|
Re: أقترح andquot;تأجيلandquot; تنفيذ العصيان حتى نر (Re: عبد الباقي الجيلي)
|
تحياتي يا عبد الباقي
التأجيل يكون عندو معنى لو كان هناك تفاوض. ووفد التفاوض لدغ من جحر المجلس عدة مرات فما هي الحكمة من تكرار التجارب الفاشلة. المجلس لم يعد شريكا ولم يعد موضع ثقة. فإما أنه أمر بفض الاعتصام وما تبعه من إلقاء الجثث في النيل وإما أنه سكت على الفاعل. لذلك السير قدما نحو العصيان المدني هو الإجراء الصحيح.
وواضح أن هناك عقدة أمام المنشار. وواضح أنه ليس هناك تصور محدد للانفراج. ولكن أليس ذلك كان أيضا الوضع قبل الاعتصام؟؟ عندما قرر الثوار الاعتصام في محيط القيادة العامة يوم 6 أبريل لم يكن في تصور أحد الكيفية التي يزول بها البشير واتضح أخيرا أن قرار الاعتصام كان هو الخطوة الصحيحة. ولكن التطورات اللاحقة أثبتت أن ما حدث كان انقلاب قصر من جنرالات البشير في لجنة الأمن. الآن المطلوب هو التوكل على العصيان المدني وانتظار الانفراج ولسان الحال يقول: "يا غِرقْ يا جيت حازما" فما يحدث الآن في السودان مقدمة للفوضى لو تُرك الجنجويد يفعلون ما يريدون.
قرأت قبل قليل هذه القصة :
منقول من الفيسبوك:
شاهد عيان اعتقله الجنجويد صباح اليوم ثم أفرجوا عنه مساءً: كنت ماشي في الشارع جات عربية جنجويد لقت ترس قاموا وقفوني واي زول ماشي في الشارع و بدؤوا يضربوا فينا بسيطان العنج والعصي وقالوا لينا تزيلوا الترس ده.. بدينا نشيل في الحجار وهم يضربوا فينا وفيهم واحد كان مستقصدني شديد قال لي انت شكلك ود راحات السارقين البلد دي وبقى يضرب فيني زيادة.. بعد ازالة الترس قام أصر الا يرفعوني في التاتشر يسوقوني معاهم.. قعدوا يلفوا بالعربية وفي النهاية مشينا الساحة الخضراء البقت عاملة زي معسكر كبير للجنجويد كمية من عساكرهم وتاتشراتهم واقفه هناك.. نزلوني وبدوا يضربوا فيني بالسيطان.. شفت عدد كبير من الشباب محلوقين صلع ومعتقلين هناك مافي زول بيقدر يتكلم مع التاني والا حيتعرض للضرب. الجنجويد شغالين معانا زي العبيد الواحد منهم يديك سوط ويرسلك يقول ليك امشي جيب لي موية، تجيبها ليهو يشيلها منك وتاني يديك سوط. وشغالين فيها شتائم بالفاظ نابية يا لو.....ة الخرطوم و يا ود العزباء وغيرها من التهديدات بالقتل والذبح والاغتصاب والاساءات التي يعف اللسان عن ذكرها. سمعت بعضهم يتحدثون الى بعض باللغة الفرنسية وبلغات اخرى لم استوعبها ولم افهمها. أحد ضباطهم في المساء لقانا مجموعة مقعديننا قال ديل مالهم؟ قعدوا يحكوا ليهو ده عمل كده وده قبضناهو في الحتة الفلانية وهو يقرر يفكوك ولا يخلوك.. لامن جاء دوري قالوا ليهو ده لقيناهو في الشارع قلنا ليهو تعال فك الترس ده قعد يفك فيهو لكن بمرضنة ومياتة .. قال ليهم جزو تفته دي وادوهو كم سوط عشان يرجل وفكوهو.. فعلاً حلقوا لي شعري من المقدمة بصورة مشرتمة بعد داك اتناوبوا فيني كم واحد بالسيطان وبعد داك قالوا لي يلا أجري اجري قبال ما نديك طلقة. فجريت وانا أسب والعن فيهم وفي حميدتي وبرهان وعمر البشير الكان سبب وجاب ناس النهب المسلح ولبسهم كاكي وسلحهم واداهم رتب. في لحظة من لحظات الألم النفسي وانا ماشي في الشارع وبتذكر في حجم الاذلال والاهانة جاتني رغبة اني اتحصل لي على سلاح واقنص للجنجويد ديل والبلقاهو منهم اقتلوا لكن ارجع واتذكر شعارنا الرفعناهو من بداية الثورة دي والظل شهداءنا بيرددوه حتى في لحظات خروج الروح "سلمية سلمية". فما حنخون العهد وما حنحقق لهم مآربهم وننزلق بالبلاد الى النموذج السوري.. صامدون ومتمسكون بسلميتنا وحننتصر.
وحسبنا الله ونعم الوكيل فيهم.
ـــــــــــــــــــــــــــ ولدي من محيط الأسرة قصة مشابهة وهناك العشرات مثلها وبعضها ظهر في شرائح فيديو . إذن العصيان المدني أصبح مفروضا على السودانيين.
| |
|
|
|
|
|
|
Re: أقترح andquot;تأجيلandquot; تنفيذ العصيان حتى نر (Re: Yasir Elsharif)
|
مافي سبب لتأجيل العصيان المدني الوساطة الأفريقية هدفها الوصول لإتفاق بين المجلس العسكري وقوى الحرية والتغيير حول تشكيل حكومة. العصيان له أكثر من هدف واحدة منهم هي شكل الحكومة ولكن قبل ذلك لابد من محاسبة المتورطين في مجزرة 29 رمضان وما تلاها من عنف وإذلال ومحاولات تركيع للشعب السوداني.
بدون هذه المحاسبة لا يصبح المجلس العسكري أهلاً للتفاوض. ووضع الثوار أيديهم في يد المجلس العسكري الملوثة بدماء شهدائنا خيانة ليس بعدها خيانة
المحاسبة وتطهير المجلس العسكري قبل التفاوض
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|