من عجايب السودان: 👈 البارح في مظاهره كان أحد منسوبى سلاح المدرعات يقف امام باب منزله يتفرج فى ما يجرى فجاء عدد من بنات الحي سلمن عليه وهو واقف امام باب منزله و فى هذه الأثناء أتت تاتشر مارة بسرعة كبيره ثم وقفت بالقرب منهم فطلب من البنات وهو يعرفهن و يعرفنه الدخول للمنزل.... فقفذ من بالتاتشر من افراد الامن يريدون الدخول للمنزل من دون حتى الكلام معه فتصدى لهم ومنعهم وقال لهم لا شئ يستحق دخولهم و من يوجد بالمنزل هم افراد اسرته و بنات جيرانهم و كلهم عنصر نسوى !! و لكنهم أصروا على الدخول وأصر هو على منعهم لينقلب الامر الى شد و جذب و عراك بالأيدى و لأن الكثرة تغلب الشجاعة تمكنوا منه ورفعوه في التاتشر وغادروا..... اتصلت الاسرة بإبن الرجل واخبروه بما حدث مع والده و هو خارج المنزل فيذهب الابن يقوم بابلاغ إستخبارات المدرعات و شرطتها العسكرية بالقرب من مكان الحدث لتتحرك معه ثلاثة تاتشرات تتبع لسلاح المدرعات و تحيط بتاتشرات الأمن والتى ما زالت مرتكزه بمواقعها بالميدان داخل الحي و ينزل افرادها مدججين بكامل عدتهم و عدادهم و يقومون بإطلاق سراح كل المعتقلين بما فيهم زميلهم و من ثم اخذه الى منزله وسط زهول افراد الأمن و تصفيق و تكبير اهل الحي و صفارات الإستهزاء والإستهجان منهم !! 📌 تقول لي الأمن يتوعد مخربي الإقتصاد الوطني بالحسم.... . . 📰 من عجايب السودان : 👈 ستقوم اللجنة العليا لتكريم ايلا بولاية الجزيرة بتكريمه في احتفال مقرر له يوم السبت القادم حيث سيهدى له سيارة برادو 2017 ومنزل جاهز بقيمة تفوق ال25 مليار وسيحيي الحفل الفنان حسين الصادق وعدد آخر من الفنانين... علما بأن هذا التكريم الملياري سيتم بالرغم من ان معلمي ولاية الجزيرة لم يستلموا رواتبهم لشهر فبراير ومارس كذلك موظفي وزارة الصحة لم يستلموا رواتبهم عن شهر مارس عدا موظفي الرئآسة 📌 وبرضو يجيك واحد يقول لك التعليم تدهور.... . . 📰 خبر لم يرد في صحف اليوم : 👈 جريدة العربي الجديد: ابن عوف وقوش حملا تأكيدات لمصر بعدم ترشّح البشير مرة أخرى للانتخابات الرئاسية 📌 هسع دي محتاجه لي فريقين ؟ . . 📰 خبر لم يرد في صحف اليوم : 👈 موقع عربي: تطمينات لمحور السعودية مصر الامارات بعدم سيطرة الاسلام السياسي على السلطة في السودانية والان السيطرة للمؤسسة العسكرية 📌 هو اصلا بعد تسقط بس ما حايكون في اسلام سياسي ، في مسلم سياسي لكن سياسي اسلامي دي انتهت خلاص . . 📰 الوطن: 👈 الأمن يتوعد مخربي الإقتصاد الوطني بالحسم 📌 حا يقعد يتوعد كدا كتير يعني ؟ . 📰 الوطن: 👈 ادانات دولية للهجوم الإرهابي على "مسجدي نيوزيلندا" 📌 والله نحن ندين هذا الهجوم الارهاب كما ندين أيضا الهجوم على مساجدنا واستباحة منازلنا وجامعاتنا وملاجئ نازحينا وجميع انواع الارهاب الموجه نحو شعبنا . 📰 الوطن: 👈 القمسيون يحذر من تزوير لـ "كرت الحمى الصفراء" 📌 دا باب رزق لاصحاب الذمم الفاسدة . 📰 الوطن: 👈 "اليونيدو" تجري مسحاً شاملاً لتحديد احتياجات السودان الصناعية 📌 مسح لي شنو بي اكتبوا السودان محتاج لاي حاجه . 📰 الوطن: 👈 السودان يدين الهجمات الإرهابية على "مسجدي نيوزيلندا" 📌 طول عمرو السودان يدين مافي الخارج و(يصهين) عما يجري في الداخل . 📰 الانتباهة: 👈 وزير الإعلام لـ”الانتباهة”: اليسار يرفض الحوار 📌 الحوار مع منو ؟ انتو قايلين الناس عندهم قنابير . 📰 الانتباهة: 👈 العطش يهدد”53″ قرية بالدندر والرهد 📌 طولوا بالكم بس الريس يخلص من موية بورتسودان ويفضى ليكم . 📰 الانتباهة: 👈 ”منقبة” تمتحن بدلاً عن شقيقتها 📌 ماشاءالله البنات المنقبات يغشن وأبواتهن يلهطوا . 📰 الانتباهة: 👈 ضبط كروت حمى صفراء مزورة 📌 عادي زيها وزي شهادات بعض المسؤولين . 📰 الانتباهة: 👈 توقعات باستقالة الكتلة البرلمانية للاتحادي”الأصل” 📌 اصلا كانوا تأثيرها شنو يعني ؟ . 📰 اليوم التالي: 👈 الطيب مختار: محاصرة الفساد لا تتم بإعلان حالة الطوارئ 📌 يازول فساد شنو الطواري تجري وراء الوليدات من بيت لي بيت . 📰 اليوم التالي: 👈 برلماني يكشف ملابسات معسكر”أردمتا” في غرب دارفور 📌 ملابسات شنو يعني حايكون جاها ارهابي من استراليا زي بتاع ماليزيا . 📰 اليوم التالي: 👈 جابر: الحكومة الجديدة بعيدة عن المحاصصة وترتكز على مبدأ المهام 📌 المهام غاني ؟ . 📰 آخر لحظة: 👈 الإفراج عن مواطن قضى عامين بالسجن دون محاكمة 📌 اها زي دا يكون قالوا له آسفين والا كيف ؟ . 📰 آخر لحظة: 👈 وزير الصحة لـ”آخر لحظة”: تكليفي جاء في وقتٍ حرج 📌 التكليف ما في شي جابرك عليهو كان ما عجبك اعتذر زي رفاقتك ديل . 📰 آخر لحظة: 👈 الكشف عن تجاوزات مالية كبيرة بكسلا 📌 وانت قايل الوالي كرموهو عشان عيونه زرقاء ؟ . 📰 آخر لحظة: 👈 اعتذار الحواتي عن التكليف الوزاري 📌 مبروك ، عرفها الشديد . 📰 آخر لحظة: 👈 السدود تعلن انتهاء أزمة مياه القضارف 📌 عقبال بورتسودان والدندر والرهد وام درمان . 📰 الصيحة: 👈 اعتذار”عمر بشير” عن الخارجية وتضارب حول موقف”الحواتي” 📌 يكون خايف اوكامبو يلخبط بينه وبين التاني . 📰 الصيحة: 👈 “كمال عمر” يعتزم اعتزال العمل السياسي 📌 والله أحسن له اصلا ما قضى فيه غرض غير النبيح . 📰 الصيحة: 👈 حماية المستهلك: الوضع المعيشي أصبح خطيرًا للمستهلكين 📌 كدي دا نحن عارفينو ورونا الدقيق المصري حصل فيه شنو ؟ . 📰 الرأي العام: 👈 المالية تدرس السماح للمطاحن بشراء القمح 📌 والحشاش يملأ شبكتو . 📰 الرأي العام: 👈 البشير يفتتح مدينة الخرطوم الاجتماعية الأثنين 📌 طوووول ما رقص . 📰 الرأي العام: 👈 بدء تصحيح الشهادة السودانية مطلع أبريل 📌 بالتوفيق لابنائنا وبناتنا . 📰 المجهر السياسي: 👈 “أحمد بلال”: المؤتمر الوطني يمن علينا بالمناصب وشراكتنا خصمت منا 📌 خصمت بس ؟ دي مسحت بكم الارض . 📰 المجهر السياسي: 👈 مصرع وإصابة”13″ طالب شهادة سودانية في حادث مروري في بورتسودان 📌 لا حول ولا قوة الا بالله ربنا يرحم من توفى ويشفى الجرحى . 📰 المجهر السياسي: 👈 أزمة مرتبات في جامعة أم درمان الأهلية 📌 انتظروا رب رب رب تشتغل . 📰 المجهر السياسي: 👈 علي الحاج يدعو قيادات الأحزاب للتفكير في المستقبل 📌 ديل مساكين اتعودوا يفكر لهم الوطني تاني صعب عليهم يفكروا براهم . 📰 السوداني: 👈 “السوداني” تكشف حقيقة اعتذار وزراء عن المشاركة في الحكومة 📌 حقيقتهم عاقلين بس . 📰 السوداني: 👈 “الأمن” يدون بلاغات ضد”ناشط إسفيري”.. 📌 يكون فاكرنوا من القطط السمان ؟ . 📰 السوداني: 👈 توقيف شخص بحوزته عملات أجنبية بمطار الخرطوم 📌 دا هين ورونا ولد هناي القبضوهو في المطار معاهو مليارات سويتوا له شنو ؟ . 📰 السوداني: 👈 لجنة عليا لتوفير احتياجات العام الدراسي الجديد بالخرطوم 📌 يلا عاد الصين وفيتنام والكوميشنات جاكم بلاء . . 📌ابووضاح📌 .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست