|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
70 يوم من التظاهر زلزلت عرش الدكتاتور سقطت الحكومة سياسيا وأخلاقيا وشعبيا تحتمي بقانون الطوارئ وتحتمي بالبزات العسكرية وبالآلة القمعية هي سقطت في كل مكان تبقي فقط أن يغادر رموز الفساد والفشل وان تعود السلطة للشعب تحققت كثير من المكاسب عبر حراك سلمي منضبط وتضحيات كبيرة إرادة الشعوب لا تقهر
تسقط بس
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
يا عارف تعرف محافظة الثورة على سمليتها واحد من أهم المكاسب إلى تحققت هنا يجب الدفاع عن سلمية الثورة مهما تصاعد عنف السلطة لأنه ملعب السلمية لا يناسب السلطة ولا يناسب الأجهزة الأمنية وما تحقق من إنتصار على الأرض ما كان ليتحقق لولاء هذه السلمية يمكن أن تتحقق إنتصارات ولكن بتكلفة باهظة وبدماء كثيرة عشان كدا سلمية الثورة ترياق لعنف وصلف الأجهزة الأمنية اي إنحراف عن هذا المسار السلمى هو ما تبحث عنه السلطة وشغالة طوال ال75 يوم الفاتت تدفع الناس دفعا نحو العنف لأنها لا تعرف غير العنف
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
الموكب بكرة اطلعوا من أي حته الما بقدر يطلع يفتح باب بيته الساعة واحدة ضهر ويعبر عن رفضه للنظام ويطالب برحيل البشير ونظامه اتلموا في أي مكان وعبروا عن رفضكم للنظام ورئيسه بأي وسيلة تشوفها مناسبة تسقط بس ارفع علم ارفع لافته المهم ترفع مع الثوار سقف الإحتجاج
ابقوا كتار في أي حتة
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
الموكب بكرة مواكب زي المطر نقاط تجمع الخرطوم سوف اللفة الكلاكلة تقاطع اليحي مع شارع الهوا بري الدرايسة محطة الغالي محطة 7 الصحافة جبرة تقاطع الإسكان السلمة البقالة تقاطع شارع الشرقي مع شارع ال60
مواكب التحدي الساعة الواحدة ظهرا (السوق العربي مافيه اي موكب) تسقط بس الشارع بس
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
بكرة الموكب يا ناس بحري مواكب ما تتراجع تانى بكرة الخميس الساعة واحدة ضهر تتحرك المواكب نقاط التجمع :- 1-نقطة بحري الثانوية بنات للأحياء (الصبابي، حلة حمد ،الشعبية ،الدناقلة وكل الأحياء الواقعة غرب شارع المعونة) وجهة الموكب محلية بحري 2-نقطة تجمع شرق سعد قشرة للأحياء (المغتربين ، المزاد، الأملاك، الختمية والأحياء شرق شارع المعونة) وجهة الموكب المحطة الوسطى أو المؤسسة عبر شارع المزاد 3- نقطة تجمع الصافية مسجد حاجة النية وجهة الموكب شارع الإنقاذ 4-نقطة تجمع الحلفايا من داخل الحلفايا وجهة الموكب شارع المعونة
5-نقطة تجمع الدروشاب والسامراب يبدأ الموكب من محطة الدالي وجهة الموكب منزل الشهيد مؤيد (الطفل)
تسقط بس
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
آخر خميس في الشهر خميس المواكب 28 فبراير 2019 مواكب التحدي الساعة الواحدة ظهرا الما بقدر يطلع ويصل نقاط التجمع افتح باب بيتك وعبر عن رفضك لي نظام البشير إذا كنت في أي مكان الساعة الواحدة ظهرا اعمل اي حاجة تشوفها داعمة للثورة أهتف سير موكب الحق بأقرب موكب في طريقك الدكتاتور دا لازم يستمر في خوفه وفي خلعته تسقط بس
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
مواكب شرق النيل نقاط تجمع المواكب 1- الحاج يوسف شارع 1 الموكب من المحطة القديمة يتجه جنوبا حتى المحلية 2- الحاج يوسف الردمية الموكب من تقاطع الردميه يتجه غربا ليلتحم بموكب شارع 1 في تقاطع 1 3-الحاج يوسف شارع الكلس الموكب يتحرك من شارع الخور شرقا ويلتحم بمواكب شارع 1 والردمية في تقاطع شارع 1 4-الحاج يوسف الوحدة يتحرك الموكب من محطة 2 يتجه غربا الي المحلية 5- الجريف تقاطع الجريف شرق يتحرك الموكب من محل بامبو ومحطة 13 ويتجه نحو المحلية
مواكب ما تتراجع تانى تسقط بس
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عمر دهب)
|
هي كلمة السر يا عبد العظيم عثمان
Quote: ابقوا كتار عشان تسقط الشارع بس |
وهي القول الفصل ابقو كتار ؤ بس ...
Quote: من كل أحياء الخرطوم والولايات ومطلب واحد رحيل النظام ابقوا كتار |
Quote: ودا تحديدا موكب التحدي ابقوا كتار وامرقوا من أي حتة |
Quote: أمرقوا من أي مكان وشوف أقرب نقطة تجمع وابقى مارق |
أنا في نظري المقتبس أدناهـ أهم حاجه المطره برا هي الأهم بعد داك السيل بجي كاسح
Quote: مواكب التحدي الساعة الواحدة ظهرا (السوق العربي مافيه اي موكب) |
Quote: إذا كنت في أي مكان الساعة الواحدة ظهرا اعمل اي حاجة تشوفها داعمة للثورة أهتف سير موكب الحق بأقرب موكب في طريقك |
واراك ركزت عليها كثيراً مما يدل علي متابعتك قراءتك السليمة يا عبد العظيم ...
يا عارف ناشد مافي لجان مقاومه ولا تصفيات ولا يحزنون ما تسبط الناس إنت مندس ؤ بس ...
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: محمد حمزة الحسين)
|
الخميس عرمرم عبا قام وإتخمخم ما بدور مسجم السودان بخيرو فيهو رجال بغيروا كتر الف خيرو الجخاخ ما بفرزوا ابينوا لي وإنفرزوا والباقين يفزوا يا جنا بينوا لي في النقعة ما بتنفش الوجعة معاي وقعتوا وقعة يا جنا
الخميس عرمرم مواكب زي المطر الدكتاتور يترجف في قصره
شوف أقرب موكب واركب الساعة واحدة ضهر المعتوه دا لازم يتخارج
تسقط بس
| |
|
|
|
|
|
|
Re: آخر خميس في الشهر مواكب التحدي 28 فبراير 2019 (Re: عبدالعظيم عثمان)
|
الثورة دي حقت الناس كلهم ما حقت المهنيين ولا حقت قوي الإعلان والتغيير الشارع السوداني ينتفض ويثور الثورة دي حقتنا كلنا اي زول يشوف البيقدر عليه ويعمله اليوم الخميس الساعة الواحدة ظهرا من أي موقع انت فيه ادعم الثورة إذا شفت ناس الأمن بعتقلوا في زول أضعف الإيمان تسانده وتقوي موقفه بالتجمهر وتخليصه وتهتف معاه بسقوط النظام إذا كنت راكب عربيتك وسمعت زغرودة الثورة اضرب البوري وادعم الثورة إذا كنت في مكتبك اطلع الشارع الإنت فيه حتلقي موكب قدامك اطلع وعبر عن رفضك للنظام والبشر وللحرامىة الثورة دي حقتكم كلكم
ابقوا كتار تسقط بس
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|