هذا البرنامج المصري يعكس صورة سلبية عن مجتمعنا

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 22-05-2019, 05:43 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-05-2019, 02:46 PM

صالح عبده
<aصالح عبده
تاريخ التسجيل: 16-11-2006
مجموع المشاركات: 3814

للتواصل معنا

FaceBook
تويتر Twitter
YouTube


هذا البرنامج المصري يعكس صورة سلبية عن مجتمعنا

    02:46 PM May, 11 2019

    سودانيز اون لاين
    صالح عبده-الرياض
    مكتبتى
    رابط مختصر



    *تناشد جمعية التراث والثقافة السودانية الجهات المختصة وكل والهيئات والمؤسسات السودانية بملاحقة ومقاضاة الممثلة المصرية شيماء سيف والتي سخرت من الشعب السوداني بمشاهد تمثيلية مهينة من الأعمال الهزيلة التي لم تحترم القيم والعادات والتقاليد. وتصف الشعب السوداني بالتاخر والتخلف والسزاجة والجهل والهمجية. وهذه الأعمال والتي تقصد بها إثارة المشاهدين على حساب دولة بأكملهاعكست صورة مختلقة وسلبية وسيئة جداً للمجتمع من خلال برنامجها شقاباظات الذي يبث حاليا في قناة mbc maser هذه القناة التي تعمدت أن تظهر المراة السودانية دون خلق أو دين بعرضها لمشاهد مبتذلة واعمال رخيصة يقصد بها الاحتقار والشماتة وتقذف بالقيم والمبادئ لشعبنا الكريم ..لذا نطالب بإيقاف بث هذا البرنامج فورا حفاظا على علاقاتنا مع الشعب المصري وصونا لكرامة الشعب السوداني واحترام وعيه وقيمه وهيبته. ونطالب بتقديم هذه الممثلة وإدارة القناة لمحاكمة عاجلة. ... صالح عبده رئيس التراث السوداني [email protected]*






                  
حرية سلام و عدالة
|Articles |News |مقالات |بيانات

11-05-2019, 04:04 PM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: صالح عبده)

    يا جماعة ما نكون واضحين وما ندفن راسنا في الرمال زي النعامة
    يعني بس وجعتكم حلقة شيماء
    ما قدمته شيماء في الحلقة المذكورة ما هو إلا مرآة تعكس ما تقدمه المدعوة / ستونة من مسخرة وقلة قيمة للسودانيين في الإعلام المصري
    ليه بتلوموا شيماء ومافي زول علق على المسخرة وقلة الذوق والوساخة البتقدما هذه الستونة بإسم السودان

    حرام عليكم لو لومتو شيماء هي في الآخر ممثلة تقلد ما تراه وما يقدمه مدعي الفن أمثال ستونة

    ما تتفاصحو ساي ،،، قالوا عريان من ،،،،،،، ولابي سديري
    شوفوا ستونة بتعمل وتقدم شنو بإسم السودان
    بعدين إتفاصحو
                  
حرية سلام و عدالة
|Articles |News |مقالات |بيانات

11-05-2019, 05:33 PM

طلحة عبدالله
<aطلحة عبدالله
تاريخ التسجيل: 14-09-2007
مجموع المشاركات: 15503

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: سيف الدين محجوب)

    يا سيف رمضان كريم
    دا منطق شنو دا ؟؟؟؟؟
    يعني عشان بشتونة دي بتقدم ابتذال باسم السودان
    الناس تسكت على احتقار وتشويه صورة البلد
    وشعبه من الهوام والعوام وبواقى الجوارح ؟؟
    المانع شنو الناس ترش المبيد هنا وهناك وفي أي مكان ؟؟
    بعدين الاحتجاج متين بقى فصاحة .. أي القواميس تعاين يا رجل ؟؟؟؟؟؟؟؟؟؟؟؟؟؟؟
                  
حرية سلام و عدالة
|Articles |News |مقالات |بيانات

11-05-2019, 08:25 PM

عبدالرحمن الحلاوي
<aعبدالرحمن الحلاوي
تاريخ التسجيل: 10-10-2005
مجموع المشاركات: 5695

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: طلحة عبدالله)

    الرد يجب أن يكون رسمي وشعبي على مثل هذا الافتراء ...أكثر الشعوب عنصرية تجاه السودانين هم المصريون بالدرجة الأولى.
                  
حرية سلام و عدالة
|Articles |News |مقالات |بيانات

12-05-2019, 09:10 PM

صالح عبده
<aصالح عبده
تاريخ التسجيل: 16-11-2006
مجموع المشاركات: 3814

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: عبدالرحمن الحلاوي)

    مرحبا اخي عبد الرحمن الحلاوى اذا الناس القبلنا كانوا متساهلين نحن لن نسكت على اي اهانة توجه لشعبنا الكريم وسوف نقف في وجه اي كائن يسئ لنا ولاوطاننا وسوف نظل من أنبل واكرم الشعوب التي مشت على هذه الارض
                  
حرية سلام و عدالة
|Articles |News |مقالات |بيانات

11-05-2019, 09:42 PM

صالح عبده
<aصالح عبده
تاريخ التسجيل: 16-11-2006
مجموع المشاركات: 3814

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: طلحة عبدالله)

    مرحبا اخي طلحة فعلا نحتاج إلى رش المبيد في كل الاتجاهات فربما اسكتنا بعد الفيروسات والمكروبات الضارة
                  
حرية سلام و عدالة
|Articles |News |مقالات |بيانات

13-05-2019, 12:35 PM

الهادي الشغيل
<aالهادي الشغيل
تاريخ التسجيل: 07-12-2015
مجموع المشاركات: 4299

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: سيف الدين محجوب)

    Quote: ما قدمته شيماء في الحلقة المذكورة ما هو إلا مرآة تعكس ما تقدمه المدعوة / ستونة من مسخرة وقلة قيمة للسودانيين في الإعلام المصري

    يعني بتبرر لها عملتها السخيفة واستهزاءها بأخواتنا السودانيات .. ما تفعله ستونة لا يسوغ لشيماء سيف التفاهة العملتها ..
    وجه سهامك لها يا أستاذ بدلا من إلقاء اللوم على حرائر السودان .

    شيماء سيف برميل زبالة نتن وغوريلا عنصرية قميئة وخرتيت فن رخيص .. يجب أن تعلم هذه الخرقاء أنها إذا أرادت الشهرة فلن تكن في الاستهزاء بالآخرين
    ما فعلته وما قامت به من إساءة يفوق كوم اللحم المترهل من جسمها ..
    لن نسامح هذه التافهة .
                  
حرية سلام و عدالة
|Articles |News |مقالات |بيانات

11-05-2019, 08:43 PM

صالح عبده
<aصالح عبده
تاريخ التسجيل: 16-11-2006
مجموع المشاركات: 3814

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: صالح عبده)

    اخي سيف. صراحة اسلوبك صدمني عديل .. والموضوع مطروح للنقاش لانه بمس شرف وكرامة امة كاملة ومنطق العقل احسن من منطق القوة واذا كان ما قدمته ستونة لا يليق بنا دا ما معناه نقيف مكتوفي الأيدي ونسمح للغير بالتعدي على شعبنا كيفما شاءوا . اما انا سوف أقف سدا منيعا امام هؤلاء حسب امكانياتي بإذن الله.... تحياتي
                  
حرية سلام و عدالة
|Articles |News |مقالات |بيانات

11-05-2019, 11:28 PM

Bashasha
<aBashasha
تاريخ التسجيل: 08-10-2003
مجموع المشاركات: 21122

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: صالح عبده)

    قرقرقرقرقر!

    شر البلية مايضحك!!

    الجديد شديد في نظرة مستعبدي ومستعمري امثالنا، لي مستعبديهم؟

    هذا طبيعي او منطقي!!

    كيف هم مابقولو كده علنا، فهل ده معناهو، انو "عمي عبدو" ما بواب، او سفرجي، بل مملوك ك"عبدن حبشي" لامثال الهضيبي

    ؟ ماقتو "مصرو يا اختا بلادي ياشقية"؟

    ما الحزب الناصري الان واللحظة من زعامات قوي البديل؟

    كذلك حتي الصادق المهدي زاتو والد "المنصورة" سليل المنصور الخليفة ال20 للرسول زاتو، او مش مقبولة!

    نفسي اعرف باي مسوغ، بي ياتو وش بتحتجو، او عاملين فيها عرب، تبيدون بدل مجرد كلام، غير العرب اي "الزرقة" اي السودان، بالملايين؟

    احي هذه المصرية لصدقها، لها الاحترام، طول ما يتوهم ذنوجة الاعراب في السودان هوية مستعبديهم!!
                  
حرية سلام و عدالة
|Articles |News |مقالات |بيانات

13-05-2019, 12:54 PM

صالح عبده
<aصالح عبده
تاريخ التسجيل: 16-11-2006
مجموع المشاركات: 3814

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: Bashasha)

    الباشا انت متاكد كلامك رد لي موضوعي دا ولا عايز تبرز عضلاتك من خلال البوست
                  
حرية سلام و عدالة
|Articles |News |مقالات |بيانات

12-05-2019, 07:43 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 3142

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: صالح عبده)

    خلاس المرة الجاية نديهم نصيحة (العرب) ديل
    يدهنوا وش أي سوداني أو سودانية باللون الأبيض طبقتين تلاتة لطش، قبل التصوير
    عشان إنتو ما تتعقدوا، بينما نترجاهم هم ما يتقلوا في الأسود وياخدوا من العلبة بطرف الأصابع كدة
    على خفييييييف، ومن ثم ينفضوهن، حتان يدعكوا الوش الأبيض دوكو، برضوا عشان (إنتو) ما تزعلوا، يا (الخضر).

    ما عشان كدة زمان كانوا (فرحانين) لما ظهر (الأسمر) بوش أبيض ويد سوداء متأرجحة، الدقيقة 1



    طلبوا منه يرقص، ولعله تحمس شوية،
    قومي يا اليد أظهري في الصورة وأعملي كونتراست باين يكشف عن نفاد كمية البودرة وانقطاعها في الوش!
    لكنهم كانوا (مبسوطين) وبعضهم دخل الفيلم أكتر من مرة
    عشان يمتع نفسه بمشهد السوداني البيغني مع "صباح".


    ================

    Quote: حرام عليكم لو لومتو شيماء هي في الآخر ممثلة تقلد ما تراه وما يقدمه مدعي الفن أمثال ستونة

    حلال على سيماء حرام على شتونة!
    "مسخرة وقلة ذوق و(وساخة)" يا محجوب، مش كدة؟
    مشكلتك البتقدمه ستونة ولا ستونة ذاتا كاتب اسمها أربع فينات؟
    البتقدمو دا ما ياهو الفن السوداني! أنت عندك (رؤية) ولا (بوهية) محددة لذلك؟
    نودي ليهم "بيضان السودانيين" ولا ناس سالي ورشا عشان يعكسوا (وجه) حضاري يراري وما ضهاري
    ويغنوا باسمنا شحروريا (برشاك برشاك شبكني ملكني وشنننني
    أظنك بكدة تكون عرفت (العريان ولابس سديري) دا منو.

    __
    !

    ================

    Quote: يعني عشان بشتونة دي بتقدم ابتذال باسم السودان

    يا طلحة يا أخوي في نيس في المنبر دا جونا شايلين طبالي ملايات وجزم وعدة مصرية سايمين بيها
    مالك ما قلت ليهم (دا ابتذال) لما أعلنوها صراحة وقالوا (أنسوا حلايب ما بنجيبا زندية)
    وأخير تمشوا تتفسحوا وتتعالجوا وتنبسطوا ساكت؟
    في بشتنة أكتر من كدة؟


    ================

    مؤكد في عقدة بدليل الشعور المزدوج دا
    فمقابل كل حالة كراهية توجد حالة شغف وربما في داخل نفس الشخص المحتج
    لكنها ليست عقدة سودانية، بل عقدة الحالة الموريتانية في جمهورية السودان.

    ___
    .

    ================










    (عدل بواسطة حاتم إبراهيم on 12-05-2019, 07:45 AM)
    (عدل بواسطة حاتم إبراهيم on 12-05-2019, 08:03 AM)

                  
حرية سلام و عدالة
|Articles |News |مقالات |بيانات

12-05-2019, 08:10 AM

محمد علي البصير
<aمحمد علي البصير
تاريخ التسجيل: 24-06-2011
مجموع المشاركات: 4560

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: حاتم إبراهيم)

    Quote: يا جماعة ما نكون واضحين وما ندفن راسنا في الرمال زي النعامة
    يعني بس وجعتكم حلقة شيماء
    ما قدمته شيماء في الحلقة المذكورة ما هو إلا مرآة تعكس ما تقدمه المدعوة / ستونة من مسخرة وقلة قيمة للسودانيين في الإعلام المصري
    ليه بتلوموا شيماء ومافي زول علق على المسخرة وقلة الذوق والوساخة البتقدما هذه الستونة بإسم السودان

    حرام عليكم لو لومتو شيماء هي في الآخر ممثلة تقلد ما تراه وما يقدمه مدعي الفن أمثال ستونة

    ما تتفاصحو ساي ،،، قالوا عريان من ،،،،،،، ولابي سديري
    شوفوا ستونة بتعمل وتقدم شنو بإسم السودان
    بعدين إتفاصحو


    طرح في غريب ومريب

    يعني لو ستونة عكست وجه غير مشرف لنا في مصر نحن نلزم الصمت ونسمح لكل من هب ودب يسئ لينا

    طيب بمنطقك :
    قبل شهور في حادثة حصلت في فرنسا خطفت الأضواء وكانت حديث الإعلام الفرنسي وحتى العربي بطلها لص مصري سرق ليه خاتم أثري قيمته من 1.3 مليون دولار وبطاقة صراف تصرف في محتواها
    بمنطقك المشاتر دا مفروض كل العالم يشتم المصريين ويستهزاء بيهم ويصورهم على أنهم لصوص لانو في مواطل مصري سرق و أساء للمصرين في أوروبا
                  
حرية سلام و عدالة
|Articles |News |مقالات |بيانات

12-05-2019, 08:11 AM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31845

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: حاتم إبراهيم)

    بنات منبرشات و بنات الردمية في أول يوم خلوها تعتذر و جابو ليها الضغط و السكري و أمراض كتييييييييييييييييييييرة ....
    سكوها في الفيس و الإنستغرام و سناب شات كرهوها أبو التكنلوجيا زاتو ....
                  
حرية سلام و عدالة
|Articles |News |مقالات |بيانات

12-05-2019, 09:19 AM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: ABUHUSSEIN)

    الأخوة الكرام
    أنسوا كلامي القلتو فوق داك كله
    عاوز رأي واضح ومحدد في المسخ الذي تقدمه المدعوة / ستونة بإسم السودان في الإعلام المصري
    وزي ما قلت ليكم وأكرر شيماء غير ملامة فيما قدمته لأنها وكما ذكرت،، كانت في تلك الحلقة مرآة تعكس ما تقدمه هذه الستونة من سخافات وحرج لنا كسودانيين

    يا جماعة ما نكابر ساكت ،،،، ستونة ماسحة بيكم الواطة يا برابرة
    وشيماء ظريفة ودمها زي العسل وأجادة الدور بكل خفة ظل

    دا رأيي وأنا حر فيما أقوله
    وسلامتكم
                  
حرية سلام و عدالة
|Articles |News |مقالات |بيانات

13-05-2019, 03:48 AM

ترهاقا
<aترهاقا
تاريخ التسجيل: 04-07-2003
مجموع المشاركات: 5315

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: سيف الدين محجوب)

    Quote: لذا نطالب بإيقاف بث هذا البرنامج فورا حفاظا على علاقاتنا مع الشعب المصري وصونا لكرامة الشعب السوداني واحترام وعيه وقيمه وهيبته. ونطالب بتقديم هذه الممثلة وإدارة القناة لمحاكمة عاجلة.


    طبعا يا أخ صالح ليس في استطاعتنا ايقاف برنامج و نقدم واحدة قدمت العمل في بلدها
    وتحت نظر الرقابة الاعلامية لمحاكمة ، الناس الفوق لو ما قبلانين ما بتقدر تقدم حاجة ، وكمان المصري بطبعه معروف ممكن
    يضحك الناس في أمه في سبيل حفنة جنيهات
    كل ما نستطيع أن نفعل ، أن نكيل الكيل بمكيالين ،
    وكما ذكر الاخ سيف محجوب، شيماء قدمت
    ما تراها وفقا للنموذج الفني السيء للمدعوة ستونة اسوأ نموذج فني سوداني على الاطلاق وكمان سموها
    سفيرة الفن السوداني لانها ضحكتهم فينا
    كمان نحن عندنا إعلام والبيتو من قزاز ما يجدع حُجار ، نمسح بيهم الواطة
    بلا شعب مصري بلا علاقات بلا قرف،
                  
حرية سلام و عدالة
|Articles |News |مقالات |بيانات

13-05-2019, 07:43 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 3142

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: صالح عبده)

    Quote: أنسوا كلامي القلتو فوق داك كله
    عاوز رأي واضح ومحدد في المسخ الذي تقدمه المدعوة / ستونة بإسم السودان في الإعلام المصري

    كلامك ما بننساهو ما لم تقدم ما يفيد بصحته!
    فأنت يا محجوب ما أضفت جديد يبرر نقمتك غير الطبيعية ونعوتك في حق مواطنة سودانية محترمة.
    كل العملتو أنت أنك أبدلت مفردة (وسـخ) بالأسوأ منها (مسخ) في الهجمة الجديدة بتاعتك الما فهمنا سببها شنو.
    ويبدو أن في النفس ما فيها.

    ورأينا الواضح بنقولوا ليك فقط إذا دليتنا على ما تسميه (مسخ) أو (وسـخ) أو أيهما أيسر لإثبات دعواك المتعجلة.
    والمتحاملة جداً.


    Quote: دا رأيي وأنا حر فيما أقوله

    آآآي أنت حر في قولك، ونحنا أحرار في تقييم قولك والأخذ به
    بس ما حر تحدد لينا شنو اتجاهات الفن السوداني وياتو (عسل) وياتو (وســخ)
    بناء على تقديراتك (الشخصية) باسم (السودانيين) على حساب سودانية بنت بلد
    وبدون أي مقدمات أو حتى أسباب منطقية مقنعة إلا من انطباعات تخصك وحدك.


    Quote: ما هو إلا مرآة تعكس ما تقدمه المدعوة / ستونة من مسخرة وقلة قيمة للسودانيين في الإعلام المصري
    ليه بتلوموا شيماء ومافي زول علق على المسخرة وقلة الذوق والوساخة البتقدما هذه الستونة بإسم السودان

    حرام عليكم لو لومتو شيماء هي في الآخر ممثلة تقلد ما تراه وما يقدمه مدعي الفن أمثال ستونة

    ما تتفاصحو ساي ،،، قالوا عريان من ،،،،،،، ولابي سديري
    شوفوا ستونة بتعمل وتقدم شنو بإسم السودان

    +++
    كانت في تلك الحلقة مرآة تعكس ما تقدمه هذه الستونة من سخافات وحرج لنا كسودانيين

    يا جماعة ما نكابر ساكت ،،،، ستونة ماسحة بيكم الواطة يا برابرة

    ستونة مواطنة سودانية مثقفة ومجتهدة ولا تقوم بشيء يمكن أن يمثل إهانة لموطنها.

    مجالها الفن التقليدي والفولكلوري وتعرف بقية العالم على أمور كثيرة غائبه عنهم وعن بعض السودانيين
    الذين ربما يخجل أمثالك من طرحها وعرضها، غنت لمراسيم الزواج وقامت بأدوار في أفلام عدة مع ممثلين كبار
    فهي تشرح للناس طقس الحنة وبعض التقاليد السودانية المعروفة، تفعل كل ذلك عن خلفية أكاديمية فهي خريجة جامعية
    مثلك تماماً أو هكذا أتوقع، ولها الحق كل الحق في اختيار ما يناسب مؤهلاتها وما ترغب فيه.

    بينما مجال (العسل) هو الكوميديا والمقاطع الهزلية، فشتان ما بين الاثنتين، فعلام التهافت؟!

    لكن كدي عشان نستكشف مظانك يا محجوب ونتأكد إنو عندك (رؤية) وليس (بوهية)
    قدمت شنو الأستاذة ستونة أزعجك أنت (شخصياً) وشايفو ما مناسب لعكس الفن السوداني؟
    أنا مطلع على بعض الأعمال الخاصة بها ولا أظن أن فيها شيء معيب، أدينا نماذج من القلت عليهم أنت
    (ستونة ماسحة بيكم الواطة يا برابرة).

    ___
    وسلامتك.


    =====================

    Quote: ما تراها وفقا للنموذج الفني السيء للمدعوة ستونة اسوأ نموذج فني سوداني على الاطلاق وكمان سموها
    سفيرة الفن السوداني لانها ضحكتهم فينا

    سوء نموذج ستونة تجلى لحضرتك في شنو تحديداً من أعمالها؟
    ويعني بت قضيم ما ضحكتهم فينا في رحلة عيون؟


    Quote: كمان نحن عندنا إعلام والبيتو من قزاز ما يجدع حُجار ، نمسح بيهم الواطة
    بلا شعب مصري بلا علاقات بلا قرف،

    بالله العظيم؟
    كدي أبدأ لينا بالجدع والمسح من النقطة دي، العلاج من الداخل باعتبارك مهتم بالفن وكدة!

    Quote: نعم هنالك عدة اخطاء متبادلة بين الطرفين خصوصا القنوات الليلية الصفراء في مصر ومحاولاتها البائسة للاستهزاء بالسودان والسودانيين
    جريا وراء الكسب المادي الرخيص بواسطة زيادة عدد المشاهدين لقنواتهم التي تعشق الاثارة
    اما ردود الافعال السودانية التي تظهر في بعض الصحف السودانية او النت او وسائل التواصل الاجتماعي فالكثير منها فتشوبه المراهقة السياسية وبعضها يتميز "بعبط" ملحوظ
    فعندما وصلت الى مصر لمواصلة مشروعي للدكتوراة في التأليف بكنسرفتوار القاهرة اكبر المؤسسات الاكاديمية الموسيقية في العالم العربي والافريقي قاطبة
    لاحظت الاتي في مطار القاهرة الاتي ذلك المساء
    ١- دخول جميع الركاب السودانيين من كل الشركات في سهولة ويسر لم نعهده حتى في زمن نميري
    وبالمناسبة لاحظت ان هنالك ثمانية سفريات بين القاهرة والخرطوم فماذا انتم فاعلون يا هواة التخريب
    ٢- مررت بالشارع المصري وسألت كل السودانيين الذين قابلتهم بما فيهم بعض أهلي فوجدتهم فرحين بالعلاج الناجع الذي يتلقونه
    وهو ارخص من العلاج بالسودان ووجدتهم يستمتعون بالشراء للعيد
    وللتجارة من الصناعات المصرية من ملابس واحذية وملايات وكهربائيات وغيره دونما عناء
    ونواصل التحليل
    الذين يحاولون تخريب العلاقات بين السودان ومصر انما هم يحرثون في البحرالذين يحاولون تخريب العلاقات بين السودان ومصر انما هم يحرثون في البحر


    Quote: لا اتفق معك ولكنني احترم رأييك وحلايب دي زنديه ما بنجيبها
    ولكننا بنجيبها بالود والاحترام المتبادل
    يعني زي قصة الفلسطينيين مع اسرائيل
    Re: الذين يحاولون تخريب العلاقات بين السودان Re: الذين يحاولون تخريب العلاقات بين السودان



    فالمسألة (مبدأ) ما استئساد على مواطنة بسيطة بما (تيسر)
    وكان غلبك تجدع وتمسح فوق يا "ترهاقا"جرب طقم المرافعة "السيامية الهيامية" التحت دي كفاحاً
    Quote: مصر دوله مجاوره ومرتبطة بينا ومرتبطين بيها زى التوأم السيامي خاصه بسبب النيل ووحده الحضارة القديمة غض النظر عن أصلها بدا من وين) ولازم يكون في (مستوى وحد أدني للقبول بهم) على الأساس دا.
    Re: عن عقدة مصر لدى السودانيين!!!!!!Re: عن عقدة مصر لدى السودانيين!!!!!!


    ___
    القزاز رااااقد إلا الحجار لينات.
                  
حرية سلام و عدالة
|Articles |News |مقالات |بيانات

13-05-2019, 08:41 AM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: حاتم إبراهيم)

    حاتم يا خوي
    انت الظاهر عليك ما متابع ولا ناقش حاجة وشايلاك الهاشمية ساكت
    أرجع لتعقيب أخونا ترهاقا أعلاه وستجد المفيد
    عسى ولعلك تغير رأيك
    بعدين ،، دا الميدان يا حميدان
    إتحداك يا حاتم ،،،، أعرض علينا عمل محترم ومُشرف واحد قدمته المدعوة / ستونة في الإعلام المصري يخليك تقول عليها ( قدمت عمل محترم )

    يا جماعة ،،، نحنا بنتفاصح ساي ،،،
    مجاراة الفنانين والفن المصري دا شعراً ما عندنا ليهو رقبة
    وآخرتا ،،، تمثلنا ستونة في مصر !!!!!!
    والله مسخرة وقلة قيمة وفضيحة لنا كسودانيين
                  
حرية سلام و عدالة
|Articles |News |مقالات |بيانات

13-05-2019, 08:48 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 3938

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: حاتم إبراهيم)

    سلام يا صالح و لضيوفك المهادن منهم و المشاكس على حدٍ سواء ،
    أما وبعدُ ، ففي ما يلي كان ردي حرفياً عليها أمبارح و في على صفحتها
    بالفيس مباشرتن: ( و كمان قالت ما بتعتذر ، قول ليها ياخي، أن شاء الله عننك .
    ثم ، و ما هي حاجتنا نحن و كنداكاتنا بنات مهيرة بت عبود و بنونة بت المك للاعتذار
    أصلن منواحدة شرموطة مقدودة قاعدة تتكسِّب من هز وسطها و صلبها و ثدييها
    العاملات متل شطور الجاموسة؛ ألله إني صائم) . و أما بالنسبة لحلايب و شلاتين
    فعندي بوست مجمبع في البورد هنا ليه قريب سنتيتن و لا في زول جاب لو خبر ؛
    و كل من تصدو بالمداخلة كانو حانقين عليَّ لانقادي المشروع لمحقرة أولادبمبة.
    و في مثلنا العامِّي ( يا يمه غتي كروك خليني الننبز ليك بت أم كرو) .كان البوست
    بعنوان: (حيلايب و شلاتين في قبضة مومس عمياء) و إليكم الرابط :

    ® حَلَايِبُ و شلاتين.. فِي قَبْضَةِ مُومِسٍ عَمْيَاءَ £ ، بقلم/ دفع الله ود الأصيل ® حَلَايِبُ و شلاتين.. فِي قَبْضَةِ مُومِسٍ عَمْيَاءَ £ ، بقلم/ دفع الله ود الأصيل
                  
حرية سلام و عدالة
|Articles |News |مقالات |بيانات

13-05-2019, 10:14 AM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: دفع الله ود الأصيل)

    صدق القول يا ود الأصيل
    وفعلاً كان الأجدر بنا ( نغطي كرورنا قبل ما ننبذ بت أم كرور )


    وسلامتكم
                  
حرية سلام و عدالة
|Articles |News |مقالات |بيانات

13-05-2019, 10:51 AM

علي عبدالوهاب عثمان
<aعلي عبدالوهاب عثمان
تاريخ التسجيل: 17-01-2013
مجموع المشاركات: 2863

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: سيف الدين محجوب)

    حبيبنا صالح عبده .. عوداً حميداً ..
    نعم لابد من حملة .. كمان عبر قناة الجزيرة نستفيد من موقف قطر ومصر
    سوف تصل الرسالة بسرعة هائلة جداً ..
    وقناة الجزيرة فيها خبراء اعلام يعرفون من أين تؤكل الاضداد ..

    حبيبنا صالح .. أحياناً نحن نمنحهم الفرصة

    تخيل إلى اليوم في السودان ( الحــــــــــــزب الناصــــــــــري)
    وسوف يتولى وزارات في الحكومة الانتقالية القادمة ..
    مما جعل المصريين نفسهم يتهكموا علينا ( الحــــزب الناصــري)
    وإذا وزير الخارجية من الحزب كيف نتفاوض عن حلايب ( مثلاً )

    الحبيب صالح عبده .. توصيل الرسالة تكون عبر الجزيرة ( أنتهزوا فرصة قطر ومصر )
    إعلامنا ضعيف .. ولكن تم تداول الموضوع في قناة الجزيرة في برنامج عن التواصل الاجتماعي
    هجوم كاسح من السودانيين واعتذار من الممثلة .. مقدم البرنامج في 5 دقائق بلغ رسالة لو الاعلام السوداني لأستغرق سنة كامل

    تحياتي الزول الهميم صالح عبده ..
















                  
حرية سلام و عدالة
|Articles |News |مقالات |بيانات

13-05-2019, 11:28 AM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: علي عبدالوهاب عثمان)

    أنبانا على عثمان
    حملة عدييييييييل !!!!!
    معقولة للدرجة دي ،،، نحنا السودانيين حلينا مشاكنا كلها
    وبقت مشكلتنا الوحيدة ( حلقة شيماء )
    وكمان بتنادوا بضرورة قيام حملة وعبر الجزيرة كمان
    طيب نقول شنو في حملتنا ؟
    ياناس خلصنا من كل قضايانا ومشاكلنا الجوهرية
    بلدنا في حالة ضياع تام ،،،
    ناس الخارج بنادوا بمحاربة شيماء وإعلان الحرب على مصر
    وناس الداخل في صراع من المجلس العسكرية ومصرين على أن يكون الفتي الوسيم الأصم رئيساً للجمهورية !!!!!

    عشان كلمتين قالتهم شيماء وقلدت فيهم سفيرة الفن السودان في مصر المشرفانا ورافعة رأسنا على قول أخونا حاتم بأعلاه

    اللهم إني صائم و لا حول ولا قوة إلا بالله العظيم
                  
حرية سلام و عدالة
|Articles |News |مقالات |بيانات

13-05-2019, 11:43 AM

علي عبدالوهاب عثمان
<aعلي عبدالوهاب عثمان
تاريخ التسجيل: 17-01-2013
مجموع المشاركات: 2863

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: سيف الدين محجوب)

    حبيبنا سيف الدين .. سيريناقمي ..
    أنا ليست لدي مشكلة مع مصر .. ناسنا هناك بالعشرات
    حتى آباءنا كانوا في مصر .. الامتداد الطبيعي لأهلنا
    ونحن في جدة في تواصل مستمر مع أبناء جمعية قسطل ( التراث النوبي )
    صندوق الصحارى أحضره جدي من مصر ما زال موجود ( تحفة أثرية )
    ( مصر لو ما تغنيك تستر حالك ) مصر الخديوية بالدنقلاوية ( مسر قلا )
    لكن عندما شاهدت الفيديو شعرت بغضب شديد .. هي فقط كانت في نهاية
    اللقطة على الأقل تكتب ( مع الاعتذار للاخوة السودانيين )
    أو اعتذار شفهي ..
    أحياناً في تصرفات لا تجد لها تبريراً لتتقبلها ..

    شكراً سيف .. هيروو ..









                  
حرية سلام و عدالة
|Articles |News |مقالات |بيانات

13-05-2019, 01:57 PM

Bashasha
<aBashasha
تاريخ التسجيل: 08-10-2003
مجموع المشاركات: 21122

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: علي عبدالوهاب عثمان)

    سيف محجوب:

    عكس ماتتصور، مشكلتك كسوداني في الدنيا دي هي ماتسميها "حلقة شيماء" شغل ابتذال!

    نعم علي قدر رد فعلك انتا علي هكذا بصق مجاني في وجه ادمية امثالنا من البوابين والسفرجية، في ظرف حرج كهذا، بكون حجم فعل الفاعل وليس العكس.

    ومن يهن، يسهل الهوان عليه!

    لو لي شخصيا بكتفي بالضحك، او بتكيف جدا حد الثمالة، لما الغرور يدفع بمستعبدينا الي هكذا طيش من منطلق اننا اغبياء، وهذه حقيقة، اعترف!

    لوما كنا اغبياء بمعني المفردة، او فعلا لاقول مستعبدين، لما تحكم هؤلاء فينا الزمن ده كلو!

    يكفي هيمنتم المطلقة علي النظام الحاكم الان، اللي اتي نتيجة ثورة علي نظام حاكم باسم الخديوي حسن البنا!

    نعم زعماء البديل هم اغوات الهالك صدام حسين، سفرجية الهالك ناصر، او بوابين الهالك قذافي!

    يكفي الميرغني سليل العملاء ابا عن جد، متحكر في عاصمة اسماعيل باشا وهذا عادي!

    اما الصادق فقال هو عراقي، او بتو اسمها "المنصورة" من "المنصور" الخليفة ال20!

    نعم خليفة فقط لانو عربي ولا لاي سبب اخر!!!!

    مضحك، منظرك، عامل ناقشا، تضحك، تسخر بي تعالي من مجرد حلقة كما تتوهم، وكنتيجة مباشرة لي عقليتك دي، بلدك الي هذا التاريخ مستعمرة خديوية، وامثالك في اسوان الي هذا التاريخ مستعبدين في ارض اجدادم، سفرجية او بوابين في عزب البهوات الارناؤط، احفاد الهكسوس!
                  
حرية سلام و عدالة
|Articles |News |مقالات |بيانات

13-05-2019, 02:21 PM

Bashasha
<aBashasha
تاريخ التسجيل: 08-10-2003
مجموع المشاركات: 21122

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: Bashasha)

    بالنسبة لي ظاهرة ستونة:

    اولا، اقر، انا مابشوف اطلاقا اعلام هكسوسي، بل اعلام الانقاذ بطلتا اتابعو من كم طاشر سنة دعك من اعلام مصري كمان!

    ثانيا ستونة دي فرقها شنو من اي سياسي سوداني منذ 56م؟

    منو مثلا الما بفكر زي ستونة، يكره من هو، ويدعي هوية مسترقيه، الارناؤوط؟

    منو مثلا كقاعدة؟

    زعماء الاتحادي، مثلا؟

    حزب الغمة مثلا؟

    الشيوعي مثلا، اللي زعيمو حلفاوي، واللي قبلو دنقلاوي، والقبلو جعلي، والقبلو شايقي، باشبوذغي اتي بالشيوعية من عاصمة الخديوية، كما الترابي؟

    منو مثلا الما ستونة في هذا الفضاء كقاعدة؟

    هذا ما اسماه المارد مالكوم، بي سندروم "الهاوس نقا"!

    نعم المستعبد كماهو حال كل سوداني كقاعدة، لايملك غير النظر لكل شئ بما فيه، روحو هو، من خلال عدسات مستعبده، اللاصقة!

    نحن نكره من نحن، لانو السيد يكره امثالنا!

    كنتيجة نعبد من يعبد وهذا طبيعي!

    اذن بطلو التريقة والاستعلاء يا جــــــــلابة علي ستونة!

    ستونة ملفوظة في وعيكم المسترق، بالوكالة لانها تجسد الزويل اياهو في المرايا الانتو جاكين منو ك"هــــاوس نقاز" ترون انفسكم، وامثال ستونة بعيون مستعبدكم الهكسوسي ولاغير!

    اذن ستونة ماعملت شئ مختلف عن العملو ازهري او عبدالرحمن المهدي او الميرغني او نقد او الترابي او غيرو، اطلاقا!
                  
حرية سلام و عدالة
|Articles |News |مقالات |بيانات

13-05-2019, 03:44 PM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: Bashasha)

    أنبانا عثمانتود
    طالما ما شفت ستونة يبقى ما من حقك تنتقد ما قدمته شيماء
    لأن ما قدمته شيماء ما هو إلا تقليد لما تقدمه هذه الستونة المسميها أخونا حاتم سفيرة الفن السوداني بمصر
    وليس لديك الحق في المطالبة بتبني قناة الجزيرة لإتخاذ موقف تجاهها

    خيرو ،،،


    أخونا بشاشا
    يظهر عليك ماسك العصاية من النص
    القصة ما قصة سرد تاريخ وتلاعب بالألفاظ
    راجع كلامي من الأول ،، هل فيه ما يدل بأنني كنت أضحك لما شاهدته في هذه الحلقة ؟
    بعدين يا حبييب طالما إنت مترفع وذوقك راقي وعمرك ما بتشوف ولا شفت زي ستونة
    يبقى كان من الأجدر عدم الفصل فيما نتناقش فيه
    ودي دعوة مني ليك ،، حاول بعد الفطور تتقوقل أو تتيوتب ( خش اليوتيوب ) وأكتب ستونة
    وحتشوف سفيرة الفن السوداني في مصر
    وعندها حتقول لي شيماء والله ظلمناك
    وإتحداك لو ما رجعت كل ما أكلته وشربته في إفطارك

    نقطة سطر جديد ،،،،
    يا جماعة بطلوا مكابرة ونفخة كضابة
    وزي ما قالوا الجمل ما شايف عوجة رقبتو


                  
حرية سلام و عدالة
|Articles |News |مقالات |بيانات

14-05-2019, 10:42 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 3142

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: صالح عبده)


    Quote: معقولة للدرجة دي ،،، نحنا السودانيين حلينا مشاكنا كلها
    وبقت مشكلتنا الوحيدة ( حلقة شيماء )
    +++
    عشان كلمتين قالتهم شيماء وقلدت فيهم سفيرة الفن السودان في مصر المشرفانا ورافعة رأسنا على قول أخونا حاتم بأعلاه

    مداخلتك في البوست هي الثانية مباشرة يا سوداني!
    فلو كنت حريص على حل المشاكل فالبوستات المتعلقة متوفرة في مكان آخر
    ابتدرتها بحملة شعواء على سيدة كريمة وأقحمت فيها الذوق والمسخرة والوسـاخة وحتى الحلال والحرام يا "سيف الدين"
    إذن أنت جئت لتضيف مشكلة، لتفصح عن دواخلك، فلا تتحجج أو تؤدي دور الوطني الغيور في غير مناسبته.
    فدافع عن (رؤيتك) بدون مزايدة فينا.

    ثم أن أخيكم حاتم أتى للدفاع عن سودانية لها الحق في أن لا يجردها أمثالك من موهبتها بدون سبب واضح أو حتى واضح.
    هذا البوست يتعلق بقضية فنية وليست سياسية فلا تتقافز بين الحبال.



    Quote: بعدين يا حبييب طالما إنت مترفع وذوقك راقي وعمرك ما بتشوف ولا شفت زي ستونة
    يبقى كان من الأجدر عدم الفصل فيما نتناقش فيه
    ودي دعوة مني ليك ،، حاول بعد الفطور تتقوقل أو تتيوتب ( خش اليوتيوب ) وأكتب ستونة
    وحتشوف سفيرة الفن السوداني في مصر
    وعندها حتقول لي شيماء والله ظلمناك
    وإتحداك لو ما رجعت كل ما أكلته وشربته في إفطارك

    نقطة سطر جديد ،،،،
    يا جماعة بطلوا مكابرة ونفخة كضابة
    وزي ما قالوا الجمل ما شايف عوجة رقبتو

    داير تناقش يعني!
    هسع فوق مش قلت شوفوا المشاكل الوطنية الأهم؟

    __
    نفاخ ولا الجمل ما شايف عوجة رقيبتو؟


    Quote: ودي دعوة مني ليك ،، حاول بعد الفطور تتقوقل أو تتيوتب ( خش اليوتيوب ) وأكتب ستونة
    وحتشوف سفيرة الفن السوداني في مصر

    أنت متردد مالك؟
    الحاجة الأنت شايفها دي أدينا معلومة عنها، وخلينا ناخد انطباع بعيد عن (تأثيراتك) ومؤثراتك الفنية
    بعدين ياخي حاول ترتقي بنظرتك وطموحك لما هو أبعد من إرضاء الذوق المصري أو (القلق الشديد) من عدم مواكبته
    ما تبقى لينا زي إدريسو داك، يلف ويدور ويرجع يقول مصر، ميترونوم بس، حتى ظننا أنه سيرث أهلها ومن والاهم
    نحنا يا محجوب دايرين ليكم الاستقلال بالرأي والاعتداد بالنفس
    صعبات ديل؟


    Quote: عشان كلمتين قالتهم شيماء وقلدت فيهم سفيرة الفن السودان في مصر
    +++
    لأن ما قدمته شيماء ما هو إلا تقليد لما تقدمه هذه الستونة المسميها أخونا حاتم سفيرة الفن السوداني بمصر

    ما جابنك الكلمتين.

    وكنت تقول كدة من الأول ياخ!
    أغلطوا إنتو يا الحلوين نجيكم نحنا بالأعذار وبالدمع السخين مدرار
    أنت مصر تلفق الفلكلور مع الكوميديا بس عشان بأي طريقة تجيب سيرة الأستاذة ستونة
    ومن ثم تجتهد وتحاول تهيج الناس عليها تحت الغطاء الماكر دا، ومع ذلك بتشوف التقليد ذاتو (عسل)
    بعدين ياخي ما شايف نفسك متناقض لما تموت في (عسل) التقليد وتقول على (الأصل) مسيخ ووسيخ؟

    لكن نسألك، (قلدتها) في شنو بالضبط الخلاك (تعسلها) وتأبى (الأصل)؟ أنا في رأيي تثقف نفسك أول وتعرف الفرق.

    بعدين حاتم ما سماها (سفيرة الفن)، هي أثبتت جدارتها ونالت اللقب من جمهورها وتستحق ذلك غصباً عن أمثالك
    فلو شايف غيرها أحق أدينا ترشيحاتك بالله، قول لينا فلان داك وفلانة ديك عشان نشوف بطنك دي فيها شنو تاني.

    ___
    حاول تكون صريح.



    Quote: وفعلاً كان الأجدر بنا ( نغطي كرورنا قبل ما ننبذ بت أم كرور )

    اسمو (الكَرْو) "الكرور" داك براهو، زي الكلام الساكت بدافع الكراهية
    اليسمعك بتتكلم عن السودانيين يقول فاهم كلامهم.
    الكرو يعني الجرح المتعفن، يحرج صاحبه.

    ___
    والجروح قديمة وكتيرة.


    Quote: راجع كلامي من الأول ،، هل فيه ما يدل بأنني كنت أضحك لما شاهدته في هذه الحلقة ؟

    كيفن ما كنت بتضحك!
    ومال الدم الزي العسل دا بيبكي؟
    Quote: وشيماء ظريفة ودمها زي العسل وأجادة الدور بكل خفة ظل


    والظاهر عليك مالص جلدك لدرجة أن تنعت السودانيين بذات الألفاظ وتقول (يا برابرة) وبتفتش لشماعة تعلق عليها كراهيتك
    أو بالعدم توجه الاتهام (حسب رغبتك) لأمثال ستونة على أنهم السبب في حصولنا على مثل هذه النعوت، مش كدة؟

    __
    كدة عيب يا أبونا.


    Quote: حاتم يا خوي
    انت الظاهر عليك ما متابع ولا ناقش حاجة وشايلاك الهاشمية ساكت
    أرجع لتعقيب أخونا ترهاقا أعلاه وستجد المفيد
    عسى ولعلك تغير رأيك
    بعدين ،، دا الميدان يا حميدان
    إتحداك يا حاتم ،،،، أعرض علينا عمل محترم ومُشرف واحد قدمته المدعوة / ستونة في الإعلام المصري يخليك تقول عليها ( قدمت عمل محترم )

    يا جماعة ،،، نحنا بنتفاصح ساي ،،،
    مجاراة الفنانين والفن المصري دا شعراً ما عندنا ليهو رقبة
    وآخرتا ،،، تمثلنا ستونة في مصر !!!!!!
    والله مسخرة وقلة قيمة وفضيحة لنا كسودانيين

    متابع جداً ومدرك جداً
    (ترهاقا) خليهو في حالو!
    عندو مؤونة تكفيهو لبرنامج أجدع أمسح دشو لباقي السنة، وفي مجاله.
    داير تجدع وتمسح معاهو اتفضل، داير تقعد تلحس العسل مع الإهانة برضو متروك لنزعاتك (الشخصية)، ليس للسودانيين حق في منعك.

    وأغير رأيي فيها لمجرد أنها ما عاجباك وشايفها فضيحة ليك (كسوداني)؟
    كلامي معاك محصور في (الأعمال الفنية) ومآل رد فعل متلقيها من السودانيين وغيرهم
    ستونة ما (جارت الفن المصري) بل عكست الفن التقليدي والفلكلور السوداني حسب إمكاناتها ونجحت
    أنت دا زعمت وحقرت أعمال الأستاذة ستونة من منطلقات ذاتية جداً وربما تخجل أنت ذاتك من المجاهرة بأسبابك الحقيقية.

    قلت (مسخ) وقلت (وسـاخة) وربطت أعمالها بتحقير آخر (برابرة) كأن الأستاذة ستونة أصبحت (شماعة) لرمي العقد فيها.
    بينما الواضح أنها ناجحة جداً على المستوى الشخصي ولا أجد أي نقد موجه لها على أساس فني، مجرد هجوم فارغ من المحتوى
    لا يشبه سوى ملاطعات الفنانات بدواعي الحسد والمبالغة في التشنيع بسبب الغيرة، هذا رأيي الواضح فيما ألقيته أنت عليها من حجارة.
    أما (ألفاظك) الخاصة مثل (مسخ) و(وسـاخة) فهي غير لائقة في حقها ومن واضح أن بطنك تفور بما فيها، وكدة عيب.


    Quote: إتحداك يا حاتم ،،،، أعرض علينا عمل محترم ومُشرف واحد قدمته المدعوة / ستونة في الإعلام المصري يخليك تقول عليها ( قدمت عمل محترم )

    بس دا نقاش، ما تحدي يا أبونا المحجوب!

    وياهو كلامي طلع صاح! ما عندك شيء عليها، البتة نكالاً! كما وضح
    إدعيت (مساخة) و(وسـاخة) أعمال سيدة سودانية وفشلت في الإثبات فلماذا يجب علي أنا إثبات العكس وهذا العكس هو الوضع الطبيعي؟

    وبتقول (وآخرتا تمثلنا ستونة في مصر)، وداير يتحدوك؟ أدينا مواصفات الممكن (يمثلوك في مصر) عشان نقارن!
    ونشوف الأستاذة المجتهدة ستونة ناقصها شنو من مصفوفة معاييرك القياسية للواتي يحق لهن (تمثيل السودانيين) فناً.

    صعبة دي؟

    منطلقاتك ضدها ذاتية وتحقيرية، أقولها ليك في وشك يا محجوب، بينما لو بصقت عليك المصرية تقول (عسل) بس!
    فيبقى يا "محجوب" يا أخوي شوف المعضلة مكانا وين بالله، وحل عقدتك بيدك بدل ترميها في نساء لم يفعلن ضدك شيء.

    وأعمالها كلها عندي محترمة من حيث المضمون، للأسباب التالية:
    • تخلو من البذاءة وما يخدش الحياء ولا أضطر لمنع أطفالي من مشاهدتها، هذه واحدة
    • أجادت عرض الفلكلور السوداني وأغاني الدلوكة من حيث أرادت الإجادة ولم تقصر أو تبالغ في وصف أو منحت نفسها حق ليس لها، هذه الثانية.
    • تتنقل بموهبتها ليس في مصر وحدها بل في دول أوروبا، يعني (بيستدعوها) حقيقة مش حلم و(فرقعات) ساكت، يعني عندها جمهورها الأفلحت في تعريفه بالفلكلور السوداني، هذه الثالثة
    • ذكية وتعرف كيف تتعامل مع معضلات فنها، قررت تعديل الدلوكة من الفخار إلى الخشب مثلاً وهذا يحسب لها وبراءة باسمها، هذه الرابعة
    • لديها فرقة متخصصة وتشارك في المهرجانات وتستقبلها برامج الحوار وتشيد بها القنوات الفضائية، واثقة من نفسها ولم نشهد لها خذلان أو تلعثم في مقابلاتها، هذه الخامسة.


    والسادسة، يا محجوب هي إنو أهل الفن المحترمين ما قالوا جنس كلامك المشاتر غرضي التوجه دا



    هذه شهادة في صالحها تكفينا ولسنا بحوجة (لنعوتك)
    فهي بذلك مؤهلة لتقديم هذا الضرب من الفنون، وتشرف أي سوداني،

    ____
    معافى وسليم الوجدان، ولا يكره ذاته.
                  
حرية سلام و عدالة
|Articles |News |مقالات |بيانات

14-05-2019, 11:02 AM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: حاتم إبراهيم)

    يا حاتم ياخوي
    الدنيا رمضان ووالله ما عندي أي رغبة في الدخول معاك في مهاترات لا جدوى منها

    بغض النظر عن الطربقة الطربقتها فوق دي أديك كلام أخير ،،،
    أولا ،،، شهادة التكريم الجبتها صورتها فوق دي على أي أساس
    من مين ؟؟؟ ولي مين ؟؟؟؟ .... أوعى تقول لي دا رئيس لجنة المصنفات الفنية ولا دا شاعر أغنية (أمي الله يسلمك ) !!!!!
    يعني شنو وما قيمة هذه الشهادة وكيف نعتمدها ،،،، ( ممكن بكرة أمشي اي مطبعة وأعمل زيها ،،، مطبعة ليه ؟؟؟ في البيت بالكمبيوتر أعمل ليك أحسن منها
    بعدين فلان دا منو الفوضو عشان يكرمها نيابة عنا كسفيرة للفن السودان بمصر ،،، ولا دا تكريم شخصي منه تقديراً لإستضافتها الكريمة لسعادته عند زياراته للقاهرة ،،والأخيرة دي هي الصواب

    نقطة سطر جديد ...
    هذه الشهادة زيها وزي ( وعد بلفور )
    شهادة من لا يملك لمن لا يستحق
    فأحسن ليها تبلها وتشرب مويتها

    سلامتك ألف سلامة أخي حاتم
                  
حرية سلام و عدالة
|Articles |News |مقالات |بيانات

15-05-2019, 05:42 AM

Bashasha
<aBashasha
تاريخ التسجيل: 08-10-2003
مجموع المشاركات: 21122

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: سيف الدين محجوب)


    Quote: بعدين يا حبييب طالما إنت مترفع وذوقك راقي وعمرك ما بتشوف ولا شفت زي ستونة


    ياسيف،

    هل مرا عليك ولاسمعتا بي مصريين بالملايين بفضو الشوارع عشان يشوفو برامج سودانية كما نفعل في السودان، نضحك بي سذاجة في البواب عمي عبدو بتاع المسلسلات الخديوية؟؟

    هل ده، صدفة؟

    هل سمعتا بي فرع للحزب الجمهوري مثلا في مصر الخديوية؟

    هل هناك ملايين المصريين عايشين في السودان؟

    هل المصري لما يفكر يمشي اجازة يقضي وكت في السودان؟

    اذن باختصار شديد لما اقول ليك ما بتفرج في تلفزيون مصري، فواضح ده، هو الطبيعي بي شهادة البسوي فيهو المصري، مش؟

    اذن مازي ما نتا فاهم بشاشا ماعندو الشغلة باي اعلام عربي، عشان مترفع او راقي كما تتوهم، وانما ده هو الطبيعي والمنطقي، لانو لاقاسم مشترك مابيني واي عربي، اللي لاقاسم مشترك

    بينو او بين عبيدو من "ابناء السوداء" من امثالنا كما وصمنا ذاك الاعرابي البرضو صحابي بشهادة سلوك الاعراب انفسم، الما عندهم الشغلة بي امثالك اطلاقا وهذا طبيعي دعك من المصريين!!!

    لهذا ستونة لاتختلف عن ايا من اهلا هناك في اسوان او السودان، في نظرتا هي لي روحا ك"ســــــوداء" او نظرتا لي اهلا ك"ســــــود"!

    مشكلتنا من الاساس شنو؟

    مشكلة كراهية ذات!

    كمخرج ندعي كلنا او من طرف هوية مستعبدينا الاعراب او زوي البشرة الفاتحة!

    من كلامكم هي بتتريق علي اهلا، وهذا حال كل سوداني البكره حد القتل والابادة لمن هو اي "الزرقة"!!

    لهذا لما انتا تبتذل موضوع ضخم كهذا في شخص ستونة، فهذا يعكس بعد اخر في شخصيتك، كجلابي يكره ويستعلي علي امثال ستونة والسلام!

    هذا ماعنيت، لما قتا، انتا او بي براءة شديدة بتتافف يا للعجب، من هكذا استعلاء احتقار، وبصق في وجه ادمية امثالك بواسطة مستعبديك، من دون اي مبرر باستخدام اختك ستونة، كاداة، بتوظيف الجواها، اللي هو ذات الجواك، المعذبك الحاميك النوم!

    مافي مبرر واحد احد بخلي هؤلاء اي الغزاة والمستعمريين المصريين المستعبدين لاهلك في اسوان الان واللحظة، او من دون اي مناسبة، يطلعو الجواهم من احتقار لامثالنا!

    انتا بتشوف هكذا تعدي، استخفاف، استهتار بامثالنا No big deal!

    نعم شايف الاهتمام بهكذا بصق في وجه ادميتنا، علنا وبلا مبرر، مامشكلة ، عامل فيها مقددا، فاهم او بتيخ، وهذا عجيب!

    هذا ماعنينا بي كلامنا!

    زي ما قتا ليك شخصيا انا بتكيف حد الثمالة في الوهلة الاولي لما يختوها علي بلاطة، هكذا او يطلعو الجواهم برا في السهلة!!

    ده سمح خلاص، بديني فرصة اتمغي زي ماشايف في الخيط ده، واوصل رسالتي بي مزاج للقارئي!!

    اموت في هكذا استعلاء، استخفاف احتقار، اعترف نستاهلو كسودانيين، لاننا فعلا لا قول مستعبدين، من حيث الوعي، المحتل حتي الان!

    وقع ليك؟

    ....يتبع.......
                  
حرية سلام و عدالة
|Articles |News |مقالات |بيانات

15-05-2019, 08:19 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 3142

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: صالح عبده)

    Quote: أولا ،،، شهادة التكريم الجبتها صورتها فوق دي على أي أساس
    من مين ؟؟؟ ولي مين ؟؟؟؟ .... أوعى تقول لي دا رئيس لجنة المصنفات الفنية ولا دا شاعر أغنية (أمي الله يسلمك ) !!!!!
    يعني شنو وما قيمة هذه الشهادة وكيف نعتمدها ،،،، ( ممكن بكرة أمشي اي مطبعة وأعمل زيها ،،، مطبعة ليه ؟؟؟ في البيت بالكمبيوتر أعمل ليك أحسن منها
    بعدين فلان دا منو الفوضو عشان يكرمها نيابة عنا كسفيرة للفن السودان بمصر

    لا تعليق!

    واضح أنك انسان بسيط جداً، غايتو خسارة الكتابة الأديتك بيها قيمة.

    والبركة في شوفة أول نموذج (مجرد) لعقدة الدونية العارية من أردية اللغة والشعر والتفقه الشديد في الدين،
    دونية العسل الملحوس وتقدير الذات المنكوس والغباء المحسوس.

    فالعنصريون دائماً أغبياء، تأكدت من الحقيقة دي أمس.

    ___
    كنت أحسن الظن أن بعضهم يفكر وقابل للعلاج.
                  
حرية سلام و عدالة
|Articles |News |مقالات |بيانات

15-05-2019, 08:50 AM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: حاتم إبراهيم)

    حاتم باشا
    أحمد الله بإنني إنسان بسيط كما قلت فالبساطة ليست عيباً بل ميزة وميزة طيبة في هذا الزمن الأغير
    بعدين يا حلو القصة ما قصة تلاعب بالألفاظ وتعمل لي فيها سبيويه

    يا خوي ،،، يظهر عليك من مرتادي قاهرة المعز حيث الضيافة والذي منه زي صاحبك بتاع الشهادة داك

    حتى اللحظة رغم دفاعك المستميت لم تقدم إي شئ يدل على الحس الفني ورقى هذه الستونة
    وما زلت مصراً بتحديك أن تقدم لنا أي عمل تثبت به جدارة هذه الستونة بلقب سفيرة الفن السوداني بمصر
    الله يحرق الفن وأهل الفن لو كان بهذه الوضاعة وقلة القيمة
    مبروك عليك ستونتك وتتهنا بيها يا حتومة
    دفاعك عن هذه الستونة يدل على تواضع ذوقك الفني بل إنعدامه ،،، والطيور على أشكالها تدافع !!!!
    سأتوقف آسفاً على ضياع وقتي الثمين في جدل بزنطي معك وكما قال سعد باشا ( مافيش فايدة !!!! )

    ( . ) كم تأسفت عليك والله ( . ) إنتهى ( . )
                  
حرية سلام و عدالة
|Articles |News |مقالات |بيانات

15-05-2019, 05:32 PM

Bashasha
<aBashasha
تاريخ التسجيل: 08-10-2003
مجموع المشاركات: 21122

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: سيف الدين محجوب)

    ياسيف،

    مرة اخري، جاوب علي سؤالنا:

    ستونة من الفهمتو من كلامكم انها بتتريق من اهلا في الاعلام المصري.

    لو ده حاصل، الفرق شنو بين ستونة وكل رموز السودان المصري من 56م؟

    الفرد العادي مننا مستعد يموت عديل كده، عشان يبسط العربي!

    نعم انه سندروم ال"house niga" بتاع المارد مالكوم!

    مافي شئ بخلي السوداني يطشم خد الاغماء، كما اطراء سيده العربي، له!

    ستونة بتقرق او تسخر من اهلا عشان تبسط سادتنا وتنال رضاهم باي ثمن!!

    او هم بستخدمو ستونة كابشع مايكون الاستخدام عشان يدشو الجواهم من احتقار لامثالنا لاسباب مركبة متعددة، تعيد انتاج ذات التراتبية في علاقتنا المشوهة، بهم كمستعبدين في مقابل مستعبد بفتح البا في الاول او كسرو في التاني!

    نعم ذات دور البواب السفرجي "عم عبدو" اللي لاحظ مالفت نظر زول من السودانيين البضحكو عليهو بي كل سذاجة او براءة كما المصريين دون ادني ادراك، باعتبارو نوبي "مصري" او مش "سوداني" كما امثال ستونة في "الحامش" الما "سودانيين"!!

    واضح للكل ده موضوع مركب ضخم!!
                  
حرية سلام و عدالة
|Articles |News |مقالات |بيانات

15-05-2019, 07:12 PM

سيف الدين محجوب

تاريخ التسجيل: 18-01-2013
مجموع المشاركات: 647

للتواصل معنا

FaceBook
تويتر Twitter
YouTube


Re: هذا البرنامج المصري يعكس صورة سلبية عن مج� (Re: Bashasha)

    بشاشا يا خوي
    يظهر إنك ما فهمتني
    أنا لم أذكر من قريب ولا من بعيد بأن ستونة بتسخر من أهلها في الإعلام المصري
    بالعكس هي جادة فيما تقدمه ،،، بس ماذا تقدم وبأي طريقة ؟
    ما تقدمه عبارة مسخ وشئ مسئ للفن السوداني
    وإنت عارف أولاد بمبا لما يلقو عينة زي دي هاك يا شكر وهم في قرارة نفسهم بضحكوا ويضحكوا الناس عليه
    رغم قولك بأنك لا تهتم ولا تشاهد مثل هذه التفاهات
    سبق وأنت طلبت منك تشوف أي تسجيل لهذه الستونة
    أكرر الدعوة ليك لتشوف العجب وتشوف كيف بتمرمط بكرامة أم السودان بإسم الفن
    ويجي واحد يقول ليك دي سفيرة الفن السوداني في مصر

    عليك الله يا بشاشا ،،،، عشان خاطر أخوك شوف وأرجع لى

    وتأكد بأنك الليلة حترجع كل الأكلتو في فطورك

    تحياتي
                  
حرية سلام و عدالة
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de