|
|
|
 Re: حميدتى ما عندو ثكنة يمشي ليها (Re: Mahjob Abdalla)
|
حميدتي فهم لعبة الـ 63 سنة الفاتو ديل و عملية شيل ده و اضرب ب ده و لما الدور ينتهي تقول ليهو امشى الخلا ده ما اظن حيمشي عليهو.
و لو عايز تحارب برضو هو جاهز. عندك ضباط و ما عندك جنود او عندك جنود و ضباط خلاء.
لعبة الـ 63 سنة دى كلها ربما وصلت الي نقطة النهاية و لو دورت حرب تاني, ربما حتي الكنداكات يضطرن لحمل السلاح.
ما في زول حيكون افندى.
و الله يستر.
| |
 
|
|
|
|
|
|
|
|
Re: حميدتى ما عندو ثكنة يمشي ليها (Re: Gafar Bashir)
|
Quote: نتكلم بعد يومين
بعد حميدتي يعرف الفرق بين الاضراب الحايفصل فيهو الناس
والعصيان المدني
ومبروك عليهو احزاب الفكة |
سلام جعفر
الحكاية ماشية نحو الفوضي و لما يكون في فوضي ما اظن بهم العصيان من غيرو.
اتمني ان اكون مخطئا.
| |
|
|
|
|
|
|
|
|
|
Re: حميدتى ما عندو ثكنة يمشي ليها (Re: muntasir)
|
| Quote: محجوب يا هبيب نديكم الخرطوم والجماعة الفي سجن كوبر والألمي بتاع النيل مناصفة بينكم وبين ناس سمعة أدونا جبل عامر وعبدالواحد طقة بي طقة 😂 |
سلام معتصم
يا ريت لو نلحق نقسم حاجة و يبقي عندنا سودان.
تعرف قبل اسبوعين وصلني تقرير من حلتنا و الحلال المجاورة. عندهم جبل صغير (دهب) و دافنين دقن قالو ما في زول يعرف.
جوهم جنجويد حميدتي (كانو دافنين سلاحهم لانو حميدتي كان طلع قرار بمنع اي سلاح في دارفور). اها رجعت ليهم السلطة و طلعو سلاحهم. هاجمو ناسنا المساكين ديلك و قالو ليهم تاني لو شفنا واحد بهوب بهنا حيشوف القيامة.
__________
يعني في جبال كثيرة فيها دهب يا مان.
| |
|
|
|
|
|
|
|
|
|
Re: حميدتى ما عندو ثكنة يمشي ليها (Re: Gafar Bashir)
|
خايفين من لغة الابتزاز الحايمة اليومين ديل!
كالوصم بالكوز وما شابه
اليومين ديل قالوا أي واحد يعطل عقلو
وما يشغلو في الشأن العام!
وأي تشغيل للمخ في الشأن العام يعتبر خيانة عظمى
فقط العواطف خاصة العواطف المريضة بمرض التحزب!
| |
|
|
|
|
|
|
|
|
|
Re: حميدتى ما عندو ثكنة يمشي ليها (Re: منتصر عبد الباسط)
|
الهبيب محجوب..حبابك يا صديقي
كل سنة وانت طيب..
كتر خيرك على هذا الحديث الطيب..وجيد يا صديقي ان هناك زول متذكر حكاية الـ63 سنة دي..
هي ليست نرجسية فقط يا صديقي من قبل تجمع المهنيين وقوى الحرية والتغيير ، وانما هي عقلية الحق السماوي..يعني نفس الشباب ديل عندهم عقلية النظام السابق والنظام الأسبق لغاية خروج الإنجليز..
التحاور والتفاوض الآن هو يا صديقي: الخرطوم تفاوض الخرطوم (كما قالها شاب في شهادة وردت في مقال نشرته الواشنطون بوست قبل يومين عن الوضع في السودان وانفضاض شهر عسل الثورة)..!
حميدتي قبل السفر للسعودية ادلي بتصريحين غريبين:
الأول: قال لن نسلم السلطة لمن يسعى لتصفية الحسابات (يعني قفل باب العدالة الإنتقالية بالضبة والمفتاح ) ،
الثاني: قال طالبنا بوضع شاشات كبيرة في ميدان الإعتصام عشان الناس تشوف سير التفاوض بين المجلس العسكري وقوى الحرية والتغيير مباشرة..ولكن هناك جهات (حسب قوله) اعترضت على هذا الإقتراح..يعني ناس الخرطوم دايرين الموضوع دغمسة صوالين وغرف بعيدة عن ارادة الشعب..!
اتفق معك..الوضع مقبل على تطورات عصيبة..والحرب ستكون هي الأخف..!
اللــه يستر يا قريبي..
كبر
| |
|
|
|
|
|
|
|
|
Re: حميدتى ما عندو ثكنة يمشي ليها (Re: Kabar)
|
| Quote: التحاور والتفاوض الآن هو يا صديقي: الخرطوم تفاوض الخرطوم |
سلام كبر
تعبير الحق السماوى هذا اصدق تعبير عن حال السودان و رغم مرور 63 عاما و لكن يبدو لي ان البعض ما زال يعتقد باستمرار الحق السماوى هذا.
و لو نظرنا للتحاور الخرطومي بنلقي انو المجلس العسكري متقدم قليلا علي تجمع المهنيين, فنجد المجلس العسكري مكون من الخرطوم + سمش الدين + حميدتي و لكن تجمع المهنيين فقط مكون من الخرطوم و لا احد غيرهم.
___________
لكن للصراحة و عشان ما نظلم هل ممكن واحد يجيب لينا اسماء اعضاء تجمع المهنيين بالكامل؟
| |
|
|
|
|
|
|
|
|
|
Re: حميدتى ما عندو ثكنة يمشي ليها (Re: منتصر عبد الباسط)
|
Quote: خايفين من لغة الابتزاز الحايمة اليومين ديل!
كالوصم بالكوز وما شابه
اليومين ديل قالوا أي واحد يعطل عقلو
وما يشغلو في الشأن العام!
وأي تشغيل للمخ في الشأن العام يعتبر خيانة عظمى
فقط العواطف خاصة العواطف المريضة بمرض التحزب! |
و عليكم السلام منتصر الاخر
بعد الاربعين يوم بدأت تطفح علي السطح معالم خلاف كبير بين مكونات التحالف العريض.
شخصيا منذ البداية قلت المسألة لازم تكون تكنوقراط و في ذلك لا استثناء لاحد (الاحزاب السياسية و الحركات المسلحة سواء) و الكل ينتظر الانتخابات.
موقف السيد الصادق المهدى كان سليما و لا ادرى لماذا اصرت بقية الاحزاب المواصلة في هذا الدرب.
علي كل حال اتمني ان يتداركو الموقف و لا يصح الا الصحيح.
| |
|
|
|
|
|
|
|
|
|
Re: حميدتى ما عندو ثكنة يمشي ليها (Re: Mahjob Abdalla)
|
Quote: لماذا سكت معظمنا؟
لاننا رأيناها فرصة لبناء سودان موحد و صفحة جديدة رغم المرارات التي حصلت و لم نكن نتصور ان في 40 يوم تتدهور الامور الي هذا الحد.
الان لا احد يتكلم عن السودان. خلاص |
سكتنا لأننا كنا فاكرنهم حا ينجزوا ..علشان كدا مشيناها ليهم .
لكنهم لم ينجزوا..بل يخاطرون الآن بمصائر شعب كامل وتضحياته .
ممثلين شرعيين الوحيدين للثورة قال ..
| |
|
|
|
|
|
|
|
|
|
Re: حميدتى ما عندو ثكنة يمشي ليها (Re: AMNA MUKHTAR)
|
| Quote: سكتنا لأننا كنا فاكرنهم حا ينجزوا ..علشان كدا مشيناها ليهم |
و عليكم السلام امنه.
الغريبة في اليوم الاول بعد سقوط البشير اطلعت علي ليستة الناس المشو قابلو المجلس العسكرى فقلت ربما لانو الموضوع حدث فجأة, الناس ما قدرت ترتب امورها و تكون وفد يمثل السودان كلو و لكن ان ظل هذا التجمع بنفس الاسماء لاكثر من اربعين يوما و لم نرى تمثيل نسبي سواء علي المستوى الجندرى او الجغرافي فهذا علي انهم لم يدركو حجم مأساة الوطن.
__________
بالمناسبة في احد البوستات وجهتي سؤال معين و جاوبتك عليه في ذات البوست. ما عارف مريتي عليهو ام لا. علي كل حال في اي اسألة اضافية جاهزين للاجابة.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Mahjob Abdalla
منتصر عبد الباسط
Kabar
AMNA MUKHTAR
فيس بوك
تويتر
انستقرام
يوتيوب
بنتيريست