اكتمل وصول كل التشكيلات والأفراد ... جاري الآن اكتمال وصول التشوين العسكري ... سوف يتم إلاعلان عن قيام تحالف الثورة السودانية العسكري ... واول مطالبه التسليم الكامل والشامل لقيادة الجيش والدعم السريع والأجهزة الأمنية ...... يتم الآن تنسيق وتعاون كامل بين الحركات المسلحة وبعض الحلفاء من قيادات حزبية داخل الخرطوم علي علاقة ببعض ضباط الجيش ... الهدف قيام انقلاب عسكري بواسطة الحركات المسلحة بالتنسيق مع بعض ضباط الجيش تقوم فيه جيوش الحركات باحتلال الأماكن الحيوية ومحاصرة القيادة العامة للجيش والحاميات العسكرية علي أن يعلن بواسطة ضباط من الجيش السوداني .... ومن ثم تبدأ حرب لا تبقي ولا تذر لاخضاع قيادة وحاميات الجيش والأجهزة الأمنية .من مسرح عمليات عاصمة البلاد ...
05-25-2019, 03:39 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
دا كلام الدجاج و ناس اسحق و الطيب مصطفى يا قريبك ما تخم ساي الحركات عدا عبد الواحد و الحلو مزبطين امورهم من لقاء ابوظبي و ماشين على توقيع اتفاقيات عبد الواحد صابيها في جبل مرة والمعسكرات ما بمرق شبر الحلو امورو طيبة و عايز سلام عادل وحقيقي قول خير انت بس
05-25-2019, 03:55 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
انتا قايلني عثمان مريسة .... هههههه الكلام الانا قتو في المداخلة التانية دي معلوم ومعروف ومشاهد من كل سكان الولاية ... وبالطبع معلوم اوي للثوار خاصة ساكني وصابي القيادة ... ولا أحد يستطيع نفي الظواهر الغير طبيعية التي تحدث أمامه.. دا بالنسبة لي دفتر الحضور الثوري ... بالنسبة للسيناريوهات ... ما ذكرته هنا يمثل التوقع الأصح خاصة إذا سمعته من مختصين ...
05-25-2019, 03:57 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11562
Quote: يا صلاح سلامات يا خوي الخبر ده شكله ما صحيح.. تحياتي
حبابك محمد .. اهم حاجة صحتك يا شيخ محمد ... عندي صاحبي شديد شيوعي قال لي يا صلاح بقيت احضر الحبة البختوها تحت اللسان (قالو بتعمل كونترول للضغط البيعمل شوتنق كل ما سمع خبر ما يا هو) كل ما جيت اقرا بوستاتك ... مافي مشكلة يا محمد يجوز كلامك صاح .... ربنا يحفظ البلد ...
05-25-2019, 04:19 PM
عبدالقادر محمد عبدالقادر محمد
تاريخ التسجيل: 07-09-2018
مجموع المشاركات: 2790
هو ما خامي ساي بل هو صانع هذا الخبر الضلالي ------------------------------------------------------------ هههههه الله يكفينا شر المغرضين يا عبدالقادر سؤال للاخ صلاح الشئ خمسة جيوش فرد مرة؟؟ ديل جوا هابطين بالبرشوت؟ ام عبر انفاق تحت الارض؟ ما كفانا حميدتى وعيالو؟
05-25-2019, 04:51 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
ابدا" يا عزيزنا محمد عبدالله .. فقط شعرت من سؤالك بي شوية انزعاج من جانبكم ولم أرفض كلامك وبالعكس اقررت بأن كلامك قد يكون صحيحا وما تبقي من كلامي لا يخلو من مداعبة ... تحياتي يا زول يا سمح ...
Quote: هو ما خامي ساي بل هو صانع هذا الخبر الضلالي ------------------------------------------------------------ هههههه الله يكفينا شر المغرضين يا عبدالقادر
حبيبنا حسن فرح .... مع كامل احترامي وتقديري لي شخصك الكريم جدا انتقادي كان لطبيعة الأسئلة التي توجهت بها لي ولا علاقة لها بشخصكم .... إن كان هناك شيء يقال فهو غرضي (مغرض) من البوست ومحتواه فهو عكس لما يدور بين الناس همسا واحيانا كثيرة بي صوت اعلي داخل مجتمعات كثيرة في الخرطوم .... لا ادين بأي أيديولوجيا ولا صلة لي بأي حزب ولا احمل أجندات قوي خارجية ... يهمني هذا البلد كما الجميع .... اعتذاري العميق إذا ساءك ما كتبت .. الوليد عبدالقادر ... وليد دي مش عشان صورتك المسمسم فيها دي ... وليد دي أثبتها بعضم كيبوردك في الكثير جدا من البوستات الساذجة التي لا تحمل مضامين او فكرة ... بس شغل عيال ساكت كما تعليقك أعلاه الذي كتبته عاطفيا" ساكت دون أعمال عقلك ... هذا ما أردت قوله ....
05-25-2019, 06:27 PM
Hassan Farah Hassan Farah
تاريخ التسجيل: 08-29-2016
مجموع المشاركات: 11404
التلاتة اسألة اعلاه الا تري فيها شيء من عبط وجهل واستهزاء .. ------------------------------------------------------------------------ على طول كدا يا صلاح؟ يا اخى طول نفسك شوية انت جيت شايل ليك خبر خطير وعرضته علينا فمن الطبيعى ان نسألك الجيوش الخمسة دى دخلت الخرطوم كيف ؟ انت قلت الخبر دا سمعتو مش كدا؟ احب اقول ليك النقل ليك الخبر دا هو الاستعبطك لان الجيش كوحدة عسكرية منظومة ضخمة تتكون من عدة فرق دعنى اعطيك فكرة عن الوحدات العسكرية الوحدات العسكرية الرقم الوحدة وحدة جيش القائد تكوين الوحدة عدد أفرادها Ø قسم N/A جندي أول إلى عريف قسم مشاة صغير 2 إلى 4 • جماعة أو طاقم 2+ fireteams or 1+ cell عريف إلى رقيب قسم مشاة صغير من 8 إلى 12 •• حظيرة SQUAD , CREW , PATROL ,SECTION رقيب إلى مساعد أول قسم مشاة صغير من 8 إلى 12 ••• فصيلة PLATOON , TROOP ملازم إلى نقيب من 2+ جماعات-حظائر من 26 إلى 55 I سرية COMPANY نقيب إلى رائد من 2 إلى 8 فصائل من 80 إلى 255 II كتيبة BATTALION رائد إلى عقيد من 2 إلى 6 سرايا من 300 إلى 1,300 III فوج Regiment مقدم إلى عميد 2+ كتيبة من 1,000 إلى 3,000 X اللواء BRIGADE عقيد إلى عميد من 3 - 6 كتائب من 3,000 إلى 5,000 XX فرقة DIVISION عميد أو لواء من 2 إلى 4 ألوية من 10,000 إلى 30,000 XXX فيلق CORPS لواء أو فريق من 2+ فرق من 40,000 إلى 80,000 XXXX جيش FIELD ARMY فريق أو فريق أول من 2 - 4 فيالق من 100,000 إلى 200,000 كما ترى منظومة الجيش مصيبة ضخمة جدا ولا يعقل ان تدخل خمسة جيوش الخرطوم بدون ان يراها الناس دعك من الاجهزة الامنيةوبالتالى هذا الخبر الذى نقلته لنا مجرد fake news وصاحبك الذى نقله لك يسموه fake news generator نصيحتى ليك خذ حذرك من العينة دى
05-25-2019, 08:03 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
Quote: خمسة جيوش للحركات المسلحة تصل الخرطوم وتوقع علي دفتر الحضور الثوري ...
لا أظن بأن الأخ حسن فرح لا يعرف جيوش الحركات المسلحة كما ورد في عنوان البوست ولم يقرأ متن البوست في المداخلة التانية المشروح فيها من وصل من السودانيين خلال الأربعين يوم السابقة ... بالتأكيد لا أتكلم عن الجيش الأمريكي او الجيش الأحمر وإنما أعضاء خمس مليشيات يعرفهم كل السودانيين وهم فرقتي الحركتين الشعبيتين يتسلل منهم لواء او لواءين للخرطوم مدعومة بي كتايب من العدل والمساواة وحركة مني وحركة نور وبي تنسيق تام من الأحزاب ذات المصلحة التي تنتظر بفارغ الصبر السيطرة علي الحكم في الخرطوم يساعدها في كل ذلك سهولة الوصول من أي بقعة في السودان لأي بقعة اخري بعيدا عن عيون الأمن.... ومن ثم يبدأ تدمير السودان الحقيقي من مسرح المعارك داخل العاصمة المثلثة الخرطوم ... الموضوع ما محتاج لي خيال ... بس شوية (ارجع البصر) وأتمني أن أكون مخطأ" ...
05-25-2019, 08:50 PM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
أي بقعة في السودان لأي بقعة اخري بعيدا عن عيون الأمن.... ومن ثم يبدأ تدمير السودان الحقيقي من مسرح المعارك داخل العاصمة المثلثة الخرطوم ... الموضوع ما محتاج لي خيال ... بس شوية (ارجع البصر) ==================== حبيبنا ودالزبير واذا كان حديثك استنتاج وقراءة للاحداث من داخل الوطن يكون الوضع خطير يعني ننزح على مصر بدل الخرطوم
تحياتي الحبيب ودالزبير
05-26-2019, 06:32 AM
Nasr Nasr
تاريخ التسجيل: 08-18-2003
مجموع المشاركات: 11355
Quote: يتم الآن تنسيق وتعاون كامل بين الحركات المسلحة وبعض الحلفاء من قيادات حزبية داخل الخرطوم علي علاقة ببعض ضباط الجيش ... الهدف قيام انقلاب عسكري بواسطة الحركات المسلحة بالتنسيق مع بعض ضباط الجيش تقوم فيه جيوش الحركات باحتلال الأماكن الحيوية ومحاصرة القيادة العامة للجيش والحاميات العسكرية علي أن يعلن بواسطة ضباط من الجيش السوداني .... ومن ثم تبدأ حرب لا تبقي ولا تذر لاخضاع قيادة وحاميات الجيش والأجهزة الأمنية .من مسرح عمليات عاصمة البلاد ...
دا خبر وصلك ولا دي مجرد أحلام وكوابيس ؟؟؟ علي العموم كان خبر ورينا المصدر في هذه اللحظة التاريخية الحرجة وخطرة جدا عليك الله خافه في خلقه دا ما وقت كلام خطير زي دا يترمي بالطريقة دي إذا كان خبر ومؤكد فأرجو أن تسعي لأصحاب الشأن بما تعرف
تعرف البشكك في صحة السيناريو بتاعك دا إنأك صلا ما جبت سيرة لقوات الدعم السريع وحميدتي وأي عاقل في الدنيا شايف "قوة" هذه المليشيا المجيشة والمهتمين عاملين ليها ألف حساب (وكان جيوش الحركات المسلحة والذين حاربوهم في دارفور متغابيين ولا ما شايفيين الحكاية دي تبقي مصيبة)
مفهوم التخوفات والهواجس في مثل هذه الظروف وعشان نعدي المرحلة دي بخير تكاتفنا كلنا كأمة ضروري جدا دا ما وقت صراعات نشاط جامعة الخرطوم يمين ويسار ، كوز وشيوعي ....... المرحلة أحرج مما نتصور
لكي نعبر لبر الأمان : تصل السلطة للشعب في شكل حكومة مدنية محمية من قوات الشعب المسلحة إعمال العدالة الانتقالية كل من نهب مالا للشعب يرجعه ونتفاوض في مسائل القتل والتعذيب وتسبيب العاهات: عفوا ودية أو قصاصا وبعدها نسعي نبني وطن خير ديمقراطي فيه مجال للجميع للتبشير السلمي ببرامجهم بما في ذلك ناس الإسلام السياسي وأنصار الدولة الدينية وكل أنواع السلفية والسلفيون
05-26-2019, 10:32 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
Quote: اكتمل وصول كل التشكيلات والأفراد ... جاري الآن اكتمال وصول التشوين العسكري ... سوف يتم إلاعلان عن قيام تحالف الثورة السودانية العسكري ... واول مطالبه التسليم الكامل والشامل لقيادة الجيش والدعم السريع والأجهزة الأمنية ...... يتم الآن تنسيق وتعاون كامل بين الحركات المسلحة وبعض الحلفاء من قيادات حزبية داخل الخرطوم علي علاقة ببعض ضباط الجيش ... الهدف قيام انقلاب عسكري بواسطة الحركات المسلحة بالتنسيق مع بعض ضباط الجيش تقوم فيه جيوش الحركات باحتلال الأماكن الحيوية ومحاصرة القيادة العامة للجيش والحاميات العسكرية علي أن يعلن بواسطة ضباط من الجيش السوداني .... ومن ثم تبدأ حرب لا تبقي ولا تذر لاخضاع قيادة وحاميات الجيش والأجهزة الأمنية .من مسرح عمليات عاصمة البلاد ... +++ البوست في المداخلة التانية المشروح فيها من وصل من السودانيين خلال الأربعين يوم السابقة
البنتاجون عشان ينفذ عملية "خليج الخنازير" لمعارضين لكاسترو في كوبا احتاج سنوات للتجهيز. البنتاجون يا "الكمهندس"
عباراتك ذاتا ما محسوبة صاح
- اكتمل - جاري - سوف يتم الإعلان - يتم الآن - تسليم كامل - انقلاب عسكري - إخضاع القيادة - خمسة جيوش
دا كله في أربعين يوم؟ النفسا بتحتاج لأكتر من كدة!
___ حفلة الطهور بتاخد شهر ترتيبات عند أسرة ميسورة.
Quote: ما ذكرته هنا يمثل التوقع الأصح خاصة إذا سمعته من مختصين ... +++ ومحتواه فهو عكس لما يدور بين الناس همسا واحيانا كثيرة بي صوت اعلي داخل مجتمعات كثيرة في الخرطوم ....
بس عباراتك مؤكدة! - اكتمل - جاري - سوف يتم الإعلان - يتم الآن - تسليم كامل - انقلاب عسكري - إخضاع القيادة - خمسة جيوش
بعدين داك برضو قال كدة! قال هو (بينقل بس).
Quote: النظام دا لازم يرحل اليوم قبل بكره... لانه عايز يفتن ويهتك النسبج الإجتماعي بالسودان. كضب وتلفيق بصورة ابيخ من بايخة. . أنا بنقل بس.
__ الفرق بينك وبينو إنو بيعرف يزبط الصور ويسوط الفيسبوك.
Quote: ما ذكرته هنا يمثل التوقع الأصح خاصة إذا سمعته من مختصين ... +++ لا أتكلم عن الجيش الأمريكي او الجيش الأحمر وإنما أعضاء خمس مليشيات يعرفهم كل السودانيين وهم فرقتي الحركتين الشعبيتين يتسلل منهم لواء او لواءين للخرطوم مدعومة بي كتايب من العدل والمساواة وحركة مني وحركة نور وبي تنسيق تام من الأحزاب ذات المصلحة التي تنتظر بفارغ الصبر السيطرة علي الحكم في الخرطوم يساعدها في كل ذلك سهولة الوصول من أي بقعة في السودان لأي بقعة اخري بعيدا عن عيون الأمن....
يمثل التوقع؟ يتسلل؟ يعني بتتخيل؟ بس أنت قلت (اكتمل، جاري، يتم الآن) صيغة الماضي المؤكد! بعدين خليك على رأي، سمعت من (مختصين) بنفسك ولا (يدور بين الناس همسا) ولا (مجتمعات كثيرة)؟
Quote: ومن ثم يبدأ تدمير السودان الحقيقي من مسرح المعارك داخل العاصمة المثلثة الخرطوم ...
(السودان الحقيقي) هو العاصمة المثلثة الخرطوم؟ ولو ما قاصد كدة أشرح لينا (السودان الحقيقي) دا شنو عندك أنت بالضبط.
=====================
Quote: كما ترى منظومة الجيش مصيبة ضخمة جدا ولا يعقل ان تدخل خمسة جيوش الخرطوم بدون ان يراها الناس دعك من الاجهزة الامنيةوبالتالى هذا الخبر الذى نقلته لنا مجرد fake news وصاحبك الذى نقله لك يسموه fake news generator نصيحتى ليك خذ حذرك من العينة دى
دا فني ساوند سيستم بنوم في المكتب، العرفو شنو بالجيوش؟ اليعرف أول لوائح العمل وقواعد المهنية البتمنع نشر أسرار المؤسسات المخدمة.
وبالضبط، تلفيق أخبار، وهو لا يختلف عن (زميله) التاني الكان بيلفق الأخبار بنفس النهج دا. وبالفعل الماضي، المؤكد
Quote: واحمد الله أن جعل قلبي وعقلي عامرا" بقضاء الله ومؤمنا" بعطاءه ... عند الثالثه صباح الجمعه ونحن نيام في منزلي الذي يبعد 300 كيلومتر عن مدينة ابوظبي صحيت علي رنين هاتفي وعرفت أن المحادثة من ماليزيا حيث يدرس ابني احمد ... حملت الهاتف وذهبت الي الصالون بعيدا" Re: مواقف غريبة ..Re: مواقف غريبة .. +++ السواقه في رمضان لمسافة 300 كيلو وانتا صايم موت احمر .. وصلت أبوظبي المكتب الرئيسي للشركة عند منتصف النهار وقمت بتدوين مذكرة تسليم وتسلم للأعمال التي سوف يتم تنفيذها أثناء غيابي واستلمت تذكرة السفر ... من المفترض أن أذهب لبيت اخي داخل أبوظبي لنيل قسط من الراحة ومن ثم الذهاب الي المطار ... أثناء نزولي من مكاتب الشركة الي العربة استلمت محادثة من صديقي وزميل العمل في منطقة الرويس حيث اسكن واعمل Re: مواقف غريبة ..Re: مواقف غريبة .. +++ بعد اسبوع من الحادث الثاني تم نقل ابني من ماليزيا الي الرويس بعد أن تم الغاء سفري. Re: مواقف غريبة ..Re: مواقف غريبة ..
الأخ ناصر ... تحياتي ... كنت اتمني مداخلتك تكون بغير هذا السؤال الاستفزازي ... لكن الله غالب ... بقية مداخلتك أدناه حاولت أن أرد بما أعلم ... شكرا" لمرورك من هنا ...
Quote: دا ما وقت كلام خطير زي دا يترمي بالطريقة دي إذا كان خبر ومؤكد فأرجو أن تسعي لأصحاب الشأن بما تعرف
أصحاب الشأن يعلمون بكل التفاصيل وعلي حسب ما يتداول في المدينة فهم علي استعداد تام لمواجهة ما يستجد ....
Quote: تعرف البشكك في صحة السيناريو بتاعك دا إنأك صلا ما جبت سيرة لقوات الدعم السريع وحميدتي وأي عاقل في الدنيا شايف "قوة" هذه المليشيا المجيشة والمهتمين عاملين ليها ألف حساب (وكان جيوش الحركات المسلحة والذين حاربوهم في دارفور متغابيين ولا ما شايفيين الحكاية دي تبقي مصيبة)
الحملة الشرسة جدا" ضد حميدتي وقوات الدعم السريع جزء أساسي من خطة ال٥ جيوش والأحزاب الداعمة لهم ... بعضهم يشارك فيها عن وعي والبعض الآخر عميان ومسكو عصا ... انتشار الدعم السريع داخل الخرطوم سببه الرئيسي هو مواجهة ما سيحدث ....
Quote: مفهوم التخوفات والهواجس في مثل هذه الظروف وعشان نعدي المرحلة دي بخير تكاتفنا كلنا كأمة ضروري جدا دا ما وقت صراعات نشاط جامعة الخرطوم يمين ويسار ، كوز وشيوعي ....... المرحلة أحرج مما نتصور
تركيز الجميع في ق ح ت هو اللهفة في تملك السلطة المدنية من (العدو) وهو المجلس العسكري حتي لو تم سلبها بواسطة هذه الجيوش في اليوم التاني ...
Quote: لكي نعبر لبر الأمان : تصل السلطة للشعب في شكل حكومة مدنية محمية من قوات الشعب المسلحة إعمال العدالة الانتقالية كل من نهب مالا للشعب يرجعه ونتفاوض في مسائل القتل والتعذيب وتسبيب العاهات: عفوا ودية أو قصاصا وبعدها نسعي نبني وطن خير ديمقراطي فيه مجال للجميع للتبشير السلمي ببرامجهم بما في ذلك ناس الإسلام السياسي وأنصار الدولة الدينية وكل أنواع السلفية والسلفيون
هذا ما نتمناهو ونتفق مع أبعاد الإسلاميين خلال الفترة الانتقالية علي أن تتم محاكمة من اجرام منهم وأبعاده عن الحياة السياسية مدي الحياة ويدخل كل السودانيين للإنتخابات العامة ليحكمنا من يفوز فيها ... من المطالب المهمة التي يجب إنجازها خلال الفترة الانتقالية تفكيك وتسوية كل الوظائف التي تم الحصول عليها عن طريق التمكين بي قانون جديد للخدمة المدنية يراعي متطلبات الكفاءة ... يعني ما ينفع تشيل كوز عشان تخت شيوعي ... وهكذا .....
05-26-2019, 07:13 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51129
Quote: لكي نعبر لبر الأمان : تصل السلطة للشعب في شكل حكومة مدنية محمية من قوات الشعب المسلحة إعمال العدالة الانتقالية كل من نهب مالا للشعب يرجعه ونتفاوض في مسائل القتل والتعذيب وتسبيب العاهات: عفوا ودية أو قصاصا وبعدها نسعي نبني وطن خير ديمقراطي فيه مجال للجميع للتبشير السلمي ببرامجهم بما في ذلك ناس الإسلام السياسي وأنصار الدولة الدينية وكل أنواع السلفية والسلفيون
شكراً نصر،، الزول والله ليه زمان ما قرأ ليهو مكتوب بمثل هذا الصدق والواقعية،، دون توجيهك هذا الموت الزؤآم للجميع بدون فرز،،
يا صلاح زبير مشكور علي إستعدادك للحوار في هذا الموضوع المهم جدا وآسف لو حسيت بالإستفزاز في سؤالي دا ما كان المقصود
المقصود وما زال معرفة المصدر وصحة ما ورد
أها لمن قلت الكلام دا
Quote: أصحاب الشأن يعلمون بكل التفاصيل وعلي حسب ما يتداول في المدينة فهم علي استعداد تام لمواجهة ما يستجد ....
أطمأننت قليلا وأنزعجت كثيرا مصدر الإنزعاج أنه ربما كان أصحاب الشأن (من جيش وأمن وأستخبارات) ربما كان هم مصدر المعلومة
ناس الأمن والمخابرات الكتلوا أكثر من 90 شهيد في هذه الثورة وأكثر من 200 في ثورة سبتمبر 2013 (وآلاف أخري قضت في أقبية التعذيب ) هؤلاء الأوغاد القتلة لا يمكن الثقة فيهم نهائيا لأنه التخويف من ثوار دارفور وجبال النوبة كان هو الخط الدعائي المعتمد من قبل هذه الطغمة لسنوات عديدة
الدارفوريون فصيل أساسي في هذه الثورة منذ بداياتها البعيدة ولو كان للثورة هذه من مجد وعز فهو أنها جمعت كل أهل السودان علي صعيد واحد صعيد الحرية والديمقراطية
وكلامك دا
Quote: الحملة الشرسة جدا" ضد حميدتي وقوات الدعم السريع جزء أساسي من خطة ال٥ جيوش والأحزاب الداعمة لهم ... بعضهم يشارك فيها عن وعي والبعض الآخر عميان ومسكو عصا ... انتشار الدعم السريع داخل الخرطوم سببه الرئيسي هو مواجهة ما سيحدث ....
ما صاح إطلاقا إنتشار الدعم السريع داخل الخرطوم سببه الأساسي هو قمع الثورة هذا السبب الذي دفع بالديكتاتور الساقط البشير لجلبهم للخرطوم وهذا ما صرح به حميدتي شخصيا
أها لقيتو ليهم سبب جية تاني من وين ؟؟؟ مش مفروض نتشكك كثير من نوايا من يقول مثل هذا الكلام ؟؟؟
الحملة ضد حميدتي هو تخوف مشروع من ميل جنرال الخلاء للإسنيلاء علي السلطة كل التحركات والأفعال والاقوال التي صدرت عن حيمدتي تقول بذلك كثيرون جدا من من حمدوا لحميدتي تدخله لصالح الثورة يتخوفون الآن من طموح الجنرال والشواهد كما قلت عديدة وواضحة زي الشمس
وبعد العملوا حميدتي وعموم مليشيات الجنجويد في ناس دارفور مثل ليهم ألف حق يتشككوا في نواياه وياخدوا ساتر كلما سمعوا إسمه ؟؟؟؟ ألم تسمع بآلاف السودانيين الذين قتلوا في دارفور ولإتفه الأسباب كما أعترف وعلي الملأ الديكتاتور المخلوع؟؟؟؟
وما قلته هنا برضو ما صاح
Quote: تركيز الجميع في ق ح ت هو اللهفة في تملك السلطة المدنية من (العدو) وهو المجلس العسكري حتي لو تم سلبها بواسطة هذه الجيوش في اليوم التاني
ليس هناك لهف للسلطة كما يدعي ناس الثورة المضادة هناك مفاوضات بين قيادة الثورة وقيادة الجيش لإنتقال السلطة من العسكر للمدنيين وليه الجيش المفروض يحمي البلد وناسها حيتخلي عن واجباته في الحماية إذا إنتزعت منه السلطة ؟؟؟؟؟ يعني يا يحكم البلد دي يا يخلي الجيوش الخمسة تسرح وتمرح متي ما نزعت منه السلطة؟؟؟ عودة السلطة للشعب فرصة تاريخية للجيش عشان يتفرغ لدوره الأساسي في حماية البلد وشعبها مش حكمهم وقمعهم كما ظلوا يفعلون لأكثر من 52 عاما حسوما وسببوا لنا كل هذا التخلف وكل بلاوي الحكم الديكتاتوري
أها وعشان ما تزعل هنا لقينا لينا حاجة متفقين فيها تمام
Quote: من المطالب المهمة التي يجب إنجازها خلال الفترة الانتقالية تفكيك وتسوية كل الوظائف التي تم الحصول عليها عن طريق التمكين بي قانون جديد للخدمة المدنية يراعي متطلبات الكفاءة ... يعني ما ينفع تشيل كوز عشان تخت شيوعي ... وهكذا .....
05-27-2019, 11:09 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
Quote: ما صاح إطلاقا إنتشار الدعم السريع داخل الخرطوم سببه الأساسي هو قمع الثورة هذا السبب الذي دفع بالديكتاتور الساقط البشير لجلبهم للخرطوم وهذا ما صرح به حميدتي شخصيا
أها لقيتو ليهم سبب جية تاني من وين ؟؟؟ مش مفروض نتشكك كثير من نوايا من يقول مثل هذا الكلام ؟؟؟
الحملة ضد حميدتي هو تخوف مشروع من ميل جنرال الخلاء للإسنيلاء علي السلطة كل التحركات والأفعال والاقوال التي صدرت عن حيمدتي تقول بذلك كثيرون جدا من من حمدوا لحميدتي تدخله لصالح الثورة يتخوفون الآن من طموح الجنرال والشواهد كما قلت عديدة وواضحة زي الشمس
وبعد العملوا حميدتي وعموم مليشيات الجنجويد في ناس دارفور مثل ليهم ألف حق يتشككوا في نواياه وياخدوا ساتر كلما سمعوا إسمه ؟؟؟؟ ألم تسمع بآلاف السودانيين الذين قتلوا في دارفور ولإتفه الأسباب كما أعترف وعلي الملأ الديكتاتور المخلوع؟؟؟؟
تحياتي نصر ... بعيدا عن الاتهامات الجاهزة وقرايت النوايا الغير مثمرة وعشان ما يبقي حوار طرشان ساكت اتمني ان تقلل من عينة دي :-
Quote: مش مفروض نتشكك كثير من نوايا من يقول مثل هذا الكلام ؟؟؟
يا نصر يا خوي أنا مش من دارفور لكن لا أنفي وجود أهل ودتهم المعايش ليستوطنو هناك من عشرات السنين ومن الصدفة البحتة حضرت فاصل من تمرد دارفور لمدة أسبوع خريف ٢٠٠٣ ... كدي نبدأ من كلمة جنجويد وهي كلمة متعارف عليها في الإقليم منذ تمانينات القرن الماضي وتعني عصابات النهب المسلح ... بدأ تمرد دارفور مارس ٢٠٠٣ وأتمني أن يقوم مؤرخ من أبناء دارفور بي كتابة ما جري للقبائل العربية في بوادي ونجوع دارفور في الفترة من مارس ٢٠٠٣ حتي النصف التاني من ٢٠٠٤ ... ردة فعل القبائل العربية ودفاعا عن أفرادها تكونت مجموعات انتقامية استغلتهم حكومة الكيزان وتكونت منهم وحدات حرس الحدود ولاحقا تحورت لي الدعم السريع وكان شغلها الشاغل هو الإنتقام ولا شيء غيره ... ومنذ ذلك الحين عرفت بالجنجويد لدي المواطن العادي في دارفور حيث ارتكبت العديد من الجرايم التي يندي لها جبين الإنسانية... ساعدها في ذلك تبنيها بواسطة الحكومة من حيث الإمداد بالسلاح والتنظيم وأحيانا كثيرة الاستخبارات حيث تمت هزيمة الحركات المسلحة وأفلحت الحكومة في دعمها إعلاميا وضمها كأحد أفرع القوات الأمنية واعتمادها في قتال مناوءيها خارج دارفور وأعلت من شأن قايدها حميدتي حتي وصل الي ما وصل إليه اليوم .... لا يمكن الدفاع عن حميدتي في هذه الحرب القذرة وبالتأكيد حين نصل لي مرحلة العدالة الانتقالية سوف تسمع من حميدتي الكثير الذي يندي له جبين الإنسانية دفاعا عن ما قام به ... ارجو مراجعة دخول حميدتي في ما حدث منذ بداية اعتصام القيادة او بالتحديد منذ صباح الخميس ١١ أبريل يوم انقلاب القوات المسلحة ... تفتكر يا نصر هل عمر البشير كان محتاج لي ١٢ الف جندي من قوات الدعم السريع التي ليس لها غير ثقافة القتال وحده وليس لها أي خبرات في فض متظاهرين او معتصمين وفي يده متخصصين في ذلك من قوات شرطية وقوات أمن وطني ؟!!!!!! اللجنة الأمنية لحكومة البشير وعرفت لاحقا بالمجلس العسكري هي من أمرت بانتشار ١٢ الف جندي من الدعم السريع داخل الخرطوم لأسباب تعلمها جيدا ليس من بينها فض معتصمين او متظاهرين وإنما لأسباب قتالية أوصت بها استخبارات الجيش كما يقولون .... تحياتي ... ويتبع ...
05-28-2019, 01:21 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51129
سلامات يا صلاح والتحية للأخ نصر وشكرا لهذا الحوار الجميل
Quote: ارجو مراجعة دخول حميدتي في ما حدث منذ بداية اعتصام القيادة او بالتحديد منذ صباح الخميس ١١ أبريل يوم انقلاب القوات المسلحة ... تفتكر يا نصر هل عمر البشير كان محتاج لي ١٢ الف جندي من قوات الدعم السريع التي ليس لها غير ثقافة القتال وحده وليس لها أي خبرات في فض متظاهرين او معتصمين وفي يده متخصصين في ذلك من قوات شرطية وقوات أمن وطني ؟!!!!!! اللجنة الأمنية لحكومة البشير وعرفت لاحقا بالمجلس العسكري هي من أمرت بانتشار ١٢ الف جندي من الدعم السريع داخل الخرطوم لأسباب تعلمها جيدا ليس من بينها فض معتصمين او متظاهرين وإنما لأسباب قتالية أوصت بها استخبارات الجيش كما يقولون .... تحياتي ... ويتبع ...
نعم الدعم السريع ليس مُدربا على التعامل مع المظاهرات ولكن البشير أراد استخدامه لهدفين: 1. تخويف أي قوات مسلحة يخشى أن تنحاز إلى ثورة الشعب السوداني وبالتالي التعامل معها عسكريا. 2. التصدي لفض اعتصام القيادة بإحداث مجزرة يروح فيها العشرات يخاف على أثرها بقية الثوار وينتهي الاعتصام. أنا أزعم أن هناك خطة كانت جاهزة برعاية خليجية وبقيادة جنرالات البشير أنفسهم لاختطاف الثورة بواسطة انقلاب قصر يُروج له على أنه انحياز الجيش لثورة الشعب. ما لم يفهمه هؤلاء الجنرالات وحميدتي حتى الآن هو أنهم لن يتمكنوا من إحداث مجزرة ويقف العالم يتفرج على ذلك، خاصة بعد نجاح الثورة في اقتلاع البشير وابن عوف وإبعاد صلاح قوش. هذا لن يحدث. ولو حدث لن يزيد الثورة إلا اشتعالا.
وبكرة الإضراب
صباح الثورة الجميل
05-28-2019, 01:51 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: تفتكر يا نصر هل عمر البشير كان محتاج لي ١٢ الف جندي من قوات الدعم السريع التي ليس لها غير ثقافة القتال وحده وليس لها أي خبرات في فض متظاهرين او معتصمين وفي يده متخصصين في ذلك من قوات شرطية وقوات أمن وطني ؟!!!!!!
سلام البشير استدعى الدعم السريع. للخرطوم قبل عدة أشهر من بداية الثورة. ، عندما اعترض بعض الكيزان
على ترشيحه و تعديل الدستور . المخلوع كان يظن ان المجرم حميدتي أهون شراً من المجرم قوش
و بالتالي لم يثق في قوات جهاز الأمن التابعة لقرش .في الحقيقة الكيزان لا يثقون في بعضهم .
05-28-2019, 03:03 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
Quote: ليس هناك لهف للسلطة كما يدعي ناس الثورة المضادة هناك مفاوضات بين قيادة الثورة وقيادة الجيش لإنتقال السلطة من العسكر للمدنيين وليه الجيش المفروض يحمي البلد وناسها حيتخلي عن واجباته في الحماية إذا إنتزعت منه السلطة ؟؟؟؟؟ يعني يا يحكم البلد دي يا يخلي الجيوش الخمسة تسرح وتمرح متي ما نزعت منه السلطة؟؟؟ عودة السلطة للشعب فرصة تاريخية للجيش عشان يتفرغ لدوره الأساسي في حماية البلد وشعبها مش حكمهم وقمعهم كما ظلوا يفعلون لأكثر من 52 عاما حسوما وسببوا لنا كل هذا التخلف وكل بلاوي الحكم الديكتاتوري
سلام نصر ... لا أظن بأن المجلس العسكري يرفض قيام سلطة مدنية كحكومة ومجلس تشريعي (وحتي مجلس سيادة مدني بنسبة ١٠٠% إذا ما أفرزته إنتخابات يشارك فيها كل أهل السودان) ... نجي لي قوي الثورة التي يفاوض تجمع الحرية والتغيير باسمها .. تجمع يتكون من أحزاب لا تمثل ٩٠% من الثوار زايد تجمع المهنيين وهو جسم مطلبي سوف تتوزع مكوناته بقيام الحكومة علي الأحزاب منهم ٩٠% للحزب العتيق ... (معليش دي ما قدرتا امسكها) .. هذه الأحزاب والحركات المسلحة المعارضة للإنقاذ لا تخفي عداءها للجيش والمطالبة بتفكيكيه وإعادة تكوينه بي أسس تتماشى مع خططها (إزالة تمكين الكيزان واستبداله بتمكين اليسار) ... وهذه الخطط لو لم تكن مكتوبة في منفستوهات هذه الأحزاب والحركات فهي معلومة لدي الجميع ... لذلك من الصعب جدا علي المجلس العسكري السماح بتنفيذ ما يخطط له بعض أحزاب وحركات تجمع الحرية والتغيير ولا مانع لديه للذهاب لإنتخابات عامة اليوم او غدا وتسليم كل شيء لرئيس مدني والتفرغ لمهامه المنصوص عليها ... تحياتي ...
05-28-2019, 02:20 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
Quote: نعم الدعم السريع ليس مُدربا على التعامل مع المظاهرات ولكن البشير أراد استخدامه لهدفين: 1. تخويف أي قوات مسلحة يخشى أن تنحاز إلى ثورة الشعب السوداني وبالتالي التعامل معها عسكريا. 2. التصدي لفض اعتصام القيادة بإحداث مجزرة يروح فيها العشرات يخاف على أثرها بقية الثوار وينتهي الاعتصام. أنا أزعم أن هناك خطة كانت جاهزة برعاية خليجية وبقيادة جنرالات البشير أنفسهم لاختطاف الثورة بواسطة انقلاب قصر يُروج له على أنه انحياز الجيش لثورة الشعب. ما لم يفهمه هؤلاء الجنرالات وحميدتي حتى الآن هو أنهم لن يتمكنوا من إحداث مجزرة ويقف العالم يتفرج على ذلك، خاصة بعد نجاح الثورة في اقتلاع البشير وابن عوف وإبعاد صلاح قوش. هذا لن يحدث. ولو حدث لن يزيد الثورة إلا اشتعالا.
أهلن ياسر ... ما عارف ليه اتذكرت كولن باول واقف يعترف للصحفيين عن إنو تبريرو للحرب ضد العراق صار نقطة سوداء في حياته الشخصية .... اولا نظر الجيش للدعم السريع كاحد روافده لا يتح مجالا للتخوف منه وما في وحدة داخل القوات المسلحة بتعمل حساب لقوات الدعم السريع ..... ثم لن يستطيع سوداني من سودانيين هذا الزمان بأن يقوم بمجزرة كما تقول يموت فيها العشرات ... عشرات كيف يا دكتور؟ وديل ١٢ الف جندي دعم سريع أمام ملايين السودانيين تعج بهم أسوار القيادة العامة .. إذا أطلق كل منهم طلقة واحدة حا يموتو ١٢ الف سوداني ... !!!! من يستحمل تبعات ذلك ؟!!!! ... الحزب العتيق لازال يجرجر ازيال الخيبة الي الآن بعد ٤٨ سنة من مذبحة بيت الضيافة يوليو١٩٧١ التي تم فيها قتل ١٧ فقط ضابط جيش سوداني تحت الاعتقال ... تحياتي يا دوك ...
05-28-2019, 06:23 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
Quote: البشير استدعى الدعم السريع. للخرطوم قبل عدة أشهر من بداية الثورة
مرحب دكتورة نعمات ... علي حسب علمي يمتلك الدعم السريع ثلاث سكنات ... أكبرها موجودة شمال مصفاة الجيلي للتدريب والاعاشة ثم سكنة خور عمر وجبل أولياء ......
05-28-2019, 06:31 PM
Mahjob Abdalla Mahjob Abdalla
تاريخ التسجيل: 10-05-2006
مجموع المشاركات: 9301
سلام ابوصلاح حركات مسلحة هو الكود العلني لـ "غرابة و جايين يحتلو العاصمة و ينقمو من ناس البلد". و الغرابة اناس عاديين مثلي يمشون بين الناس و يكتبون في سودانيز اونلاين. يتشوقون الي السلام و يبحثون عنه في خشم الدبيب حتي, فلا يمكن ان يفكرو في هذا الظرف و لا حتي يخطر بالبال انهم يتوقون لصناعة الفوضي
05-28-2019, 10:11 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5293
طيب كويس، طالما موضوع الخمسة جيوش طلع مجرد (توقعات).
المقتبسات أدناه وردت متفرقة في مواضع مختلفة في فترات متقاربة وكلها مكتوبة بواسطة عضو المنبر (Salah Zubeir)
وهناك مداخلة أخرى تلمح لاختفاء في مكان غير محدد، سأوفرها في حينها.
هل يمكنك توضيح فحوى القصاصات الأربعة أعلاه يا صاحب البوست؟ وما الهدف من إيراد عبارات مثل (استهداف شخصي) (ديرتي) (اصطياده برصاص) (عميل موساد) (نازل الخرطوم)؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Salah Zubeir
محمد البشرى الخضر
محمد عبد الله الحسين
عبدالقادر محمد
Hassan Farah
قسم الفضيل مضوي محمد
علي عبدالوهاب عثمان
Nasr
حاتم إبراهيم
Yasir Elsharif
نعمات عماد
Mahjob Abdalla
فيس بوك
تويتر
انستقرام
يوتيوب
بنتيريست