عقيد في القوات البحرية ما عاجبو الحصل بس مغلوب علي امره اولا معظم زملائنا تم اعتقالهم وافرجوا علي البعض منهم عشان يوروا الثوار انهم صادقين لكن بعد الاعتصام ده يتفضي قالو بقبضوا عليهم تاني وعلي كل المفرج عنهم وتحدبدا المؤثرين علي الثورة الناس ديل ناوين ليكم نية سيئة والبرهان كوز لكن كان ضغطوه بلبي ليكم طلباتكم لكن ركزو علي الطلبات المهمة زي اعادة الجيش من حرب اليمن ومحاكمة البشير وحل الموتمر الوطني وقوش ده مهم جدا هم عندهم لعبة لكن البرهان ده كويس اذا ضغطوه لكن لو ما ضغطوه بنفذ ليهم مسرحيتهم واهم شي ما تفضوا الاعتصام انحنا جوا الاجتماعات دي الجنرالات كلهم خايفين لانهم كيزان عشان كده بجتهدوا يفضوا الاعتصام وانا بحزر كل الثوار تحزير عديل كده كان الاعتصام ده اتفضي الناس ديل والله بوروكم شغل اعفن من الثلاثين سنة الفاتت ناوين اعزبوكم عزاب وبالزات البارزين منكم لذلك اسمعوا نصيحتي دي خليكم قبلكم الاعتصام مجنن الناس دي ومعظم الجنرالات المعانا كيزان الا الرتب الوسيطة والصغيرة وديل فبهم كيزان بس قليلين اخير ليكم ترجعو اعتصامكم عشان ماتضيعو بلدكم وتضيع ثورتكم الحاكومه ماسقطت دي مسرحية كيزانية عفنه زيهم لازم العدد يزيد بي اي طريقة تعملوا حفل بي فنان تعملوا مسرحية المهم كثفوا العدد عشان تضغطوا عليهم وحسب شوفتي ليهم في الاجتماعات لو عصرتوهم بشكلوا حكومة مدنية وبلبو ليكم طلباتكم لكن اذا وعدوكم وعد ما تصدقوهم ما تفضو الاعتصام الاتشوفوا البشير وقوش وعلي عثمان في السجن البرهان بين امرين با انفذ المسرحية الكيزانية يا افضي الاعتصام واذا فض الاعتصام تاني ما بتقوم ليكم قايمة وهسي هو خايف من المسؤلية وانحنا الضباط الاحرار الفي الجيش معاكم بس نضمن وقوفكَم واعتصامكم بعد داك لينا كلام تاني قومو الي اعتصامكم وما تشتغلو بي كلام الجداد الالكتروني ممكن نكون مختلفين في الشيوعيين والا المهنييييين لكن هدفنا ننضف البلد من الوسخ ديل وخلو الشكك الزرعو فيكم الجداد
حتي المجتمع الدولي معاكم الا السعودية ووالامارات لانو عندهم مصالح في السودان وتحديدا سحب الجيش من حربهم دي وخايفبن عليها لَـگِنْ الكيزان لسه عايزين يلعبوا لعبتهم والتخطيط ده كلو تخطيط علي عثمان وباقي العصابه وهسي هم كلهم قاعدين في مزرعة من مزارعهم ومحروسين حراسة مشدده لكن مافي زول بقدر يصل ليهم قاعدين يخططوا ويدبروا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABDALLAH ABDALLAH
فيس بوك
تويتر
انستقرام
يوتيوب
بنتيريست