإكتفاء بتناول الأمور بشكل عام و التلميح لحدوث تجاوزات و عدم توجيه التهم بشكل مباشر لفرد ! يعني حتي الان ما لاعب معاهم بقذارة على الأقل دا ما لاحظته من خلال متابعتي حتى الان
....
تظل الحقيقة وين ... الله اعلم و يظل الأمر على ما هو عليه حتى إشعار آخر 😂
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
Elhadi
عمر سعيد علي
علاء سيداحمد
طلعت الطيب
وليد محمود
HAIDER ALZAIN
محمد البشرى الخضر
Hafiz Bashir
Mahjob Abdalla
عبدالعظيم عثمان
كمال عباس
فيس بوك
تويتر
انستقرام
يوتيوب
بنتيريست