ايام حرب الخليج ، ايام دقسة صدام حسين في احتلال الكويت.. السودان (عبر نظام عمر البشير..!) وممارسة فقه التقية ، السودان ، وقف في موقف غريب (كما بدا وقتها) دعما لصدام حسين..وقام صدام حسين فت الشغلانة للأخر: انو كيف السعودية وحلفائها دفعت سبعة مليار دولار حتى لا تكون هناك صناعة بترول في السودان..!!
كبر
03-18-2019, 02:25 AM
Kabar Kabar
تاريخ التسجيل: 11-26-2002
مجموع المشاركات: 18537
انما تبعتها اشغال واشغال اخرى..ادت الى انقسام السودان..حدي فاهم حاجة؟؟
ما لم نفهم ولم يفهمه اهل السودان ، أن الجزء المنقسم (جنوب السودان) هو الجزء الغني بثروة البترول (تلك الثروة التي دفعت السعودية والأمارات العربية دم قلبها حتى لا تكون..!!)..
واليوم ، كلبم ، كلــــب الموساد عمر البشير..فرحان بقرض قيمتو تلتمية مليون دولار من هيئة مشبوهة تابعة لدويلة الأمارات العربية؟؟!
كبر
03-18-2019, 02:28 AM
Kabar Kabar
تاريخ التسجيل: 11-26-2002
مجموع المشاركات: 18537
لو بتسمع كلامي يا عمر البشير: الثورة السودانية الحايمة اليوم في شوارع الخرطوم..وتظن انت ان حدها الخرطوم ، حدها ليس الخرتوم يا عمك..!!..ونحن يا قريبي مش زي ناس ليبيا او سوريا او اليمن او تونس..نحن ناس امسودان حاجة تانية خالص يا عمر البشير..المرة دي ثورتنا حدها مش ح يكون في الخرتوم..وانما ثورة ح تمتد لغاية الأمارات العربية ، والسعودية وقطر(محل نقاطة العمالة والبؤس)..كلهم يا عمر البشير ح نطير ليهم جبوناتهم زي الترتيب (امشي زيارات مخصوصة ليهم يا عمر البشير عشان تشرح ليهم جبون شنو...!!)..
كبر
03-18-2019, 02:37 AM
Kabar Kabar
تاريخ التسجيل: 11-26-2002
مجموع المشاركات: 18537
أي بلبلة في السودان (من راس الحركة الإسلامية ولا شنو كده ما عارف..)، ما ح تقيف في السودان..الأمارات ح تضوق المر..السعودية ح تضوق المر..قطر ح تضوق المر..!!..اما عبد الفتاح السيسي..ح نخليهو يرقص عشرة بلدي في رابعة العدوية..!..وتركيا ما بعيدة يا عمر البشير..والله صحي..! فرحان بقرض قيمتو تلتمية مليون دولار يا عمر البشير؟..حقا انتا جزمة..وحراسات الجنائية الدولية خسارة عليك يا كــــلب..! يا ابن عوف طربيزة أو أي كان اسمو..الجزمة عبد الفتاح السيسي ما عارف السودان..وعمرو ما ح يعرف مزاج ناس امسودان..فشنو يا قريبي..لم الدور يا عمك..!! صاروخ بازوكا في السد العالي يا ابن عوف.. عبد الفتاح السيسي ح يرقص عشرة بلدي زي الترتيب..وانتا ذاتك يا ابن عوف..بدل تدسا تحت طربيزة ، ح تلقي روحك بترقص عشرة بلدي زي الترتيب..! الشيوعيين يا بن عوف ، أو أيا كان اسمو ، حدهم بري الداريسة..لكن الشعب السوداني ما عندو حد..!! والدواس ما فيهو عورتني..امشي اشرح لأسيادك من ناس الأمارات والسعودية وقطر..!!..عيشتهم ح تبقى بمبي..!..وصدقني يا وزير الدفاع في امسودان ، في ناس بتعرف كيف تشتغل الشغلانة دي..!
يا عرب الخليج او شنو كده ما عارف..الحاضر فيكم يكلم الغايب: الثورة السودانية ليس حدها الخرتوم وعمر البشير..!!
كبر
03-18-2019, 03:12 AM
Kabar Kabar
تاريخ التسجيل: 11-26-2002
مجموع المشاركات: 18537
صاحب الأمارة اياها ، زايد الشر ولا منو كده ما عارف..!
قبل ان يعلق عمر البشير وعلي عثمان محمد طه في شجرة ، جثث هامدة تأكلها الطير..سوف تحترق اماراتك يا عم يازايد..كيف؟ انت لا تعرف السودان واهل السودان..!!
دعوا السودان في حاله ، نشد التغيير فهذا شأن اهله..نشد الإستكانة والمذلة فذاك ليس شأن اهل السودان ، انما شأن عمر البشير وكــــلابه..وهو شأن لن يدوم كثيرا..قد ينتصر اليوم ، قد ينتصر غدا..ولكنه حال زائل..!!!!
امريكا ، رب عرب الخليج سهلة الإختراق ، فما بالك بدويلات لا حول ولا قوة لها غير ربها امريكا..!!
كبر
03-18-2019, 03:15 AM
Kabar Kabar
تاريخ التسجيل: 11-26-2002
مجموع المشاركات: 18537
ما لم تعرفه دويلات الخليج ، ، هذه المرة ، أن الحريق السوداني حينما يظهر ويكشف عن وجهه البشع..لا يحتاج لأخلاق او مشروعية دينية..ولن يتوقف في الخرطوم ..لن يستكين للبراءة التي اضاعت ليبيا واليمن وسوريا والعراق ومصر..!!
تلتماية مليون دولار يا عمر البشير؟؟..وبرضك فرحان بيها..ياخي دي في لوتري ماكس ممكن اربح اكتر منها..وانت فرحان بيها..؟..نفس اسيادك يا عمر البشير ممن تصدقوا عليك بها هم من سعوا لتقسيم السودان وضياع صناعة البترول في السودان..غشوك وجيت غشيتنا بان الموضوع نصرة للإسلام..!!..الإسلام يا عمر البشير وعلى عثمان محمد طه ، دوما ليهو رب بيعرف كيف يحميه..ومؤكد ذاك الرب ليس الحركة الإسلامية او علي عثمان محمد طه ولا قريشات دويلة الأمارات
او ما شاكلها من دويلات من امثال السعودية وشنو كده ما عارف..!!
كبر
03-18-2019, 03:17 AM
Kabar Kabar
تاريخ التسجيل: 11-26-2002
مجموع المشاركات: 18537
طبعا برلمان المرتزقة بتاع الطوارئ ، الذي يفلح في مناقشة قوانين الطوارئ..ح يعجز ان يقول بغم في القرض الجاي من دويلة الأمارات عبر صندوق شنو كده ما عارف..!!
كلكم سفلة يا ناس البرلمان السوداني (رجال ونسوان وجنس تالت ذاتو..!) ، سواءا كان معطل او شغال وقت الضرورة..!!
تلتماية مليون دولار ، وكمان قرض يا ملاعيين..وما قادرين تقولوا بغم..!
ما اسهل هد المعبد ، ليس عليكم فقط ، وانما على اسيادكم ناس زايد الشر او أي كان اسمه..تلتماية مليون دولار يا كــــــلاب يا عبيد الشيطان؟؟؟؟..
كبر
03-18-2019, 03:29 AM
ترهاقا ترهاقا
تاريخ التسجيل: 07-04-2003
مجموع المشاركات: 8423
Quote: تلتماية مليون دولار يا عمر البشير؟؟..وبرضك فرحان بيها..ياخي دي في لوتري ماكس ممكن اربح اكتر منها..وانت فرحان بيها..؟..نفس اسيادك يا عمر البشير ممن تصدقوا عليك بها هم من سعوا لتقسيم السودان وضياع صناعة البترول في السودان..غشوك وجيت غشيتنا بان الموضوع نصرة للإسلام..!!..الإسلام يا عمر البشير وعلى عثمان محمد طه ، دوما ليهو رب بيعرف كيف يحميه..ومؤكد ذاك الرب ليس الحركة الإسلامية او علي عثمان محمد طه ولا قريشات دويلة الأمارات
دي قوية يا مولانا
03-18-2019, 03:33 AM
Kabar Kabar
تاريخ التسجيل: 11-26-2002
مجموع المشاركات: 18537
ثورة السودان حتى الآن سلمية ، مطالبها خاصة بالداخل السوداني ، وكل من يحاول التدخل فيها..فسوف تكشف عن وجهها البشع..وجه لا يسعى لحريق السودان فقط..وانما وجه سيحرق اخرين قبل ان يحترق السودان..!
بسيطة يا اهل السعودية والأمارات وقطر..مفاتيح احتراقكم بسيطة من حيث لا تعلمون..كفى ان فصل عملائكم جزءا من السودان ورقصتم طربا لذلك..كفى يا اهل الخليج..مفاتيح احتراقكم بسيطة..ولن تنجيكم امريكا او غيرها
كبر
03-18-2019, 04:12 AM
Kabar Kabar
تاريخ التسجيل: 11-26-2002
مجموع المشاركات: 18537
الأقوى منها يا حبيبنا صوت كمنجة شارد يحكي الحنين والأنين والمعاني النبيلة الشاردة..!
زمان يا ترهاقا ، الموضوع كان وطن حدادي مدادي..نتشاكل ، نتداوس..نتفارق..وندق بعض لمن الغبار يقوم..وبرضك ، لسع جوه حوشنا..لكن لمن تبقى فيها حقارة قدر ده يا ترهاقا..فشنو..طز في الهامش وطز في المركز..الفضاية ح تضيع مننا يا ترهاقا..الفضاية الكنا بنلعب فيها لعبة هامش ومركز..الفضاية ح تضيع يا ترهاقا..!
ناس عمر البشير وعلي عثمان محمد طه ، كل همهم اليومين ديل يسوقوا امسودان نحو الحريق..ومافي مشكلة..امسودان ليست الخرتوم فقط.. والحريقة جاية جاية..لكن مشكلتهم ما ح يقدروا ، او غيرهم ، يحدد الحريقة ح تصل لي وين..!
كتر خيرك يا حبيب..
كبر
03-18-2019, 06:53 AM
محمد أبوجودة محمد أبوجودة
تاريخ التسجيل: 08-10-2004
مجموع المشاركات: 5265
قرأتُ بوستك، وكنتُ مؤمل أن أخرج بفائدة اشتمالية، حسبما تعوّدتُّ من قراءاتي لبعض سابقات بوستاتك، ولكن للصراحة، ربما أكون خرجتُ ببعض فائدة، لكنها غير اشتمالية. الفائدة الاشتمالية أعني بها تلك التي تفيدك ولا تلوّث خاطرك؛ وبالطبع، فالفائدة غير الاشتمالية، ومهما أعطتك، فإنّها تبقُص منك الكثير..! وربما لا تصمد ولا تبقى شَــيــَّــاتها الفائدوية عندك طويلا. وزيادة في النقر عن المعنى للاشتمالية المجوّدة، يمكنني أن أذكّركَ - ولستَ بالنّاسي - تقريظ كُبارنا في الزمان القديم، للطعام الاشتمالي الفائدة: كسرة بي موية، لا توسّـِــخ إيديك ولا تـغلــِّـــتْ عليك.
أدرك إلى حدٍّ معقول، أنك "زول" حِجاجي" وعليه، ليس لي غير الإشارة إلى أنّ "ركيزة" وجعك اقتصرتْ فقط على قبول 300 مليون دولار من صندوقين عربيين؛ وذاك قبولٌ يا صديقي، ربما لا تعتريه أيّ "أم فِريحانة" عند مــَــنْ تُريد أن تتونّس معه. يا أخي كبر، صحيح أن النظام السياسي الحالي، كله ظلم واستبداد وبلادة حايمة و.. و... و... عدم معنى ذاتو..! وكذلك النظام السياسي الدولي والإقليمي ذاتو بي ذاتو، ولكن مع الضرورات (وهل أضرّ ضرورات ممّا يمور به السودان حالياً من ضيق وحريق وانهيار و.. و... إلخ,,,) قد تُباح المحظورات.
أرجو أن أكون قد أوصلتُك فكرتي، وكم أوَدُّ أن تاخد جلسة تأملية مع نفسك لإعادة النظر في بثّ مساهماتك الحوارية بطريقةٍ أمثل، وأقرب بل وأجود ممّا كنتَ تفعل، بشرط! ألا تطوِّل الغِيْبَة..
أمنياتي الطيبة لك بكل خير ..
من أخيك/ محمد أحمد أبوجـــودة
03-18-2019, 06:56 AM
مدثر صديق مدثر صديق
تاريخ التسجيل: 04-30-2010
مجموع المشاركات: 3896
محمد ابوجودة..حبابك يا صديقي كتر خيرك على المرور.. قد علم يا صاحب..
الموضوع ونسة ساكت..
هذه الدويلات يغرها المال والثروة..ولا نحسدها ..ولها ان تستمع بثروتها كما شاءت ان شاء الله تبعزقها في سباق جداد..لكن مسألة السيطرة والهيمنة..فلن يحدث في السودان وغير مرغوب في حدوثه.. الهجرة السودانية الممتدة لعشرات السنين ، والأيادي العاملة السودانية التي ساهمت في بناء تلك الدويلات..هذا ثمن معتبر لمن يقدر المسئولية..ويجب الأ يكون مكان ابتزاز..! حينما يغرق المعبد يا صاحب.. فلماذا يطلب من السوداني ان يكون طيبا للغاية..؟.. ان كانت فعلا تلك الدويلات قدمت قروض سابقة للسودان يبقى لماذا لا تترك التغيير يحدث في السودان ، على الأقل ان ترد لهم قروضهم؟.. ليست فقط التلتماية مليون دولار يا صديقي ، وانما السودان الذي اصبح مسهوك في الواجهة والمشهد الدولي..والعالم اليوم ليس بريئا يا صديقي: لأن حرصهم على استمرار نظام الجبهة الإسلامية في السودان مدفوع الثمن من قبل تلك الجبهة التي اختطفت السودان..فالى متى يستمر هذا الحال..؟
كتر خيرك يا صاحب..
كبر
03-20-2019, 03:28 AM
Kabar Kabar
تاريخ التسجيل: 11-26-2002
مجموع المشاركات: 18537
المعلومة كانت موجودة وظهرت ايام حرب الخليج الأولى ، ومعروفة في السودان ، والإخوة البعثيين كان يرددونها غيرهم من القوى السياسية السودانية..والواقع (لاحقا) صدقها وجعلها اكثر مصداقية.. فانفصال الجنوب (المسكوت عنه حتى اللحظة) لم يكن صدفة ولا حماقة سودانيين غشماء وانما كانت هناك ايادي خفية كانت تدس الخناجر المسمومة..ولتأكيد هذا..الأكراد قبل سنتين تقريبا حاولوا الإستقلال والإنفصال من العراق..واظنك تذكر كيف كان موقف دول الإقليم..فلماذا الحرص على وحدة العراق وليس الحرص على وحدة السودان؟.. بالمناسبة سناريو تقسيم السودان للمرة الثانية والثالثة اصبح قريب للغاية..ولو مكضبني عليك الله تشكيل الحكومة الجديدة دي ذهنية زول او ناس دايرة تحل المشاكل؟..تشكيل الحكومة هو استفزاز للشعب السوداني ، لأن الحكومة كانت منتظرة ان الحراك يكون عنيف ودموي من قبل الشباب عشان يقصر ليها المشوار..ولكن السلمية التي طغت على طابع الحراك جاءت بالخطوة الإستفزازية التالية وهي تشكيل الحكومة..واستمرار الفساد عبر صفقة البصات التي دخلت البلد مؤخرا..وارسال رئيس الوزراء الى قطر..! نعم هناك قوى دولية واقليمية دوما تتدخل في الشأن السوداني (يعني لدرجة الإحتلال)..ودوما السؤال لماذا السودان؟..
كتر خيرك
كبر
03-20-2019, 06:05 AM
محمد أبوجودة محمد أبوجودة
تاريخ التسجيل: 08-10-2004
مجموع المشاركات: 5265
فكرتك في البوست طرقت بشدة على "فكرةٍ تلازمني حِلّا وترحالا بل فراغاً وانشغالا، هذه الأيام المباركات (أيام) الثورة السودانية التي تزدد حصافة وفراسة كل صباح جديد، والنظام الجائر آل-باير، يضخّ في أشرعة إبحارها مــَــدّاً وَ جزرا..! سيّان حالة كونه "غافلاً" كما هو معهود في ربائبه وأحزابه اللُّقّاط، أم كان متغافلا. لكن عنوانك للبوست " ما وَقَــع لي بتــّاً بتــّا "، ولا يعني ذلك أني أُخَطــّيؤك فيه، بقدرما جال بنظري أن "ثيمة" العنوان لابد وستجبرك على الخوض في مايتعارض وإجلاء الفكرة على الناس.
تقول:-
( ..... هذه الدويلات يغرها المال والثروة..ولا نحسدها ..ولها ان تستمع بثروتها كما شاءت ان شاء الله تبعزقها في سباق جداد.. لكن مسألة السيطرة والهيمنة.. فلن يحدث في السودان وغير مرغوب في حدوثه.. الهجرة السودانية الممتدة لعشرات السنين ، والأيادي العاملة السودانية التي ساهمت في بناء تلك الدويلات..هذا ثمن معتبر لمن يقدر المسئولية..ويجب الأ يكون مكان ابتزاز..! حينما يغرق المعبد يا صاحب.. فلماذا يطلب من السوداني ان يكون طيبا للغاية..؟..)
دا كلام صحيح في عمومه، وإن كان من تساؤل: هل تعني أن ما يحدث من هيمنة في/على السودان سببه "أموال" العرب؟ .. وهل العرب المعنيين تخلو دولهم من الهيمنة "الغربية الآوروأمريكية" عليهم..؟! أراك تقول محقّاً أن لهذه أن تستمتع بثرواتها كما شاءت إلخ,,,, (كاب) الجِداد، وهذه جُزئية لن تصحّ منطقياً إذا ما أخدناها مع "توقّعك!" من هذه الدول أن تقدّر المسؤولية (أي تحمُد) الهجرة السودانية الممتدة لعشرات السنين للأيدي العاملة السودانية مساهمةً في بناء تلك الدول ..! وكلامي: إذا أنت شايف أنهم ما قدّروا (هو العمل من وين بشتروه؟) فكيف تنسى سباقات ال(كاب) من ديوك، هُجَن، حصين، وقُرى ثلج، وأكبر أكبر بناية ناطحة سحاب .. ولا خلاص لنا، إن أردنا أن نعرف من أيّ الطُّرق تخيّم علينا الهيمنة، لأجبنا مُحِقّين: من إندنا برانا ..! (وكما قيل: برانا وُ بنعرف مستوانا يا ناس) بــِ حركتنا السياسية، الثقافية، الإعلامية، الاقتصادية والعلاقاتية العامة إلخ,,, في الحاصل؛ وحينئذٍ فالرّكّ على "تعديل" مؤشّر المستوى الحاصل دا .. ولا إمكانية تعديل لهذا المؤشر مالم تنتصر الثورة السودانية، ويسقط نظام الجوع والضلال والاضمحلال دا، وليس يسقط بس وُ فقط!! بل يقوم مقامه "نظام سياسي" عدول غير غموط، وتعرف يا صديقي، فالهيمنة "خشوم بيوت".
وتقول، عزيزي كبر:-
(....إن كانت فعلا تلك الدويلات قدمت قروض سابقة للسودان يبقى لماذا لا تترك التغيير يحدث في السودان، على الأقل ان ترد لهم قروضهم؟.. ليست فقط التلتماية مليون دولار يا صديقي ، وانما السودان الذي اصبح مسهوك في الواجهة والمشهد الدولي..والعالم اليوم ليس بريئا يا صديقي: لأن حرصهم على استمرار نظام الجبهة الإسلامية في السودان مدفوع الثمن من قبل تلك الجبهة التي اختطفت السودان..فالى متى يستمر هذا الحال..؟).
وهذا ايضاً حديث معقول، وتجدني غير ناكرٍ لوجود تدخــّــلات من أنظمة تلك الدول في شؤون السودان تحت هذا النظام (ال للي هو سبب الأذى ... وييين؟ ساهرتِ .. آخر جزا) .. يعني نظامك السياسي مكرّب، ما حَــدِّش هايقولّك تِلت التلاتة كم؟ وبمفهوم المقابَلة: نظامك زي نظامنا الجاري (لاهو داري ولا قارئ!) دا، فحتماً سيتدخّل لأجل الهيمنة عليك ال يسوى وال مايسواش ياعم! وإذن نرجع لكلام الأمثال: ما حَــكّ جلدك مثل ظفرك، فتولّ أنتَ جميع أمرك ..
من تعقيبك على الأخ مدثر، حول ما نُسب للراحل صدّام بأن بعض الدول العربية قد عملت على تأخير أن يصبح السودان نفطياً، ومع عدم تصديقي للأمر، وفي نفس الآن الذي لا أستبعد حدوثه من ذات الدولة المعادية لصدّام، أو دول كانت "تُعاديه" بشدّة وَ لِــضــة كأمريكا مثلاً..! فإني أذكر تلك الحكاية التي غطّت حكاويها مجالس ونساتنا منتصف ثمانينات القرن الماضي، والتي تقول: إن مطار بورتسودان قد بنته لنا تلك الدولة الشقيقة، واتضح لبعض نافذينا السياسيين بأن شركات البناء من تلك الدولة، قد ردمتْ كميّات أسمنت وبالضبط!!! في فوهة حقل بترولي (كانَ!) سيُغرِّق بورتسودان لاعند سنكات وطوكر
بالطبع، لا أعتقد أن تلك الحكايا تنطلق مئة بالمئة من خانة التفكير الرغبوي Wishful thinking ولكنني مع ذلك لا أستبعد، شُفتا كيف؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
ترهاقا
محمد أبوجودة
مدثر صديق
فيس بوك
تويتر
انستقرام
يوتيوب
بنتيريست