|
|
|
 Re: أين المخرج ... (Re: Gafar Bashir)
|
الحرية و التغيير تصفر العداد وتبدا من الصفر, أولا اعادة الميثاق ليحوي بند واحد فقط: اسقاط النظام
عليه يدعو كل اصحاب المصلحة الموافقين على هذا البند للتوقيع على الميثاق بدون اقصاء عدا عن :
المؤتمر الوطني و الشعبي و الاصلاح الآن لمشاركتهم في الانقلاب
التواصل مع كل المكونات خارج الاعلان السابق و العمل على كسبهم للاعلان الجديد
تاجيل الحديث عن الدستور الجديد و اي من معالمه لما بعد اسقاط النظام
تشكيل الحكومة التنفيذية من تكنوقراط و اعلانها
تشكيل عضوية مجلس السيادة بشكل قومي يمثل الاقاليم المختلفة ومقعد للمرأة و الاحتفاظ بمقعد للقوات المسلحة ومقعد للشرطة
تقسيم عضوية البرلمان على الموقعين في الميثاق بنسب يتم الاتفاق عليها مع الاحتفاظ بنسبة الربع للشباب ليتم اختيارهم بتصويت الكتروني او اي شكل من اشكال التصويت فيما بعد
التواصل مع الحركات المسلحة باعتبارهم شركاء يتم اخذ رايهم في كل خطوة و النقاش حتى الوصول لتوافق
ثم نبدا النضال على بركة الله مواكب و اعتصامات و عصيانات وكل الوسائل السلمية المتاحة
كل الاحتمالات مفتوحة تفاوض تفاهمات كل شيئ فقط بشرطين, موافقة كل الكتل الموقعة بالاجماع أولا وثانيا دماء الشهداء خط أحمر لا تنازل عنها او تفاوض بأي شكل كان
| |
  
|
|
|
|
|
|
|
|
Re: أين المخرج ... (Re: محمد البشرى الخضر)
|
Quote:
ثم نبدا النضال على بركة الله مواكب و اعتصامات و عصيانات وكل الوسائل السلمية المتاحة |
مظاهرات ومواكب علشان يلقطوهم واحد واحد؟؟ انتو عاوزين لسه الشباب ديل يقدموا ارواحهم واجسادهم تاني بعد تشكوها وتوزعوها من جديد؟؟
عاوزين نشوف احزاب اعلان القوي ديل ينزلوا الشارع معرفين (بالالف واللام) عشان نشوفهم قدر شنو؟؟
حدنا العصيان المدني بس.. مظاهرات شوارع عاوزين نشوف فيها الاحزاب المرة دي.
سلام جعفر وود البشري.
| |
|
|
|
|
|
|
|
|
|
Re: أين المخرج ... (Re: Mutasim Idris)
|
| Quote: عاوزين نشوف احزاب اعلان القوي ديل ينزلوا الشارع معرفين (بالالف واللام) |
يا معتصم سلام
اتمني اكون فهمتك غلط ...
الثور ما بدت قبل 6 شهور
بدت قبل 30 سنة وكل الاحاب بلا ساتثناء قدمت ارواحها فداء
فيما يخصني ... كنا شغالين اركن نقاش في السوق العربي
في اوج عنفوان الجبهة الاسلامية ...
مافي زول عندو حق يحاكمنا بي شهرين
نحنا في الشارع 30 سنة
| |
|
|
|
|
|
|
|
|
|
Re: أين المخرج ... (Re: Gafar Bashir)
|
ابدا يا جعفر انا ما حاسبت او اتنكرت لقيمة كفاح الاحزاب ديل ولن اتجرأ.
القارب دا كووولنا راكبنو من 30 سنة برضو هنا في واشنطون. من اوائل المظاهرات والوقفات قدام السفارات السودانيه ابتدعوها اخواننا اعضاء المنبر دا
السفير نورالدين عبدالمنان وكوستاوي ولحقونا مولانا عبدالاله زمراوي والاستاذ عبدالله عبدالله (عبدالله مولانا). اتعلمنا كيف نوصل صوت الثورة للعالم. اختلفت طرق
النضال وادواته بس الهدف واحد.
ردي للاخ ود البشري قصدت بيه الاااااان. الحالة النحنا فيها دي يا جعفر. ما ح اغالط في مواقف الاحزاب ودورها في حركة الشارع لكن كمان ما ح اغض
الطرف عن اخفاقااااااااااات احزاب قوي الاعلان في الفرص الكتيييرة الفوتوها وغلطاتهم الكارثية الارتكبوها. الشارع الليله يا جعفر ماااا بتحمل نقطة دم
تاني والناس ديل في مكاجرتهم. كلام ود البشري انه نوسع الماعون ونبدأ ندور من جديد في حين انه الماعون اهو دا وااااااسع والباب مفتوح والكراسي
كتيرة لمن رغب. الشباب الفي الشارع والشهداء آمنوا بما انزل في الوثيقة وطبقوا كل الكثير من انواع النضال وكان آخرها العصيان المدني.
قصة العودة تاني للمواكب ومظاهرات الشوارع قلت المرة دي يقودوه احزاب الاعلان. يعني من ودنوباوي يقودها حزب الامة ومن بري يطلع الشيوعي مثلا بعدما اتعالت
اصوات كتييييرة وشكوك حتي في جماهيرتهم وامكانية تحريك الشارع.. واهو بالمرة يااخ يعتبروه استفتاء وتواصل مع القواعد او قول حتي استقطاب.. .Win Win.
العصيان المدني الشامل المفتوح في الوقت دا بعد نجاح الاول مصاحب بدور كبير من احزاب قوي الاعلان بالتعبئة مع لجان الاحياء هو اقصر الطرق للاسقاط التالت.
بعد المجزرة يا جعفر وعنف الجنجويد ماااا اظن ح تكون في اااي شهية للمواكب والعودة للمربع الاول. لو رغبنا نجاح للثورة يطلعوا لينا ناس الاعلان يأكدوا تماسكهم مع بعض
وصلابة مواقفهم من العسكر.
| |
|
|
|
|
|
|
|
|
|
Re: أين المخرج ... (Re: Mutasim Idris)
|
Quote: ما ح اغض
الطرف عن اخفاقااااااااااات احزاب قوي الاعلان في الفرص الكتيييرة الفوتوها وغلطاتهم الكارثية الارتكبوها. الشارع الليله يا جعفر ماااا بتحمل نقطة دم |
ولا انا يا معتصم
لكن ده ما وقتو ...
تعرف برغم الاحباطات الحاصلة من تفاصيل الايام الفاتت
لكن كل ما اضيع ايماني ... رجع في اليوم التاني
بي ان هذا الشعب لا يتسحق الا حرية وسلام وعدالة
وكل ول في الدنيا مستغرب كيف قدر البشير يحكمهم 30 سنة
يا معتصم ما مختلفن في كل اشكال الاخفاقات
عشرات الايام وانا بنبح انو االة المتاريس سذاجة من قوي الحرية
وصاحب ودفعتي ود البشري عارف الكلام ده لانو متفائل اكتر من اللام
انا عارف لاني صادمت الكيان والعقليات البتشبهم طول حياتي
لكن لسة بقول
قدر السلاح العنندا نوجهو للعدو الحقيقي
دماء الشهداء ما رخيصة ...
وعندنا باقي العمر
عشان نلعن والدين بعض
عندنا فرصة واحدة فقط
| |
|
|
|
|
|
|
|
|
|
Re: أين المخرج ... (Re: اخلاص عبدالرحمن المشرف)
|
تحياتي معتصم
يا عزيزي انت في امريكا وانا في الامارات و اغلب عضوية المنبر دا ليس لنا ان نشير على الشباب في الارض ما وما لا يفعلون
هم الأقدر بالتأكيد على تقدير الموقف و اخذ الخيارات المناسبة وما علينا إلّا ان ندعم خياراتهم
ما نتناوله هنا مجرد آراء حدها البورد, لن تؤثر على القرارات في الارض
دي واحدة
و التانية انا عندما عددت فيما عددت من الوسائل السلمية المظاهرات و المواكب و الاعتصامات اظنني ذكر العصيان ايضا
ما اعنيه هو الوسائل السلمية التي بدأت و استمرت وصمدت عليها الثورة من اول يوم غض النظر عن تفاصيلها
ان رأى الشباب على الارض ان يقوموا بالمواكب فبها هم الاجدر على الاختيار ان رأوا العصيان ايضا فبها في كل الاحوال خيارهم هو الذي سيسري
أخيرا, لم هذا الهجوم على الاحزاب, من قال لك ان قادة وعضوية الاحزاب لم يشاركوا؟ منذ بداية الحراك من هم اغلبية المعتقلين
ولم انتزاع الاحزاب من الهم الوطني و تصويرها كأنها طرف بعيد وليس اصيل في النضال!
وكيف تتصور الحياة السياسية من غير احزاب!
| |
|
|
|
|
|
|
|
|
|
Re: أين المخرج ... (Re: محمد البشرى الخضر)
|
Quote: ما نتناوله هنا مجرد آراء حدها البورد, لن تؤثر على القرارات في الارض
دي واحدة
و التانية انا عندما عددت فيما عددت من الوسائل السلمية المظاهرات و المواكب و الاعتصامات اظنني ذكر العصيان ايضا
ما اعنيه هو الوسائل السلمية التي بدأت و استمرت وصمدت عليها الثورة من اول يوم غض النظر عن تفاصيلها
ان رأى الشباب على الارض ان يقوموا بالمواكب فبها هم الاجدر على الاختيار ان رأوا العصيان ايضا فبها في كل الاحوال خيارهم هو الذي سيسري
أخيرا, لم هذا الهجوم على الاحزاب, من قال لك ان قادة وعضوية الاحزاب لم يشاركوا؟ منذ بداية الحراك من هم اغلبية المعتقلين
ولم انتزاع الاحزاب من الهم الوطني و تصويرها كأنها طرف بعيد وليس اصيل في النضال!
وكيف تتصور الحياة السياسية من غير احزاب! |
محمدالبشري كيفك..
دور سوداني المهجر يا ودالبشري في الحراك دا مافيه مكابرة.. التاثير علي (ممثل الشارع) ما مباشرة (للشارع) باعتبار الشارع ليه ممثل واحد.
حد ما نتناوله هنا في البورد حده البورد حتما غير دقيق والتأثر افتكر حسب الفكرة ومنفعتها حتي لوما كانت من مزاج (الممثل). في رسائل كتييرة من هنا بتصل الارض.
في البوست بتاعك الاصلي انت قلت فيما معناه نشكها ويخشوا اللي ما كان خشوا وندور من جديد ودا اختلافي معاك. كيف تصل لعصيان مدني ناااااااجح وترجع تااااني
لمواكب ومظاهرات شارع الغرض الاساسي منها هو سلاحك الفتاك (العصيان).. تقليل خسائر الارواح الاجساد وحتي الاعتقالات يخيل لي من واجبات القيادة.
الثورة مراحل يا ود البشري ولما تصل قمتها ما ح ترجع للبدايات ما لم يكون عندك غرض (نشكها).
بعدين انا وين هاجمت الاحزاب. هل قيادة الاحزاب للشارع بظهور علني وااااضح (زي ما كان بعملوا زماااان) وحشد قواعدهم والتواصل معاها هجوم يبقي تكون جاوبت
علي سؤالك : كيف تتصور الحياة السياسية من غير احزاب؟
دمت بالف خير.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
محمد البشرى الخضر
Mutasim Idris
فيس بوك
تويتر
انستقرام
يوتيوب
بنتيريست