|
|
|
 Re: العصيان المدني: طرق المقاومة السلمية والم (Re: Gafar Bashir)
|
الحاصل حاليا في امتداد ناصر وشارع اوماك فعلا حاجه ايجابيه الناس مترسه شارع اوماك كاملا من امس بجوا الدعم يفكوه ويضربوا نار ومعاهم دفار ورا الناس مقسمه تقسيم منظم وقاعدين في الضلام لمن يجوا اول واحد بشوفهم عنده صفاره بصفر للقدام لحدي ما الصفاره تسمعها الحله كلها
| |
  
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
-يجب تجنب الاحتكاك مع قوات الجنجويد بقدر المستطاع
-يتم تتريس الطرقات ومغادرة المتاريس عند حضور أي قوة من قوات الجنجويد ومليشيات المجلس العسكري الانقلابي
- التروس تتعمل ونتخارج ما نحرس ومجرد ما يفكهو تعاد لكن مافي زول يقعد فوق الترس مافي زول يحرس ليهو ترس
- نحاول بقدر المستطاع نعمل الترس بحاجات صعب تتزح
- تجهيز المخارج الآمنة والشوارع الجوة الحلة
- نعمل مواكب داخل الاحياء نوري الناس بالعصيان والاضراب واهميتم عشان نخلص من دولة الجنجويد
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
ولازم اذكر انو التواصل مع رتب مختلفة من الجيش مهمة كل مواطن
تخاذل الجيش بالنسبة لي كان متوقع لكن بعدا تحريضهم و تعبئتهم ضد الجنجويد مسألة مهمة جدا و بتضعف خضوعهم
دي مهمة اي مواطن الان
بتعرف زول بيحمل اي رتبة ايا كانت في الجيش شيل تلفونك و اتكلم معاه
ده واجبك الوطني
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
رسالة هامة الي ناس التروس؛
الشفاته يجيبو (زفت) من اَي مغلق ويكبوه في التروس حقتهم ويولعو فيه نار
حيستمر ساخن لمده لا تقل عن ٦ ساعات وصعب يتشال او يتزح من مكانه
فالناس ممكن تمشي بيوتها بعد تأمن التروس وتجي بعد الزمن ينتهي
الحاجه دي حتقلل مجهودنا كثوار وحتقلل الإصابات
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
الطيارين مضربين
القضاة و المحامين مضربين
الاطباء مضربين
الشركات الكبيرة كلها مضربة
بنك السودان مضرب
الجامعات مقفلة و الاساتذة مضربين
السكة حديد مضربة
الشوارع مقفلة
قوتنا في وحدتنا يا جماعة و المجلس العسكري الا يجيب ليهو شعب جديد يحكمو و لا غير كدا حيسقط بس
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
هنالك اشكالية فنية فيما يتعلق بالمتاريس حيث انها يسهل ازاحتها، لذا يجب ابدالها بحفر الخنادق - يتم حفر خنادق علي طول عرض الطريق علي ان يكون عرض الخندق 1 متر وان يتم ابعاد التربة المستخرجة ونثرها في مساحات متفرقة بعيدا عن الخندق.
الترس يمكن ازالته في نصف ساعة اما الخندق يحتاج الي ردم وتعبيد للطريق
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
| Quote: عيب تعملوا متاريس و تعطلوا حياة الناس عشان تصلوا للحكم، و الحاجات الحصلت و ماتوا الناس بالخطأ، و بالقانون حنقبض الناس الشغاله في موضوع المتاريس، و الناس القاعدين بره البلد و بتشرشحوا في الدعم السريع بنجيبهم. |
المتاريس يا فريق الخلاء ح تصل اوضة نومك يا ساقط.. والناس الشغالة في المتاريس هي نفس الناس الغدرت بيهم في اعتصامنا وحرقتهم او رميتهم في النيل..
اما قصة انك ح تجيب الناس القاعده برة دي كدي انت اقدر علي الناس القاعده جوة اول..
يا جعفر الثورة من بدات اتساقطت خلالها اهرامات وماتت ديناصورات وانسحقت حشرات وذباب كثير فيها..من رحمة ربنا علينا انه بفضح وبعري افراد وجماعات اتساقطوا زي ورق الخريف.
كل يوم بمر بزيد الشعب قوة والثورة منعة والوطن ده ح يصفوا فقط للاوفياء للشرفاء وللبشر.
الشباب ديل مبدعين وح يلاقوا الف طريق وطريق يحموا نفسهم ويجضموا متاريسهم.
صبرا جميل..
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
المفيد ... ناس السودان مطلوب من كل الشباب في أي حي التنسيق مع لجنة المقاومة في الحي ... لو ماف لجنة اعملوا لجنة .. بس ما تشتغل براك ولا تترس براك..
ترتبوا للعصيان من هسي .. تشرحوا للناس في الحي .. تكتبوا في الحيطة .. تتكلموا في الجامع .. المهم عصيان يعني عصيان ..
المطلوب بس حاجتين من أي زول في السودان.. الترس و العصيان .
اهم خط في العصيان هو بتاع الدكان و بتاع المخبز و بتاع الصيدلية.. تصلوهم الليلة و ترتبوا معاهم للعصيان ..
من يوم الاحد أي واحد في الحي يمشي يخت ان شاء الله ٥ جنيه عند الدكان عشان يكون الفول مجاني...
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
الناس البرة... كل يوم .. كل يوم .. كل يوم .. ترسل ١٠ رسائل لي اصحابك و اهلك تقول ليهم عصيان عصيان عصيان .. تشوف شباب الحي و ترتب معاهم كيف ترسل ليهم دعم مادي حتي لو بسيط .. لو ماف طريقة تحويل هسي .. خليها دين عليك في رقبتك ..
النت لو قطع تضرب تلفون لي ناس البيت كلو يوم تطمن عليهم و علي جيرانك و تقول ليهم عصيان عصيان عصيان.
اي هاشتاق مفيد شيروا.. اي اشاعات وكلام فاضي خليها تقيف عندك و رد علي صاحبها،،، متفقين علي السلمية و متفقين علي التركيز في العصيان و الترس .
الإصابات و حوجة المستشفيات للاطباء و الممرضين بتجي من جسم طبي زي لجنة أطباء السودان المركزية أو النقابة أو تنسيقية المهن الصحية ،، لما تشير ركز مع التوقيت ..
اي طبيب في أي مكان طوالي امشي علي لجنة الحي وخلي رقمك معاهم و خليك جاهز في أي وقت ،،، من يوم الاحد امشي جامع الحي ان شاء الله ساعتين بس بالصباح لعلاج الحاجات البسيطة..
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
اول ايام الاعتصام ماااااا تطلع من بيتكم تحت اااي ظرف او لاي سبب.. الا الشديد القوي.
لا للتجمعات الكبيرة.. لا للمواكب او المظاهرات..
حتي التروس عشان ما تبقي حجة وسبب للطلوع لو ازالوها ح تتبني تاااااني وتالت والف.
فريق الخلاء ومجلس العملاء عضتهم تسعر.. محاصرون ولا خلاص ليهم الا بافتعال جرائم وجرجرتنا للمواجهة المسلحة لشرعنة وجودهم.
ح يستعينوا باسيادهم وبكل اساليبهم في تحويل السودان لليبيا يمن او سوريا.. عاوزين يحرقوها ويقعدوا علي تلها.. وعندهم عبدالحي يفتي.
اطلاقا لا استبعد تفجيرات او سيارات مفخخة.. بعد استباحة اعراضنا وقتل و ربط الثوار بالصخور وبلوكات الاسمنت ورميهم في النيل لن استبعد اااي حاجة.
البقاء في البيووووووت فيه سلامة نفسك قبل انجاحك للعصيان او تفشيله..
العصيان المدني طريق للخلاص وطوق للنجاة..
اللهم اضرب الظالمين بالظالمين واخرجنا من بينهم سالمين آمنيين غانمين.
صبرا جميل.
شكرا معتصم ادريس
| |
|
|
|
|
|
|
|
|
|
Re: العصيان المدني: طرق المقاومة السلمية والم (Re: Gafar Bashir)
|
يا ناس ركزوا
الاتحاد علق عضوية السودان ماشغلتنا
ابي احمد جاي يتوسط ماشغلتنا
الامم المتحدة طلعت بيان تدين الانتهاكات ماشغلتنا
الاتحاد الأوروبي يدين الاعتداءات ماشغلتنا
روسيا دايره تعمل خطوات للضغط المجلس العسكري لتسليم ما شغلتنا
في انقسام داخل المجلس العسكري برضو ما شغلتنا
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Mutasim Idris
فيس بوك
تويتر
انستقرام
يوتيوب
بنتيريست