(adsbygoogle = window.adsbygoogle || []).push({}); لا أعتقد أن حميدتي كان كاذباً عندما قال أن هنالك من يلبسون زي الدعم السريع و ما يجري في الواقع من إقالات في صفوف جهاز الأمن لها دلالات وعدم شفافية من المجلس العسكري هنالك صراعات داخل جهاز الأمن بسيطرة من كتائب الظل ومليشيات الاخوان الشياطين والذين نفذوا هذه المجزرة ودخلوا المجلس العسكري في كستبانة وشلوا حركة المجلس العسكري اللي قالوا بالفم المليان ما حنفض الاعتصام ، ما حنفك طلقة ومازالت كتائب الظل ومليشيات عبد الحي والطيب مصطفى وأجهزة الأمن تمارس وبخبث إذلال الناس في الشوارع وخلق نوع من الفوضى وبزي الدعم السريع ، وعلى حميدتي أن يعلنها واضحة ويبرئء نفسه من الكارثة دي ويطلب تقديمهم للمحاكمة بما فيهم المتواطئين من المجلس العسكري وبي كده ، حنكون وفرنا وقت كتير خلصنا السودان من شر العباد
العزيز الهادي ممكن قوات الدعم السريع تكون شاركت ، لكن الكيزان كانوا بالخبث يختوهو في الواجهة ما تنسى إنو الكيزان خاتنها ليهو إنو رفض يقتل التلت عشان يعيشوا التلتين وحسع لازم حميدتي ومستشارنو يعرفوا إنو الكيزان هم الاعداء الحقيين ليهو وللشعب السوداني قاطبة وعايزين يحرقوهو ويكون عاقل ويقيف مع هذا الشعب البسيط ولك الود
06-10-2019, 04:47 AM
Bashasha Bashasha
تاريخ التسجيل: 10-08-2003
مجموع المشاركات: 25803
سلام ترهاقا نعم الكلام اللي قالو عثمان ميررغني ... كلام خطير وواضح انو في افراد وجهات خارج منظومة المجلس العسكري كانت مشاركة
لكن ايضا ما لهذه الدرجة وهي تبرة الجنجويد اذا كانوا لحد اليوم بيقتلو في الناس في الشوارع والفيديوهات البتوضح عضوية الجنجويد وممارساتهم تجاه الثوار مالية الانترنت وفي النهاية مهما حدث حميدتي جزء من كل الكلام ده
زي ما كان جزء من الابادات الحصلت في دارفور ايا كانت الخلافات داخل المجلس وفي موضوع فض الاعتصام زي حميدتي ولقي الفرصة دي تاكد انهم حايكتوا بيهو
والله يغطي علي عثمان ميرغني لكن الناس ديل ما بينضمنوا
06-10-2019, 05:06 AM
ترهاقا ترهاقا
تاريخ التسجيل: 07-04-2003
مجموع المشاركات: 8417
عزيزي كمال ، يا صديق الزمن الجميل، اخبارك يا راجل؟ الاستاذ عثمان ميرغني تحفظ على ذكر الاسماء ، وبالرغم من كده طلعت لستة بالمشاركين في الكارثة قمت نزلت اللستة لمجموعة أصدقاء في الواتساب ، قام رد علي صديق عزيز قال الاسماء دي واحد فيه ود عمتي ولا استبعد فيهو اي شيء ولكن هو مسجون، صراحة الحاجة دي لخبتتني أما في قصة حميدتي ، فالكيزان مستغلنه استغلال سيء ، وهو ما ناقش الحتة دي، ولا مستشارنه المستغلنه هم زاتهم لاعبين دور قذر أمثال مين كده الرزيقي
06-10-2019, 05:23 AM
Kostawi Kostawi
تاريخ التسجيل: 02-04-2002
مجموع المشاركات: 39979
العزيز جعفر ، اخبارك والاسرة الكريمة ، لا ابريء حميتدي من مجازر دارفور ، وذلك للجهل واستغلال الهالك عمر البشير ومعه منظومة الكيزان لهذا الرجل ( اقصد حميدتي) ولكن أنا شايف مسألة فض الاعتصام كان خارج عن طور المجلس العسكري نفسو، الحاصل ده أكبر من المجلس العسكري وحميدتي ، الكيزان لاعبين عليهم الاتنين وجهازهم الأمني المجلس العسكري المصنف كيزان هم أداة فقط ومثلهم حميدتي ، يا ريت يعقلوا ويختوا يدهم معانا ونتخلص من هذا السرطان
06-10-2019, 06:17 AM
اْسامة اْباّرو اْسامة اْباّرو
تاريخ التسجيل: 02-13-2008
مجموع المشاركات: 964
يا فنًان تحيًاتى .. ... ورطة حميتًى طموحاته ... وتسرًعة .. ثمً إغتراره... ومستشاريه .. حميتًى حرق نفسه بطموحاته اللًا محدودة بمحاولاة تنصيب نفسه الحاكم الفعلىً للبلاد .. مستشاريه الإنتهازيًين ساهموا فى تضخيم الذًات له .. تهديد وتصريحات ومغازلة لبعض طوائف المجتمع ذات الأوزان الصًفريًة .. وشراء الولاءات ذات عقليًة الإنقاذ ...الخ وبما أظهره من مشاعر عدائيًة تجاه الشًعب وممثلى الثوًرة أتاح لفلول المنظومة الأخونجيًة يد باطشة للإرتداد على الثورة وإجهاضها ومن ثمً الإنتقام منه لأحساسهم بأنه باعهم إن صحًت تصريحاته أوًل أيام الثًورة فى الإنحياز.. لو النًاس رجعت لأحداث الثًامن من رمضان حميتًى حاول تبرئة الجنجويد وردًد إنًو هنالك من ينتحل صفة جنوده وصرًح بأنً الحقيقة سنظهر فلا الحقيقة ظهرت ولا هو ثبًت موقف ولا هو إتًعظ .. بل سدرت مليشاته إذلالاُ وتقتيلاُ في المواطنين والموظًفين بتوثيق صورة وصوت. الرجل فى وضع صعب بعد أن خسر الشًارع لا فكاك له ممًا جرى ويجرى بمشاركة مليشاته غير المنضبطة وخبث رفقاء الأمس فى منظومة الإنقاذ... الإرهاصات وتصريحات المجلس الإنتقالى بالنًفى المتكرر لوجود أي خلافات داخل المنظومة الأمنيًة ربما ترسل إشارات لوجود شيء مًا ...
06-10-2019, 06:47 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
خمسة الاف جندي بزي الجنجويد مئات التاتشرات بلوحات الجنجويد وكل هذا حدث في ساحة القيادة مباشرة وقيام حراس القيادة والبحرية بطرد الضحايا قبيل المجزرة من يستطيع حشد كل هذه الامكانيات في ساحة القيادة غير حميدتي؟ اسي الكيزان ذاتهم ممكن يلمو مئات التاتشرات براهم ؟ من وين ؟ والكلام ده كلو كان لايف لمدة ساعة العالم كلو بشاهد وين كان الامن ووين المجلس العسكري ؟ معقول ما شافو المجزرة دي عشان يوقفوها من بدايتا ؟ ووين تصريحات حميدتي المعادية جدا قبيل المجزرة وتصريحات كباشي الاعترف فيها صراحة بأن العملية كانت مخططة لكولومبيا وانحرفت عن مسارها ؟ حميدتي وامن المؤتمر الوطني هم من يتحملون وزر الجريمة كاملة ولا يوجد ادنى شك في هذا ابدا .. وهي وقفت هنا ؟ امبارح بس اربعة قتلى الكلام ده يا ترهاقا يتقال لو كم نفر كده لبسو نظامي وقعدو ينهبو الناس في حتة نائية ، نقطة تفتيش ولائية ، او كتلو ليهم زول او سرقو ليهم مصيبة لاكين الاف العساكر ومئات العربات ومئات الضحاية وامام بوابة القيادة لا احد يمتلك هذا الكم من الوحشية والغباء سوى حميدتي وامن قوش ..
06-10-2019, 09:07 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا تهراقا دي النغمة الجديدة الحايمة اليومين ديل انو حميدتي بريئ و اتلعب!! اذكرك بتصريحين ليه, الاول قبل الاضراب بتاع اليومين وكيف كان متوتر و الاحباط و الغضب الظهر عليه بعد نجاحه ثم تصريحه الثاني عن منو الاكتر مننا قاعدة وهل احنا مقطوعين من شجرة! التصريح التاني دا وضح لي جدا انه يراهن على شعبيته البان فشلها في مسيرة التفويض المزعومة, ومن يفهم شخصية حميدتي المكابرة و التي ترفض الهزيمة كان واضح انه لابد يفشل حشد صلاة العيد الكان ح يكون تاريخي ويوضح مدى الدعم و الالتفاف الشعبي حول التجمع! لذا انا على يقين من ان قرار او رغبة فض الاعتصام قبل صلاة العيد دا صادر منه شخصيا الشي التاني لو آمنا بأن القتل كان من المليشيات و الأمن ماذا عن استباحة الخرطوم والقتل و الجلد و الترويع في ايام ما بعد فض الاعتصام!!
نعم منظر الجثث الملقاة في النيل و المثقلة بقوالب البلوك هز العالم وداعمي حميدتي و جعل الكل يغسل يده وفي الذاكرة شبح رواندا هذا ما جعل الكل يهرب من المسؤولية والولهم حميدتي لذا تنتظم الاسافير حملة لا أبرئ منها الدجاج تنادي ببراءة حميدتي!! وارجو ان لا يقع الناس في فخها حميدتي مدان حتى النخاع و حق الشهداء سيكون سببا في ذهابه إلى مزبلة التاريخ و اراحة المشهد السوداني منه ومن جنجويده مرة وللأبد
سلام يا ترهاقا المطلوب تحقيق شفاف بمشاركة اطراف محايدة للتحقيق في ما حدث حتى قيام ذلك التحقيق يظل المجلس العسكري هو المسؤول الأول والأوحد عن المذبحة لو جاء حميدتي وأدلى بمعلومات تقول أنه لم يشارك في المذبحة وأنه برئ فلن يكون لكلامه أي قيمة من غير تحقيق. المجلس العسكري الآن هو الجهة التي تعيق قيام تحقيق دولي شفاف بمشاركة أطراف محايدة لو أراد المجلس العسكري او حميدتي تبرئة أنفسهم عليهم السماح بالتحقيق.
06-10-2019, 10:57 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
بعد ان ظهر افراد من جيش الجنجويد فى شوارع الخرطوم يرقصون طرباً يوم 29 رمضان بعد فض الاعتصام وواضح من لهجاتهم وطريقة رقصهم واستخدامهم لثعبان الاصلة فى الرقص كلها اشارات تدل على انهم غير سودانيين حيث ان اللهجة لهجة غريبة ليست لهجة اهل السودان والموسيقى ايضا كذلك ليست موسيقى اهلنا فى دارفور
وحتى انعقاد محكمة للوصول للفاعلين الحقيقيين سواءا داخل السودان او فى المحكمة الجنائية الدولية سيظل حميدتى وجيش الجنجويد من الازرع الامنية المتهمة فى ارتكاب مجزرة 29 رمضان .
06-10-2019, 11:04 AM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
الحبيب ترهاقا تحياتي هذه الجريمة قطع شك تحتاج للجنة تقصي حقائق دوليه لان الغموض يكتنف المنفذين وعدد الضحايا والشركاء ولكن قطع شك حميدتي ليس وحده في هذه الجريمة هو شريك اصيل ومعه اللذين مازالوا يحركونه من امن وكيزان وهناك شركاء مناصرين لا نعلمهم المهم ان المستقبل السياسي لحميدتي في مهب الريح
06-10-2019, 12:24 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
الأعزاء كوستاوي، اسامة أبارو، عبد الله ادريس، محمد البشرى خالد عباس، حافظ بشير علاء سيد أحمد، حسن آدم، والدفعة محمد الشيخ
شكرا على مداخلاتكم الثرة ، وأنا شايف الايام الجاية حبلى بمفاجأة كتيرة لأنو الصراع القادن بإذن الله حيكون بين حميدتي الهبلوهو الجماعة دييل ومليشيات النظام الكيزاني غير كده حتكون في إنقسامات بيناتهم ستظهر على أرض الواقع في شكل صراعات مسلحة
06-11-2019, 03:24 AM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
ترهاقا وشركاه ليست جريمة كاملة...انما جريمة فظيعة مكتملة الاركان فالمجرم لابد ان يترك شيئا وراءه. استفزاز المجلس الانتقامي لوفد الحرية والتغيير تصريحات حميدتي وتصاعد لهجته وكان يردد (في الاول ..في الاول). وكأن المعتصمين يحتاحون تأديب. وكذب شمس الدين المتواصل . الزي الموحد لجميع العناصر التي شاركت قي المجزرة الرهيبة.وبدم بارد. اين كتائب علي عثمان ..والترابي..والدفاع الشعبي ومليشيات.اتحاد الطلاب الاجرامي اين الدبابين ..والانتحاريين والمستشهدين الذين كانوا يريطون رؤسهم الفارغة بعصابة حمراء..وتعدادهم يقوق عشرات الالوف اين كتائب الامن التي انضمت للجنجويد وعددها ثمانية مجموعات ؟ من من مصلحته فض (اتفاق تاريخي كان على بعد خطوة واحدة فقط) والس
السلام عليكم ورحمه الله وبركاته الحبيب ترهاقا و ضيوفه الدنيا دي كلها صورت و وثقت جرائم حميرتي و صحبه الجنجويد الاوغاد و المسألة أصبحت ظاااااهرة للعيان و ما فيها أي مساحيق او كريمات و تكبير جضوم و خلافه حميرتي و جنجويده غرقانين في الدم من ساسهم لراسهم أما مسألة ضيق و غضب و اختفاء و قلة ظهور حميرتي الايام دي دي قصة براااااها و دائرة ليها اثبات رواية الشي اللي انا سمعته تحت تحت يا ترهاقا يا اخوي قالوا جماعة عبد الواحد و فلول المسجون هلال قاموا بليل ب احتلال جبل عامل و معلوم انو جبل عامر دا مااااااا دهب و هو من أكبر مصادر التمويل ل حميدتي و جنجويدو و عايزين نتأكد من المعلومات دي و بالفعل دا قد يفسر اختفاء حميرتي من الأعين خلال الأسبوع الفات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ترهاقا
Elhadi
Bashasha
Kostawi
Abdullah Idrees
محمد البشرى الخضر
Hafiz Bashir
علاء سيداحمد
MOHAMMED ELSHEIKH
Ahmed Yassin
فيس بوك
تويتر
انستقرام
يوتيوب
بنتيريست