خال الشهيد محجوب طالب طب الرازي (عبد المطلب الننقة) يكتب رسالة لسيدنا حمزة بن عبد المطلب يوصيه فيها

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-03-2019, 04:36 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
14-03-2019, 10:38 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 21729

للتواصل معنا

FaceBook
تويتر Twitter
YouTube


خال الشهيد محجوب طالب طب الرازي (عبد المطلب الننقة) يكتب رسالة لسيدنا حمزة بن عبد المطلب يوصيه فيها

    10:38 AM March, 14 2019

    سودانيز اون لاين
    زهير عثمان حمد-السودان الخرطوم
    مكتبتى
    رابط مختصر



    خال الشهيد محجوب طالب طب الرازي (عبد المطلب الننقة) يكتب رسالة لسيدنا حمزة بن عبد المطلب يوصيه فيها على ابن اخته (يعني تبقي ولي أمرو) ويعصر ويشد حيلو ليتخرج مع دفعته سنة 2022 فالى متن المقال الوصية.


    بسم الله الرحمن الرحيم

    جنة الفردوس الأعلي/قسم الشهداء
    سيدي/حمزة بن عبد المطلب (سيد الشهداء)
    السلام علي إبن أخيك سيدي محمد وعليكم جميعا آل البيت وصحابته الكرام وزوجاته أمهاتنا جميعا ..
    أما بعد
    طبعا إنت ياسيدي حمزة مابتعرفني انا عبد المطلب من السودان سموني علي ابوك(الله يرحمو). ومابتعرف مناسبة الجواب دة شنو بإختصار أنا عندي ود أختي جاكم شهيد يوم الخميس 24.1.2019 .اسمو محجوب التاج محجوب( ولد وداد اختي) داير أوصيك تبقي عشرة عليهو وتبقي دليلو (يعني تبقي ولي أمرو) .. والله والله أنا لا شايل هم أكلو ولا شرابو ولا لبسو . عندنا خبركم لابسين حرير والدايرنو من الأكل والشراب يجيكم هوا .. ماشاء الله وعيني باردي عليكم .. عليك الله تمشي تشوفو وتخليهو قريب منك .

    أنا مع الجواب دة برسلك صورتو .. وليد أخدراني (سمين ومبغبغ) .. وشيهو طفولي وفيهو فرح كتير في دواخلو .. وزي ما قال ((الطيب صالح) وكتين ود عمتو مات .. قال :(كان به فرح داخلي كأنه كان يتكتم نبا سارا) .. شايف ياسيدي حمزة محجوب المعاك دة وكتين كان معانا في الدنيا كنا نشوفو فرحان طوالي .. وطبعا نحن المطرطشين ما عارفين زولنا فرحان فوق كم ؟؟ أتاريهو قاعدلو فوق راي.. المهم زي ماوريتك تخليهو تحت عينك

    سيدي حمزة

    سمعنا إنو الناس الفي النار (يكوركوا) لي ناس الجنة عشان يدوهم موية عشان يشربوا وطبعا ياسيدي حمزة أهل النار من السودانين كلهم من (الحركة الشيطانية) .. أنا خايف محجوب يشوف زول سوداني يكورك في النار يقوم يديهو موية (محجوب زول طيب) .. تكلمو مايديهم موية .. أهل السودان ياسيدي حمزة موحدين و (أهل طريق) وناس طيبين ومسالمين وما عندهم لف ولا دوران و ما بيغضبوا ربنا يعني لا (قتلة) ولا (حرامية) . عشان كدي كلهم في الجنة بإذن الله
    ونصيب السودان من النار شالوهوا ناس (الحركة الشيطانية) .. كرر علي محجوب ما يديهم موية ، ما يديهم يعني ما يديهم ، (يشربوا السم)..

    سيدي حمزة

    وكتين كنا (زافين العريس محجوب) في (مقابر الصحافة )، الناس كانوا ب الآلاف وكلهم كانوا يرددوا (لا إله إلا الله ، الشهيد حبيب الله).. وكتين الناس كانوا يرددوا (الشهيد حبيب الله). كان في المقابر في تلاتة كلاب تنبح ، أنا نهرتهم (جر) قامت الكلاب سكتت .. زمان وكتين كنا صغار كنا نسمع إنو الكلب وكتين يشوف الملايكة ينبح ، والله أنا ما كت مصدق الكلام دة .لكن شفت الكلام دة بي عيني لانو الكلاب نبحت
    والملائكة بالتأكيد كانت حاضرة في الوقت داك.

    سيدي حمزة

    أهم حاجة تخليهو يواصل قرايتو ويواصل كلية الطب .. هسع إنتهي من سنة تانية تخليهو يعصر نفسو عشان إنشاء الله يتخرج سنة(2022) مع رفاقتو .. في دكتور جاكم قبل محجوب بي كم يوم اسمو دكتور بابكر ممكن يساعد محجوب ويذاكر ليهو. إنشاء الله بعد التخرج شوفو داير يتخصص شنو ؟؟ وداد دايراهو يتخصص باطنية والتاج دايرو يتخصص إصابات ملاعب . المهم إنت شوفو داير شنو وخليهو علي راحتو .. وإذا شاورك في موضوع التخصص قولو خالك قالك إتخصص التخصص بتاع الناس (البيشرحو الجثث) عشان دايرين تقارير التشريح تكون مافيها لف ولا دوران ..

    سيدي حمزة

    طبعا في حاجة أنا ما وريتلك ليها يا سيدي حمزة .. محجوب المعاك دة كان في جامعة إسمها الرازي بتاعة (غندور) (وولد عثمان رزق) .. ودة مدير الجامعة الرسل رسايل للطلبة وقالهم إذا ما جيتو الجامعة (مابخليكم تمتحنو) .. ووكتين مشو لقو الناس الكتلو محجوب حارسنهم .. شفت الحصل ياسيدي حمزة ؟؟ وطبعا قبل نجيب جثمان الشهيد من المشرحة البنبان والتاتشرات ما تديك الدرب .. حتي كمان في تاتشر ضربتلها ولد قدام بيت البكي .. والله ياسيدي حمزة نحن البنبان شغال فينا 7 يوم ..

    سيدي حمزة

    طبعا شيخنا حاج الماحي معاكم وتكون قابلتو كتير . دايرك تقابلو وتسلم عليهو وتقولو نحن دايرك تمدحلنا تلاتة مدحات ونحن واقفين عليهن تب . قصيدة( التمساح) وقصيدة( بالفور والدلك) وقصيدة (طالبات النبي المحبوب).. طبعا قصيدة (التمساح) وقصيدة (بالفور والدلك) ياهو دا وقتهم..وقصيدة (طالبات النبي المحبوب) لانو حاج الماحي كان عندو ولدو صغير مات (اسمو المجذوب) وكان وكتين مات أصغر من محجوب لكن مابي كتير .. قام حاج الماحي عمل تعزية ومواساة لي نفسو في قصيدة طالبات النبي المحبوب . يقول فيها
    لاتكتب علي ذنوب * وتعظم أجري في المجذوب.
    دايرك تكلم محجوب تقولو أهلك كلهم يمدحو في القصيدة دي:

    طالبات النبي المحبوب*قوافل درجن يادوب
    يا المنك الرزق مكتوب* ربا حاشا ماك مربوب
    أستغفر إليك واتوب* لاتكتب علي ذنوب
    تعظم أجري في (محجوب)
    إلهي بفضلك الموهوب*سامحني القليب مخروب
    أكون بي عافيتك مصحوب*عدوي مهما قصد مغلوب
    أدوس فوق راسو بالمركوب

    معليش طولت عليك سيدي حمزة سلم علي محجوب وقولو شد حيلك وبطل النوم الكتير .. وريهو إنو التاج أبوهو رجع سلطنة عمان وقولو أمك وداد حصلت أبوك وساقت معاها (أنسام)و (أحمد).. حبوبتك نفيسه تسلم عليك .. أعمامك وعماتك وأخوالك وخالاتك كلهم يسلموا عليك .. تقولو أولاد أهلك وبنات أهلك يسلموا عليك وكمان أخواتك وأخوانك الطلبة المعاك في الجامعة كانوا معانا وما فارقونا يوم واحد (ربنا يبعد عنهم ولاد الحرام).

    شكرا سيدي حمزة ..
    سلام علي كل الشهداء وسلام خاص إلي شهداء بدر وأحد ..
    مخلصك عبد المطلب عثمان الننقة......






                  
|Articles |News |مقالات |بيانات

14-03-2019, 11:01 AM

منتصر عبد الباسط
<aمنتصر عبد الباسط
تاريخ التسجيل: 24-06-2011
مجموع المشاركات: 7821

للتواصل معنا

FaceBook
تويتر Twitter
YouTube


Re: خال الشهيد محجوب طالب طب الرازي (عبد المطل (Re: زهير عثمان حمد)

    نسأل الله أن يجعله وصحبه من شهداء
    الرفض لظلم هذا النظام من أول يوم من عمره مرورا
    بشهداء ثورات التسعينيات ثم سبتمنبر ٢٠١٣م ومعهم كل
    شهداء هذه الثورة الجارية الأن إلى يوم تتويجها بسقوط
    النظام
    قال صلى الله عليه وسلم:
    سيد الشهداء حمزة ورجل قام لحاكم ظالم فأمره ونهاه
    فقتله .أه
    سبحان الذي جعل شهداء الثورات السلمية ضد الحكام الظالمين
    من سادة الشهداء في جنة النعيم.
                  
|Articles |News |مقالات |بيانات

14-03-2019, 11:51 AM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 749

للتواصل معنا

FaceBook
تويتر Twitter
YouTube


Re: خال الشهيد محجوب طالب طب الرازي (عبد المطل (Re: منتصر عبد الباسط)


    أستغفر الله العظيم
    قطع قلبي
                  
|Articles |News |مقالات |بيانات

14-03-2019, 12:26 PM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 16153

للتواصل معنا

FaceBook
تويتر Twitter
YouTube


Re: خال الشهيد محجوب طالب طب الرازي (عبد المطل (Re: تماضر الطاهر)

    ملأ عيوني دموعا
    ألقي في روعي أن قد أستجيب له
    ----
    تذكرت شيئا مماثلا كنت قد ترجمته من الإنجليزية أهديه لك في سبيل الله وفي سبيل السودان
    ---
    لعل بعضكم أن قد يعلم أن كلبنا إيبي البالغ من العمر أربعة عشر عاما قد مات الشهر الماضي. هذا الحدث زلزل كيان أبنتي ميردث البالغة من العمر أربعة سنوات. لم يحلُ لها بعد ذلك طعام، ولا طاب لها منام فظللنا دون جدوى، نواسيها بكل سبيل ممكن لتتقبل هذا الأمر.
    بعد مرور أيام، سألتنا عما إذا كان بإمكاننا أن نكتب خطابا للرب نبلغه بوصول إيبي للسماء عسى أن يكرم جواره. كانت فرحتها عارمة حين قلت لها نعم، فأخذت من توها تملي عليّ ما تود أن تقوله للرب وكأنها كانت تفكر فيه حتى قبل أن تحل هذه الكارثة بساحتها. ..... إندلقت الصغيرة في غير ما توقف تملي عليّ ...
    عزيزي الرب
    ألتمس منكم التكرّم بالإعتناء بكلبنا إيبي والذي رحل عنا منذ أيام الى السماء. إننا نفتقده كثيرا وقد كنا سعداء، أن قد جدت به علينا رغم انه قد مرض مؤخرا. كلي أمل ان تلاعبه، فقد كان كلبنا، قبل مرضه، يحب اللعب بالكرة فضلا عن السباحة. أرفق مع هذا الخطاب صورا لكلبي العزيز تساعدكم في التعرف عليه عندما يحل ضيفا عليكم في المساء فتعلم أن هذا كلبنا المحبوب، ولك أن تعلم أننا نفتقده بشدة.
    هذا، مع حبي
    ميردث كلير
    ملحوظة: كتبت أمي هذا الكلمات بعد أن أمليتها عليها ....
    وضعنا صورتان للكلب داخل المظروف مع الخطاب وكتبنا على ظهر المظروف: الى الرب / السماء، وزيلناه بعنوان منزلنا. أكثرت ميردث من وضع طوابع البريد لأن ظنها أن صعود خطابها للسماء يتطلب طوابعا أكثر مما هو متعارف عليه. كانت مير، في كل هذه الأثناء، تحدث جلبة عظيمة، وتظهر حماسا وتدفقا في الحديث للمرء أن يعجب كيف لأبنة الأربع أن تتمتع بكل هذا!!
    لا يزال الحماس يأخذ بألبابها، وبألبابي أيضا، أصطحبتها تلك الظهيرة، الى مكتب البريد وقامت هي بنفسها بوضع المظروف داخل صندوق البريد ثم عدنا الى المنزل وعلامات الإرتياح، بلا ريب، تكسو وجه الصغيرة، وقد أعداني حالها بالفعل.
    ظلت ميردث لأيام تتسآءل عما اذا كان الرب قد تسلم خطابها أم لا، وقد بذلت وسعي لأطمئنها أن الرب قد تسلّم رسالتها، وقد كنت سعيدة أن قد شغلها ذلك، هونا ما، عن حزنها الخرافي على كلبنا العزيز.
    في يوم العيد العمال أصطحبنا الأطفال الى مدينة أوستن لزيارة متحف التاريخ الطبيعي. عند عودتنا وجدنا صندوقا صغيرا، محلىً بلون زاه، يقبع عند عتبة دارنا، فحرنا في ذلك، خاصة وأننا لم نطلب شيئا بالبريد ولا نتوقع أن يرسل لنا أحد شيئا في هذا الوقت من العام.
    قادني الفضول لأكتشف كنه هذا الزائر الغريب، فوجدت بطاقة أنيقة مكتوب عليها "الى مير"، بخط غير مألوف بالنسبة لي.
    هرعت ميرديث الى الصندوق وكأنما قلبها يحدثها بأن قد تلقت شيئا عزيزا. فضضنا محتويات الصندوق فوجدنا به خطابها الذي بعثت للرب وكتابا لعزاء من قد أفتقدوا عزيزا، ثم صور كلبنا العزيز. في قاع الصندوق وجدنا خطابا بذات الخط غير المألوف ففضته وبدأت أقرأه لإبنتي وهي لا تكاد تسمع لفرح طاغ تلبسها لم أعهده فيها منذ ولدتها. رغم ذلك فقد بدأت أقرأ في الخطاب إذ قد استهواني، أنا أيضا، الأمر كله فأخذت به ربما أكثر من أبنتي.
    عزيزتي مير ... بدأت الخطاب ثم واصلت
    أحب أن أبلغك، وأعلم أن سيسرك هذا، أن كلبك العزيز قد وصلنا بسلام. كانت للصور التي ارسلتين فائدة عظيمة اذ مكنتنا من التعرف عليه بكل سهولة، ويسرني أن أبلغك أنه لم يعد مريضا أبدا، فهو، كما تحبين أن ترينه دائما، قد عاد فتيا، وافر الصحة يعدو هنا وهناك بالمرح، أقصاه، مستمتعا بالسباحة والكرات الملونة. وأحب أن أعيد لك صوره، وكريم خطابك، لتحتفظين بهم ذكرى عزيزة، تذكرك في كل حين بأن كلبك المحبوب في حرز أمين راجيا أن يكون لك في ذلك خير تعزٍ.
    أشكرك على خطابك اللطيف وأشكر والدتك على مساعدتك في ارساله. يا لها من أم عظيمة، ولأني أعلم أنها عظيمة فقد أخترتها أما عظيمة لصغيرة عظيمة.

    المحب
    الرب



    ===
    ترجمة غير رسمية
    عبدالله عثمان
                  
|Articles |News |مقالات |بيانات

14-03-2019, 05:34 PM

Amira Hussien
<aAmira Hussien
تاريخ التسجيل: 26-11-2016
مجموع المشاركات: 511

للتواصل معنا

FaceBook
تويتر Twitter
YouTube


Re: خال الشهيد محجوب طالب طب الرازي (عبد المطل (Re: زهير عثمان حمد)

    رسالة ابكتنى كثيراً الله يرحم محجوب وكل الشهداء ويصبرنا
                  
|Articles |News |مقالات |بيانات

14-03-2019, 06:03 PM

Abdelrahim Mohmed Salih
<aAbdelrahim Mohmed Salih
تاريخ التسجيل: 13-04-2016
مجموع المشاركات: 415

للتواصل معنا

FaceBook
تويتر Twitter
YouTube


Re: خال الشهيد محجوب طالب طب الرازي (عبد المطل (Re: Amira Hussien)

    والله لو حجر يتحرك
    لاحول ولا قوة إلا بالله
    التحيه لمن قرأ ولم يكتب حرفا وإمتلا بصمت أبلغ من تعبير
    قرأت روح المقال بحضور لم احس به منذ فتره بعيده
    ربنا يصبرهم ويلطف بامه وابوه
    فقد عظيم وفداء اعظم
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de