|
|
|
 Re: هسي الناس تستمع لزعييق وهضربة ناس الضهاري (Re: توفيق عيسى مكي)
|
في ثوابت بنحاول نرسخها للناس
اول حاجة انه ربنا ما بغير فينا لو فعلا نحن ما اتغيرنا واتغيرنا دي في معناها نتغير في طريقة تفكرينا
تاني حاجة في مسألة تغير الحكم نحن البنسبب الاسباب لله ليغير حكامنا لان الحكم ده من ربنا بيعطيه من يشاء ولو نحن قدمنا برنامج فيه الخير للناس مؤكد ربنا حا يستجيب لينا
المسألة ما اماني واحلام
تالت حاجة نحن مقدمين برنامج متكامل اقتصادي من شأنه يغير من اوضاع السودان للاحسن ما خلينا جانب ما كان عندنا فيه حل وشغل كلفنا زمن طويل جدا ومجهود خرافي
ورابعا والاهم البرنامج ده صناعة شباب لكن ما الشباب النعاج المخمومين بل شباب قوي ومتنور وواعي
| |
 
|
|
|
|
|
|
|
|
Re: هسي الناس تستمع لزعييق وهضربة ناس الضهاري (Re: توفيق عيسى مكي)
|
ذادنا في رحلتنا ثورات حقيقية نجحت زي ما عمل فدل كاستروا ظل ينادي بمفاهيموا سنين طويلة جدا وكافح شديد لكن في النهاية قدر يغير ...
يكفي في بداياته تم تصفية من كان معه وفضل وحيد الله وراسو
لكن في النهاية قدر غير وببرنامج اقتصادي ما قال تسقط بس وناس الضهاري بتاعين كوبا هتفوا معاهو تسقط بس
المسألة برنامج مقنع ...
| |
|
|
|
|
|
|
|
|
|
Re: هسي الناس تستمع لزعييق وهضربة ناس الضهاري (Re: توفيق عيسى مكي)
|
السودان مشكلته انتاج واسواق خارجية ببساطة جدا ....
وعندنا برامج بتعالج الحاجتين ديل بطريقة اسهل من السهولة
السياسة والادارة المصالح الداخلية والخارجية بتظبطهم
فما تفلقونا بقصص واساليب القرن الفائت والقرن قبل الفائت في زمننا المتطور ده
الناس توعى ...
او تدينا مجال نوعيها ..
وسيبكم من العوعيي بتاع الضهب الما بيدي نتيجة ده
| |
|
|
|
|
|
|
|
|
|
Re: هسي الناس تستمع لزعييق وهضربة ناس الضهاري (Re: توفيق عيسى مكي)
|
توفيق انا ما عاوز انبزك
لانك انت ما شبه العذاب :)
عايش في السودان 57 سنه و ما قادر ترخص عربية :)
ولانك ضيعتا حداشر دقيقة من عمري عافيها ليك
انا شفتا الفيديو في الفيس بصراحة ما طلعتا بي شيء
هو مجرد كلام مرسل مافي أي معينات و لا ادلة دامغة عشان تطمن المستثمرين
على مشروعك بتاع الشفافية , كنت بتوقع منك تستغل الحداشر دقيقة دي
و تقدم بروبوسال علمي كامل عن مشروعكم الشغالين فيهو ستة سنوات
في حاجة اسمها The methodology for investigating the concept of focal points
الحاجة دي عندك عنها فكرة ؟
الشئ التاني و البسيط جداً مفروض تطرح الفكرة دي من خلال برنامج البوربوينت
و يكون عندك شرائح بتوضح حجم المشاريع في السودان
و مفروض انك عارف انو أنواع الاستثمار في كل الدنيا هي تلاتة
صناعية و زراعية و خدمية , و طبعاً الأخيرة دي ما بتفيد الدولة في شيء
لانها اضعف الاستثمارات التي تستفيد منها الدولة مجرد ضرائب و جبايات
اقوى الاستثمارات هي الصناعية و الزراعية في بلد كالسودان
مع الأخذ في الاعتبار بانو السودان لا يملك أي بنية تحتية لهذا النوع من الاستثمار
بلد بتقطع فيها الكهرباء مستحيل ينجح فيها استثمار صناعي
ممكن نعول على الزراعة باعتبار انها متعددة مصادر المياة
هناك الزراعة المطرية و الزراعة بالري الصناعي و الري بالرش و الري بالتنقيط
و البيوت المحمية , و غيرها من المصادر
مفروض انك سمعتا بالدول الصناعية السبعة
هل تعتقد و من خلال برنامجك الهلامي دا حتقدر و انت كفرد او مجموعة اشخاص
انكم توصلو السودان عشان يكون الدولة الثامنة في ظل هذا النظام ؟
ياريت تجاوب بعلمية و بي فهم واضح
المايك معاك
| |
|
|
|
|
|
|
|
|
|
Re: هسي الناس تستمع لزعييق وهضربة ناس الضهاري (Re: خضر الطيب)
|
اول حاجة يا اخونا خضر الطيب خلي روحك رياضية ما تدخل المواضيع من انطباع في بوست لحقيقة في بوست تاني ممكن اكون هناك خشن معاك وممكن هنا اقف ليك احترام ...
نجي للموضوع هنا نحن ما طرحنا ما كان هلامي بل بوعي ودراسة كل كلمة اتقالت في اول لايف لينا في فيسبوك كانت في محلها لاننا من خلال معاصرتنا لاهلنا في السودان بنعرف اللغة الممكن تصل ليهم فكرتنا البتقول عليه ده بروبوسال علمي عملناه كذا مرة في التلفزيون الرسمي والاذاعة والصحف الرسمية والقاعة الرسمية للمؤتمرات بوزارة الاعلام واتنقلت على الهواء وبالاجهزة المطلوبة معانا كانت والشرح المفيد لكن الوضع بختلف هي مجموعة رسائل في صفحتنا في الفيس درجنا بارسالها توعية للناس كل يومين تلاتة من سنين ومواظبين عليها للآن واليوم كان تغيير في اسلوب رسائلنا
بالنسبة للمعلومات عن العمل الانتاجي في السودان صناعي وخدمي وزراعي انت حصرته في تلاتة ونحن حصرناه في 25 قطاع ولينا سنين بنبشر بالتفصيل الناس تتعامل فيهم كيف زراعي البتقول عليها دي عبارة عن دنيا كاملة مخصصنها ضمن برنامجنا الطموح لكن عشان نضمن نجاحه لابد من نهضة قطاعات تانية مرتبطة بيه
نحن هنا في اول بث مباشر كتجربة مننا بنحاول نشوف جدواها ام نستمر في عرض رسائلنا بالطريقة القدرنا نصل بيها للناس وبدوا ينتظروها ويتفاعلوا معاها لكن حابين نطور من اسلوبنا في نشر هذه الرسائل الدورية كلامك عن الزراعة ده المراسلة الشغال معانا ممكن يقول افضل منه نحن مشينا بعيد جدا فيه عمليا ما كلام وشرح وبس ...
واخيرا شنو البيمنع نكون اول بلد في العالم مش الثمانية العظام زي ما بتقول في ظل اي نظام طالما كانت في يدنا ارادة التغيير في نفوسنا ونكون جادين نحقق الامثل لينا وما ناقصنا شيئ ثروات مهولة عقول جبارة موقع متميز وحاجات كتيرة ممكن تخلينا نتسيد العالم الاقتصادي بدون منافس
قلت لي ما قادر ارخص عربية كنت في الكرين سنين طويلة وامكن في اليوم ببيع وبرخص خمسة ستة عربات لكن من مكاني ما بتحرك اليوم اختلف منظوري للاشياء والافعال والانسان لو ما بدأ بي نفسه ما ممكن يقنع الناس فتركت الاساليب المؤخرانا الرشاوي والمحسوبيات والواسطات العندي في متناول يدي بالجملة لاباشر اي اجراء لي بالطريق المطروح وفق قوانيننا ونصادم ليس حبا في الصدام ولكن هي رسالة تغيير ما ممكن اقودها وفي نفس الوقت اتجاوزها عشان اريح نفسي وقعت وجهة نظري في الجذئية دي
عموما بجد سعدت بمداخلتك دي لدرجة حا ابروزها عندي في المكتب لانو انت اول واحد في المنبر ده تشجع وتعامل معانا باحترام وناقشنا بهدوء
الاغلبية بيكتفوا بالله معاكم وللامام وربنا يوفقكم على الماشي ....
| |
|
|
|
|
|
|
|
|
|
Re: هسي الناس تستمع لزعييق وهضربة ناس الضهاري (Re: توفيق عيسى مكي)
|
البهم المدعو ( توفيق عيسى مكي )
والله ان قلبك مثل لون بشرتك التي جنت عليك في ترخيص عربيتك
انت في كل موقف وكل بوست عايز تسخنه تدخل ( ناس الضهاري واهل الضهاري )
ياخ شوف ليك دربا تاني غير ما انت عليه لتجد لبوستاتك صداً ولكلماتك مذياع
زعيق يا فاجرّ! ! ! !
اهل الضهاري انبل واشرف من قبيلتك فلا تتجاوز حدودك واعرف مقامك اريح لك وافضل
ان لم يردعك بكري صاحب المنبر فأِنّا لك بالمرصاد
وسنردمك ردم السجم والرماد زاتو
البهم توفيق . . .
ان لم ترتدع عن غوغائيتك وفجورك . . . فقد طفح بنا الكيل يا بهم
بهم من بهيمة ومثلها الحمار الذي يحمل اسفارهـ
وكذلك الكلب ان تتركه يلهث وان تحمل عليه يلهث
تباً لكل افاك
| |
|
|
|
|
|
|
|
|
|
Re: هسي الناس تستمع لزعييق وهضربة ناس الضهاري (Re: Deng)
|
شبه انتهيت من الترخيص يا دينق بس الزمن ما كفى باقي لي بس استلم شهادة البحث والاستيكر ..
من غير رشوة من غير واسطة من غير استعانة بصديق ....
كده رؤيتنا ومنهجنا وكده نكون قدوة عمليا بمحاربة الفساد ...
نرجع لموضوعنا ....
| |
|
|
|
|
|
|
|
|
|
Re: هسي الناس تستمع لزعييق وهضربة ناس الضهاري (Re: Deng)
|
لكن يا دينق البلد اتملت من الوهم ديل اي واحد داير يصنع ليه اسم وتاريخ ويمسح اسياد البلد من خارطة مكانهم وانا في المجمع بلاقي كميات ناس لكن اتربينا ما نتفضل او ننتهز الفرص عشان الناس تخدمنا وبنتجنب الحاجة دي قدر الامكان الشهرة ما بنقصدها وانا حصل حكيت هنا اني في مرة كنت قاعد في معرض سيارات في شارع عبيد ختم ومجموعة من الشباب بيحكوا عني وواحد بيحكي انه حصل ليه موقف معاي وفضل يحكي فيه لمن اندهشنا انا وسيد المعرض وعادي ما عبرتهم اصلوا ناس الضهاري ديل خصوصا المستجدين النعم بيحاولوا يصنعوا ليهم تاريخ من المشاهير الزينا زي الموهوم بتاع البدلة عاجباهو داك ...
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
توفيق عيسى مكي
خضر الطيب
Deng
محمد أبوزيد
فيس بوك
تويتر
انستقرام
يوتيوب
بنتيريست