|
|
|
 Re: جهاز أمن أبوظبي يعتقل مهندس سوداني لتسريب (Re: Yasir Elsharif)
|
انا سمعت تسجيل لرسالة هذا المهندس في الواتساب
بصراحة كانت رسالة غبية جداً جداً
إنت مهندس اشنو البتتصرف بالطريقة الغبية دي
طيب طالما الزول دا كان قاعد بي وراك وبتكلم
ليه ما سجلت المحادثة ولو صوت من بعيد ؟
ليه ما صورتو بي تلفونك صورة أو فيديو للتوثيق والتأكيد
بعدين دا مستشار في الديوان الملكي السعودي بغض النظر عن إنو كان يعتبر تاني شخصية في السودان
من حيث الأهمية لقربه من رئيس الدولة وكمدير لمكتبه
طه ما بالغباء دا عشان يجي مطعم بتردد عليه أمثالك وكمان يتكلم في موضوع مهم زي دا
دون التأكيد من أن المكان مؤمن
صراحة أريتك مهندس التابة ،، واريتا هندسة السواد والرماد القريتا
رسالتك كانت غبية جداً تدل على سذاجتك وعدم فهمك وأشك في إنك خريج هندسة
لانو يظهر بأنك زول سجمان بس
تخريمة :
كلامي دا ما دفاعاً عن طه الدلاهة الحرامي بس الشاب دا ورانا بأنو ما طه براهو الدلاهة
وكلنا دلاهات الرخينا أضانا وسمعنا رسالة سخيفة ذي دي
وفي ناس أكثر دلوهية مننا لأنهم صدقوها ،،، وعملوا للعوير دا صيت وكمان طلعوا ليهو دعاية بإعتقاله في الإمارات
يعتقلوا لي شنو دا ؟؟؟؟!!!!
غايتو دايرين يشهروه ساكت ،، فعلاً دا زمن المهازل
وسلامتكم ،،،،،،
| |
 
|
|
|
|
|
|
|
|
Re: جهاز أمن أبوظبي يعتقل مهندس سوداني لتسريب (Re: سيف الدين محجوب)
|
سلام يا سيف الدين محجوب
Quote: طيب طالما الزول دا كان قاعد بي وراك وبتكلم
ليه ما سجلت المحادثة ولو صوت من بعيد ؟
ليه ما صورتو بي تلفونك صورة أو فيديو للتوثيق والتأكيد
بعدين دا مستشار في الديوان الملكي السعودي بغض النظر عن إنو كان يعتبر تاني شخصية في السودان
من حيث الأهمية لقربه من رئيس الدولة وكمدير لمكتبه
طه ما بالغباء دا عشان يجي مطعم بتردد عليه أمثالك وكمان يتكلم في موضوع مهم زي دا
دون التأكيد من أن المكان مؤمن |
| Quote: كلامي دا ما دفاعاً عن طه الدلاهة |
إنت بنفسك بتقول على طه أنه دلاهة. ودا معناهو أنو غبي وممكن تحصل منو زي الحكاية دي.
الأيام سوف تكشف أنو القصة حقيقة أم اختلاق ساكت.
Quote: وكمان طلعوا ليهو دعاية بإعتقاله في الإمارات
يعتقلوا لي شنو دا ؟؟؟؟!!!! |
الاعتقال وارد خاصة لو كان الكلام اختلاق. وأتوقع كمان إبعاده من الإمارات بعد كدا.
ياسر
| |
|
|
|
|
|
|
|
|
Re: جهاز أمن أبوظبي يعتقل مهندس سوداني لتسريب (Re: Yasir Elsharif)
|
الزول دا داير يبقي بطل وحكاية قبضوهو دي لزيادة الحبكة الدراميه .......يعني معقول الناس لسه ماقادر تفهم انو العالم دا اتغير وانو المجلس العسكري دا غير معترف بيو حتي الان من الاتحاد الافريقي ودول العالم الا يسلم السلطة لحكومه مدنيه ...وانو المجلس العسكري لايملك اي محاوله للمناوره غير ان يدقس المدنين والمفاوضين ويقدمو حكومة مدنية من غير تحديد الصلاحيات ومجلس السيادة ..الثوار في وضع مريح جدا والمجلس هو المزنوق لذلك طه ولا غيرو مايقدرو يعملو اي حاجة الا اذا دقسنا برانا ..
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Yasir Elsharif
سيف الدين محجوب
Mohd Ibrahim
فيس بوك
تويتر
انستقرام
يوتيوب
بنتيريست