على النطاق المحلى .. اشهر كدايس هى كدايس بورسودان .. تنسج حولها الاساطير و الروايات و القصص الخيالية تجارى قصة ليلة و الف ليلة .. عادة ترتبط قصص كدايس بورسودان بان سواكن هى سجن الجان المتمرد على سيدنا سليمان .. و بعضها نالها السخط اصبحت كدايس تجوب شوارع المدينة تستجدى المارة .. اما قصة توم و جيرى طبقت الافاق حازت على الشهرة العالمية على مستوى الميديا .. للكدايس صفات يندر ان يتواجد فى بقية الحيوانات
01-05-2020, 06:39 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
منذ قصة المرأة التى حبست الكديسة .. الكديسة اصبحت مطلوقة لا يمسها احد بسؤ .. تسكن الحوارى و الازقة و العمارات السوامق على كيفها تجدع فى اى مكان .. دائما تطارد الفارات لتسبت مهارتها فى الصيد و تحس بنشوة الانتصار و الزهو تتبختر فى الطرقات من تشوف الشفوت تختفى من الانظار خوفا من ان تصاب بى اذئ .
01-05-2020, 07:34 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
لكن كدايس الخرطوم .. قصتها براها تختلف عن بقية الكدايس .. التى تصلى لوحدها او تذهب الى مستشفى الولادة للوضوع .. علاقتها بالمستشفيات علاقة حميمة .. اى مستشفى مش و لا بد يتم تصوير الكدايس تاكيدا على ان هذه المستشفى يتنافس فيها الكدايس و البشر على ملكيتها .. مستشفيات الخرطوم تتكون من عدة طوابق كدايس الخرطوم ما بتقصر تسكن الشواهق و لا ترمش لها طرفة عين و هذا ما يميزها عن بقية الكدايس .. اما الكديس الاعور ذو العاهة هذا من اخطر انواع الكدايس .. كل ذو عاهة جبار ذى جون لونق سيلفر رئيس عصابة جزيرة الكنز ..
01-05-2020, 08:01 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
الكديسة جات .. يطلق أحيانا للتورية .. و القصد للمحبوبة المكسرة فى واحد من أولاد البيت .. يقلبها الشوق تشيل كراعينها تزورهم فى البيت .. على اساس انها تزور صحباتها .. تكون مضبلنة تدخل من غير حس .. تقرأ كل المعوذات و البسملة فى سرها على ان لا يكشف امرها .. و البنات يعلمن انها لم تزورهم حبا فيهم بل حبا فى المحبوب .. عندما تسمع فى البيت لفظ الكديسة جات تاكد من المعنى المراد القريب ام البعيد ..
01-05-2020, 08:31 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
لم يحدث ابدا امتلاك الكدايس مدينة بحالها .. يكون مجلس ادارتها و عمدها و مشايخها من النوع ابوكديس .. و نجارين و حدادين و سمكرجية .. انها دائما تحب الترطيب لا تعمل .. تبنى بيت تجئ تسكن .. تبنى مستشفى تجئ تسكن .. تبنى معسكر تجئ تسكن .. كل الكدايس تفتكر ان كل البشر فارات يتعبوا وهم يرتاحوا اكل و شراب من غير تدفع مليم .. سمعتوا ليكم يوم كديس مات من الجوع .
01-05-2020, 10:01 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11838
الكديس الشرير .. يقبض الفار و يتركه و يعمل رايح مشغول بشيء اخر .. يتلفت الفار يمين شمال ثم يهرب .. يضغط الكديس على زيل الفار يفحط ارجله فى الهواء .. يقرب الكديس و جهه فى وجه الفار معاها تكشيرة .. كانه يقول للفار ماشى وين .. يرتعد فراص الفأر هلعا و تنكسر عيونه اعتزارا .. الكديس مثل الطفل يكرر اللعبة مرارا و تكرارا حتى يصاب الفار بالشلل النصفى و الضغط و السكرى و السكتة القلبية فيموت فياكله الكديس .
01-05-2020, 11:54 AM
adil amin adil amin
تاريخ التسجيل: 08-01-2002
مجموع المشاركات: 37022
استاذ عادل امين دي اخطر كديسة في العالم وشهرتا وصلت ليبيا واليمن .................... اول مرة فى التاريخ اشوف لى كديسة ترضع فى الفيئران .. دى فاقت حد التصور و الجماليات السريالية و عدت المدينة الفاضلة بى قادى .. فى سلام اجمل من كدة .. كديسة الخلاء الايامات دى اخر انبساط شئ اعتزارات ( كسباوى) و قرب تعال ما تبتعد ( البوخة) .. و حركات حركات ما دايرة تفاوض الحكومة لكن دايرة تفاوض كديسة الخلاء .. الخلاء و لا الرفيق الفسل .
01-06-2020, 00:34 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
كديسة ام بعلوا .. الله لا وراكم ليها .. مافى زول شافها نسمع بيها سمع .. قالوا البيشوفها يصاب بالطرش و العمى .. كان نظرت للطيارة تخبت بيها الواطة .. الشئ دا ياهو الجن الكلكى اللابس مليكى ذاتوا .. عندوا خفسات عجيبة خلاس من الجنينة تمرقها فى بورسودان تاخد ليها سندة فى الخرطوم تجر شوية نفس .. تقول للخرطوم بجيكى صادة اقضى لى قرض فى دار مالح .. علاقة جنية الجنينة و سجن سواكن أزلية منذ القدم ضاربة فى الجزور .. اذا الجنينة تألمت تشتكى بورسودان .. الخرطوم ما كانت فى خارطة الطريق لكن فرضت نفسها .. مقرن قرن الشيطان هناك .
01-06-2020, 02:10 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
ورد فى وصف كديس الخرطوم .. فى الروايات الأدبية المتواترة .. عن الكديس الأشعري قدس الله سره .. كأن مشيتها من الطائف الى المنشية مر السحاب بلا ريث و لا عجل .. اما الكديس ابو شعر قرقدى كان له رائ مختلف يرئ من فوقها قرط من تحتها قمط شمطاء من انس شيطان بى قرونه كمان .. لم يذهب الادب السياسى بعيد عن الوصف اطلق عليهم القطط السمان خفيفة عند المغنم بطيئة فى الاقدام سريعة الاختباء .. لا تحاور و لا تسمع إلا من خلال فوهة البندقية .. الاختلاف فى وصف كديس الخرطوم محمدة له و دلالة على تعدد المواهب .
01-06-2020, 03:04 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: اول مرة فى التاريخ اشوف لى كديسة ترضع فى الفيئران .. دى فاقت حد التصور و الجماليات السريالية و عدت المدينة الفاضلة بى قادى .. فى سلام اجمل من كدة .. كديسة الخلاء الايامات دى اخر انبساط شئ اعتزارات ( كسباوى) و قرب تعال ما تبتعد ( البوخة) .. و حركات حركات ما دايرة تفاوض الحكومة لكن دايرة تفاوض كديسة الخلاء .. الخلاء و لا الرفيق الفسل .
يا نواي الفئران دي خلت السكر من زمن صلاح احمد ابراهيم قال عنهم الشاعر الراحل صلاح احمد ابراهيم عن الخرطوم عاصمة الكعوك*...
تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة وكانت الصحراء في ماضي الزمان شاعرا ذا قلم وقدرة لكنه استكان للخمول وللذبول واذل شعره فرط في خياله وما الخيال للصحرا ء الا الخضرة مثقفو الخرطوم قهوة ونومة وسهرة وسكرة تفحمني حلمك با هذا لقد اشبهتهم انت وهم في هجرة (ديوان بوق العاج منشورات دبي الثقافية )
وبقت علمانيو وسيادو وكده ووشنطون بوست وشيلوك تاجر البندقية وحمدوك... وخلونا مبارين الاصم وخالد سلك نجوم الغد وبعاعيت مايو 1969 السنهوري وساطع الحاج وصديق يوسف وعبدالناصر وصدام حسين بدل الاستاذ محمود ود جون قرنق في القرن21 والشباب التائع بي علم مايو وبابكر عوض الله
لكن المتاكد منو الكديسة دي نازلة انتخابات تحت غطاء حزب الامة المضروب من 1964 الحدو مثلث الحمدي بس وبرعاية ((الوسطية )))دين كيزان الجديد .. واعادة تدوير السودان القديم البائس عند ############ان قح ت في البورد والسودان ذهب السكرة ولم تاتي الفكرة وعن كدايس البركس ايضا قصة مدغلبات ذى اولاد الهندسة والطب وحسين خوجلي ...كما بنشوفهم فاكهة نحن ناس الضهاري في الميدان الشرقي ايام جامعة الخرطوم ام شجر ...قبل من نبصر مع اركان الجمهوريين ونتحرر من السفاهة التي اعيت من يداويها في السودان
https://top4top.io/ وهسة عاملين لينا فيها تسقط بس وتقعد بس اردمهم ردم شديد اصلو بخافو ما بجو بي عندي بي غادي
01-06-2020, 09:58 AM
ahmedona ahmedona
تاريخ التسجيل: 01-08-2013
مجموع المشاركات: 6562
Quote: ورد فى وصف كديس الخرطوم .. فى الروايات الأدبية المتواترة .. عن الكديس الأشعري قدس الله سره .. كأن مشيتها من الطائف الى المنشية مر السحاب بلا ريث و لا عجل ..
هههههه
01-06-2020, 08:50 PM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
استاذ عادل امين الفئران دي خلت السكر من زمن صلاح احمد ابراهيم قال عنهم الشاعر الراحل صلاح احمد ابراهيم عن الخرطوم ....................... الفئران الطاشمة و كدايس البركس .. قيل عن كدايس البركس متفلهمة لا تضع جعباتها على الارض دائما تبحث عن الكراسى الوثيرة تعتبر نفسها من فصيلة الجنس الارئ .. توصف ان راسها قليد تترنح فى مشيتها قيل انها تطشم سرا .. و تحب كل شئ جميل لى نفسها انانيين .. قال كديس شاعر السنتر .. حلاتك انتى يا الروعة .. حلات النجفة دى الولعة .. اقوم قومة و اقع وقعة اجيب القون من الجدعة .. عشانك انتى يا الروعة اجتمعوا العلماء و الفقها .. و قالوا تجوز النظرة للواحدة .. عشانك انتى يا الروعة يجوز تمتدة لى سبعة .. عاين جاى و عاين جاى و قفل ون ااى .. عامل فيها نظام الود عتود بكاى .. رغم كدايس البركس البكاية ..جدادهم يكاكى جوة و يبيض بره .. كما اتهمهم احد الكدايس كان زعلان منهم ....كدايس البركس اغلبها هاجرت من الاقاليم بشنط الصفيح .. رغم عن ذلك يتفاصحوا و لسانهم طويل .. بلاوى البلد دى كلها من تحت راسهم .
01-06-2020, 09:16 PM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
كديس ام جضوم .. و يسمى بكديس التكل .. سمين مربرب عيونه ذى البيلى تقول بت لعاب .. تعيش على فتافت مطابخ السياسة .. رغم ذكاءه الشديد و يدرى من اين يؤكل الكتف و الختف يمتحن الشهادة يتحصل على الماجستير إلا انه غبى و حظه النحس يطلع من حفرة يقع فى درديحة .. كديس التكل له القدرة على التكيف من حياة الغبش الى حياة الدعة و النعيم و الفنادق و القصور الفاخرة .. يعتبر من اغلى انواع الكدايس لانها مرغوبة لها اقبال كبير .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أيمن نواى على
MOHAMMED ELSHEIKH
adil amin
ahmedona
فيس بوك
تويتر
انستقرام
يوتيوب
بنتيريست