سيناريو مذبحة القيادة عبر الواتس كلام يجنن

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 27-06-2019, 03:00 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-06-2019, 11:00 PM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


سيناريو مذبحة القيادة عبر الواتس كلام يجنن

    11:00 PM June, 11 2019

    سودانيز اون لاين
    عماد الدين الطيب عمر-
    مكتبتى
    رابط مختصر



    هذا ما سكت عنه عثمان ميرغني و رفض ان يكشفه ، و الساكت عن الحق شيطان اخرس

    منقول

    بغض النظر عن صحة الروايةأظن هذا السيناريو الأقرب للواقع
    وهذا لايعني براءة المجلس العسكري او حميدتي
    👇👇👇👇

    كما وردني ولكم حق الراي..

    نص الرسالة
    حميدتي ولد بلد اصيل وبرئ من ما تقولون وما يمكر الكيزان المجرمين والله علي ما اقول شهيد..

    اول شئ اعرفكم بنفسي انا كنت واحد من قوات الدعم السريع برتبة ملازم من كتم واهل حميدتي اهلي وعلاقاتي بكثير من الاخوة في قوات الدعم السريع كبيرة ومستمرة اتصلت علي اخي وصديقي رائد في الدعم السريع من اقرباء حميدتي القريبين جدا وقريبي انا برضو موجود في الخرطوم لما اتكلمت معه كان في الجيلي تحديدا بعد السلام واستعادة بعض الذكريات والحديث الجميل دخلت في الموضوع واستحلفته بالله ان يحكي ماحصل في القيادة وهل هم من فضوا الاعتصام وقتلوا المعتصمين لاني انا ايضا كنت من المتأثرين جدا بالموضوع وكنت مصر اعرف الحقيقة لاني اعرف حميدتي جيدا اذا وعد لا يخلف بالساهل وحديثه واضح طول فترة السنين القضيتها في الدعم السريع خصوصا انني سمعته وقال لن نفض الاعتصام ولو عايزين نفضو مابنغدر بنجيكم عديل نقوليكم عايزين نفض الاعتصام وكلمة حق اقولها في حقه والله طول فترة عملنا في الدعم كان بنصحنا ويهددنا عديل ماتعتدوا علي اعزل وماتقتلوا الا من يحمل سلاح ويقتلكم البشوفو قتل وثبت عليه شئ بحاكموا
    حتي لو كان عبدالرحمن اخوي وفعل ذلك كثيرا فيمن تحاوزوا في دارفور وجبال النوبة عاقب كثير مننا في ناس اعتدوا علي الزرع وليس البشر
    نرجع للموضوع سألت صديقي وقريبي ماحصل
    في فض الاعتصام
    حاول يتزاوق مني لكن اقنعته بي حديث له معزة بيننا وزكريات جميلة قال لي اتصل علي بعد
    الساعة 12 بالليل
    قلت ممكن يكون معه ناس سكت وودعته
    الساعة 12 وعشرة دقائق بالضبط اتصلت عليه
    ما رد دقيت تاني بعد خسمة دقائق رد علي قلت
    ليه احكي طوالي وده كلامه مافيه زيادة ولا نقص
    شوف يا اخوي .... والله حميدتي شايل هموم الجبال ماتشيلها واقوليك بالواضح اتورطنا عديل كده لا قادرين نطلع لا قادرين نستمر والكلام كتير وله ما قبل فض الاعتصام لكن ندخل في موضوع فض الاعتصام حميدتي رافض فض الاعتصام تماما بالعكس كان بمدح شباب الاعتصام وكان الاعتصام امان ودعم لنا وحميدتي لو عنده نية يفض الاعتصام كان شاركنا في فض التظاهرات من الاول ومن بدايتها لكن كان رافض نهائي ضرب العزل او قتل انسان اعزل زي ما انت عارف ايام كنت معانا
    لكن انت عارف في الفترة الأخيرة ما حصل في الدعم السريع من تهجين وكسر جهاز الامن معنا والفرقة الجهادية الخاصة..
    دي ما حضرتها انا سالتو عنها قال لي ديل اسلاميين متشددين قيادتهم عليا ومدربين علي مستوي عالي جدا خصوصا في القنص الرصاصة لو وجهوها للعين تمشي العين ..
    نرجع لي حديثه ماحصل في القيادة يا .... اخوي حصل ضغط كبير جدا علينا من القيادات والتيارات الاسلامية وبعض الشخصيات التي تدعمنا بعد تضخيم شباب كولمبيا والله نحن كنا عارفين قد يحصل شئ بتكبير موضوعهم لكن ما كان ظاهر هناك تمرد داخل قواتنا من الاجهزة الاخري المهم اتفق الجماعة في جهاز الامن بتولي المهمة وطرد شباب كولمبيا فقط دون المساس بالمعتصمين من كبري النيل الازرق فوق حتي القيادة حتي لا يثيروا الشعب والمجتمع الدولي وخصوصا العالم كله نظره علينا لكن انت عارف الاعيب الحركة الجهادية اتفقوا ان يقوم بالمهمة 700 فرد فقط بالخراطيش وعدم حمل السلاح الا من عدد 20 فرد فقط لحماية البقية اذا دعي الأمر وحتي لا يحدث اي احتكاك او اقتراب من محيط الاعتصام
    وافق برهان وحميدتي وكان كباشي فقط علي علم بذلك حسب ما عرفنا لاحقا البقية لم يستشارو في الموضوع ناس ياسر وصلاح .
    والله هذا ماتم تماما لكن الجماعة الاخرين كان مخططهم شئ تاني انا طبعا كنت في مقرنا في
    جبل اولياء ما مشيت بس الحصل الساعة واحدة صباحا دخل بالبوابات الغربية للقيادة مجموعة كبيرة من جهاز الامن تقدر بحوالي 800 فرد بزي الدعم السريع وسحبوا افراد الجيش من القيادة وبواباتها وفيهم 100 فرد او اكثر لبسوا لبس الجيش وقعدوا في البوابات افراد الجيش التم سحبهم من البوابات ماعارف مصيرهم والله سالتو انا بكونوا كتلوهم
    قال لي اما كتلوهم او محبوسين في مكان سري والله اعلم .. طيب كمل الحصل
    ايوة قبل ساعة الهجوم بفترة الجماعة قالوا اسحبوا قوات الدعم السريع حتي لا يكون هناك خوف او هلع في حدود القيادة فقط قليل من المرتكزين في نقاط معينة وبعيدة وده سبب تواجدي اما في حبل اولياء وكثير من جماعتنا ..
    الجماعة اعدوا عدتهم وفي لحظة واحدة جو متحركين ثلاثة افواج الاول من جهة جياد والثاني اتجمعوا في الخرطوم جوة حوش الاحتياطي المركزي والثالث جاء من كرري جماعة جياد والاحتياطي المركزي جو لابسين لبس شرطة جهزوه قبل فترة من مصنع كيو سور وجهزو عدد 200 عربية تقريبا بلا لوحات من مصنع جياد ومخازنه واكد ليك يا ودالخالة والله ديل ما تابعين للدعم نهائيا تبع الفرقة الخاصة الكتائب عددهم 2700 تقريبا منهم 20 قناص جروا طلعوا مدينة البشير الطبية والباقين من جهاز الامن والدبابين وجماعة زولك المكروه عرفتو هارون القال بحاربنا بيهم ايام مشكلتو معانا دخلوا بعرباتنا جماعة كرري كلهم لابسين دعم سريع ديل جزء منهم جاء بي بحري والاخر بي شارع النيل كانوا ظابطين الوقت عشان ماتحدث اخطاء اختصر ليك دقوا المعتصمين والقناصة اشتغلوا من فوق الما يجري ويقيف كلو استهدفوه والعصي والخراطيش والضرب جماعة هارون حقد شديد الجماعة التحت كانوا ما قتلوا زول فكو نار في الهواء وعشان ما يثبت شئ عليهم احتياطيا من التصوير المهمة قام بيها القناصين وحدة الرماية من العمارة فوق وتقريبا في كم واحد تحت برضو ضربوا بس الاغلبية من القناصة وبعد ما انتهوا عملوا حظر علي المنطقة لي حدود بري والخرطوم جوة وكتمو المنطقة كلها لما انتهوا من
    كل الاثار سريع واخلف ليك بالله يا ..... والله كل الحصل ده نحن ماكنا عارفين ولا حميدتي وبرهان
    ما عارفين لكن اسيكنا وبقينا امام الأمر الواقع ضرانا التهجين والان نحن بين خيارين اما نقتل اونقتل مع المهجنين وعددهم كبير يمكن اكتر مننا واما ناكلها ونسكت وقريبنا ما عارف يعمل شنو
    والله بطنوا طامة ولا قادر يطلع يقول حاجة كل القالوا اتصرف انت يا برهان ورطونا بس قايتو
    نحن مستعدين لاي حاجة في اي وقت وسمعت
    من الجماعة قالوا ممكن ننسحب برة الخرطوم
    وحميدتي لو انسحب شايف افضل المهجنين
    بضعفوا لو جماعة الجيش شدوا حليهم وبقدر
    عليهم براهم هم معتمدين علينا بس يا .... انت عارف الجيش لو دق الجهاز والكتائب برانا مابنقدر عليه لو قلب علينا وده المشكلة المحيرة زولنا.
    اسئلتي ليهو في مسجونين زي صلاح قوش ونافع وعلي وباقي الجماعة قال لي والله بي عيني ماشفت زول مسجون منهم واللعبة كبيرة علينا كلنا ربك يستر ارجع لي تاني بديك الاخبار.

    سالتو الناس البدقو في الشوارع بلبسكم ديل منو قال لي جيش احمد هارون

    طبعا ده الحصل كله كما رواه لي واستحلفتو بالله وانا كنت بسأل وبستفسر اثناء الحديث والله كتبتو عشان الصوت مشكلة ماعايز ادخل في مشكلة مع الاهل او صاحبي واستاذنتو في النشر كتابة اتردد شوية واقنعتو بدون ذكر اسماء وتفاصيل دقيقة وقلت ليهو بفيدكم لي قدام لما الامور تتضح
    وافق بالنشر








                  
حرية سلام و عدالة
|Articles |News |مقالات |بيانات

11-06-2019, 11:20 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 3297

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: عماد الدين الطيب عمر)

    لب لب لب لب لباب لب لل لب لب

    كلهم مسئولين

    ومال حاكمين ليه
    الحكم مسئولية

                  
حرية سلام و عدالة
|Articles |News |مقالات |بيانات

11-06-2019, 11:24 PM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: اخلاص عبدالرحمن المشرف)

    يا دكتورة
    شكرا على المرور
    يعني استنادا على الكلام المنقول اعلاه
    هل يعني انو حميدتي بري من دم ٣٠٠٠٠٠ قتيل في دارفور؟
    الراجل دا صور لينا حميدي ملاك نزل من السماء
                  
حرية سلام و عدالة
|Articles |News |مقالات |بيانات

11-06-2019, 11:33 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 3297

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: عماد الدين الطيب عمر)

    الأستاذ عماد
    هو ومعه المجلس استولوا علي السلطة
    وتنازعوا الثوار
    وقاموا بانقلاب
    وذهبوا لمؤتمرات باسم السلطة العليا يمثلون جمهورية السودان
    واستقبلوا حسب المناصب
    حميدتي ذهب باسم السودان
    والقوة اتي تحركت من. ١٠ الف جندي وضابط وضابط صف
    ومن قدموا الان للمحاكمة جنود ورتب نظامية تأتمر بأمرتهم


    رأئك أنت شنو
                  
حرية سلام و عدالة
|Articles |News |مقالات |بيانات

12-06-2019, 00:20 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 3297

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: اخلاص عبدالرحمن المشرف)

    المحكمة الجنائية ICC
    وجهت اتهامات ل عدد غير معروف في جرائم دارفور

    المحير لماذا لم يسلم البشير للمحكمة الجنائية

    هل استبق البعض الأمر

    السيدالصادق طالب بتسليم البشير لمحكمة الجنائيات
    الا ان الجميع اتجه للتريقة

    اضاعوا الفرص بالمكاواة والمكاجرة

                  
حرية سلام و عدالة
|Articles |News |مقالات |بيانات

12-06-2019, 10:47 AM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: اخلاص عبدالرحمن المشرف)

    Quote: المحكمة الجنائية ICC
    وجهت اتهامات ل عدد غير معروف في جرائم دارفور

    المحير لماذا لم يسلم البشير للمحكمة الجنائية

    هل استبق البعض الأمر

    السيدالصادق طالب بتسليم البشير لمحكمة الجنائيات
    الا ان الجميع اتجه للتريقة

    اضاعوا الفرص بالمكاواة والمكاجرة

    البشير و احمد هارون و حميدتي و حتى موسى هلال و من دار في فلكهم
    كلهم المفروض يعرضوا على ال ICC
                  
حرية سلام و عدالة
|Articles |News |مقالات |بيانات

12-06-2019, 10:43 AM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: اخلاص عبدالرحمن المشرف)

    Quote: .الأستاذ عماد
    هو ومعه المجلس استولوا علي السلطة
    وتنازعوا الثوار
    وقاموا بانقلاب
    وذهبوا لمؤتمرات باسم السلطة العليا يمثلون جمهورية السودان
    واستقبلوا حسب المناصب
    حميدتي ذهب باسم السودان
    والقوة اتي تحركت من. ١٠ الف جندي وضابط وضابط صف
    ومن قدموا الان للمحاكمة جنود ورتب نظامية تأتمر بأمرتهم


    رأئك أنت شنو

    ليس هناك تفويض ل حميدتي و برهان لتمثيل السودان
    عصابة أتت بليل
    و ما حصل دا كله دماء ابرياء يحاسب عليها برهان و حميدتي و من يأتمر بأمرهم
    و كبش فداء ليهم ما ينفعهم
    شكرا على اثرأ البوست
                  
حرية سلام و عدالة
|Articles |News |مقالات |بيانات

12-06-2019, 00:01 AM

Mutasim Idris
<aMutasim Idris
تاريخ التسجيل: 03-04-2019
مجموع المشاركات: 469

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: عماد الدين الطيب عمر)

    سلام يا عماد..اااي محاولة لفريق الخلاء بتجميل صورة اساسا ما موجودة يبقي ضرب من التلفيق.الرواية الفوق دي فعلا مختلقة من فهم واحد (خليوي).فريق الخلاء حاول في اوووول اسبوع للاعتصام بفضه بحجة نضافة المنطقة وجاب جيش الخلاء بتاعه وخطب في الثوار وطردووووووه هو و زبالته.فريق الخلاء وصف منطقة الاعتصام ببورة للانحطاط وبمارس فيها كل اعمال ال################ه.فريق الخلاء صرح (تهديد مبطن) اكتر من مرة انه بامكانه فض الاعتصام لكنه لا يرغب.. وقال ح نجيب ليهم اكل وشراب في رمضان لوعاوزين (تمويه).فريق الخلاء لو كان جاد في عدم فض الاعتصام لحماهوا خاصة بعد التهديدات و المحاولات المتكررة بفضه واخرها كان في بداية رمضان.فريق الخلاء مليشته مخترقه حتي النخاع من جهاز الامن وبقية الاجهزة الامنيه في الدوله العميقة وهو عارف كده.فريق الخلاء سحب سلاح (الحراس) في القيادة العامة.فريق الخلاء يجهل حتي شوارع الخرطوم لكنه منفوخ بانه باسط الامن والاستقرار وكل مرة بتفشخر بانه انحاز للثورة وانه لو ماهو البشير كان ابادنا.فريق الخلاء شايف زبالته مستبيحة شوارع الخرطوم طول وعرض وهو مبسوط , لا وكمان نصب نفسه رئيس يامر وينهي ويرفت ويعين.فريق الخلاء قال عنده شعبية اكثر من شعبية المهنين واتحدي بالانتخابات..فريق الخلاء لا يفرق بين الديمقراطية والشوري ويعتبر اااي شئ غير العسكرية فوضي.. فريق الخلاء لا يفقه طز من سبحان الله..فريق الخلاء عليه ان يطول رقبته اكتر عشان حبل المشنقة ح يكون عريض..ـــفريق الخلاء لابس رتبه عسكرية بالتعيين.فريق الخلاء استباح دم اهلنا في دارفور والجبال وغرقان في دمهم وح تطاردوا ارواحهم ودعواتنا عليه ولعناتنا..فريق الخلاء نمر من ورق صنعه البشير واحترق بامر الشعب..قرف يقرفهم..
    الكلمة المشطوبة دي هي ال ر ز ي ل ة

    (عدل بواسطة Mutasim Idris on 12-06-2019, 00:02 AM)

                  
حرية سلام و عدالة
|Articles |News |مقالات |بيانات

12-06-2019, 00:46 AM

Elhadi
<aElhadi
تاريخ التسجيل: 06-01-2003
مجموع المشاركات: 5284

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: Mutasim Idris)

    يا أخوانا في ناس بسطاء شديد ممكن يصدقوا الكلام الزي ده

    فالرجاء الابتعاد عن مثل هذه التخاريف لأنو حميدتي هو المسئول الأول والأخير عن المجزرة التي حدثت والقتل البشع الذي تم
                  
حرية سلام و عدالة
|Articles |News |مقالات |بيانات

12-06-2019, 03:45 AM

Hafiz Bashir
<aHafiz Bashir
تاريخ التسجيل: 04-12-2004
مجموع المشاركات: 3523

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: Elhadi)




    دا خطاب حميدتي بعد فض الإعتصام حينما كان يظن أن ذلك إنجاز وإنتصار
    في ذلك الوقت كان يفتكر أن فض الإعتصام معركة قد كسبها قبل أن يتبين له المأزق الذي دخل فيه وقبل أن يعرف أنه قد سقط إلى الأبد.
    في خطابه يحتفل بإنتصارات الجانجويد على الثوار بفك المتاريس وفتح الطرق
    ويتوعد الذين يضعون المتاريس بالملاحقة والمحاسبة
    لم يشر فيه حميدتي إلى أي مؤامرة من جهات أخرى بل حاول بكل وضوح شيطنة قوى الحرية والتغيير وإتهامها بالتأمر.
    لم يذكر حميدتي أي دور لقوات خارجة عن سيطرته في فض الإعتصام.


    محاولات تبرئة حميدتي لا يقبلها إلا عقل سقيم






                  
حرية سلام و عدالة
|Articles |News |مقالات |بيانات

12-06-2019, 04:50 AM

اْسامة اْباّرو
<aاْسامة اْباّرو
تاريخ التسجيل: 13-02-2008
مجموع المشاركات: 600

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: Hafiz Bashir)

    غايتو يا مولًانا خطاب المليشى ده بقول بوضوح ...
    يا شعب السًودان لا مكان للحريًات في قاموسى
    البديل ملئ بطن وسد حنك.
    أمًا ما يختص بالجًانب القانوني فيما حواه الخطاب الشحمان دى طبعاُ صنعتك زى ما بقولوا ..
    التًحيًة ليك ولصاحب البوست
                  
حرية سلام و عدالة
|Articles |News |مقالات |بيانات

12-06-2019, 11:09 AM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: اْسامة اْباّرو)

    و الله يا اسامة
    كونو حميدتي يصادر الحريات و يكون امتداد للدولة العميقة دا برضو مافي قاموسنا
    و يكفينا ٣٠ سنة عند تجار الدين

    خالص التحايا
                  
حرية سلام و عدالة
|Articles |News |مقالات |بيانات

12-06-2019, 11:04 AM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: Hafiz Bashir)

    مولانا حافظ
    الطريقة التي فضىبها الاعتصام تدل على ترتيب و تخطيط مسبق
    و الاختراقات في ميليشيات حميدتي لا ترفع عنه المسائلة
    و حميدتي بغباه ما مدرك انو الكيزان جروهو معاهم ل حبل المشنقة
    و خطابو دا يبلو و يضرب ميتو
    شكرا على المرور
                  
حرية سلام و عدالة
|Articles |News |مقالات |بيانات

12-06-2019, 10:59 AM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: Elhadi)

    حبيبنا الهادي
    بعد الحصل دا ما اظن واحد و لو بسيط يمكن يصدق الكلام دا
    و ما ممكن تقنع اي واحد أن قتل أكثر من ١٥٨ و جرح ما يزيد من ٥٠٠ دا كله كان عن طريق الخطأ
    و ما تنسى الإحصاءات لسة ما وقفت و جاري البحث عن مزيد من الضحايا خصوصا في النيل
    خالص التحايا
                  
حرية سلام و عدالة
|Articles |News |مقالات |بيانات

12-06-2019, 10:55 AM

عماد الدين الطيب عمر

تاريخ التسجيل: 22-09-2015
مجموع المشاركات: 824

للتواصل معنا

FaceBook
تويتر Twitter
YouTube


Re: سيناريو مذبحة القيادة عبر الواتس كلام يجن (Re: Mutasim Idris)

    Quote: سلام يا عماد..اااي محاولة لفريق الخلاء بتجميل صورة اساسا ما موجودة يبقي ضرب من التلفيق.الرواية الفوق دي فعلا مختلقة من فهم واحد (خليوي).فريق الخلاء حاول في اوووول اسبوع للاعتصام بفضه بحجة نضافة المنطقة وجاب جيش الخلاء بتاعه وخطب في الثوار وطردووووووه هو و زبالته.فريق الخلاء وصف منطقة الاعتصام ببورة للانحطاط وبمارس فيها كل اعمال ال################ه.فريق الخلاء صرح (تهديد مبطن) اكتر من مرة انه بامكانه فض الاعتصام لكنه لا يرغب.. وقال ح نجيب ليهم اكل وشراب في رمضان لوعاوزين (تمويه).فريق الخلاء لو كان جاد في عدم فض الاعتصام لحماهوا خاصة بعد التهديدات و المحاولات المتكررة بفضه واخرها كان في بداية رمضان.فريق الخلاء مليشته مخترقه حتي النخاع من جهاز الامن وبقية الاجهزة الامنيه في الدوله العميقة وهو عارف كده.فريق الخلاء سحب سلاح (الحراس) في القيادة العامة.فريق الخلاء يجهل حتي شوارع الخرطوم لكنه منفوخ بانه باسط الامن والاستقرار وكل مرة بتفشخر بانه انحاز للثورة وانه لو ماهو البشير كان ابادنا.فريق الخلاء شايف زبالته مستبيحة شوارع الخرطوم طول وعرض وهو مبسوط , لا وكمان نصب نفسه رئيس يامر وينهي ويرفت ويعين.فريق الخلاء قال عنده شعبية اكثر من شعبية المهنين واتحدي بالانتخابات..فريق الخلاء لا يفرق بين الديمقراطية والشوري ويعتبر اااي شئ غير العسكرية فوضي.. فريق الخلاء لا يفقه طز من سبحان الله..فريق الخلاء عليه ان يطول رقبته اكتر عشان حبل المشنقة ح يكون عريض..ـــفريق الخلاء لابس رتبه عسكرية بالتعيين.فريق الخلاء استباح دم اهلنا في دارفور والجبال وغرقان في دمهم وح تطاردوا ارواحهم ودعواتنا عليه ولعناتنا..فريق الخلاء نمر من ورق صنعه البشير واحترق بامر الشعب..قرف يقرفهم..
    الكلمة المشطوبة دي هي ال ر ز ي ل ة

    سلام حبيبنا معتصم
    اي محاولة لتلميع صورة حميدتي هي محاولة ميزانية رخيصة
    و معروف انو حميدتي هو أداة البشير لازالة كل معارض عن الطريق
    و حميدتي لا يتورع عن فعل أي شي لجعله و حماقته و طموحه القاتل
    ظنا منه أنه سيحكم السودان ب شوية مرتزقة
                  
حرية سلام و عدالة
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de