|
|
|
 Re: تصريحات لافتة لمساعد وزير الخارجية الامر� (Re: Elhadi)
|
ناس حميدتي يمثلني والبرهان يمثلني ديل حقوا يبردوا شوية، لأنهم بيعرضوا برة الدارة..
الصراع أسي حالياً بين الناس البتطالب بمدنية كاملة الدسم للدولة السودانية، وتحقيق كامل لمطالب الشعب والثوار.. وديل بمثلهم ميدان الاعتصام وتجمع المهنيين والقوى الواقفة ألف أحمر مع مطالب الشعب
وبين الناس البقولوا المجلس العسكري ده ( شريك حياتي) وعاوزين يدوهو جزء مقدر من السلطة خصماً على مدنية وديمقراطية الدولة السودانية.. وحتى لو أدى ذلك بطبيعة الحال لاستمرار النظام القديم بوجه من الوجوه..
ومحركهم الأساسي في ده هو هواجسهم وخوفهم على (مصالحهم)... (نفوذهم).. ودورهم التاريخي المزعوم، الماشي يتآكل لو قدر لهذه الثورة أن تمضي إلى غاياتها.. وديل بمثلهم الآن حزب الأمة والصادق المهدي على وجه التحديد
ومعاهو شوية جوقة كده ـ كلو واحد فيهم عندو غرضه المرحلي والتكتيكي من التحالف مع الصادق المهدي وعلى رأسهم عرمان الذي يبحث من خلال تسلق حزب الأمة عن دور جديد وظهور جديد له في الساحة
بعد ما بات غريب الوجه واليد واللسان داخل الحركة الشعبية وقوى الهامش ... أو في طريقه لكده مع التطورات والتحورات والتبدلات الماشة تحصل في (أمسودان) على قول أخونا كبر..
قفزة في الظلام من جخانين وكراكير مشروع (السودان الجديد) إلى حضن وجلباب الإمام الماهل وعقال الكفيل و دول البترودولار.. عل وعسى أن يهبط بسلام وأمان وفي الذهن تجربة انفصال جنوب السودان..
| |
 
|
|
|
|
|
|
|
|
Re: تصريحات لافتة لمساعد وزير الخارجية الامر� (Re: Elhadi)
|
عشان كده أنا بقول في المرحلة دي من يمثلني هو من يقف بالكامل مع مدنية وديمقراطية الدولة السودانية ويتبنى مطالب الثوار ويسعى لتنفيذها بالكامل
وبضمنها تحقيق العدل والإنصاف والمحاسبة على آلامنا و أوجاعنا كمجتمع وشعب طيلة الفترة الماضية، أياً كانت خلفيته أو لونيته السياسية تاريخياً..
ولست معنى على الإطلاق بأي مساومات ومماحكات سياسية ما دون ذلك مهما تلبست من أقنعة الموضوعية والعقلانية الزائفة أو تدثرت بقناع الوطنية أو الدين أو خلافه..
وهي في الحقيقة تستهدف الحفاظ على النفوذ والدور التاريخي المزعوم ( على غرار ما يفعل الصادق وحزب الأمة) أو الكسب السياسي الرخيص على غرار ما يفعل حلفاءه الصغار
| |
|
|
|
|
|
|
|
|
|
Re: تصريحات لافتة لمساعد وزير الخارجية الامر� (Re: Elhadi)
|
يا الهادى بالله نلقاها منك واللا من زهير؟
لو كاتب التغريدات هده مسؤول أمريكى كبير فانا وليم شكسبير.
الشاب الفطحل الكتب الكلام ده وقع فى أخطاء الواحد زهج زاتو من تعدادها.. خذ مثل
The population's rights .. و الصحيح the people's rights
الله يسامحكم
| |
|
|
|
|
|
|
|
|
|
Re: تصريحات لافتة لمساعد وزير الخارجية الامر� (Re: Abureesh)
|
يا أبو الريش
يا عزيزي وليام شكسبير..
ما في شاب فطحل ولا هم يحزنون ..
التغريدة من الحساب الرسمي لمساعد وزير الخارجية الامريكي للشئون الافريقية..
ويمكنك الاطلاع عليها في حسابه الموثق على التويتر
عاوز تطلعوا قادي انجليزي ولا شنو ؟؟
الله يكون في العون يا أبو الريش :)
| |
|
|
|
|
|
|
|
|
|
Re: تصريحات لافتة لمساعد وزير الخارجية الامر� (Re: Elhadi)
|
المشكلة يا الهادي انو آخر تغريدة في الحساب منشورة بتاريخ 20 مايو ولا توجد التعريدات الجبتها دي قي الحساب, غايتو لو ما طلع انه مسحها معناتها مسكت ليك في ضنب ككو غليد
https://twitter.com/tiborpnagyjrhttps://twitter.com/tiborpnagyjr
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Elhadi
Abureesh
محمد البشرى الخضر
فيس بوك
تويتر
انستقرام
يوتيوب
بنتيريست