|
|
|
 Re: علُوقْ حُمَارْ الْعُمْدَةْ.. وَ حَرْبُ ال� (Re: Gafar Bashir)
|
Quote: حمار العمدة لاقاني وين ي الله
شفتو لكن ما متذكر
المهم متابعة وحضور
|
حللت أهلاً و نزلت أهلاً يا جعفر بشير . إنت في حمار العمدة ، و لا نحنا زاتنا أكيد متلاقيين
في حتة . عمومن ، دا بوست قديم فعلن كنت كاتبو في الراكوبة أيام الزمن الجميل و زمان
الناس حونان مع ناس بشير ود التهامي و ناس نسمة الصباح و بت أبوها و دبوية بت المطر
(4)
# فقام الخواجات طلبوا من واحد قريعتي راحت ساكت ، بس من المدسوسين في صفوف الطابور
الخامس من نفس جماعة عمدتنا.و قالو ا ليه روح حل لينا حمار العمدة من الشاية و شده بسرجه
و بردعته و أوثقه بلَبًّابه ثم ضع فوقه الخرج واملأ (عدليه) من روث البهائم (بعر) و تعال قدام العمدة
و هو مع الخواجة وقت المحكمة(حيث شكلت له تمثيلة محاكمة صورية) ولك هدية بعد الجلسة. فلما رأي
العمدة ما فعل بحماره لم يرض إباؤه بمهانة كهذه و استشاط غضباً و صفع ليك الزول الهوين دا طلوش
صاموطي أمام حضور و محلفي المحكمة و رئيسها و حضرات مستشاريها .. هنا وجد العلج ضالته في
ذلك فلم يتوان في إصدار حكمه بجلد العمدة في باحة المحكمة, ثم سلبه جاهه و تنصيب عميل لهم مكانه.
كانت تلك صفعة مكلفة و هذه وقفة معكم, لو طلب من الرأي لقلت: كان حرياً بالعمدة إعمال شيء من
الدبلوماسية,خاصة إذا فطن إلى المكيدة, مع الاحتفاظ لنفسه بحق الرد في الوقت المناسب, لكن هيهات.
| |
 
|
|
|
|
|
|
|
|
Re: علُوقْ حُمَارْ الْعُمْدَةْ.. وَ حَرْبُ ال� (Re: دفع الله ود الأصيل)
|
- فعلاً يا نسمة زي ما قالو من حر البلية ما يضحكك حتى يسيل لعباك ثم يجهشك بالبكاء
..وأهلك العرب في المثل بقولو: آخر البليلة حصى.. يعني متل ( فات النوار وقام ا لعوار)..
ياخي وين أنتو؟؟؟ شكيتكم لللبشير ود التهامي رئيس لمة (العنقريب).. قام عذركم و قال
لي الناس ظروف..لاكين أصبرو آناس ظروفاً شني البتكطع الزول طب من جماعتو؟؟؟..
تطير عشية دي.. والله ظروفنا يعلم بيها الله بس.. غايتو أقبلوه دا عتاب من زول دايركم..
- رئيس مجلس الحيرة الانتهازي القادم (بعد فتح الكرتلة) أنا طبعاً هييتو من أمس مقدماً
في بوست بعنوان ( قائدنا المُلهم حمدان بن عرمان آل جحمان حفظه ا لله ، عبارة عن حصان
طروادة الخشبي من الغابة إلى الصحراء) بالله لازم ترجعي هسي فورا تقريه و تدينا رأيك!
أنا رأيي أنو الأيامات دي فرصة لسفاكير يعمل أي (حركة) موش كويسة أبداًعبر الحركةات
اللاميهن عندو وقالو كمان ستي وداد لحقتم بهناك ما عرفا المرة كمان ناوي على منو؟!!
# عمومن مثلنا الشعبي بيقول في الحالات المماثلة : أكان سحت التجارة المرا والهومارة
وكان بتلت التجارة كفانا بس الهومارة؛ و هو (مثل قديم له قصة لعل المجال لا يتسع لها.!)..
| |
|
|
|
|
|
|
|
|
|
Re: علُوقْ حُمَارْ الْعُمْدَةْ.. وَ حَرْبُ ال� (Re: دفع الله ود الأصيل)
|
كتب بشير ود التهامي مشاكساً :
Quote:
كدي ، أطرا اللينه يا ود العزتين الخمجت الحلتين و لا تودر و تدودرنا معاك
تقو م كمان تاني تهابش تجيب لينا سيرة المعراقي و تسوي فيها السويتا قلا كدي.
.. |
أففففو آ قشير، أنا أخوك آ الراسية , علا ما تخاف آآود العم ! ما قالو الضايق
قرص الدبيب بخاف من مجر الحبل و "البعشوم برضو بعرف جعار أخوه!"
أبو القدح بيعرف يعضي أخوه من وين
# علا بالله شوف يا أبو البيش الناس البتفهم الأصول, العتاب ما حركم رغم الزرة,
ربنا يفرج عليهم و يقطفو ثمار جهدهم في الفريديس العليا اللهم أأأأميين يا رب!!!
والله ديل أكان بقو حناكيش زاتو خايلة فوكن.. يعني لما قلنا حاملة المسك نضمن
ا ظنيت كان في محلو! مش؟؟؟ خلاس يلا خلينا نروقم شوية يفضو لي الهم الفيها.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
دفع الله ود الأصيل
فيس بوك
تويتر
انستقرام
يوتيوب
بنتيريست