خبر لم يرد في صحف اليوم : 👈 عمال الميناء رفضو أجتماع مع وفد الحكومة المتمثل في موسي محمد احمد مساعد الرئيس و ممثل جهاز الامن واعلامين... رسلو ليهم حافلات ورجعت فاضيه مما ادي الي قدوم الوفد للميناء وقابلهم العمال بالرفض التام... 📌 يارب هباهوك . 📰 عااااااجل ، مناشدة: 👈 الى الاخوة (تجمع المهنيين السودانيين) يا اخواننا عليكم الله وحلفتكم بالعزيز الغالي أخوكم الطاهر التوم كايس ليكم ويسأل منكم سؤال الضهبان عليكم الله وروهو محلكم وين ، وأووووعكم واحد يقول له تعال لنا في بري.... 📌 حني حني علي أنا يا ستي الحاصل بي سببو انتي . . 📰 الأخبار: 👈 المركزي يفك حظر تمويل السيارات والعقارات 📌 والله لو فك حصر بول السيوله لن تتوفر . 📰 الأخبار: 👈 الشعبي يكشف عن رسالة عامة ويعتذر لأسر الضحايا 📌 اعتذارك مابيفيدك والعملتو كان بايدك . 📰 الأخبار: 👈 قوش نرفض أي مبادرة تخرج عن الشرعية 📌 مبادرة شنو القصة مافيها مبادرات القصة #تسقط_بس . 📰 مصادر: 👈 إعصار سياسي... حل الحكومة وتسريح قطاعات وأمانات المؤتمر الوطني 📌 ما كفاية نحن عاوزين تسونامي . 📰 مصادر: 👈 تكليف وكلاء الوزارات بتسيير دولاب العمل الحكومي 📌 ما ينفعوا برضهم لأنه معظمهم كيزان وشافطين ومشاركين في الشفط . 📰 الإنتباهة: 👈 تغييرات مرتقبة بالرئاسة واتجاه لحل الحكومة 📌 الحل في البل . 📰 الإنتباهة: 👈 مدير المؤاني المقال يكشف لـ(الإنتباهة) تفاصيل صفقة الميناء الجنوبي 📌 أصلا أي صفقه يقوم بها هذا النظام وانت مغمض أعرف انه فيها إنَّ. . 📰 الإنتباهة: 👈 الكاروري: الدولة كادت أن تنهار جراء المظاهرات 📌 انت قاصد قربت تنهار والا قربت (تهر) يا مولانا . 📰 الإنتباهة: 👈 النفط: لم نحصل على منحة أو دعم إلا من تركيا 📌 ولا حا تحصلوا ونحن عارفين ليه وانتو عارفين . 📰 الإنتباهة: 👈 تسوية مفاجئة في قضية مياه الخرطوم الشهيرة 📌 يا بخت من نفع واستنفع . 📰 الإنتباهة: 👈 برلماني يتخوف من”انقراض شعب الخرطوم” 📌 طالما انتو برلمانه ال بي يحميه ينقرض شنو ؟ . 📰 الإنتباهة: 👈 د.غازي: هناك أزمة ثقة بين الكل ومع الكل 📌 عليك نوووووور يا حكيم . 📰 الصيحة: 👈 قوش: “أي كلام فيه خروج علي الشرعية لا مكان له” 📌 هي وينها الشرعية ؟ . 📰 الصيحة: 👈 وحدة مكافحة الفساد تسترد “100” مليون جنيه لبنك الخرطوم 📌 كيف ؟ نحن عاوزين نعرف الكيفية لأنه المليون جنيه اليوم ما تسوى بصلة بالنسبة للمليون جنيه زمن حصل الفساد . 📰 الصيحة: 👈 الخرطوم وواشنطن تبحثان استئناف التحويلات البنكية 📌 ال لول ال لول يا بنكية بسحروك يا لولا الحبشية . 📰 الصيحة: 👈 خلافات وسط تجمع المهنيين ورفض لمشاركة الأحزاب في التظاهرات 📌 الأحزاب كمواطنين مرحب لكن لا لأي ديناصور بتاع حزب . 📰 الصيحة: 👈 رئيس الوزراء يعيد جلال شلية مديرًا لهيئة الموانئ البحرية 📌 لعبة مكشوفة وحامضة ومعفنة كمان . 📰 الصيحة: 👈 علي الحاج يعتذر عن سقوط قتلى وجرحى في الأحداث الأخيرة 📌 خليها مستورة يا دكتور . 📰 الصيحة: 👈 المركزي يصدر ضوابط بشأن تمويل العقارات والسيارات 📌 ضوابط ساكت والا جزمة أقصد حزمة ضوابط . 📰 الصيحة: 👈 “اتحاد المعاشات” يطالب بصرف منحة فبراير قبل نهاية الشهر 📌 تسمع بالمعيدي خير من أن تراه . 📰 المجهر: 👈 "علي الحاج”: كتبت وصيتي قبل وفاتي وسأسلمها للرئيس بنفسي 📌 ماك ناوي تخلي لأولادك شي والا شنو ؟ . 📰 آخر لحظة : 👈 تعديلات في الحكومة وعودة طه ونافع للواجهة 📌 والله لو قامن (أمات طه) من المقابر برضو #تسقط_بس . 📰 آخر لحظة : 👈 استقالة مدير المؤاني ومعلومات جديدة في عقد التشغيل 📌 غلطان لأنه افسح لهم المجال لبيع الميناء . 📰 آخر لحظة : 👈 غازي: معالجات الحكومة للأزمة (مكمدات باردة) 📌 هسع يسمعك الريس يقوم يقول تتذكروا زمن الصاجات والكمادات . 📰 الرأي العام: 👈 د.فيصل: التغيير المنشود يتم بـ”التعليم” 📌 نحن اتعلمنا خلاص وانتو ما حا تتعلموا يبقى انتهينا و #تسقط_بس . 📰 الرأي العام: 👈 الكهرباء: ترتيبات للحد من الإطفاء الكامل للشبكة 📌 عيش يا حمار . 📰 الرأي العام: 👈 قرار بتكليف عبد الحليم أحمد أمينًا عامًا لمجلس الأحزاب 📌 ثم ماذا ؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست