|
|
|
 Re: π غلفا و شايلة موسا تطهر £ (Re: دفع الله ود الأصيل)
|
تخربمة:
[} گان معانا زميل مصري من المنبطحين؛ فسألته ذات
مرة: مين أفضل زعيم مر على أم الدنيا منذ فجر تاريخها،
مروراً بأبطال الهزائم ، عبد الناصر و أنور السادات و مبارك،
و حتى السيسي الليوني العفين دا. فعارفين قال لي شنو :
«دا اللي موقود طبعن» و اشترى دماغو ارتاح. بالله شفت
ليك جنس مغسة و فقع مرارة و بططان كبد متل دا؟!
| |
 
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
[} لا و إيه, كمان البرفع گثافتك أكتر إنو في واحدين كدا
ماني عارفم مالم, بدل ما يجرو گراع عمك دا يجيبون لينا
هنا، شايف مرشحنو لرئاسة مجلس الوزراء الموعود ( دا إن
وجد) و اللي أنا أصلن شايفو أقرب إلى لحسة گوع . تراهو
باقي لينا زي عصيدة و ملاحا في الريف.فشايف گيف!!
| |
|
|
|
|
|
|
|
|
|
Re: π غلفا و شايلة موسا تطهر £ (Re: معاوية المدير)
|
جابراني المغسة والله يا النشمي ود المدير .
و كان لي الحميرلاي ( و دي طبعن تسمية أوسكار
عديل ، تصل خمسة نجوم، مستلفها منك صخشيا).
فحميرتي دا زول لو فوقو فرد حاجتن واحدة ممكن
تخليك تعيرو اتلفاتة و لا تاخد سندة عندو هي طبعن
الصراحة راحة حد البجاحة . يعني بتاع « إنتا أمسك
لي و أنا بكطع ليك.. و للحاصل بي و الحاصل بيگ» ؛
و لا عندو أي قشة مرة ، و لا مانع من حگاية شيلني و
بشيلگ عديل كدا بالواضح المو فاضح. شايف گيف.
[} عمومن طلتك علينا والله براها عيدية، و هدا
تعظيم سلامات گوتارات مننا لگل أهلنا الصامدين
و القابضين على الحديد و النار من أهلنا ناس أتبرة
و قطار الشوق الجايينا مشرفنا من اتبرة.
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
Quote:
هههههههههههههههه، يا ود الأصيل الجابرك علي الوضوح شنو ؟!.
يا زول آل بيتو كل وآحد منهم شايلو موس ميتة كمان .
خُد عندك وآحد لا في العير لا في النفير يُدعى حميدتي ...
. |
[[} تحين يا ود المدير قت لي: منهم واحدين گوتار و واحدات
گوتارات لسة غلف ، نظام (كم طويل) و (Man On The Boat).
و برضهم حايمين بأمواسم ميتة؟. علا كدي تعال نزيدگ في الشعر
بيت : في واحدة تانية ألعن و أظرط ، و ما ظنيتك سمعت بيها ؛
ياخ دي كمان من النوع اللي« ببخرو فوقا و هي قاعدة تفسي »
اللهم إني صايم. يعني أعمار فانية في الجعجعة بلا طحين.
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
{] مصيبتنا مع زعمائنا بزماننا هذا، و في بلدنا الحبوب هذا ، سواء
منهم من كانوا «عساكر و حرامية» أم كانوا «رواعية» أحزاب معارطة
(العوبة يا نديمة)، من زمن الناس حونان؛ لا تهش و لا تنش و لا تأكل
مش ، أنهم مجرد طواغيت مؤلهون يريدون أن يعبدوا مع الله أو من
دونه. ذلك من أن قاسمهم المشترك الأعظم أنهم ، عدا من رحم ربي ،
و قليل ما هم، جهاليل بهاليل أجهل من « بهلول في إسطنبول»
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
Quote: [} گان معانا زميل مصري من المنبطحين؛ فسألته ذات
مرة: مين أفضل زعيم مر على أم الدنيا منذ فجر تاريخها،
مروراً بأبطال الهزائم ، عبد الناصر و أنور السادات و مبارك،
و حتى السيسي الليوني العفين دا. فعارفين قال لي شنو :
«دا اللي موقود طبعن» و اشترى دماغو ارتاح. بالله شفت
ليك جنس مغسة و فقع مرارة و بططان كبد متل دا؟! |
والله طبعا انت ضحية برويقندا عبدالناصر وجايي تتفشخر يا اغلف
اول واحسن رئيس مصري هو محمد نجيب وغيب عن وعي السودانيين والمصريين بدعاية الناصرية وتراهات ناس ابو عيسى والشيوعيين والناصريين عقاب الحرب ديل ..
الرئيس الذي دفن حي للاسف وكان يحب السودان والسودانيين يحبه وفي توب اسمه محمد نجيب
بعدين نحن سودانيين وست منستر رئيس وضبان ضكر دي ما بنعرفا نعرف دولة المؤسسات وكان في القصر الجمهوري ده اربعة كراسي ما فيهم جنرال واحد والدولة كانت مدنية البتنعق بيها هسة في 2019
من جلب الجنرالات الي القصر الجمهوري والانقلابات الرخيصة هو الرافع علم مايو لحدي هسة ويطاول علي ناس حزب الامة وحزب الشعب الديمقراطي بوعيو المعكوس ذى جعز الجمل ده
الانقلابات دي كلها مدانة وخلفها المخابرات المصرية والامريكية ونحن بنجي بي صناديق الاقتراع وما محتاجين لي اللف والدوران بالتسسو فيه ده
اقرا الكتاب ده اول حاجة يا مغييب
انت اجهل من المصري السالته ده وفي حلقة لي الشروق مرت من هنا سال محمد موسي من هو اول رئيس مصري كل المصريين قالوعبدالناصر وبعد شوية جابت ليه هوا لكن قال محمد نجيب اتلمو حولو ابان نظرات سوداء ديك ب البودو المعارضيين المصريين وراء الشمس من زمن الساقط عبدالناصر وهسة العلم ده يلزمنا
https://up.top4top.net/
وشفت بعد الف سنة ضوئية ما في شيوعي ولي ناصري ولي بعثي ولي كوز بجي بصنديق الاقتراع في السودان ولو ضريتو صوت المواطن في مليون
اقعدو ارفسو كده لحدي ما تدخلونا جحر ضب خرب
عاش ابو هاشم
| |
|
|
|
|
|
|
|
|
Re: π غلفا و شايلة موسا تطهر £ (Re: adil amin)
|
[} سلام عادل يا أمين. و طبعن لأنك ضيفي و زايرني لأول
مرة ، فإساءتك الشخصية لي و بدون سبب دي أنا ح أفوتا
المرة دي و بس ؛ علا عاد، اوعك تاني ما تكررا ؛ خسوسن
زي ماگ عارف إنو زفارة اللسان دي بقى أسلوب العاجز
و بضاعة الخاسر؛ و ما قاعدين نلجأ ليها إلا في حال إذا
دعت إليها بعض الضرورات التي تبيح المحظورات.
[} ثم تعال ياخي إنتا شايفك لامن نافخ أوداجك گدي
و شايت ضفاري على وين ماك مفهوم ظاطو . و لعلمك
و لا واحد من كول اللي أنتا ذاكرم ديل نحنا مو مالي قعر
عينا. بعدين محمد نجيب الأنتا متشدد ليو دا موش برضو
يطلع «جنرال» مستعمر و معلق إسبليطات على كتافينو؟!
يا بتاع سودانيين ويست منستر فال يا رايق إتا ؟!
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
تعريجة سريعة لابد منها:
[} بصراحة لو في إنسان يستحق مني
اعتذارا خطيا واضحاً و صريحا عن النبش
غريقاً في هذا التبن، فهو بلا منازع صديقنا
الصدوق اللدود الودود/ صديق مهدي علي :
زول صاحب روح مرحة و بديهة حاضرة ؛
و لديه سجعات محببة إلى نفسي. فلله دره
و له مني العتبى حتى يستغيث بالرضا.
| |
|
|
|
|
|
|
|
|
|
Re: π غلفا و شايلة موسا تطهر £ (Re: Ahmed Yassin)
|
Quote: سلام عادل يا أمين. و طبعن لأنك ضيفي و زايرني لأول
مرة ، فإساءتك الشخصية لي و بدون سبب دي أنا ح أفوتا
المرة دي و بس ؛ علا عاد، اوعك تاني ما تكررا ؛ خسوسن
زي ماگ عارف إنو زفارة اللسان دي بقى أسلوب العاجز
و بضاعة الخاسر؛ و ما قاعدين نلجأ ليها إلا في حال إذا
دعت إليها بعض الضرورات التي تبيح المحظورات.
|
ناس عطبرة ديل بنديهم بالحتة الفيها الحديدة ....اذا كانو شباب ومصربن يبارو البعاعيت والوعي المغلوط
اهم حاجة تكون عرفت اول رئيس حكم مصر محمد نجيب وما تكون غلفا وشايلة موسا تطهر
طيب نميري برضه جنرال الجابو القصر الجمهوري شنو ؟؟ مش الشيوعيين والناصريين وناس ابابكر عوض الله يعني بدعة الجنرالات دي بدوها الشيوعيين والحمدالله انتهو في عطبرة اما في البورد باقي اثنين بس معاوية المدير معاوية الصائم
والتاني ده من الضهاري ام الطيور رغم انه ما فيها سكة حديد البقاه شيوعي شنو ما عارف ؟؟
| |
|
|
|
|
|
|
|
|
|
Re: π غلفا و شايلة موسا تطهر £ (Re: adil amin)
|
Quote:
ود الاصيل
فيك متعة
صراحة انا اول ما وصلت للحتة (ببخرو فوقا......)
لم اتمالك نفسي من الضحك والله.
|
[} مين ، صديقي أحمد يس. وينك يا رجل ليك وحشة
والله، و الطلة عيدية . معقول الحتة دي ما ناقشة، و أنت
فارس الخيل و الليل و القرطاس و القلم؛ و كم أنت ضليع
في الإمساك بناصية الشوارد من حظيرة بنت عدنان؟!
[} و لكني أعذرك ، و لا تثريب عليگ في هذه المنگوتة
من بيت الگلاوي في قاع سحارة حبوبتي بت ود التاي.
[} عمومن، منتظرين ترشيحاتك لموضوع البوست .
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
في مجلس الخليفة ود تور شين:
[} واحد أوطنجي و جيلو مسخن لامن مكرتح عدمان الملينة.
جاتو فكرة {انقاذية} و يلا ركب الموجة جاء لمجلس خليفة المهدي،
ود تور شين ؛ و قاللو : سيدي ، أنا عندي آگولة في عضاني العسير
دي و ما خليت لي فگي (مفترس) ما بزغ لي فوقا؛ و چت عليهم
ما عالجوني . علا شفت لي شوفة في المنام إنك لو رقيت لي
فيها بتطيبني فسراع فسراع؛ و إن كان الشافي الله!!
[} انتشى الخليفة و قال ليه : سمح المبروك أمش هسي
و تعاللي النعزم ليك بعد صلاة العصر. الخليفة صلي بالانصار
العصر و ناداه (يا فلان ود فلانة ) أدن جاي و ابرگ لي قدامي
هنا! الزول مشي طوالي برك جاثيا على ركبتيه و اتفن للخليفة
و الذي مسكه و قعد يتمتم ليه في اضانوا بتعاويذ بصوت واطي ،
و گأنها آيات قرآنية مگسر. و بعد ما خلص الرقية ، المستنكح
رجع لبد ورا هنوووك ؛ و بلا الخليفة ركب خارجا في موگبه.
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
[} تحلق الأنصار حول الراجل حارقم الشمار قالولو : أها المبروك ،
شن نفرك مع خليفة المهدي؟! بتوسوس معاهو أها، شن قالك و شن
قلتلو؟! قال ليهم : قربو لي جاي و ارخو أضنيكم ، الخليفة قال داير
يعين أعيان و ملازمين جداد گرت گرتونة في كل البلاد؛ و قال : أي
وجيه جديد لازم يكون شريفي من سلالة أهل البيت، عباسابي جدو
النبي عديل . و أمرني أسجل الأشراف في {گرتلة} و أرفعا ليه على
الفور . و الشريفي منكم خليهو يجيني في البيت أسجلو. يلا ، كل
واحد من الجماعة مشي ليه في البيت عصرلو ريال أب عشرة
لضمان فرصة أن يشملوه ضمن جوقة الوجهاء المبشرين.
[} في يومين المحتال طلع بي مبلغ محترم و اتلحس عمل زغبير. لگن
مرت لحظات و گمان ساعات ضوئية و الخليفة ماعيًن و لا رفد أي وجيه
أو ملازم واحد ، لا قديم و لا جديد. الجماعة قبقبوه و قالولو: ياخوي يا
ترجع قروشنا يا نشگيگ للخليفة... قال ليهم : كدي لوگو لصبر شويةو أنا
هدا دربي للخليفة، أشوف لكم الحاصل سنو؛ أگيد في حاجة غلت.
[} المستنگح مشي للخليفة و قال ليه : سيدي الخليفة، تراها رقيتگ
سمحة بلحيل عضاني القريت لي فيها ، و الله بس الگمدة بؤ الرمدة ؛
بقت تسمع دبيب النملة السوداء و طنين البعوضة الحمقاء جوة تحت
الصخرة الصماء في عز جنح الليلة الظلماء. عشان كدا بترجاگ بعد
صلاة العصر، ترقي لي گمان برضگ في عضاني التانية ، اليمين.
[} العصر الخليفة ناداه: (فلان ود فلانة ) تعال جاي و أبرگ لي هنا
قدامي و يلا ، مسكو من أضانو اليمين و قعد يبزغاو فيها و يتفتف،
و يبرطم بالراحة ؛و بعداگ ركب حصانو و مرق فات في موگبه.
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
[} الجماعة الاتسجلوا في ورقة (الأشراف) تاني جو للمستهبل
و سألوه: أها الخليفة قال منو ومنو!؟ قاللهم: والله الخليفة قال
كلامن نُكر.كلامن حااار. نا بندار.. الخليفة قال: الأسبوع الجااااي
بيوقد تقااااااابة نااااار و نجيبلو الناس المسجلين ديل يحشرم
واحد تلو اللآخر في ألسنة اللهيب واحد واحد..عشان يمحص
الشريفي أصلي گبف من الفشنگ! تحين يا جماعة الشريفي
النار ما بتحرقو و أما الكضاب منكم بتاان بي الله بيلاقي
النار و بلاقي الخليفة ود تورشين. و أنا هدا من دربي
دا ماشي أسلم الگرتلة لسيدي خليفة خليفة المهدي!!
[} ياخي الجماعة ديل قالو الروب عديل و رقدوا سلطة
روب بالتبش الدردقوه .. و قعدو يحنسو لگ في المستنگح
ده يومين : المبروك يا ولض أمي، عليك الله تمسح أخوك عشان
أني شريفي و أي حاجة، والله ثحي، على لاگين نُص كُم ، من
امي بس ؛ المبروك اني صحي ماني شريفي ، علا بحب أسيادي
الأشراف فوق الله و الرسول، و من جوة تمرة فوادي ، فيا أخاي
تمسحني ينوبك ثواب! المبروك عشان يشطبم في الآخر وافق
على مضض ، و لگن بشرط هام:إنو أي زول عشان اسمه ينشال
من من اللستة يدفع خمسة ريالات أمهات عشرة و يديه عرض
گتافينو يبقى متخارج من سگات، و يا دار ما دخلك شر.
[} فا شنو ، تصور بالله الزول ده لو حاضر زمان
جلالة الملك {خازوق} الأول دا مع وزرانا البمشوا
يقرولم الفنجان عند حامد التايب و لا بلة الغائب في
الرگايب ، كان طلع لو بي كم گطعة واطة آخر ناصية
ينال في منشية الترابي ، مع ثروة طايلة في بنوگ
(مال/ يزيا) !!
∆ ثم لاحظ بالله تناغم الاسم دا زاتو حد التطابق
مع سهولة گنز و تطفيش الأموال موش موبااالغة؟!
∆ ود الحيشان الت لات ة
π رافع الأذان عاليا في جزيرة مالطة√
| |
|
|
|
|
|
|
|
|
|
Re: π غلفا و شايلة موسا تطهر £ (Re: دفع الله ود الأصيل)
|
أما الآن، في صبيحة هذا العيد الشهيد
و أبلغ شاهد و شهود على مشاهد الخزي
و الخذلان ، أمام آلة البطش و الجبروت و الطغيان.
فلم يعد لدينا بكنانة سهامنا ما نضيفه, اللهم سوى
صرخة غليان و نداء استغاثة بالرحمن: و؛قد اختلط
حابل تنابلة مجلس البرهان بنابل جنجويد بن سلمان
و كتائب ظل الگيزان بأذرع عبد الحي فقيه السلطان.
اللهم يا حنان يا منان ، فكما أريتنا مظاهر قوتهمم
فأرنا فيهم و أسبادهم عجائب قدرتك، آمين.
| |
|
|
|
|
|
|
|
|
|
Re: π قالولم: ياخي دا تيس قالو: يلا تعالو نحلبو £ (Re: دفع الله ود الأصيل)
|
@ يجب التنبه إلى أن دانياميكا منظق أشياء الثورة لما بعد المجزرة
باتت تختلف قلباً و قالباً عمّا قبلها من عدة أوجهٍ نجملها في ما يلي :
# لقد حاول عقابيل العسكر شرعنة أنفسهم بعد خلعهم كبيرهم مع أحذية بوتهم عند بوابة القصر، مستعينين بفلول
الرجعية والامبريالية الاسلاموية في مواجهة قوى الشعب العاملة ومكروا بذلك مكراً كُباراُ فلم يجدوا لهم من دون
الله أنصاراً و لم يزدههم مكرهم إلا ضلالاً و لم يسعقهم إلا خبالاً ، فلجأ إلي لعبة الاستقطاب الإيديولوجي (يمنةً
و يسرةً) ، ليُفاجأوا فقط بأن وعي الشعب المنتفض تجاوز تلك النفايات الحزبية والطائفية ، مماأفقدهم صوابهم
# فهُرِعوا لاستنهاض رُفاة ما يُسمى إدارات أهرليه فقالت لهم من بعثنا من مرقدنا هذا ، فصاروا أعجز من أن
(يحلبوا تيساً)، ثم راحو يعبثون بعذريته عله يتخمض فيخروا من بطنه سخلاً ميتاً،لبس فقط لأنهم يفتقرون الأيادي
القذرة والحيلة لافاضلة ، بل لأن مخلوعهم تركهم منزوعي الهيبة ؛ ثم هبَّت ثورة الشعب لتقذف في قلوبهم الرعب.
# ثم لجأوا إلى ا لخارج وهم لا يدرون بأنه ليس بمقدور كائن من كان أن يقبلهم علالةً على كاهله وبدون بضاعة مزحاةٍ
و رهان مقبوضة ولو أنه فعل ذلكلقد بات هذا المجلس الانتهازي اليوم أضعف من أن يقتل ذبابة إن يسلبه الذباب شيئاً
لا يستنقذوه منه ذعف الضارب والمضروب. لذا أتمني على قوى الحرية و التغيير ألا تقع في ذات الفخ الإستراتيجي
فُيفرون مخرجاً للطوارئ لهذه الطغمة العسكرية المتحكم في زمام أمرها) علماً بأنه ليس لديه سوى غير خيارين:
# أما أن يتنحوا و تسقط تالت، أو ييشهروا خناجرهم في نحور بعضهم بعضاً حتى يتغدى أحدهما بالأخر قبل أن يتعشى به
و هكذا ( يَمِيزَ اللَّهُ الْخَبِيثَ مِنَ الطَّيِّبِ وَيَجْعَلَ الْخَبِيثَ بَعْضَهُ عَلَىٰ بَعْضٍ فَيَرْكُمَهُ جَمِيعًا فَيَجْعَلَهُ فِي جَهَنَّمَ ۚ أُولَٰئِكَ هُمُ الْخَاسِرُونَ)
| |
|
|
|
|
|
|
|
|
|
Re: π فتا شوب� (Re: دفع الله ود الأصيل)
|
جابولكم رئيس القضاء و نايبو العام مچگنين
في نص صورة جماعية لامة (عسكر و حرامية)
قلتو دي (فوتاشوب). و كمان شمار عمك عصمان
عن «جهابذة» الغرفة يرضو بلعتوه ياه و قلتو
(فوتاشوب) . ياخ تطير عيشتو الفوتاشوب.
| |
|
|
|
|
|
|
|
|
|
Re: π فتا شوب� (Re: دفع الله ود الأصيل)
|
Quote:
ود الاصيل
فيك متعة
صراحة انا اول ما وصلت للحتة (ببخرو فوقا......)
لم اتمالك نفسي من الضحك والله.
. |
[} متعك الله بالصحة و العافية صديقي أحمد ياسين، و صبحك بكل صباحات رابحات
و بكل خير نافحات. و لسة مستنيك تضيف لي ستتنا من ترى . خسوسن و إنو الساحة
باتت تعج ب(الغلف و طهارات) و المضحكات المبگيات. و منهم متسلحون و متسلحات بألسنة حداد أحد من «شفرة دافنشي». و لكن ، حسبك قول المتنبي في مثل هذا المقام :
أفاضل الناس أغراض لذا الزمن
يخلو من الهم أخلاهم من الفطن
و حولي بكل مكان منهم خلق ، تخطي
إذا ما جئت في استفهامهم بمن
| |
|
|
|
|
|
|
|
|
|
Re: π قالك: دايرين وزير للقراية و آخرين للناس الجوة و البرة� (Re: دفع الله ود الأصيل)
|
{] مصيبتنا مع زعمائنا بزماننا هذا، و في بلدنا الحبوب هذا ، سواء
منهم من كانوا «عساكر و حرامية» أم كانوا «رواعية» أحزاب «معارطة»
العوبة يا نديمة ، من زمن الناس حونان؛ لا تهش و لا تنش و لا تأكل مش،
أنهم مجرد طواغيت مؤلهون يريدون أن يعبدوا مع الله أو حتى من
دونه. ذلك من أن قاسمهم المشترك الأعظم أنهم ، عدا من رحم ربي ،
و قليل ما هم ، جهاليل بهاليل أجهل من « بهلول في إسطنبول ».
| |
|
|
|
|
|
|
|
|
|
Re: π قالك: دايرين وزير للقراية و آخرين للناس � (Re: دفع الله ود الأصيل)
|
[} ولا ادري لماذا خطرت ببالي قصيدة للشاعر عمر ابو ريشة رحمه الله
والتي ايتق فيها ذات المعنى لتنزيله على حال حكامنا إذ يقول فيها :
أمتي هل لك بين الأمم *** منبر للسيف و القلم
ألقاك و طرفي مطرق *** خجلاً من أمسك المنصرم
متي كم غصة دامية *** خنقت نجوى علاك في فمي
ألإسرائيل تعلو راية *** في حمى المهد وظل الحرم ؟
كيف أغضيت على الذل ** ولم تنفضي عنك غبار التهم ؟
أو ما كنت إذا الباغي اعتدى موجة من لهب و بركة من دم ؟
اسمعي نوح الحزانى واطربي..وانظري دم اليتامى وابسمي
و دعي القادة في أهوائها *** تتفانى في خسيس المغنم
رب وامعتصماه انطلقت *** ملء أفواه الصبايا اليتّم
لامست أسماعهم لكنها *** لم تلامس نخوة المعتصم
أمتي كم صنم مجدته *** لم يكن يحمل طهارة صنم
لا يلام الذئب في عدوانه *** إن يك الراعي عدو الغنم
فاحبسي شگواك فلولاك ما كان في الحكم عبيد الدرهم
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
دفع الله ود الأصيل
معاوية المدير
adil amin
Ahmed Yassin
فيس بوك
تويتر
انستقرام
يوتيوب
بنتيريست