من عجايب السودان: 👈 الشهيد الاستاذ احمد الخير مر أكثر من شهر زمان على تعذيبه وقتله بتلك الصورة المتوحشة التي عرفها الجميع وحتى تاريخه نسمع عن محاكمة المتهمين في هذه القضية مع توفر كل الادلة والبراهين والشهود وحتى التقرير الطبي.... بينما بالامس تم القبض على عدد من المتظاهرين وتمت محاكمتهم في نفس اليوم (أمس) في اقل من سبعة ساعات من اعتقالهم وكانت جريمتهم هي التظاهر ولم تكن هنالك اي ادلة ضدهم غير شهادة الشاكي فقط.... 📌 بت ام زقدة يا العدالة..... . 📰 خبر لم يرد في صحف اليوم : 👈 ألغت خطوط الطيران التركية والخطوط الخليجية رحلاتها من والى السودان اعتبارا من اليوم الاول من مارس وحتى الثالث والعشرون من اكتوبر المقبل وعزت ذلك لدواع تجارية. وناشدت وكالات السفر باخطار ركابهم بذلك.... 📌 غايتو لو استمر الحال على كدا بعد شوية الزول لو اتمسح بي صابون ما يقدر يطلع من السودان.... . . 📰 الوطن: 👈 اجتماع طارئ لبحث مصير الشركة الفلبينية في الميناء 📌 ما عندها مصيرها غير ترجعوا لها قروشها . 📰 الوطن: 👈 “الأمن”: ما تداول عن لقاء قوش برئيس الموساد “فبركة” 📌 الشينة منكوره . 📰 الوطن: 👈 مصانع تشرع في التخلص من البضائع خشية الخسائر 📌 اوع يكون مصنع الزيوت الفاسدة داك منها ؟ . 📰 أخبار اليوم: 👈 امتحانات الشهادة السودانية تبدأ اليوم والشرطة تؤكد التأمين 📌 بالتوفيق ان شاءالله . 📰 أخبار اليوم: 👈 البشير يعزي الرئيسين الصومالي والمصري 📌 ان شاءالله هم بالمرة يكونوا عزوهو في قتلى المظاهرات . 📰 أخبار اليوم: 👈 الخارجية المصرية تهيب بمواطنيها المسافرين للسودان الالتزام بالضوابط الجديدة 📌 خايفين عليهم من الموت دهساً . 📰 المجهر السياسي: 👈 مياه الخرطوم: نقص وشح المياه بسبب انحسار النيل من محطة شمال بحري 📌 طيب هل سيتبعه نقص في الفاتورة والا لا ؟ . 📰 المجهر السياسي: 👈 إجراءات مرتقبة للحد من تهريب الذهب عبر الحدود 📌 الذهب اصلا قاعد يتهرب من المطار عديييل وفي واحد قاعدة تشيله طيارة من محله . 📰 المجهر السياسي: 👈 الأمة القومي: نقل صلاحيات البشير لـ”هارون” يخص المؤتمر الوطني فقط 📌 يعني بخور ساكت لا بوخة مرقة ولا بوخة هناي . 📰 المجهر السياسي: 👈 عصام البشير: اختلالات في القيم عقب الاحتجاجات الأخيرة 📌 الاختلال في القيم كان قبل الاحتجاجات والاحتجاجات جات لتعيد القيم التي فقدت . 📰 الصيحة: 👈 توقعات بحل البرلمان عقب إجازة مرسوم حالة”الطوارئ” 📌 في 60 . 📰 الانتباهة: 👈 تحقيق أجرته”الانتباهة””الجوع والتسرّب يتسبب في إغلاق”60″ مدرسة بالبطانة 📌 هكذا هو مشروع نهضة التعليم . 📰 الانتباهة: 👈 “الوطني”: عدد من قيادات الحزب مؤهلة لخلافة البشير 📌 والله زي شغل البشير دا كلكم مؤهلين ليهو . 📰 الانتباهة: 👈 برلمانيون يقاضون شركة سيارات وطنية 📌 أممممك ديل خايفين البرلمان يتحل قبل ما يستلموا سياراتهم . 📰 الانتباهة: 👈 “هيئة العلماء”: الخروج على الحاكم فتنة” 📌 امشوا شوفوا لكم ختان والا حيض دا كلام كبير عليكم . 📰 الانتباهة: 👈 سلفا يحمل درع محاربي الدينكا ويلهب الحماس ببحر الغزال 📌 خلاص نوى يولعها ؟ . 📰 اليوم التالي: 👈 وزير المالية”: البنزين المتوافر يكفي شهرًا واحدًا وسنستمر في الدعم 📌 بداية موفقة لبشارات الرخمة . 📰 آخر لحظة: 👈 إصابات وسط مواطنين في احتجاجات بالخرطوم 📌 دهس والا رصاص ؟ . 📰 آخر لحظة: 👈 برطم يطالب بمصادرة دار الوطني 📌 دي الا يكسروها ويبنوها سبع مرات احداها بالجالوص حتى تصلح للاستخدام . 📰 آخر لحظة: 👈 مرشح رئاسي سابق: البشير زعيم الأمة السودانية 📌 دا مرشح والا مُصفى ؟ . 📰 آخر لحظة: 👈 الأمن يتهم قناة الجزيرة بخدمة”الأجندة” وافتقاد المهنية 📌 أبو الزفت.... اللهم اضرب الهنايين بالبتاعين . 📰 السوداني: 👈 الخطوط الأردنية تتوقف والخليجية تنخفض رحلاتها إلى السودان 📌 ماشين كويس نحو مرحلة كل زول عند اهلو . 📰 السوداني: 👈 الشرطة تفرق احتجاجات محدودة بالخرطوم 📌 محدودة قدر شنو ؟ . 📰 السوداني: 👈 والي الجزيرة: أيلا أتى لما لم يأت به الأوائل. 📌 الأوائل اتوا بمشروع الجزيرة ايلا أتى بي شنو ؟ . . . 📌ابووضاح📌 .<<<<<<<<<<<<>>>
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست