|
|
|
 Re: الولد المسيرى (Re: mohmmed said ahmed)
|
احاول اكتساب معرفة بلهجة المسيرية التى يتحدث بها
توقفت امام كلمة بتن التى يكثر استخدامها
وسالت عنها وكانت الاجابة
انها تعنى تانى
من المتابعة يستخدمها بمعنى تانى وتاتى بمعنى اخر فى سياقات مختلفة
مرات بتفلت منو كلمات
زى
ود المرا
ود حاجة هدية
################################
قوش الاعور
ما مشكلة تعدى
| |
  
|
|
|
|
|
|
|
|
Re: الولد المسيرى (Re: mohmmed said ahmed)
|
نعم والله يا استاذ محمد
يستحق لقب استاذ
فاهم و مدرك
اسلوب سلس
كلام مرتب برضو
حبينا ا فيه المسيرية و كلامهم
.............. كسرة ود و محبة .بريمة سلام ..
هذا هو جمال السودان بتنوعه و لكنات مناطقه
اللهم اجمعنا اخوة احبة ف وطن واحد
..مودتى و تقديرى
| |
|
|
|
|
|
|
|
|
|
Re: الولد المسيرى (Re: محمد الأمين موسى)
|
وال ابا محمد سيد
سلام سيد البوست شكرا ليك احتفالك بى ابناء الوطن الغيورين و التحية لى اولادنا المسبرية الشرفاء اين ما كانوا.
طوى ولض أمى عيسى .. و ولض ابو جبورى .. عيال مسيرية .. رجال كو ما فوكا كلام ..نحن فى الجبال نعرسوا منهم كى .. ويعرسوا مننا ..و نداوسوا رجال .. نحبهم فى الله .. وقت الحارة بينعصوا علينا .. قاعدين معانا فى بطن الجبال والمدينة .. تحية لى اولاد شحتو مننا وفينا
| |
|
|
|
|
|
|
|
|
|
Re: الولد المسيرى (Re: أيمن نواى على)
|
سلام د محمد
اللهجة واحدة عند الجبورى وعيسى
بس ما فى مقارنة عيسى يتمتع بوعى كبير
سلام نواى
كل القبائل فى السودان تتعايش بكل محبة وسلام لعن الله من حاولوا الفتنة
| |
|
|
|
|
|
|
|
|
|
Re: الولد المسيرى (Re: mohmmed said ahmed)
|
عيسى يدرك جيدا خطورة ما يقوم به مما يضعه فى مكان الاستهداف من الامن ولكنه شجاع وباسل
الشاب عيسى متعلم ويعمل طبيب
ولكنه اختار هذه اللهجة الشعبية الجميلة للتواصل
يفتخر بلهجته ويبرز جماليتها ويعكس التنوع الثقافى السودانى المبدع
رتق النسيج الاجتماعى العبارة التى استهلكت
يمارسها فعلا وقولا بكل بساطة دون ادعاء
| |
|
|
|
|
|
|
|
|
|
Re: الولد المسيرى (Re: mohmmed said ahmed)
|
ول ابا محمد سيد احمد..حبابك يا صديقي
وعلى قول اهلك المسيرية: لينا طـُولة يا حبيب..!
ليس اولاد المسيرية فقط ، وانما هناك تيار عريض من شباب وشابات من غير المسيرية يحسون نفس الإحساس ولديهم مساهمات ايجابية كثيرة..!
كتر خيرك..والتحية عبرك لأخونا ول ابا دكتور عيسى محمد حميدان..والتحية موصولة للأصدقاء هنا..
عيال ابا..محمد بدر الدين ، محمد موسى ، ايمن نواي ، و(الشغيغ) عبد العظيم..!
يعني يا شباب : انتو زمان ما كنتوا بتحبوا المسيرية ولاشنو؟..
Just kidding
فعلا يا محمد موسى هناك تشابه كبير بين الجبوري وعيسى حميدان..
والفرق يا حبيبنا محمد سيد احمد ليس فقط في الوعي و التركيز والتعليم ..وانما كليها يقدم تيار مختلف عن الآخر: الجبوري ود حبوبات وشياب..يعني بيركز على الحكمة اكتر..وحميدان..شاب بيمثل عنفوان الشباب زي الترتيب..الجبوري زول مدارجة (ناس دراج العاطلة) والإرث ألأسرى التاريخي طاغي عليهو (عندنا يا محمد سيد احمد عيال النظار دوما الواحد لمن يجي يتحدث بيعاين يمين وشمال..فقط تجنبا لما يحدث اللوم)..اما حبيبنا دكتور عيسى (بسبب عامل السن/شباب شوية) ديل شباب اتجاوزوا الحواجز القديمة ..وشغالين بانو النصيحة يجب ان تقال من غير غتتة وكده..عشان كده قاعد يشوت ضفاري زي الترتيب..وهو نهج جميل وحميد..!
حبيبنا الشاب ول ابا عيسى محمد حميدان ، له مساهمات اخرى مهمة للغاية..فلقد ساهم على نشر تراث المسيرية (مثله ومثل شباب كثر اخرين واخريات) واستفادوا من التلفونات الذكية واليوتوب ، مثلهم مثل شباب كثر من مختلف بقاع امسودان..وبالتالي شكلوا تيار اعلامي مواز للتيار الرسمي في السودان ونجحوا في توصيل رسائلهم للسودانيين والسودانيات ، والعالم اجمع..!
تحفظاتكم على بعض هنات الأداء سوف تصل اليه ، ونرجو ان ينتبه لها ويعمل عليها من اجل تطوير تجربته..اما السلامة..فشكرا يا محمد سيد احمد..ما في عوجة تب..!
بخصوص اللهجة بتاعة المسيرية..مافي مشكلة تب يا محمد سيد احمد..وأي عبارة أو مفردة تستشكل ممكن نساعد في الشرح..ومؤكد اخرين كثر سوف يقومون بذلك..!
اخونا عبد العظيم..شكرا على الفيديو (فيهو كلام خطير للغاية..ولو النخبة استخدمت نفس التصالح الوجداني الذي حدث ايام هذه الثورة النبيلة..اكيد ح تستفيد من معلومات كتيرة حول تصحيح الفهم تجاه بعضنا البعض كمكونات سودانية)..فقط العتب يا عبد العظيم على ذكر حكاية (مسيري مدريدي) دي ح تجيب لينا هوا كبير يا عبد العظيم..يعني ببساطة لو شب فينا بشاشا (طبعا واحد من اوائل الناس الجابت فيديوهات الشاب عيسى حميدان)..ح يعمل لينا غاغة كبيرة..!
كتر خيركم يا شباب..وهناك وعي سوداني في طريق التشكل بصورة مهمة للغاية..فالثورة ليست بالضرورة ان يكون انتصارها النهائي اسقاط نظام الجبهة الإسلامية ، ولكن يكفي انها اعادت الأمل لجموع كثيرة كاد ان يجعلها اليأس ان تفقد الأمل في انسان امسودان..!
كبر
| |
|
|
|
|
|
|
|
|
|
Re: الولد المسيرى (Re: Kabar)
|
ول ابا
كبر سلام
كيف ما بنحب المسيرية بس الشاب دا خلانا نحب بفهم
عيسى بعبر عن افكار كبيرة وعظيمة جدا وعميقة جدا باسلوب بسيط ومباشر
بحتاج ليك فى شرح بعض المفردات
وانا هسا بقيت استخدم بتن
وتعيس فى كلامى
الولد بيثقف فينا
| |
|
|
|
|
|
|
|
|
|
Re: الولد المسيرى (Re: Hassan Farah)
|
الله يجازى محنك يا عيسى
قال البيحصل بين الجيش والامن من مشاكل دى مشاكل اسرية
والمشاكل الاسرية كان ما نادو الاجاويد ما فى زول بيتدخل
يا كبر دايرين شرح\قال احمد هارون القلولى...القلولى دى شنو
شاى باتيل دايرا شرح
اتكامجنا معاهم كوماج ...اظن معناها اتشتبكنا
الشىء العجيب منع المواتر فى كردفان دا بس حكم قرقوش
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
mohmmed said ahmed
محمد بدرالدين
محمد الأمين موسى
أيمن نواى على
عبدالعظيم عثمان
Kabar
Hassan Farah
فيس بوك
تويتر
انستقرام
يوتيوب
بنتيريست