. . 🐒 حركات قردية (1): 👈 آخر حركة قردية ظهرت في الساحة قالوا : (المخلوع) يوافق على العرض الخليجي وينتظر رد المجلس العسكري وقالت مصدر لصحيفة (اليوم التالي) ان إحدى دول الخليج تقدمت بعرض لإستضافة الرئيس المخلوع عمر البشير على أراضيها، وشمل العرض حسب المصادر، الإقامة الدائمة للمخلوع وأفراد أسرته. فيما تشير معلومات إلى أن البشير وافق على العرض، وتمت إحالته للمجلس العسكري الإنتقالي للبت فيه..... 📌 هو يعني المخلوع ماخد راحتو للآخر يشاوروهو وكمان ويوافق والا يعترض ؟ دي مفروض تسقط تاني وتاتي ورابع ومية وميين ودشلوين مرة . . 🐒 حركات قردية (2): 👈 قال زهير بن ابي سلمى عندما بلغ ال (80) من عمره : سئمت تكاليف الحياة ومن يعش ثمانين حولا لا أبا لك يسأم..... الصادق ابو مريم في 25 ديسمبر 2018 اكمل (83) حولا ودخل في الاربع والتمانين ولكن لأنه طول عمره ما اشتغل ولا عرف تكاليف الحياة حتى يسأمها هاهو الآن يقابض ويتشعبط على أكتاف الشباب المعتصمين وعاوز يبقى رئيس وزراء تاني... 📌 يعني نحن نخلع واحد عمره (74سنة) عشان نسلمها لي واحد عمره (84 سنة) ليه ؟ دولة دي والا قسطرة بولية... ..ه. .ه. 📰 الوطن: 👈 "قوى التغيير" تتسلم رد "الانتقالي" على الوثيقة الدستورية 📌 الرد دا ما تفتحوهو هسع ... خلوهو لي بعد الفطور عشان كان داير له عركة الناس يكونوا شبعانين . 📰 الوطن: 👈 مجمع الفقه: "60" جنيهاً لزكاة الفطر و "35" جنيهاً للفدية 📌 هسع كلن المحكمة حكمت (المخلوع) بالسجن كان نعتبره من (الغارمين) والا (في الرقاب) ونديهو الزكاة لكن الحبسة دي كدا ساكت مامن مصلحتو والله... . 📰 الوطن: 👈 الدقير: الثورة أفلحت في قطع رأس النظام والخلايا الحية موجودة 📌 الخلايا دي مصيرها تعفن زي جسد (شارون) وتتقطع واحدة واحدة . 📰 الوطن: 👈 السفارة الأمريكية تستنكر أعمال قوات الأمن في دارفور 📌 دي فرفرة مذبوح منهم والا يمكن شقة وداع . 📰 السوداني: 👈 السوداني تكشف تفاصيل التحقيقات مع البشير 📌 (المخلوع) دي حامضه عليكم ما قادرين تبلعوها كلكم . 📰 السوداني: 👈 تقرير اللجنة يؤكد سقوط 90 شهيد منذ بداية الثورة 📌 الحمد لله ما (60) لأنو الرقم دا كرهونا ليهو . 📰 آخر لحظة: 👈 ضبط أسلحة وأحزمة ناسفة في قلب الخرطوم 📌 الأسلحة ممكن تكون بتاعة كتايب الظل ، لكن الأحزمة الناسفة دي كدي أسألوا منها (عبدالحي) . 📰 آخر لحظة: 👈 الصين تتوسط بين المجلس العسكري والأحزاب 📌 هوبببببا،،،، منه العوض وعليه العوض . 📰 الإنتباهة: 👈 القبض على 11 خلية من كتائب الظل 📌 أنا زمااااان قلت ليكم الأسلحة ال بي يقبضوها من التهريب دي بي يودوها ويييين ،، مافي زول جاوبني ، تراها وضحت الليلة . 📰 الإنتباهة: 👈 الإنتباهة تتحصل على قائمة سفراء موالين للنظام المباد 📌 أيييوااا الإنتباهة دخلت الفورمة حلوة (النظام المباد) دي . 📰 أخبار اليوم: 👈 موفد «أخبار اليوم» إلى «كمير الجعليين» قرية حرم الرئيس المخلوع (وداد بابكر) يكشف الحقائق ويحاور أسرتها ويضع أمامها الأسئلة الحرجة 📌 أها ناس قريتها كيف ؟ مرطبين زيها كدا والا كانت مافيها ليهم فايدة . 📰 أخبار اليوم: 👈 الدقير: نرفض قيام انتخابات مبكرة قبل الإعداد الجيد لها وتفكيك الدولة العميقة وبقايا النظام 📌 يازول تفكيك الدولة العميقة عاوز له زمن . 📰 أخبار اليوم: 👈 (أخبار اليوم) تستنطق الناشط الشبابي عثمان ذو النون حول الثورة والأحداث التي أعقبتها 📌 وذا النون اذ ذهب مغاضباً.... الزول دا أوع يكون بلعو الحوت . 📰 أخبار اليوم: 👈 الثوار يقضون أول أيام رمضان بالقيادة ويسيرون تظاهرات هادرة لمباني وزارة الدفاع... 📌 يازول البرنامج دا يكون بوظ على اصحاب الخيم وخصوصا (هناية سيتي) شريكة (الهناي دبيب) والا مرتو ما عارف . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست